ສືບຕໍ່ປິດດ່ານເຂົ້າ-ອອກທຸກປະເພດ ແລະ ໂຈະການອອກວີຊາ

ສຳລັບຂັ້ນຕອນ ໃນການປະຕິບັດຕົວຈິງ ກະຊວງການຕ່າງປະເທດ ຈະອອກຄຳແນະນຳຕ່າງຫາກ, ພ້ອມທັງສືບຕໍ່ໂຈະການອອກວີຊາທຸກປະເພດ ໃຫ້ບຸກຄົນທົ່ວໄປ ທີ່ເດີນທາງມາຈາກ ຫຼື ຜ່ານປະເທດ ທີ່ຍັງມີການລະບາດ ຂອງພະຍາດໂຄວິດ-19, ຍົກເວັ້ນແຕ່ ສໍາລັບນັກການທູດ, ຊ່ຽວຊານ, ວິຊາການ ແລະ ແຮງງານຕ່າງປະເທດ ທີ່ມີຄວາມຈຳເປັນ ແລະ ຮີບດ່ວນ ເຂົ້າມາປະຕິບັດວຽກງານ ຢູ່ສະຖານທູດ, ບັນດາກິດຈະການ ແລະ ໂຄງການຕ່າງໆ ທີ່ມີຄວາມສຳຄັນ ແລະ ຈຳເປັນ, ແຕ່ຕ້ອງປະຕິບັດມາດຕະການຕ່າງໆ ຕາມຄຳແນະນຳ ຂອງຄະນະສະເພາະກິດ, ດັ່ງນັ້ນລັດຖະບານ ຈຶ່ງຈຳເປັນຕ້ອງສືບຕໍ່ປິດດ່ານປະເພນີ

ດ່ານທ້ອງຖິ່ນ ແລະ ດ່ານສາກົນ ສຳລັບການເຂົ້າ-ອອກ ຂອງບຸກຄົນທົ່ວໄປ, ເວັ້ນເສຍແຕ່ລົດຂົນສົ່ງສິນຄ້າ, ຜູ້ທີ່ໄດ້ກຳນົດໃນຂໍ້ທີ 4.9 ຂອງແຈ້ງການສະບັບເລກທີ 580/ຫສນຍ, ລົງວັນທີ 15 ພຶດສະພາ 2020 ແລະ ຜູ້ທີ່ໄດ້ຮັບການອະນຸຍາດຈາກຄະນະສະເພາະກິດ, ຫຼາຍຄົນອາດຜິດຫວັງ ກ່ຽວກັບການລໍຄອຍໃຫ້ລັດຖະບານອະນຸຍາດເປີດດ່ານທຸກປະເທດ ເນື່ອງຈາກວ່າ ບັນດາປະເທດທີ່ມີຊາຍແດນຕິດກັບ ສປປ ລາວ ແມ່ນຍັງມີການລະບາດຂອງເຊື້ອພະຍາດໂຄວິດ-19 ຢູ່ ດັ່ງນັ້ນ ເພື່ອເປັນການປ້ອງກັນ ບໍ່ໃຫ້ພະຍາດດັ່ງກ່າວເຂົ້າມາແຜ່ລະບາດ ອັນຈະກະທົບຕໍ່ຊີວິດ ຂອງພໍ່ແມ່ປະຊາຊົນໃນຂອບເຂດທົ່ວປະເທດ.

ທ່ານບໍ່ມີສິດສຳເນົາ ບົດຄວາມນີ້ໄດ້ ສົນໃຈບົດຄວາມຕິດຕໍ່ ຜູ້ດູແລລະບົບຖ້າສົນໃຈບົດຄວາມນີ້