ວັນນີ້ (9 ທັນວາ 20) ເຈົ້າຫນ້າທີ່ໄທ ຈັບກຸມຊາຍໄທ ແລະ ຍິງຊາວລາວ
ໂດຍເມື່ອເວລາ 05:30 ນາທີ ຂອງວັນທີ09/12/2020ເຈົ້າໜ້າທີ່ໄດ້ສົນທິກຳລັງກັນອອກກວດກາພື້ນທີ່ແນວຊາຍແດນໃນເຂດ ຕຳບົນໂພນສາ ອຳເພີທ່າບໍ່ ຈັງຫວັດໜອງຄາຍ ໄດ້ກວດພົບເຮືອຫາງຍາວ 1 ລຳ ແລ່ນຂ້າມຈາກຝັ່ງ ສປປ.ລາວ
ມາຈອດທຽບທ່າທີ່ຝັ່ງໄທ ຈາກນັ້ນມີຜູ້ໂດຍສານ ຊາຍ 1 ຄົນ ຍິງ 1 ຄົນ ຍ່າງຂື້ນຈາກທ່າເຮືອ ເຈົ້າໜ້າທີ່ຈຶ່ງສະແດງຕົວ ຂໍເຂົ້າກວດສອບ ພົບວ່າຝ່າຍຍິງ ອາຍຸ 27 ປີ ເປັນພົນລະເມືອງ ແຂວງຫົວພັນ ສປປ.ລາວ ໃຫ້ການວ່າຕົວເອງເດີນທາງເຂົ້າໄທເພື່ອຈະໄປເຮັດ “ສັນຍະກຳດັງ” ທີ່ຄລີນິກແຫ່ງໜຶ່ງ
ທີ່ຈັງຫວັດອຸດອນທານີ ໂດຍໄດ້ວ່າຈ້າງເຮືອຈາກ ຕຳບົນໂພນສາ ຂອງໄທໃຫ້ໄປຮັບເອົາຢູ່ທີ່ຝັ່ງ ສປປ.ລາວ
ສ່ວນຝ່າຍຊາຍເປັນຄົນໄທ ຊື່ທ້າວວິລຸດ ວິຊິດນະຣົງ(นายวิลุด วิชิตณรงค์ ) ອາຍຸ 46 ປີໃຫ້ການອ້າງວ່າຕົນເອງມາຫາປາ ແລະ ໄດ້ຂ້າມໄປທ່ຽວຝັ່ງລາວ ເມື່ອເຫັນເຮືອຈະກັບຝັ່ງໄທ ຈຶ່ງອາສານັ່ງໄປນຳ ຈົນໄດ້ມາຖືກເຈົ້າໜ້າທີ່ຈັບໄດ້
ເບື້ອງຕົ້ນເຈົ້າໜ້າທີ່ ຕັ້ງຂໍ້ຫາຝ່າຍຍິງຊາວລາວໃນຂໍ້ຫາເປັນບຸກຄົນຕ່າງດ້າວ ຫຼົບໜີເຂົ້າມາປະເທດໂດຍບໍ່ໄດ້ຮັບອະນຸຍາດ.
ສ່ວນທ້າວວິລຸດ ວິຊິດນະຣົງ ໄດ້ແຈ້ງຂໍ້ຫາ ເຂົ້າ-ອອກປະເທດໂດຍບໍ່ໄດ້ຮັບອະນຸຍາດ
ທັງນີ້ເຈົ້າຫນ້າທີ່ ຍັງບໍ່ໄດ້ເຊື່ອຄຳໃຫ້ການຂອງທັງ 2 ຄົນ ໂດຍສະເພາະແມ່ນ ທ້າວວິລຸດ ວິຊິດນະຣົງ ຊາວໄທ ເຈົ້າໜ້າທີ່ຄາດວ່າ ຫນ້າຈະເປັນຂະບວນການລັກພາຄົນເຂົ້າປະເທດໂດຍຜິດກົດໝາຍ ແລະ ຈະຕິດຕາມຄົນຂັບເຮືອ ຊຶ່ງຮູ້ແລ້ວວ່າເປັນຄົນພົນລະເມືອງ ຕຳບົນໂພນສາ ອຳເພີທ່າບໍ່ ຈັງຫວັດໜອງຄາຍ ເພື່ອຈະນຳຕົວມາດຳເນີນຕາມກົດຫມາຍ
ສ່ວນຜູ້ຕ້ອງຫາທັງ 2 ຄົນ ນອກຈາກຂໍ້ຫາປົກກະຕິແລ້ວຍັງຈະຖືກແຈ້ງຂໍ້ຫາໃນຂໍ້ກົດໝາຍອື່ນໆທີ່ກ່ຽວຂ້ອງເພື່ອເພີ່ມຂໍ້ຫາໃນຊ່ວງສະຖານະການແຜ່ລະບາດ ຂອງໂຄວິດ-19 ຕື່ມອີກດ້ວຍ.
