ປັບໃໝ 10 ລ້ານ ພ້ອມຮັບໂທດ 5 ປີ – ສື່ລາວ.ຄອມ
Connect with us

ຂ່າວພາຍໃນ

ປັບໃໝ 10 ລ້ານ ພ້ອມຮັບໂທດ 5 ປີ

Published

on

ທ້າວ ແສງເພັດ ຫຼື ເປ ອາຍຸ 34 ປີ ຢູ່ບ້ານໂພນສະຫວາດໃຕ້ ເມືອງສີ ໂຄດຕະບອງ ນະຄອນຫຼວງວຽງຈັນ ຖືກເຈົ້າໜ້າທີ່ຕຳຫຼວດກັກຕົວໄດ້ໃນເດືອນກັນຍາ 2019.

ມາວັນທີ 19 ພະຈິກ 2020, ໄດ້ຖືກອົງການໄອຍະການປະຊາຊົນສັ່ງຟ້ອງຂຶ້ນສານ ເພື່ອໃຫ້ສານພິຈາລະນາຕັດ ສິນ ຄະນະສານອາຍາ ສານປະຊາຊົນຂັ້ນຕົ້ນ ນະຄອນຫຼວງວຽງຈັນ ໄດ້ຕັດສິນໃຫ້ຈຳເລີຍ ຈຳຄຸກ 5 ປີ ປັບໃໝ 10.000.000 ກີບ ໃນຂໍ້ຫາການຄ້າຂາຍຢາເສບຕິດປະເພດຢາບ້າຈຳນວນ 17 ເມັດ. 

ອົງການໄອຍະການປະຊາຊົນນະ ຄອນຫຼວງວຽງຈັນ ຖະແຫຼງໄຈ້ແຍກການກະທໍາຜິດຕົວຈິງຂອງ ທ້າວ ແສງ ເພັດ ຫຼື ເປ (ຈໍາເລີຍ) ຕໍ່ຄະນະສານ ອາຍາ ສານປະຊາຊົນຂັ້ນຕົ້ນ ນະຄອນຫຼວງວຽງຈັນ ໂດຍມີເນື້ອຄະດີຕໍ່ໄປນີ້: ທ້າວ ແສງເພັດ ເສບຢາເສບຕິດປະເພດຢາບ້າມາແຕ່ປີ 1999 ເຖິງ ມື້ຖືກກັກຕົວ.

ສຳລັບຢາບ້າທີ່ຊື້ມາເສບໃນແຕ່ລະຄັ້ງ ແມ່ນຊື້ນໍາໄວລຸ້ນ (ບໍ່ຮູ້ຊື່ ແລະ ທີ່ຢູ່ ) ທີ່ຂາຍຢູ່ເຂດບ້ານຊຽງຢືນ ເມືອງ ຈັນທະບູລີ ນະຄອນຫຼວງວຽງ ຈັນ, ຊື້ຄັ້ງລະ 1-3 ເມັດ ທຸກຄັ້ງທີ່ໄດ້ຢາບ້າ ມາແລ້ວກໍເອົາມາເສບຄົນດຽວໝົດ. 

ມາຮອດເດືອນກັນຍາ 2018, ຈຳເລີຍ ໄດ້ເລີ່ມເຄື່ອນໄຫວຄ້າຂາຍຢາເສບຕິດ (ຢາບ້າທີ່ຊື້ມາຂາຍນັ້ນ) ແມ່ນຊື້ນຳ ນາງ ຕ້າ (ບໍ່ຮູ້ທີ່ຢູ່) ຊື້ຄັ້ງລະ 50 ເມັດ ແລ້ວນຳໄປຂາຍຕໍ່ໃຫ້ກັບໄວລຸ້ນທີ່ມົ້ວສຸມທົ່ວໄປ ແລະ ຊື້ມາຂາຍແລ້ວຫຼາຍຄັ້ງບໍ່ສາມາດຈື່ໄດ້.

ມາວັນທີ 18 ກັນຍາ 2019, ເວລາປະມານ 21:00 ໂມງ ຈຳເລີຍໄດ້ຂັບຂີ່ລົດຈັກ (ບໍ່ຈື່ໝາຍເລກທະບຽນ), ເຊິ່ງເປັນລົດທີ່ຢືມມາໄປຮ້ານເກມເຂດຢູ່ບ້ານສີບຸນເຮືອງ ເມືອງຈັນທະບູລີ ໃນເວລາທີ່ຈຳເລີຍກຳລັງຫຼິ້ນເກມຢູ່ນັ້ນ ຈຳເລີຍ ກໍໄດ້ຢ່າງໄປຊື້ຢາບ້ານໍາໄວລຸ້ນ (ບໍ່ຮູ້ຊື່ ແລະ ທີ່ຢູ່) ທີ່ນັ່ງຫຼິ້ນເກມຢູ່ຮ້ານດຽວກັນຈຳນວນ 25 ເມັດ.

ແຕ່ໄດ້ຢາບ້າພຽງ 17 ເມັດ, ຫຼັງຈາກໄດ້ຢາບ້າ ຈໍານວນ 17 ເມັດ. ແລ້ວຈຳເລີຍ ບໍ່ທັນໄດ້ເອົາໄປຂາຍເທື່ອ. ມາຮອດວັນທີ 19 ກັນຍາ 2019, ຈຶ່ງຖືກເຈົ້າໜ້າທີ່ຈັບຕົວພ້ອມຂອງກາງຢາບ້າ ຈໍານວນ 17 ເມັດ ມາດໍາເນີນຄະດີ. 

ຜ່ານການຄົ້ນຄວ້າບັນດາຂໍ້ມູນຫຼັກຖານ ແລະ ເອກະສານຕ່າງໆທີ່ມີ ຢູ່ໃນສໍານວນຄະດີຢ່າງລະອຽດຖີ່ຖ້ວນ, ຮອບດ້ານ ແລະ ພາວະວິໄສແລ້ວ ເຫັນວ່າມີຫຼັກຖານຮັດກຸມທີ່ໜັກແໜ້ນ ແລະ ພຽງພໍຢັ້ງຢືນວ່າການກະທໍາຂອງ ຈຳເລີຍເປັນການກະທໍາຜິດທາງອາຍາ ໃນສະຖານການຄ້າ ຂາຍຢາເສບຕິດ (ຢາບ້າ) ທີ່ແຕະຕ້ອງເຖິງເສດຖະກິດຂອງຊາດ ແລະ ເຮັດໃຫ້ສັງຄົມບໍ່ມີຄວາມສະຫງົບ ຕາມປະມວນກົດໝາຍອາຍາ.

ການ ໄຕສວນຂອງສານໃນຄັ້ງນີ້, ໂດຍໃຫ້ຈຳເລີຍຈຳຄຸກ 5 ປີ ປັບໃໝ 10.000.000 ກີບ ແມ່ນໄດ້ອີງຕາມ ກົມໝາຍທີ່ລະບຸໄວວ່າບຸກຄົນຜູ້ໃດ ຫາກຜະລິດ, ປຸງແຕ່ງ, ຄ້າຂາຍ, ຈໍາ ໜ່າຍ, ຂົນສົ່ງ ແລະ ມີໄວ້ໃນຄອບຄອງ ຫຼື ນໍາເຂົ້າ-ສົ່ງອອກ ຫຼື ນຳຢາອີ-ຢາບ້າ, ຢາໄອສ໌ (Ice) ຫຼື ວັດຖຸອອກລິດຕໍ່ຈິດປະສາດ, ຜ່ານ ສປປ ລາວ ຕໍ່າກວ່າ 100 ກຼາມ ຈະຖືກລົງໂທດ ຕັດອິດສະລະພາບແຕ່ 5-10 ປີ ແລະ ຈະຖືກປັບໃໝແຕ່ 10.000.000 -100.000.000 ກີບ. 

ນອກນີ້, ສານຍັງໃຫ້ຈຳເລີຍຮູ້ກ່ຽວ ກັບໂທດຂອງຢາເສບຕິດທີ່ກົດໝາຍເກືອດຫ້າມຄື: ບຸກຄົນຜູ້ໃດຫາກຜະ ລິດ, ປຸງແຕ່ງ, ຄ້າຂາຍ, ຈໍາໜ່າຍ, ຂົນ ສົ່ງ ແລະ ມີໄວ້ໃນຄອບຄອງ ຫຼື ນໍາເຂົ້າ, ສົ່ງອອກ ຫຼື ນຳຢາອີ, ຢາບ້າ, ຢາໄອສ໌ (Ice) ຫຼື ວັດຖຸອອກລິດຕໍ່ຈິດປະ ສາດ, ຜ່ານ ສປປ ລາວ 100-500 ກຼາມ ຈະຖືກລົງໂທດຕັດອິດສະລະພາບແຕ່ 10-15 ປີ ຈະຖືກປັບໃໝ ແຕ່ 100.000.000-500.000.000 ກີບ; ນໍ້າໜັກເກີນກວ່າ 500 ກຼາມ ຈະຖືກລົງໂທດຕັດອິດສະລະພາບຕະຫຼອດຊີວິດ ຈະຖືກປັບໃໝ 500. 000.000-1.000.000.000 ກີບ ແລະ ນໍ້າໜັກເກີນກວ່າ 3 ກິໂລກຼາມ ຈະຖືກລົງປະຫານຊີວິດ. 

ການກະທໍາຂອງຈໍາເລີຍ ເປັນ ການກະທໍາຜິດໂດຍເຈດຕະນາເນື່ອງຈາກວ່າ ຈໍາເລີຍ ຮູ້ດີວ່າການຄ້າຂາຍຢາເສບຕິດເປັນສິ່ງທີ່ຜິດກົດໝາຍ ແຕ່ເຈດຕະນາກະທໍາລົງໄປ ແລະ ຢາບ້າທີ່ເປັນຂອງກາງນັ້ນ. ຜ່ານການກວດພິສູດຂອງກົມຕໍາຫຼວດນິຕິວິທະຍາ ໄດ້ຢັ້ງຢືນວ່າບັນຈຸສານເສບຕິດອອກລິດຕໍ່ຈິດປະສາດແທພ້ອມທັງຢຶດໂທລະສັບຍີ່ຫໍ້ ໄອໂຟນ 5 ສີຂາວ ແລະ ໂທລະສັບຍີ່ຫໍ້ໂນເກຍ 3310 ສີປອນ ເງິນທີ່ເປັນຂອງຈຳເລີຍໃຊ້ໃນການສື່ສານຄ້າຂາຍຢາເສບຕິດເຂົ້າເປັນຂອງລັດ.

Continue Reading

ຂ່າວພາຍໃນ

ລັດຖະມົນຕີ ເວົ້າເດັດຂາດ ຈະເຄັ່ງຄັດ ຄວາມປອດໄພຂຶ້ນເຕື່ມ

Published

on

By

ທ່ານ ພົອ ວິໄລ ຫຼ້າຄໍາຟອງ ກໍາມະການກົມການເມືອງ ສູນກາງພັກ, ຮອງ ນາຍົກລັດຖະມົນຕີ, ລັດຖະມົນຕີກະຊວງປ້ອງກັນ ຄວາມສະຫງົບ ລົງ ເຄື່ອນໄຫວຊີ້ນໍາວຽກງານປ້ອງກັນຄວາມສະຫງົບ ຢູ່ເຂດເສດຖະກິດ ພິເສດສາມຫຼ່ຽມ-ຄໍາ ພ້ອມເນັ້ນຢໍ້າໃຫ້ພາກສ່ວນ ທີ່ກ່ຽວຂ້ອງ ໃຫ້ຄວາມ ສໍາຄັນກັບວຽກງານຄວາມສະຫງົບໃນຂົງເຂດ ດັ່ງກ່າວຫຼາຍຂຶ້ນ.

ໃນວັນທີ 28 ມັງກອນ 2023, ທ່ານ ພົອ ວິໄລ ຫຼ້າຄໍາຟອງ ກໍາມະການກົມ ການເມືອງສູນກາງພັກ, ຮອງນາຍົກລັດຖະມົນຕີ, ລັດຖະມົນຕີ ກະຊວງ ປ້ອງກັນຄວາມສະຫງົບ ພ້ອມດ້ວຍຄະນະ ເຄື່ອນໄຫວຊີ້ນໍາວຽກງານ ປ້ອງກັນຄວາມສະຫງົບ ຢູ່ເຂດເສດຖະກິດພິເສດ ເມືອງຕົ້ນເຜີ້ງ ແຂວງບໍ່ ແກ້ວ,

ໂດຍການຕ້ອນຮັບຂອງ ທ່ານ ຈ້າວເຫີວຍ ປະທານສະພາຜູ້ ບໍລິຫານເຂດເສດຖະກິດພິເສດ ສາມຫຼ່ຽນຄໍາແຂວງບໍ່ແກ້ວ, ມີບັນດາ ການນໍາພັກແຂວງ, ຫົວຫນ້າ-ຮອງຫົວຫນ້າຫ້ອງວ່າການແຂວງ, ເຈົ້າເມືອງ, ກອງບັນຊາການປ້ອງກັນຊາດ-ປ້ອງກັນຄວາມສະຫງົບ ແລະ ຄະນະພັກ, ຄະນະຄຸ້ມຄອງເຂດເສດຖະກິດພິເສດ ເຂົ້າຮ່ວມ.

ໂອກາດດັ່ງກ່າວ ທ່ານ ພົອ ວິໄລ ກໍໄດ້ມີຄໍາເຫັນໂອ້ລົມຊີ້ນໍາຕໍ່ ຄະນະ ຄຸ້ມຄອງເຂດເສດຖະກິດພິເສດ ຈົ່ງພ້ອມກັນພັດທະນາເຂດເສດຖະກິດ ພິເສດໃຫ້ກາຍເປັນຕົວເມືອງທີ່ທັນສະໄຫມ, ມີພື້ນຖານເສດຖະກິດທີ່ເຂັ້ມ ແຂງ, ສັງຄົມມີຄວາມສີວິໄລຍຸຕິທໍາ, ເປັນສູນການຄ້າ-ການລົງທຶນ,ສາມາດກາຍເປັນແຫຼ່ງທ່ອງທ່ຽວລະດັບອາຊຽນ.

ພິເສດແມ່ນໃຫ້ມີຄວາມ ສະຫງົບ, ມີຄວາມປອດໄພ, ແຕ່ສິ່ງສໍາຄັນຕ້ອງຕິດພັນກັບ ຮ່ອງຮ້ອຍ ປະຫວັດສາດ, ຮີດຄອງວັດທະທໍາອັນເກົ່າແກ່ ແລະ ສ້າງໃຫ້ເຂດດັ່ງກ່າວ ກາຍເປັນການຄຸ້ມຄອງບໍລິຫານຕາມກົນໄກ ຕາມຫົວຫນ່ວຍບໍລິຫານໃນ ເງື່ອນໄຂເສດຖະກິດ ມີການເຕີຍໃຫຍ່ຂະຫຍາຍຕົວ, ເຂດພິເສດ ຕ້ອງໄດ້ ຍົກລະດັບການຄຸ້ມຄອງໃຫ້ສູງຂຶ້ນ

ໂດຍມອບໃຫ້ສູນກາງປະສານສົມທົບ ກັບທ້ອງຖິ່ນ ພ້ອມກັນຈັດຕັ້ງປະຕິບັດ, ສ້າງເປັນຫນ່ວຍງານຫນຶ່ງຄຸ້ມຄອງ ບໍລິຫານເຂດພິເສດ ເພື່ອແກ້ໄຂສະພາບທີ່ເກີດຂຶ້ນໃຫ້ທັນເວລາ ເພື່ອໃຫ້ ກາຍເປັນເມືອງທີ່ມີຄວາມສະຫງົບ, ທັນສະໄຫມ, ເປັນບ່ອນພັກຜ່ອນ, ທີ່ມີ ຄວາມເປັນລະບຽບຮຽບຮ້ອຍ, ສະຫງົບປອດໄພ, ກາຍເປັນເຂດພິເສດທີ່ ເປັນເຂດຕົວແບບ ແລະ ຄຸ້ມຄອງໃຫ້ມີປະສິດທິຜົນທີ່ດີຂຶ້ນກວ່າເກົ່າ.

ໂດຍໃນປີ 2022 ທີ່ຜ່ານມາ ສໍາລັບວຽກງານ ປ້ອງກັນຄວາມສະຫງົບ ໃນ ເຂດເສດຖະກິດພິເສດ ສາມຫຼ່ຽມຄໍາ ໄດ້ມີປະກົດການຫຍໍ້ທໍ້ເກີດຂຶ້ນ ທັງຫມົດ 153 ເລື່ອງ, x`ແກ້ໄຂໄດ້ທັງຫມົດ 107 ເລື່ອງ, ສົ່ງໃຫ້ ປກສ ແຂວງ ດໍາເນີນ 27 ເລື່ອງ ແລະ ຄະດີພວມດໍາເນີນແກ້ໄຂມີ 19 ເລື່ອງ.

ທີ່ມາ: ວຽງຈັນທາຍ

Continue Reading

ຂ່າວພາຍໃນ

ຮູ້ແລ້ວ ຍ້ອນສາເຫດນີ້ ຍິ ງ ກັນຕ າ ຍ 2 ຄົນເມືອງປາກງື່ມ

Published

on

By

ຂໍສະແດງຄວາມເສຍໃຈນຳຍາດຜູ້ເສຍຊີວິດ ເຫດ ຍິ ງ ກັ ນທີ່ເມືອງປາກງື່ມ.

ຕາມການລາຍງານຂອງ ໜ່ວຍກູ້ໄພອາສາເພື່ອປະຊາຊົນ ໃຫ້ຮູ້ວ່າ ໃນວັນທີ 1/2/2023 ເວລາ 13:30 ນາທີ ມີຄົ ນ ຍິ ງ ກັ ນເສຍຊີວິດ

ຈຸດເກີດເຫດທີ່ບ້ານໄຮ່ ເມືອງປາກງື່ມ ນະຄອນຫຼວງວຽງຈັນ.ໃນບໍລິເວນເກີດເຫດ ມີຜູ້ປະສົບເຫດ2ຄົນເພດຊາຍ, ຜູ້ທີ່ 1 ເພດຍິງ ຖື ກ ຍິ ງ ເສຍຊີວິດຄາທີ່ ແລະ ຜູ້ທີ 2 ເພດຊາຍ ເສຍຊີວິດຢູ່ໂຮງໝໍ.

ປັດຈຸບັນເຈົ້າໜ້າທີ່ກຳລັງກວດສອບ ຖ້າມີຂໍ້ມູນເພີ່ມເຕີມຈະລາຍງານໃນພາຍຫຼັງ.

Continue Reading

ຂ່າວພາຍໃນ

ຈັດໜັກ!ສາວງາມປາຕີ້ ມົ້ວສຸຸມປູມເປົ້າ 14ຄົນ ໄປສຶກສາອົບຮົມ

Published

on

By

ຈັດໜັກໃສ່ແກ້ງໄວລຸ້ນມັກມ່ວນ! ປກສ ນະຄອນໄກສອນ ໄດ້ນຳຕົວກຸ່ມໄວໜຸ່ມປາຕີ້ ມົ້ວສຸມຢາເສບຕິດ ສູບປູມເປົ້າ ຈຳນວນ 14 ຄົນ ໄປສຶກສາອົບຮົມ

ພັທ ຄຳສີ ທູນທະວົງສັກ ຫົວໜ້າກອງບັນຊາການ ປກສ ນະຄອນໄກສອນພົມວິຫານ ໄດ້ລາຍງານໃຫ້ຮູ້ວ່າ:

ວັນທີ 16 ມັງກອນ 2023 ຜ່ານມານີ້ ເຈົ້າໜ້າທີ່ ກອງບັນຊາການ ປກສ ນະຄອນໄກສອນ

ໄດ້ນຳຕົວກຸ່ມໄວໜຸ່ມປາຕີ້ ມົ້ວສຸມຢາເສບຕິດ ສູບປູມເປົ້າ ຈຳນວນ 14 ຄົນ ໄປສຶກສາອົບຮົມ ແລະ ຕັກເຕືອນ

Continue Reading
ເດືອນກຸມພາ 2023
ເສົາ ​ອາ ​ຈ ​ພ​ຫ ​ສ
 123
45678910
11121314151617
18192021222324
25262728  

Trending

ທ່ານບໍ່ມີສິດສຳເນົາ ບົດຄວາມນີ້ໄດ້ ສົນໃຈບົດຄວາມຕິດຕໍ່ ຜູ້ດູແລລະບົບຖ້າສົນໃຈບົດຄວາມນີ້