ປະຊາຊົນຍີ່ປຸ່ນ ຈະໄດ້ຮັບການສັກຢາປ້ອງກັນໂຄວິດ-19ໂດຍບໍ່ເສຍຄ່າ

ຕາມ​ຂ່າວ​ຈາກ ​ໂຕ​ກຽວ, ວັນ​ທີ2​ທັນວາ​ນີ້, ຍີ່ປຸ່ນ​ ຜ່າ​ນຮ່າງ​ກົດໝາຍ ສັກ​ຢາ ​ປ້ອງ​ກັນ ​ໂຄ​ວິດ-19​ ໃຫ້​ປະຊາຊົນ ​ໂດຍ​ບໍ່​ເສຍ​ຄ່າ.

ຂະນະ​ທີ່ ທາງ​ການ​ຍີ່ປຸ່ນ ​ໄດ້​ເຮັດ​ຂໍ້​ຕົກລົງ​ ສັ່ງ​ຊື້​ ຢາ​ປ້ອງ​ກັນ​ໂຄ​ວິດ-19 (ວັກ​ຊິນ)ຂອງ​ໄຟ​ເຊີ ບໍລິສັດ​ຢາ ​ແຫ່ງ​ໃຫຍ່​ຂອງ ສ.ອາ​ເມ​ລິ​ກາ ຈຳນວນ 60 ລ້ານ​ໂດ​ສ,ວັກ​ຊິນ 25 ລ້ານ​ໂດ​ສ ຂອງ​ໂມ​ເດີ​ນາ ບໍລິສັດ ​ເຕັກ​ໂນ​ໂລ​ຊີ ຊີວະ​ພາບ ​ຂອງ ສ.ອາ​ເມ​ລິ​ກາ ​ແລະ​ ວັກ​ຊິນ 120 ລ້ານ​ໂດ​ສ

ຂອງ​ແອ​ສຕຣາ​ເຊ​ນ​ເນ​ກາ ບໍລິສັດ ​ຜູ້​ຜະລິດ ​ວັກ​ຊິນ ສັນຊາດ​ອັງກິດ-ຊູ​ແອັດ ຫລັງ​ຈາກ ​ຍີ່ປຸ່ນ ​ເຂົ້າສູ່​ ສະພາວະ​ການ​ເຕືອນ​ໄພ ການລະບາດ​ຂອງ​ໂຄ​ວິດ-19 ຂັ້ນສູງ​ສຸດ ​ແລະ ຄະນະ​ແພດ ​ເຕືອນ​ວ່າ ​ໂຮງໝໍ ອາດບໍ່​ສາມາດ ​ຮອງ​ຮັບ​ ຜູ້​ຕິດ​ເຊື້ອ​ໂຄ​ວິດ-19 ​ທີ່ເພີ່ມ​ຂຶ້ນຫລາຍ ​ໃນ​ຕໍ່ໜ້າ.

ທ່ານບໍ່ມີສິດສຳເນົາ ບົດຄວາມນີ້ໄດ້ ສົນໃຈບົດຄວາມຕິດຕໍ່ ຜູ້ດູແລລະບົບຖ້າສົນໃຈບົດຄວາມນີ້