Jennis BNK 48 ສິນລະປິນ idol ໄທເຊື້ອສາຍລາວທີ່ກາລັນຕີຄວາມສາມາດດ້ວຍລາງວັນລະດັບສາກົນ…
ປັດຈຸບັນວົງການ Idol ກໍໄດ້ເກີດຂຶ້ນຫຼາຍທັງພາຍໃນ ແລະ ຕ່າງປະເທດ ເຊິ່ງເປັນວົງການທີ່ໄດ້ຮັບຄວາມນິຍົມຈາກໄວໜຸ່ມເປັນຈໍານວນຫຼາຍເພາະເປັນວົງການທີ່ລວມເອົາຄົນທີ່ມີໃຈມັກຮັກໃນການຮ້ອງ-ເຕັ້ນ…ມາລວມກັນເປັນກຸ່ມເພື່ອຝຶກຝົນຕົນເອງຈົນກາຍເປັນເປັນສິນລະປິນ-ນັກຮ້ອງອາຊີບ… ເພື່ອສ້າງຄວາມບັນເທິງໃຫ້ກັບແຟນໆ ນອກຈາກນີ້ແລ້ວຍັງຕ້ອງໄດ້ທີ່ເປັນແບບຢ່າງທີ່ດີ, ສ້າງແຮງບັນດານໃຈ ຫຼືເປັນຕົ້ນແບບທີ່ີດີໃຫ້ກັບແຟນຄັບອີກດ້ວຍ!! ສະນັ້ນ, ມື້ນີ້ຂວັນໃຈຈະພາແຟນໆມາຮູ້ຈັກກັບນັກຮ້ອງ Idol ໄທແຕ່ມີເຊື້ອສາຍໄທ-ລາວ-ຈີນ ນັ້ນກໍຄືເຈນນິສ ໂອ່ປະເສີດ ຫຼື Jennis BNK48 ເປັນ Idol ວົງ BNK48 ວົງ Idol ອັນດັບ 1 ຂອງປະເທດໄທ ຫຼືທີ່ຫຼາຍຄົນຮູ້ຈັກນັ້ນກໍຄືວົງສ້າງຜົນງານເພງ ຄຸກກີ້ສ່ຽງທາຍ ທີ່ໂດດດັງໄປທົ່ວປະເທດ ລວມທັງຄົນລາວເຮົາກໍເປັນທີ່ຮູ້ຈັກກັນດີ ແລະ ເປັນໜື່ງໃນສະມາຊິກທີມ (Team BⅢ) ໃນຕໍາແໜ່ງຮອງກັບຕັນທີມ!!
Jennis ເຂົ້າວົງການບັນເທິງເທື່ອທຳອິດດ້ວຍການສະແດງຮູບເງົາເລື່ອງ ແປດວັນ ແປກຄົນ ຕັ້ງແຕ່ອາຍຸໄດ້ພຽງ 6 ປີໂດຍຮັບບົດເປັນ ນ້ອງແພ ດ້ວຍຄວາມສາມາດຈົນເຮັດໃຫ້ໄດ້ມີຊື່ເຂົ້າຊີງນັກສະແດງສົມທົບຍິງໂດດເດັ່ນ ລາງວັນສຸວັນນະຫົງ ແຕ່ປີ 2551
ຈາກນັ້ນມາຮອດປີ ພສ 2559 Jennis ໄດ້ເຂົ້າຮ່ວມງານ BNK48 We Need You ແລະ ເຂົ້າຮ່ວມການຄັດເລືອກວົງ BNK48 ແລະ ໄດ້ຮັບຄັດເລືອກໃຫ້ເປັນສະມາຊິກລຸ້ນທຳອິດຂອງວົງ ໃນປີຕໍ່ມາເຈນນິສໄດ້ຮັບເລືອກໃຫ້ເປັນເຊັນເຕີເພງ 365 ວັນກັບເຄື່ອງບິນກະດາດ ແລະ ໄດ້ຮັບຕໍາແໜ່ງຮອງຫົວໜ້າທີມ (Team BⅢ) ໃນປີດຽວກັນນັ້ນ ເຈນນິສກໍໄດ້ເຂົ້າຮ່ວມສະແດງຮູບເງົາເລື່ອງ Be My Boy The Series… ນອກຈາກນີ້ ສາວເຈນນິສ ກໍໄດ້ມີໂອກາດສະແດງຮູບເງົາເລື່ອງ Where We Belong ที่ตรงนั้น มีฉันหรือเปล่า ຮ່ວມສະແດງເປັນນັກສະແດງນໍາຂອງເລື່ອງ ຈາກຜົນງານການສະແດງດັ່ງກ່າວໄດ້ເຮັດໃຫ້ສາວຄົນນີ້ ໄດ້ຮັບລາງວັນຈາກເວທີລະດັບສາກົນຫຼາຍເວທີບໍ່ວ່າເປັນ ລາງວັນ Rising Star Award ຈາກ Marie Claire Asia Star Awards 2019 ແລະ ລາງວັນ Asian Stars: Up Next ຈາກ International Film Festival & Awards Macao ພ້ອມທັງວາລະສານ Variety… ດ້ວຍຜົນງານ ແລະ ລາງວັນ ກາລັນຕີຈາກຫຼາຍເວທີທັງພາຍໃນ ແລະ ສາກົນ ເອີ້ນໄດ້ວ່າ ສາວຄົນນີ້ບໍ່ທໍາມະດາອີຫຼີ ນອກຈາກໜ້າຕາດີ ນ່າຮັກ ສົດໃສ ແລ້ວຍັງເຕັມໄປດ້ວຍຄວາມສາມາດທັງຮ້ອງ-ເຕັ້ນ-ສະແດງເກັ່ງ ແລະ ຍັງເປັນອີກຄົນໜື່ງທີ່ມີທັດສະນະຄະຕິທີ່ດີກັນເລີຍທີດຽວ ແອດບໍ່ແປກໃຈວ່າເລີຍວ່າເປັນຫຍັງ Jennis BNK48 ຈື່ງກາຍເປັນສະມາຊິກຕົວ Top ອັນດັບຕົ້ນໆຂອງວົງ ແລະ ຍັງມີຖານແຟນຄັບທີ່ຫຼາຍ ທັງພາຍໃນ ແລະ ຕ່າງປະເທດ…
ນີ້ເປັນພຽງຜົນງານບາງສ່ວນຂອງສາວຄົນນີ້ທີ່ ຂວັນໃຈ ນໍາມາສະເໜີ ນອກຈາກນີ້ຍັງມີຜົນງານອື່ນໆອີກຫຼາຍຫຼາກ ເອີ້ນໄດ້ວ່າເປັນອີກໜື່ງສາວຂອງວົງ Idol ທີ່ມີຄວາມສາມາດທີ່ຫຼາກຫຼາຍກັນເລີຍທີດຽວ!!!
ຂອບໃຈຮູບພາບ: Jennis BNK48
ลูกพี่ Jennis BNK48 Fanclub ຂ່າວ: ຂວັນໃຈ