ໂຮມຊຸມນຸມໃຫຍ່ ສະເຫລີມສະຫລອງວັນສະຖາປານາ ສປປ ລາວ ຄົບຮອບ 45 ປີ ແລະ ວັນເກີດປະທານໄກສອນ ພົມວິຫານ ຄົບຮອບ 100 ປີ – ສື່ລາວ.ຄອມ
Notice: Undefined index: slug in /home/suelaoco/public_html/wp-includes/class-wp-theme-json.php on line 1092
Connect with us

ຂ່າວພາຍໃນ

ໂຮມຊຸມນຸມໃຫຍ່ ສະເຫລີມສະຫລອງວັນສະຖາປານາ ສປປ ລາວ ຄົບຮອບ 45 ປີ ແລະ ວັນເກີດປະທານໄກສອນ ພົມວິຫານ ຄົບຮອບ 100 ປີ

Published

on

ບັນດາການນຳ, ອະດິດການນຳພັກ-ລັດ, ພະເຖລະນຸເຖລະ, ພ້ອມດ້ວຍອົງການຈັດຕັ້ງມະຫາຊົນຕ່າງໆ ຈຳນວນ 700 ກວ່າຄົນ ໄດ້ມາເຕົ້າໂຮມກັນ ຢູ່ທີ່ຫໍປະຊຸມ ແຫ່ງຊາດ, ນະຄອນຫລວງວຽງຈັນ ໃນຕອນເຊົ້າ ວັນທີ 2 ທັນວາ 2020 ເພື່ອສະເຫລີມສະຫລອງ ວັນສະຖາປານາ ສາທາລະນະລັດ ປະຊາທິປະໄຕ ປະຊາຊົນລາວ ຄົບຮອບ 45 ປີ (2/12/1975-2/12/2020) ແລະ ວັນເກີດຂອງ ປະທານ ໄກສອນ ພົມວິຫານ ຜູ້ນຳທີ່ແສນເຄົາລົບຮັກ ຂອງປຊົນລາວທັງຊາດ ຄົບຮອບ 100 ປີ, ທັງນີ້ ກໍເພື່ອເປັນການສະແດງ ເຖິງຄວາມເຄົາລົບຮັກ, ຄວາມກະຕັນຍູ-ຮູ້ບຸນຄຸນ, ຄຸນງາມຄວາມດີ ແລະ ຜົນງານອັນໃຫຍ່ຫລວງ ຂອງບັນພະບູລຸດລາວ ທີ່ໄດ້ອຸທິດຕົນ ເພື່ອປະເທດຊາດ ແລະ ການປະຕິວັດ ໃນໄລ ຍະຜ່ານມາ ຈົນສາມາດປົດປ່ອຍປະເທດຊາດ ໄດ້ຢ່າງສົມບູນ  ແລະ ສະຖາປະນາ ເປັນສາທາລະນະລັດ ປະຊາທິປະໄຕ ປະຊາຊົນລາວ ຈົນເທົ່າທຸກວັນນີ້.

ໃນໂອກາດດຽວກັນນີ້, ສະຫາຍ ບຸນຍັງ ວໍລະຈິດ ເລຂາທິການໃຫຍ່ ຄະນະບໍລິຫານສູນກາງພັກ ປະທານປະເທດ ແຫ່ງ ສປປ ລາວ ໄດ້ກ່າວສຸນທອນພົດ ໂດຍມີເນື້ອໃນ ບາງຕອນສຳຄັນວ່າ: ໃນມື້ນີ້ ເປັນມື້ທີ່ມີ ຄວາມໝາຍຄວາມສຳຄັນຢ່າງຍິ່ງ ພວກເຮົາຮູ້ສຶກອາໄລອາວອນ ແລະ ຄິດຄະນຶງຫາ ປະທານໄກສອນ ພົມວິຫານ ຜູ້ນຳທີ່ແສນເຄົາລົບຮັກ, ລູກຫລານຜູ້ປະເສີດ ຂອງປະຊາຊົນລາວ, ຜູ້ນຳພາກໍ່ຕັ້ງ, ຖະນຸບຳລຸງ, ກໍ່ສ້າງພັກ ແລະ ນຳພາພາລະກິດຕໍ່ສູ້ກູ້ຊາດ ຜູ້ນຳພາສ້າງຕັ້ງລະບອບໃໝ່ ລະບອບປະ ຊາທິປະໄຕ ປະຊາຊົນ ເຊິ່ງໄດ້ຂຽນໄວ້ໃນ ໜ້າປະຫວັດສາດຍຸກໃໝ່ ຂອງຊາດລາວວິລະຊົນ. ພ້ອມກັນນີ້ ກໍມີຄວາມອາໄລອາວອນ ແລະ ຈົດຈຳລ້ຳລຶກ ເຖິງວິລະກຳອັນລ້ຳເລີດ, ຄຸນງາມຄວາມດີ ແລະ ການເສຍ ສະຫລະອັນໃຫຍ່ຫລວງ ຂອງບັນດາຜູ້ນຳແຕ່ລະຮຸ່ນ. ພະນັກງານນັກຮົບປະຕິວັດ, ຜູ້ຮັກຊາດ ແລະ ປະ ຊາຊົນລາວບັນດາເຜົ່າ ທີ່ໄດ້ອຸທິດຊີວິດ, ເລືອດເນື້ອ, ເຫື່ອແຮງ, ສະຕິປັນຍາ ແລະ ວັດຖຸຊັບສິນ ເພື່ອພາລະກິດປະຕິວັດ ຕະຫລອດໄລຍະແຫ່ງ ການປະຕິວັດຊາດ ປະຊາທິປະໄຕ ກໍ່ຄືພາລະກິດແຫ່ງ ການປົກປັກຮັກສາ ແລະ ສ້າງສາພັດທະນາ ປະເທດຊາດ ເພື່ອຄວາມເປັນເອກະລາດແຫ່ງຊາດ ແລະ ຄວາມສົມ ບູນພູນສຸກ ຂອງ ລູກຫລານລາວ.

ກ່ອນໜ້ານີ້ 45 ປີ ພາຍໃຕ້ກະແສຟອງ ການລຸກຮື້ຂຶ້ນ ຂອງປະຊາຊົນລາວ ພາຍໃຕ້ການນໍາພາ ຂອງພັກ ປະຊາຊົນປະຕິວັດລາວ, ອຳນາດການປົກຄອງເກົ່າ ທີ່ເປັນລູກ ສະໝຸນ ຂອງພວກລ່າເມືອງຂຶ້ນ ແລະ ກົງຈັກ ຂອງລະບອບສັກດີນາຂາຍຊາດ ໃນລະດັບທ້ອງຖິ່ນ ຮາກຖານທົ່ວປະເທດ ໄດ້ຖືກທັບມ້າງ, ອຳນາດການປົກຄອງໃໝ່ ຂອງປະຊາຊົນ ໄດ້ຮັບການຈັດຕັ້ງຂຶ້ນ, ສ້າງສະພາບແວດລ້ອມ ແລະ ເງື່ອນໄຂອັນສຸກງອມ “ພັນປີມີເທື່ອໜຶ່ງ” ໃຫ້ແກ່ການຍຶດອຳນາດ ການປົກຄອງຢ່າງສົມບູນ ມາສູ່ກຳມື ຂອງປະຊາຊົນ ຜູ້ອອກແຮງງານ. ຈາກນັ້ນ, ພາຍໃຕ້ການນຳພາໂດຍກົງ ຂອງສູນກາງພັກ ເຊິ່ງມີປະທານໄກສອນ ພົມວິ ຫານ ເປັນຫົວໜ້າ, ກອງປະຊຸມໃຫຍ່ຜູ້ແທນ ປະຊາຊົນ ທົ່ວປະເທດ ໄດ້ໄຂຂຶ້ນຢ່າງສະຫງ່າຜ່າເຜີຍ ໃນວັນທີ 2 ທັນວາ 1975 ເພື່ອປະກາດລົບລ້າງ ອຳນາດການປົກຄອງເກົ່າ, ສະຖາປານາ ສາທາລະນະລັດ ປະຊາທິປະໄຕ ປະຊາຊົນລາວ, ເປີດສັງກາດໃໝ່ແຫ່ງເອກະລາດ, ອິດສະຫລະພາບ ແລະ ຄວາມເປັນເຈົ້າອັນແທ້ຈິງ ຂອງປະຊາຊົນລາວບັນດາເຜົ່າ ຕິດພັນກັບເສັ້ນທາງກ້າວຂຶ້ນ ສູ່ຈຸດໝາຍ ສັງຄົມນິຍົມ.

ປະທານໄກສອນ ພົມວິຫານ ຜູ້ນຳທີ່ແສນເຄົາລົບຮັກ ຂອງປະຊາຊົນລາວ ໄດ້ຢືນຢັນຕະຫລອດວ່າ: “ ວັນທີ 2 ທັນວາ ເປັນວັນໄຊຊະນະປະຫວັດການ ທີ່ມີຄວາມໝາຍ ຍຸກສະໄໝ ອັນເລິກເຊິ່ງ, ເປັນໝາກຜົນລວມຍອດ ແຫ່ງການຕໍ່ສູ້ປະຕິວັດ ທີ່ເຕັມໄປດ້ວຍ ຄວາມເສຍສະຫລະ, ຄວາມທຸກຍາກລຳບາກ ຕະຫລອດຫລາຍສິບປີ ຂອງປະຊາຊົນເຮົາ ພາຍໃຕ້ການນຳພາຂອງ ພັກກອມມູນິດອິນດູຈີນ ໃນເມື່ອກ່ອນ ແລະ ພັກປະຊາຊົນ ປະຕິວັດລາວ ໃນປະຈຸບັນ”. ພວກເຮົາເອກອ້າງ ແລະ ພາກພູມໃຈ ທີ່ເຫັນວ່າການພັດທະນາ ພື້ນຖານວັດຖຸ-ເຕັກນິກ ໄດ້ບັນລຸໝາກຜົນ ທີ່ສຳຄັນອັນໃຫຍ່ຫລວງ ເປັນຕົ້ນ ດ້ານພື້ນຖານໂຄງລ່າງ ເສດຖະກິດ-ສັງຄົມ ທີ່ສ້າງຄວາມອາດສາມາດ ຕົວຈິງ ໃຫ້ປະເທດເຮົາ ເຊື່ອມຈອດກັບ ບັນດາປະເທດໃກ້ຄຽງ ແລະ ເຊື່ອມໂຍງເສດຖະກິດ ເຂົ້າກັບພາກພື້ນ ແລະ ສາກົນ, ເຊິ່ງສາມາດປົດປ່ອຍປະເທດເຮົາ ທີ່ເປັນປະເທດບໍ່ມີ ຊາຍແດນຕິດຈອດ ກັບທະເລ ກາຍເປັນປະເທດ ເຊື່ອມຈອດ-ເຊື່ອມໂຍງ ກັບປະເທດເພື່ອນບ້ານ ແລະ ສາກົນ, ອັນພົ້ນເດັ່ນແມ່ນ ການເຊື່ອມຈອດ ເສັ້ນທາງລົດ ແລະ ທາງລົດໄຟ ລະຫວ່າງ ສປປ ລາວ ກັບປະເທດໃກ້ຄຽງ ຕາມເລວທາງເສດຖະກິດ ເໜືອ-ໃຕ້, ຕາເວັນອອກ-ຕາເວັນຕົກ ເຊິ່ງຖືເປັນທ່າແຮງ ໃນການບໍລິການທາງຜ່ານ ຢູ່ປະເທດເຮົາ. ພ້ອມນີ້, ພື້ນຖານ ອຸດສາຫະກຳ ຂະແໜງພະລັງງານ, ບໍ່ແຮ່, ກະສິກຳ-ປ່າໄມ້, ວິທະຍາສາດ-ເຕັກນິກ-ເຕັກໂນໂລຊີ ຮັບໃຊ້ການຜະລິດ-ການບໍລິການ ແລະ ບໍລິຫານຄຸ້ມຄອງລັດ ຕາມທິດຫັນ ເປັນທັນສະໄໝ ກໍມີໜໍ່ແໜງ ແລະ ໄດ້ຮັບການພັດທະນາ ພົ້ນເດັ່ນຂຶ້ນ.

ສະຫາຍ ບຸນຍັງ ວໍລະຈິດ  ໄດ້ກ່າວຕື່ມວ່າ: ເພື່ອສືບຕໍ່ເສີມຂະຫຍາຍ ເຂົ້າໃນການປົກປັກຮັກສາ ແລະ ສ້າງສາພັດທະນາ ປະເທດຊາດ ພວກເຮົາຈົ່ງພ້ອມກັນຍຶດໝັ້ນ ແນວທາງການ ປ່ຽນແປງໃໝ່ຮອບ ດ້ານ ແລະ ມີຫລັກການຂອງພັກ ຢ່າງເດັດດ່ຽວໜຽວແໜ້ນ; ຍຶດໝັ້ນຖືເອົາການພັດທະນາ ເສດຖະກິດເປັນ ໃຈກາງ ໂດຍ ຕິດພັນກັບການ ພັດທະນາສັງຄົມ, ການອະນຸລັກຮັກສາ ວັດທະນະທຳອັນດີງາມ ຂອງຊາດ ແລະ ການປົກປັກ ຮັກສາສິ່ງແວດລ້ອມ ຕາມທິດຍືນຍົງ; ການຫັນລົງກໍ່ສ້າງຮາກຖານການເມືອງ ແລະ ພັດທະນາຊົນນະບົດ ຮອບດ້ານຢ່າງແຂງແຮງ ຕໍ່ເນື່ອງຕາມ 4 ເນື້ອໃນ 4 ຄາດໝາຍເປັນມາດຕະຖານ ຍຸດທະສາດຍາວນານ ແນໃສ່ປັບປຸງລະບົບການເມືອງ ຢູ່ຂັ້ນຮາກຖານ ໜັກແໜ້ນເຂັ້ມແຂງ, ສຸມໃສ່ແກ້ໄຂຄວາມທຸກຍາກ ຂອງປະຊາ ຊົນ; ພ້ອມກັນນີ້, ພ້ອມກັນເພີ່ມທະວີ ຄວາມສາມັກຄີ ເປັນປຶກແຜນແໜ້ນໜາ ຂອງທົ່ວປວງຊົນລາວບັນດາເຜົ່າ ພາຍໃຕ້ການ ນຳພາຂອງພັກ; ເພີ່ມທະວີຄວາມສາມາດນຳພາ ແລະ ກຳລັງແຮງຂອງພັກແຕ່ລະຂັ້ນ; ເຊີດຊູບົດບາດ ແລະ ຄວາມສາມາດນຳພາຂອງພັກ ໄປຄຽງຄູ່ກັບການຍົກສູງ ຄວາມເປັນ ແບບຢ່າງນຳໜ້າ ຂອງຖັນແຖວສະມາຊິກພັກ ເດັດດ່ຽວແກ້ໄຂ ປະກົດການຫຍໍ້ທໍ້ ທີ່ເກີດຂຶ້ນຢູ່ໃນການ ຈັດຕັ້ງຂອງພັກ-ລັດ ກໍຄືຖັນແຖວສະມາຊິກ ພັກ-ພະນັກງານ ຢ່າງທັນການ; ແລະ ຢຶດໝັ້ນແນວ ທາງການຕ່າງປະເທດ ສັນຕິພາບ, ເອກະລາດ,  ມິດຕະພາບ ແລະ ການຮ່ວມມືຢ່າງສະເໝີ ຕົ້ນສະເໝີປາຍ, ເປັນເຈົ້າການ ແລະ ຕັ້ງໜ້າ ເຊື່ອມໂຍງກັບພາກພື້ນ ແລະ ສາກົນ, ເປີດກວ້າງການພົວພັນຮ່ວມມື ກັບບັນດາປະເທດໃກ້ຄຽງ ກໍຄືບັນດາ ປະເທດປະຊາຄົມອາຊຽນ, ປະເທດເພື່ອນມິດໃນໂລກ ແລະ ອົງການ ຈັດຕັ້ງສາກົນ ພິເສດແມ່ນເສີມ ຂະຫຍາຍສາຍພົວພັນ ອັນເປັນມູນເຊື້ອ, ຄວາມສາມັກຄີຖານ ສະຫາຍຮ່ວມອຸດົມ ການສັງຄົມນິຍົມ ກັບບັນດາ ປະເທດເພື່ອນມິດຍຸດທະສາດ.

ຂ່າວ: ມະນີທອນ, ພາບ: ເກດສະໜາ ຂປລ

Continue Reading

ຂ່າວພາຍໃນ

ໂຮງໝໍບໍ່ມີຕຽງພຽງພໍສຳລັບຜູ້ປ່ວຍທີ່ເປັນໄຂ້ເລືອດອອກ ໃນນະຄອນຫຼວງວຽງຈັນ

Published

on

ໂຮງໝໍໃນນະຄອນຫຼວງວຽງຈັນບໍ່ມີຕຽງພຽງພໍ ເພື່ອຮອງຮັບຜູ້ປ່ວຍທີ່ເປັນໄຂ້ເລືອດອອກ.ວັນທີ 10 ສິງຫາ 2022 ອ້າງອີງຈາກ ວຽງຈັນທາຍ ໄດ້ລາຍງານວ່າ: ໂຮງໝໍບາງແຫ່ງໃນນະຄອນຫຼວງວຽງຈັນ ໄດ້ປ່ຽນຫ້ອງປະຊຸມ ເປັນຫ້ອງທີ່ຮອງຮັບຜູ້ປ່ວຍ ເນື່ອງຈາກຂາດສະຖານທີ່ປິ່ນປົວຄົນເຈັບ, ໃນຂະນະທີ່ບາງບ່ອນຍັງຂໍຕຽງນອນຈາກປະຊາຊົນຕື່ມອີກ ເພື່ອໃຫ້ສາມາດຮັບມືກັບຈໍານວນຜູ້ປ່ວຍໄຂ້ເລືອດອອກທີ່ເພີ່ມຂຶ້ນ.

ຈໍານວນຜູ້ທີ່ເປັນພະຍາດໄຂ້ເລືອດອອກ ໄດ້ເພີ່ມຂຶ້ນຢ່າງຫຼວງຫຼາຍໃນລະຫວ່າງເດືອນພຶດສະພາ ຫາ ເດືອນກໍລະກົດ.

ກະຊວງສາທາລະນະສຸກ ແລະ ແພດໝໍ ໃນໂຮງໝໍຕ່າງໆທົ່ວປະເທດ ພະຍາຍາມຮັບມືກັບການເພີ່ມຂຶ້ນຂອງ ກໍລະນີຜູ້ປ່ວຍໄຂ້ເລືອດອອກ ແມ່ນສູງຜິດປົກກະຕິເມື່ອທຽບໃສ່ປີ 2019.ກະຊວງ​ສາທາລະນະສຸກ ​ມີ​ແຜນ​ຈະ​ຍົກຍ້າຍ​​ແພດໝໍ​ທີ່ຢູ່​ໂຮງໝໍ​ໃຫຍ່​ໃນ​ນະຄອນຫຼວງ​ວຽງ​ຈັນ ​ໄປ​ຢູ່​ໂຮງໝໍນ້ອຍໆທົ່ວນະຄອນທີ່ມີບຸກຄະລາກອນບໍ່ພຽງພໍ.

ທ່ານ ດຣ. ຄໍາຫຼ້າ ຈູມລິວົງ ຮອງອຳນວຍການໂຮງໝໍເສດຖາທິລາດ ກ່າວຕໍ່ສື່ມວນຊົນໃນວັນຈັນທີ່ຜ່ານມານີ້ວ່າ ປີນີ້ມີຜູ້ປ່ວຍໄຂ້ເລືອດອອກເພີ່ມຂຶ້ນ ແລະ ມີຄົນມາຮັບການປິ່ນປົວພະຍາດຫຼາຍຂຶ້ນ, ຈຳນວນຄົນເຈັບທີ່ເປັນໄຂ້ເລືອດອອກຢູ່ໂຮງໝໍ ເສດຖາທິລາດ

ແມ່ນສູງຜິດປົກກະຕິ.ກະຊວງສາທາລະນະສຸກກ່າວວ່າ ການປ່ຽນແປງຂອງດິນຟ້າອາກາດ ກໍເປັນສ່ວນໜຶ່ງທີ່ພະຍາດໄຂ້ເລືອດອອກລະບາດໃນໄລຍະນີ້ ໂດຍມີຝົນຕົກ ຜິດປົກກະຕິ ໃນຕົ້ນລະດູຝົນ ເຮັດໃຫ້ເກີດມີຍຸງລາຍ ທີ່ເປັນຕົວແຜ່ພະຍາດ.ເຈົ້າໜ້າທີ່ສະກັດກັ້ນ ແລະ ຕ້ານອັກຄີໄພ ນະຄອນຫຼວງວຽງຈັນ ໄດ້ຕິດຕາມ ສະຖານະການ ຂອງການຕິດເຊື້ອ ທີ່ຈະເພີ້ມຂຶ້ນ ຍ້ອນວ່າລະດູຝົນ ຍັງສືບຕໍ່ໃຫ້ມີຍຸງລາຍ ເປັນຈຳນວນຫຼວງຫຼາຍ.

Continue Reading

ຂ່າວພາຍໃນ

ປ້າຍໃຜເຮ່ຍ ມາເອົາເດີ້ ແຖວຮ້ານສຸວັນນີ ສີໄຄ

Published

on

ນຳ້ຖ້ວມທາງ ແຖວຮ້ານສຸວັນນີ ສີໄຄ ໃນມື້ວານ. ( ປ້າຍໃຜເຮ່ຍ ໃຫ້ເອົາເອກກະສານມາຢັ້ງຢືນເອົາ ເພື່ອປ້ອງກັນມິສາຊິບ )

ນ້ຳທີ່ກິນບໍ່ມີມື້ໝົດ..ກໍ່ຄືນ້ຳໃຈ

ປະກາດຫາເຈົ້າຂອງປ້າຍລົດ

ແຈ້ງເຖິງທຸກທ່ານທີ່ທຽວທາງໃນຜ່ານເສັ້ນທາງ 13ເໜືອ ໜ້າ ສຸວັນນີ ໂຮມຊັນເຕີ ສາຂາ ສີໄຄ ບ້ານ ນາແຮ່ ມ. ສີໂຄດຕະບອງ ນະຄອນຫຼວງວຽງຈັນ,

ເຊິ່ງເປັນເຂດນ້ຳຖ້ວມໜັກ ເຮັດໃຫ້ປ້າຍທະບຽນລົດຂອງຜູ້ຂັບຂີ່ຜ່ານເຂດດັ່ງກ່າວຫຼຸດອອກຈາກລົດ ເຊິ່ງລວມຈຳນວນ 26 ປ້າຍ ແລະ ກະເປົ໋າ 1 ໜ່ວຍ ໄດ້ຖືກນ້ຳໄຫຼພັດມາທີ່ ສຸວັນນີ ໂຮມເຊັນເຕີ ສາຂາ ສີໄຄ ໂດຍມີປ້າຍທະບຽນດັ່ງນີ:

  1. ກຕ 3712
  2. ກທ 4380
  3. ກຕ 8403
  4. ກຕ 6642
  5. ກທ 5077
  6. ກລ 1309
  7. ວຄ 8118
  8. ມລ 4666
  9. ກທ 1483
  10. ກດ 6628
  11. ກວ 3722
  12. ກກ 4934
  13. ຄພ 8299
  14. ກຫ 5278
  15. ກຣ 8810
  16. ກສ 1178
  17. ກຍ 9758
  18. ກລ 3802
  19. ກຮ 7787
  20. ກວ 3452
  21. ກບ 8063
  22. ກຫ 1655
  23. ກມ 9038
  24. ກຜ 2860
  25. ກພ 1399

26. ກວ 2946

ຕິດຕໍ່ພົວພັນເອົາທະບຽນລົດ ແລະ ກະເປົ້າຂອງທ່ານ ຄືນໄດ້ທີ່ ສຸວັນນີ ໂຮມເຊັນເຕີ ສາຂາ ສີໄຄ ເດີ: ພີ່ນ້ອງ: ໂທ 020 5788 5806 (ຜູ້ຈັດການສາຂາສີໄຄ)

Continue Reading

ຂ່າວພາຍໃນ

ເຕືອນຜູ້ທີ່ຈະເດີນທາງມາບາຈຽງ – ປາກເຊໂດຍຜ່ານຂົວຫມາກແງວເມືອງບາຈຽງຈະເລີນສຸກປະຈຸບັນແມ່ນໄດ້ປິດການສັນຈອນຊົ່ວຄາວ

Published

on

ແຈ້ງເຖີງພໍ່ແມ່ປະຊາຊົນທີ່ຈະເດີນທາງມາບາຈຽງ – ປາກເຊໂດຍຜ່ານຂົວຫມາກແງວເມືອງບາຈຽງຈະເລີນສຸກປະຈຸບັນແມ່ນໄດ້ປິດການສັນຈອນຊົ່ວຄາວເນື່ອງຈາກຂົວຊຸດໂຊມຈາກນ້ຳເຊາະເຈື່ອນ ຂໍໃຫ້ໃຊ້ເສັນທາງໃຫມ່

ອັບເດດວັນທີ່ 09/08/2022

….

….

….

….

….

ແຫຼ່ງທີ່ມາ:

Continue Reading
ເດືອນສິງຫາ 2022
ເສົາ ​ອາ ​ຈ ​ພ​ຫ ​ສ
 12345
6789101112
13141516171819
20212223242526
2728293031  

Trending

ທ່ານບໍ່ມີສິດສຳເນົາ ບົດຄວາມນີ້ໄດ້ ສົນໃຈບົດຄວາມຕິດຕໍ່ ຜູ້ດູແລລະບົບຖ້າສົນໃຈບົດຄວາມນີ້