ຂໍຕ້ອນຮັບສູ່ ຊາຄິສຖານ ປະເທດເກີດໃຫມ່ດ້ວຍເງິນທຶນພຽງ 610 ໂດລ່າ ປະມານ 6 ລ້ານກີບ ກໍ່ຕັ້ງໂດຍໜຸ່ມນິວຢອກມາດເຊີ ເອີ້ນໄດ້ວ່າເປັນອິຫຍັງທີ່ເຊີໄພ້ສຸດໆ ເມື່ອມີໜຸ່ມຊາວນິວຢອກອາຍຸ 30 ປີເກີດຄວາມຄິດຢາກກໍ່ຕັ້ງປະເທດຂອງຕົນເອງຂື້ນມາ, ຢ່າຟ້າວຕະຫຼົກ ເພາະມັນເກີດຂື້ນມາແທ້ແລ້ວ
ໂດຍຕົ້ນເລື່ອງຄືທ້າວ ຊາສ ແລນສະເບີກ ໄດ້ທຳການຊື້ດິນຮົກຮ້າງແຖວທະເລຊາຍລັດ ຢູທ່າ ປະເທດອາເມລິກາ ຜ່ານເວບໄຊອີເບໃນລາຄາພຽງ 610 ໂດລ່າ ປະມານ 6 ລ້ານກີບ ເພື່ອສ້າງສາທາລະນະລັດແຫ່ງໃໝ່ຂອງໂລກ ທັງຍັງສະຖາປະນາໂຕເອງຂື້ນເປັນນາຍົກຂອງປະເທດອີກດ້ວຍ
ນາຍົກຊາສມີຄວາມແນ່ວແນ່ໃນການບໍລິຫານຊາຄິສຖານຢ່າງຈິງຈັງ ດ້ວຍການອອກແບບທຸງຊາດ ຖານທັບຂອງຕົນເອງ ໂດຍມີຫຸ່ນຍົນລາດຕະເວນຊາຍແດນເພື່ອຄວາມປອດໄພ ແລະທີ່ສຳຄັນຍັງມີແນວຄິດອອກແບບພາສປອດແກ່ພົນລະເມືອງຂອງຕົນເອງ ເຊິ່ງປະຈຸບັນມີຜູ້ສົນໃຈສະໝັກເປັນພົນລະເມືອງຂອງຊາຄິສຖານແລ້ວ 25 ຄົນ
ຢ່າເຮັດເປັນຫຼີ້ນໄປ ກ່ຽວກັບນະໂຍບາຍການຕ່າງປະເທດ ນາຍົກຊາສໄດ້ມີນະໂຍບາຍໄວ້ຊັດເຈນ ພົນລະເມືອງທຸກຄົນຕ້ອງເຮັດພາສປອດເວລາອອກນອກປະເທດ ໂດຍຄິດຄ່າທຳນຽມ 40 ໂດລ່າ ແລະຕ້ອງປະທັບຕາທຸກຄັ້ງທີ່ເຂົ້າອອກປະເທດອີກດ້ວຍ
ນອກຈາກນີ້ເນື່ອງໃນໂອກາດກໍ່ຕັ້ງປະເທດມາໄດ້ 10 ປີ ຊາວຊາຄິສຖານຍັງໄດ້ຮ່ວມໃຈກັນສ້າງອານຸສາວະລີເພື່ອເປັນການສະເຫຼີມສະຫຼອງອີກດ້ວຍ
ພ້ອມທັງປະກາດໃຫ້ວັນທີ 19 ພະຈິກຂອງທຸກປີເປັນວັນປະກາດອິດສະລະພາບອີກດ້ວຍ ແຖມຍັງມີສະຖານທູດຂອງຕົນເອງຢ່າງເປັນທາງການທີ່ ເມືອງ ບົວໂນດໄອເລດ ປະເທດອາເຈນຕິນ່າ ອີກດ້ວຍ
ຢ່າງໃດກໍ່ຕາມ ຊາຄິສຖານ ຍັງຕ້ອງເພິ່ງພາ ອາເມລິກາ ໂດຍການຈ່າຍຄ່າພາສີທ້ອງຖິ່ນແລະຄວາມຊ່ວຍເຫຼືອດ້ານສາທາລະອຸປະໂພກຕ່າງໆ
