ອ່ານແລ້ວນໍ້າຕາຊືມ..!!ຊົມເຊີຍນ້ຳໃຈສາວ M’Mimee ທີ່ຊ່ວຍເຫຼືອພໍ່ຕູ້

ໃຜບໍ່ເຂີຊີວິດນີ້ຄົງຊິບໍ່ຮູ້ ໃຊ້ເວລາອ່ານເລື່ອງຈິງນີ້ໃຫ້ຈົບ ເພື່ອໃຫ້ກຳລັງໃຈແກ່ຄົນຍາກຄົນຈົນ. ​ຊົມເຊີຍນ້ຳໃຈສາວ M’Mimee ເຊີ່ງນາງໄດ້ໂພສເລື່ອງຫນ້າຊື່ມ! ​ຕອນ 9:30 ຂອງມື້ນີ້ຂ້ອຍໄປຖ້າຮັບຫລານຢູ່ຫນ້າ ຮຮສິນໄຊລະຫວ່າງຖ້າຢູ່ນັ້ນມີພໍ່ຕູ້ໜຶ່ງຍ່າງມາຖາມທາງ

ພໍ່ຕູ້: ລູກ..ຕະຫລາດເຊົ້າຍັງໄກບໍ່

ຂ້ອຍ: ບໍ່ໃກ້ບໍ່ໄກລັດລົດເມຂຽວຫລືລົດສອງແຖວນ້ອຍໄປກະໄດ້

ພໍ່ຕູ້: (ຕອບຢ່າງໄວ)ພໍ່ບໍ່ມີເງິນ

ຂ້ອຍ: ສະຕັ້ນ ຖາມຕໍ່ລະພໍ່ຊິໄປໃສ

ພໍ່ຕູ້: ຊິໄປຫາລູກສາວຢູ່ສີໄຄ #ພໍ່ມາແຕ່ປາກຊັນຮອດຄິວສາຍໃຕ້ລະເງິນເບິດພໍ່ເລີຍຊິຍ່າງໄປຕະຫລາດເຊົ້າ ໄປຂໍຕໍ່ລົດນຳເຂົາລະໄປເອົາເງິນນຳລູກສາວຈ່າຍ

ຂ້ອຍ: ລະພໍ່ຄືບໍ່ໂທຫາຂະເຈົ້າ ບໍ່ມີເບີເຂົາຫວາ

ພໍ່ຕູ້: ພໍ່ບໍ່ມີໂທລະສັບແຕ່ຮູ້ເຮືອນເຂົາຢູ່

ຂ້ອຍ: ຜູ້ບໍ່ຖືເງິນຕິດໂຕໄປຈັກກກີບ ແຕ່ຖືໂທລະສັບໄປນຳ ພໍດີແຖວນັ້ນມີຕູ້ເອທີເອັມເລີຍບອກລາວຖ້າບຶດ1ແລ້ວໄປກົດເງິນໃນບັນຊີໃຫ້ 50.000₭ (ເພາະໃນບັນຊີກະມີເງິນແສນດຽວ555) ຍື່ນໃຫ້ລາວບອກວ່າອັນນີ້ເຮົາຊ່ວຍຄ່າລົດເດີ້ ເຮົາໄປສົ່ງບໍ່ໄດ້ຄາຫລານ ລາວຍົກມືນົບຂອບໃຈ(ພ້ອມກັບຄຳອວຍພອນ) ຂ້ອຍຟ້າວນົບຮັບບັກໄວໆບອກລາວວ່າບໍ່ເປັນຫຍັງ ຂໍໃຫ້ພໍ່ໂຊກດີເດີ້ ພ້ອມກັບລັດລົດໄປຕະຫລາດເຊົ້າໃຫ້ລາວ

*ໂອ້ຍຍຍ ໃຈຂ້ອຍຕົກໄປຢູ່ພື້ນດິນ ຂ້ອຍອ່ອນໄຫວກັບເລື່ອງແບບນີ້ ອິຕົນແຕ່ບໍ່ຮູ້ຊິເຮັດແນວໃດ ສຸດຄວາມສາມາດກະຊ່ວຍໄດ້ແຕ່ຊ່ຳນັ້ນເດີ້ ຂໍໃຫ້ພໍ່ຕູ້ຮອດບ້ານລູກສາວໂດຍສະຫວັດດີພາບ ດ້ວຍຄວາມຫ່ວງໃຍຈາກເດັກນ້ອຍຕາດຳໆຄົນນີ້

ທ່ານບໍ່ມີສິດສຳເນົາ ບົດຄວາມນີ້ໄດ້ ສົນໃຈບົດຄວາມຕິດຕໍ່ ຜູ້ດູແລລະບົບຖ້າສົນໃຈບົດຄວາມນີ້