ໜຸ່ມໃຈສູ້! ພິກຊີວິດຈາກເງິນ 3 ແສນກີບສູ່ເຈົ້າຂອງຟາມປູນາ ມີລາຍໄດ້ 300 ລ້ານກີບ/ເດືອນ – ສື່ລາວ.ຄອມ
Notice: Undefined index: slug in /home/suelaoco/public_html/wp-includes/class-wp-theme-json.php on line 1092
Connect with us

ຂ່າວຕ່າງປະເທດ

ໜຸ່ມໃຈສູ້! ພິກຊີວິດຈາກເງິນ 3 ແສນກີບສູ່ເຈົ້າຂອງຟາມປູນາ ມີລາຍໄດ້ 300 ລ້ານກີບ/ເດືອນ

Published

on

ຫາກໃຜທີ່ກຳລັງຕົກວຽກ ຫຼື ທໍ້ແທ້ກັບຊີວິດ ຢ່າຟ້າວກັງວົນໃຈ ເພາະຕ້ອງເຂົ້າໃຈວ່າສັງຄົມປ່ຽນແປງ ການດຳລົງຊີວິດກໍ່ປ່ຽນແປງໄປເຊັ່ນ. ສະນັ້ນ, ວັນນີ້ ແອັດມິນ ຈະນໍາເອົາບົດຮຽນເລື່ອງລາວດີໆ ຂອງໝຸ່ມສູ້ຊີວິດຈາກປະເທດເພື່ອບ້ານ ມາຝາກທ່ານອ່ານ ເພື່ອເປັນອີກໜຶ່ງກຳລັງທີ່ດີ ໃນການດຳເນີນຊີວິດ ຫາກປະສົບກັບຄວາມລຳບາກ ແລະ ທໍ້ແທ້ກັບສິ່ງຕ່າງໆ.

ເລື່ອງລາວຂອງໜຸ່ມສູ້ຊີວິດ ທ່ານນີ້ ໄດ້ຖືກເຜີຍແຜ່ລົງເວັບໄຊ້ດັງໜຶ່ງ ເຊິ່ງເຂົາປະສົບຄວາມສຳເລັດໃນຊີວິດ ດ້ວຍເງິນກ້ອນສຸດທ້າຍຂອງຊີວິດພຽງ 1.000 ບາດ ຫຼື ປະມານ 3 ແສນກີບ. ລາອອກຈາກວຽກ ແລະ ຫັນມາເຮັດສາລະພັດອາຊີບ ແລະ ເຮັດການກະສິກຳ ພ້ອມທັງຄອຍເບິ່ງແຍງພໍ່ແມ່ທີ່ປ່ວຍ. ສຸດທ້າຍກໍ່ປະສົບຜົນສຳເລັດ ສາມາດເປັນເຈົ້າຂອງຟາມລ້ຽງປູນາ ໂກຍເງິນຫຼັກລ້ານບາດ ຫຼື ປະມານ 300 ລ້ານກີບ ໄດ້ສຳເລັດໃນທີ່ສຸດ.

ໜຸ່ມຄົນນີ້ ມີຊື່ວ່າ ຕູມຕາມ ຫຼື ປານສິຣິ ປາດກຸນ ເປັນລູກຊາຍຄົນດຽວ ຈົບປະລິນຍາຕີ ຄະນະລັດປະສາສົນສາດ ຫຼັງຈາກຮຽນຈົບ ເຂົ້າເຮັດວຽກເປັນຝ່າຍບັນຊີ ໃນບໍລິສັດແຫ່ງໜຶ່ງ. ຈາກນັ້ນ, ກໍ່ຍ້າຍມາເຮັດວຽກຢູ່ໂຮງງານອາໄຫຼ່ໂທລະສັບມືຖື ຈັງຫວັດ ປະທຸມທານີ ເຊິ່ງເຮັດວຽກປະຈຳໄດ້ພຽງ 5 ເດືອນ ກໍ່ຕ້ອງລາອອກ ເພາະກັບມາເບິ່ງແຍງທີ່ພໍ່ທີ່ເກີດອຸບັດຕິເຫດຂາຫັກຍ່າງບໍ່ໄດ້.

ຕູມຕາມ ເລົ່າວ່າ: ລາຍໄດ້ຈາກການເຮັດວຽກປະຈຳປະມານ 20.000 ບາດ ຫຼື ປະມານ 6 ລ້ານກີບ/ເດືອນ. ຫຼັງຈາກຮູ້ກໍ່ລາອອກຈາກວຽກມາເບິ່ງແຍງພໍ່ໃນໄວ 60 ປີ. ຈາກນັ້ນ, ແມ່ກໍ່ມາປ່ວຍຕາມ. ຜ່ານໄປໄລຍະໜຶ່ງເງິນເກັບທີ່ມີກໍ່ຄ່ອຍໝົດໄປ ຈຶ່ງຈຳເປັນຕ້ອງກູ້ເງິນທັງໃນ ແລະ ນອກລະບົບ ເພື່ອໃຊ້ຈ່າຍຈຸນເຈືອຄອບຄົວ ເພາະຕ້ອງປິ່ນປົວພໍ່ ໂດຍກິນອາຫານຜ່ານສານທໍ່ຢາງເປັນເວລາ 5 ເດືອນ ໃນເວລານັ້ນໝົດເຮືອນເຫຼືອເງິນພຽງ 1.000 ບາດ ຫຼື ປະມານ 3 ແສນກີບ.

ຕູມຕາມ ເລົ່າວ່າ: ເງິນຈຳນວນ 1.000 ບາດ ນຳໄປລົງທຶນຂາຍໄກ່ຢາງ ແລະ ໝູປິ້ງ ເຊິ່ງຕອນນັ້ນເຮັດໃຫ້ມີຊີວິດດີຂຶ້ນມານ້ອຍໜຶ່ງ ອາຊີບນີ້ກຳລັງໄປໄດ້ດີ ແລະ ພໍມີເງິນມາຈຸນເຈືອຄອບຄົວ ແຕ່ພໍໄປໄດ້ໄລຍະໜຶ່ງກໍ່ມີຄູ່ແຂ່ງຫຼາຍຈຶ່ງເລີກຂາຍ ແລະ ຫັນມາໃຊ້ວິທີພຣີອໍເດີ້ສິນຄ້າຜ່ານ facebook ແລະ ກິນກຳໄລສ່ວນຕ່າງແທນ ໂດຍເຮັດ pre order ສິນຄ້າຈໍາພວກຜັກສົດ, ປາ ໂດຍເອົາກໍາໄລກິໂລລະ 20-30 ບາດ.

ຈາກການຫັນມາເຮັດອາຊີບນີ້ ເຫັນວ່າໄດ້ເງິນດີ ແລະ ມີເງິນໜຸນວຽນໃນຄອບຄົວເດືອນເກືອບໜຶ່ນບາດ. ຫຼັງຈາກນັ້ນ, ຕົນເອງກໍ່ຄິດວ່າຢາກມີຄວາມໝັ້ນຄົງກັບຊີວິດ ຈຶ່ງຄິດຢາກລ້ຽງປູນາ ເພາະຕົນເອງເປັນຄົນມັກກິນປູນາຢູ່ແລ້ວ.

ຈາກນັ້ນ, ກໍ່ນຳເງິນທີ່ເກັບອອມໄວ້ປະມານ 20.000 ບາດ ຫຼື ປະມານ 6 ລ້ານກີບ ມາລົງທຶນລ້ຽງປູນາໃນບໍ່ຊີປູນ ໃນເນື້ອທີ່ 1 ໄລ່ 44 ຕາລາງວາ ໂດຍສັ່ງປູນາຫຼາຍຂະໜາດມາຈາກ ຫຼາຍເຂດປະມານ 4 ໂຕນ ແຕ່ສຸດທ້າຍໄລຍະລ້ຽງທຳອິດ ກໍ່ບໍ່ປະສົບຜົນສຳເລັດ ເພາະປູຕາຍໝົດ ເນື່ອງຈາກລ້ຽງໃນບໍ່ປູນ ນໍ້າມີຄວາມເຢັນ ແລະ ໃຊ້ນໍ້າປະປາ ຈຶ່ງເຮັດໃຫ້ມີກຣໍປະປົນຢູ່ ຈຶ່ງເຮັດໃຫ້ປູນາ ບໍ່ສາມາດປັບສະພາບໄດ້.

ຕູມຕາມ ເລົ່າຕໍ່ວ່າ: ແຕ່ດ້ວຍຄວາມບໍ່ຍອມແພ້ ຈຶ່ງໄດ້ມີການໄປສຶກສາຫາຂໍ້ມູນເພີ່ມ ແລະ ສັ່ງປູນາມາລ້ຽງອີກຄັ້ງ ໂດຍການຊື້ພໍ່ພັນ ແລະ ແມ່ພັນມາລ້ຽງແທນການຊື້ຕົວນ້ອຍ ເພາະປູນາບອບບາງ ແລະ ຕາຍງ່າຍກວ່າພໍ່ພັນແມ່ພັນ. ປັດຈຸບັນລ້ຽງຢູ່ 2 ສາຍພັນຄື: ປູນາທຳມະດາ ທີ່ມີຂະໜາດນ້ອຍ ແລະ ປູນາພັນ ໂຕໃຫຍ່ ແລະ ມີລົດຊາດມັນ.

ຢູ່ເຮືອນມີບໍ່ລ້ຽງປູນາ 70 ບໍ່ຂະໜາດ 2X3 ແມັດ ສາມາດລ້ຽງປູນາໄດ້ເຖິງ 10.000 ໂຕ ສຳລັບອາຫານພໍ່ພັນແມ່ພັນ ແມ່ນຈະໃຫ້ມື້ລະ 2 ຄາບຄື ເຊົ້າມືດ ແລະ ຕອນຄໍ່າ ໂດຍໃຊ້ຫົວອາຫານປາດຸກເມັດນ້ອຍ ແລະ ເສີມດ້ວຍຮຳອ່ອນວາງຕາມພື້ນ ເມື່ອອາຫານຄືກນໍ້າ ແລະ ດິນ ກໍ່ຈະສະຫຼາຍ ວ່ວນປູກໍ່ຈະອອກຫາກິນເອງ. ສ່ວນລູກປູນັ້ນ ຕັ້ງແຕ່ເກີດຈົນເຖິງອາຍຸ 3 ເດືອນ ແມ່ນຕົ້ມໄຂ່ ໂດຍເອົາໄຂ່ແດງໃຫ້ກິນມື້ລະເທື່ອຄືຕອນເຊົ້າ.

ສຳລັບການລ້ຽງປູນາ ແມ່ນເລີ່ມຈາກການເອົາພໍ່ພັນ ແມ່ພັນມາແລ້ວນຳໄປລ້ຽງໃນບໍ່ດິນໜຽວກ່ອນ ຈາກນັ້ນໃສ່ນໍ້າພໍໃຫ້ປຽກພໍປະມານ ເຊິ່ງເປັນການສ້າງຂະບວນການທາງທຳມະຊາດ ແລະ ລ້ຽງຕໍ່ໄປເລື້ອຍໆ ຈົນປູນາອອກຫາກະນເອງໄດ້ ປະມານ 5 ວັນ ຈື່ງຍ້າຍມາໃສ່ບໍ່ປູນ.

ສ່ວນເທັກນິກການປະສົມພັນປູນານັ້ນແມ່ນ 3 ປີຕໍ່ຄັ້ງ ເຊິ່ງປົກກະຕິ ຈະອອກລູກພຽງ 1 ຄັ້ງຕໍ່ປີ ເພື່ອເຮັດໃຫ້ມີປູນາຂາຍໄດ້ຕະຫຼອດປີ ຈຶ່ງມີການບັງຄັບປູນາປະສົມພັນ ແລະ ອອກລູກໄດ້ 2-3 ຄັ້ງຕໍ່ປີ ໂດຍນຳເອົາປູນາ ທີ່ອອກລູກໄປແລ້ວໃນລະດູຝົນ ກໍ່ປ່ອຍໃຫ້ດິນແຫ້ງ ແຕກແຫງ. ຈາກນັ້ນ, ຂຶ່ງປ່ອຍນໍ້າເຂົ້າໄປໃຫ້ເຕັມ ເຮັດໃຫ້ປູເຂົ້າໃຈວ່າເຂົ້າສູ່ລະດູຝົນອີກຄັ້ງໜຶ່ງ ຈະເຮັດປູອອກມາປະສົມພັນກັນເອງ ຕູມຕາມກ່າວ.

ປັດຈຸບັນຂາຍປູນາແບບແປຮູບ ແລະ ຂາຍສົດເຊັ່ນ, ປູດອງ, ນໍ້າພິກເຜົາກະປິປູ ແລະ ຍັງມີການສົ່ງຂາຍຕາມຮ້ານອາຫານ ເຊິ່ງບາງເດືອນສາມາດສ້າງລາຍໄດ້ຫຼັກລ້ານບາດ ຫຼື ປະມານ 300 ລ້ານກີບ/ເດືອນ ເຊິ່ງຂາຍທັງໂຈນ້ອຍ ທີ່ໃຊ້ໃສ່ຕຳ ໂດຍຈະຂາຍກິໂລລະ 80-100 ບາດ. ສ່ວນປູໃຫຍ່ທີ່ອອກຫຼອກຄາບ ເຊິ່ງເອີ້ນວ່າປູນິ້ມ ຈະຂາຍກິໂລລະ 1.200 ບາດ ແລະ ຫ້າມປູຈະຂາຍກິໂລລະ 1.000 ບາດ ສາມາດສົ່ງຂາຍຕາມຮ້ານອາຫານ ລວມໄປເຖິງພໍ່ພັນແມ່ພັນຂາຍຄູ່ລະ 100 ບາດ.

Continue Reading

ຂ່າວຕ່າງປະເທດ

ຟ້າຝ່າລົງແທງເກັບນໍ້າມັນໃນຄິວບາ ເຮັດໃຫ້ເກີດລະເບີດ 4 ແທງ

Published

on

ໃນວັນທີ 7 ສິງຫາ 2022 AFP ລາຍງານວ່າ: ໄດ້ເກີດເຫດຟ້າຝ່າລົງໃສ່ຄັງນໍ້າມັນຂະໜາດໃຫ່ຍ ໃນແຂວງມາຕັນຊັສ ປະເທດຄິວບາ ໃນຄໍ່າຄືນວັນສຸກທີ່ 5 ສິງຫາ 2022 ເບື້ອງຕົ້ນມີຜູ້ເສຍຊີວິດຢ່າງນ້ອຍ 1 ຄົນ, ບາດເຈັບ 121 ຄົນໃນນີອາການສາຫັດ 5 ຄົນ, ສູນຫາຍ 17 ຄົນ

ເປັນເຈົ້າໜ້າທີ່ດັບເພີງ ທາງການຕ້ອງປະກາດອົບພະຍົບປະຊາຊົນ 1,900 ຄົນໃນພື້ນທີ່ໃກ້ຄຽງເນືື່ອງຈາກໄຟໄດ້ລຸກລາມໄປຍັງຄັງເກັບນໍ້າມັນທີສອງແລ້ວ ສະຫະພາບນໍ້າມັນຄິວບາເປີດເຜີຍວ່າ:

ຄັງນໍ້າມັນທີ່ຖືກຟ້າຝ່ານັ້ນບັນຈຸນໍ້າມັນຂະໜາດ 26,000 ລູກບາດແມັດ ແລະມີນໍ້າມັນດິບຢູ່ໃນຄັງເຄິ່ງໜື່ງສ່ວນຄັງນໍ້າມັນທີ່ສອງບັນຈຸນໍ້າມັນ 52,000 ລູກບາດແມັດ

……..

….

….

…..

….

ຂ່າວອ້າງອີງຈາກ: ຂ່າວສານຕ່າງປະເທດ

Continue Reading

ຂ່າວຕ່າງປະເທດ

ຂ່າວສຸດເສົ້າ ເຫດໄຟໄໝ້ເທັກ ເສຍຊີວິດ 13ຄົນ ບາດເຈັບ 41 ຄົນ(ມີຄລິບ)

Published

on

ຂ່າວໄທ ເວລາ​ 1:25.ນາທີຂອງວັນທີ 5 ສິງຫາ​ 2022​ ນີ້ ເກີດເຫດໄຟໄໝ້ຮ້ານບັນເທີງ (ເທັກ) Mountain B ຢູ່ອຳເພີສັດຕະຫີບ ຈັງຫວັດ​ຊົນບູລີ ຂອງໄທ​ ເບື້ອງຕົ້ນມີຜູ້ໄດ້ຮັບບາດເຈັບ 41 ຄົນ,​ ເສຍຊີວິດ​ 13​ ຄົນ​ (ຍິງຄົນ).

ອາຄານທີ່ເກີດໄຟໄໝ້ເປັນຮ້ານບັນເທີງຊັ້ນດຽວ ເຈົ້າໜ້າທີ່​ໃຊ້ເວລາ​ 2 ຊົວໂມງກວ່າຈຶ່ງສາມາດຄວບຄຸມໄຟໄດ້.

ສ່ວນສາເຫດຂອງການເກີດອັກຄີໄພຄັ້ງນີ້ຍັງຢູ່ໃນຂັ້ນຕອນການສືບສວນ.

….

ຄລິບ

ຂໍ້ມູນຈາກເພຈ: กู้ภัยสว่างโรจธรรมสถาน​ สัตหีบ

Continue Reading

ຂ່າວຕ່າງປະເທດ

ຈີນ ໃຫ້ທັດທະນະກ່ຽວກັບອາເມຣິກາລ່ວງລ້ຳອະທິປະໄຕຂອງຈີນ

Published

on

ສຳນັກຂ່າວ CRI ລາຍງານວ່າ ວັນທີ 3 ສິງຫາ2022, ທ່ານຫວາງຢີ້ ທີ່ປຶກສາແຫ່ງລັດ ທັງເປັນລັດຖະມົນຕີກະຊວງການຕ່າງປະເທດຈີນໄດ້ໃຫ້ທັດສະນະກ່ຽວກັບອາເມຣິກາລ່ວງລ້ຳອະທິປະໄຕຂອງຈີນ.

ທ່ານຫວາງຢີ້ກ່າວວ່າ: ທ່ານນາງແນນຊີ ເປໂລຊີ ປະທານສະພາຕ່ຳອາເມຣິກາບໍ່ເອົາຫົວຊາຕໍ່ການປະທ້ວງຢ່າງເຄັ່ງຂຶມຂອງຝ່າຍຈີນ, ໂດຍໄດ້ເດີນທາງຢ້ຽມຢາມເຂດໄຕ້ຫວັນຂອງຈີນຢ່າງບັງອາດ. ການກະທຳແບບນີ້ ໄດ້ຝ່າຝືນຫຼັກການປະເທດຈີນດຽວຢ່າງໜັກໜ່ວງ, ເປັນການລ່ວງລ້ຳອະທິປະໄຕ ຂອງຈີນໂດຍເຈດຕະນາ.

ສິ່ງນີ້ໄດ້ພິສູດໃຫ້ເຫັນອີກຄັ້ງໜຶ່ງວ່າ ນັກການເມືອງຈຳນວນໜຶ່ງຂອງອາເມຣິກາໄດ້ກາຍເປັນຜູ້ກໍ່ຄວາມຫຍຸ້ງຍາກໃຫ້ກັບການພົວພັນຈີນ-ອາເມຣິກາ, ອາເມຣິກາໄດ້ກາຍເປັນຜູ້ທຳລາຍສັນຕິພາບແລະສະຖຽນລະພາບຂອງຊ່ອງແຄບໄຕ້ຫວັນຢ່າງຮ້າຍແຮງທີ່ສຸດ.

ທ່ານຫວາງຢີ້ເນັ້ນໜັກວ່າ: ສິ່ງທີ່ເຮັດໃຫ້ຊ່ອງແຄບໄຕ້ຫວັນຮັກສາສັນຕິພາບ ແລະສະຖຽນລະພາບນັ້ນແມ່ນຫຼັກການປະເທດຈີນດຽວ, ແນວປ້ອງກັນອັນແທ້ຈິງ ທີ່ເຮັດໃຫ້ຈີນແລະອາເມຣິກາຢູ່ຮ່ວມກັນໂດຍສັນຕິນັ້ນແມ່ນຖະແຫຼງການຮ່ວມ 3 ສະບັບລະຫວ່າງຈີນ-ອາເມຣິກາ. ການທີ່ເພິ່ງອີງອາເມຣິກາເພື່ອສະແຫວງ ຫາຄວາມເປັນເອກະລາດນັ້ນ ເປັນທາງຕັນສາຍໜຶ່ງ, ກົນອຸບາຍທີ່ສວຍ ໃຊ້ບັນຫາໄຕ້ຫວັນເພື່ອຄວບຄຸມຈີນນັ້ນ ຕ້ອງປະສົບຄວາມລົ້ມເຫຼວແນ່ນອນ.

ຢູ່ຕໍ່ໜ້າຜົນປະໂຫຍດລວມຂອງຊາດແຫ່ງຄວາມເປັນເອກະພາບຂອງຊາດ, ຄົນຈີນມີຄວາມກ້າຫານທີ່ບໍ່ເຊື່ອໃນຄຳຫຼອກລວງແລະບໍ່ຢ້ານກົວຕໍ່ການນາບຂູ່, ມີຈິດໃຈທີ່ເຂັ້ມແຂງບໍ່ສາມມາດຂົ່ມຂູ່ແລະກົດດັນໄດ້, ມີຄວາມຕັດສິນໃຈທີ່ ສາມັກຄີຮ່ວມແຮງຮ່ວມໃຈກັນເປັນກຳລັງທີ່ເຂັ້ມແຂງບໍ່ສາມາດເອົາຊະນະໄດ້, ຍິ່ງມີຄວາມສາມາດໃນການເດັດດ່ຽວປົກປ້ອງອະທິປະໄຕແລະກຽດສັກສີຂອງຊາດ.

Continue Reading
ເດືອນສິງຫາ 2022
ເສົາ ​ອາ ​ຈ ​ພ​ຫ ​ສ
 12345
6789101112
13141516171819
20212223242526
2728293031  

Trending

ທ່ານບໍ່ມີສິດສຳເນົາ ບົດຄວາມນີ້ໄດ້ ສົນໃຈບົດຄວາມຕິດຕໍ່ ຜູ້ດູແລລະບົບຖ້າສົນໃຈບົດຄວາມນີ້