ທ້າຍເດືອນ ພະຈິກ 2020 ມື້ນີ້ມີເລື່ອງລາວທີ່ໜ້າເສົ້າໃຈມາແບ່ງປັນໃຫ້ແຟນເພຈໄດ້ອ່ານ ຫຼາຍຄັ້ງທີ່ຊີວິດຕ້ອງດີ້ນຮົນ ເຮັດທຸກຢ່າງໃຫ້ມີຢູ່ມີກິນ ແຕ່ຫາກວ່າສິ່ງທີ່ພະຍາຍາມເຮັດໄປນັ້ນບໍ່ຄຸ້ມຄ່າ, ສິ່ງທໍາອິດທີ່ຈະນຶກເຖິງບ້ານເຮືອນຄືຈຸດໝາຍປາຍທາງພັກໃຈໃຫ້ເຮົາໄດ້ກັບໄປຟື້ນຕົວໃໝ່ ຄືກັບພໍ່ຕູ້ໄວຊະລາຄົນນີ້ ທີ່ຕັດສິນໃຈເດີນທາງກັບບ້ານ ຫຼັງຖືກນາຍຈ້າງບ້ຽວຄ່າແຮງງານ.
ຢູ່ແຖວໆຖະໜົນສາຍ 304 ກະບິນບູຣີ-ນະຄອນລາດຊະສີມາ ຜ່ານຕໍາບົນເມືອງເກົ່າ ຈັງຫວັດປຣາຈີນບູລີ ປະເທດໄທ ມີລາຍງານວ່າ ມີຊາຍຊະລາຄົນໜຶ້່ງກໍາລັງຈູງລົດຖີບເກົ່າໆ ຫອບຫິ້ວຖົງປຸ໋ຍໃສ່ເສື້ອຜ້າ ແລະ ເຄື່ອງຂອງໃຊ້ຍ່າງຕາມແຄມທາງດ້ວຍທ່າງທາງເມື່ອຍລ້າໂຮຍແຮງ ຕັ້ງໃຈຈະຖີບລົດຖີບກັບບ້ານທີ່ຈັງຫວັດຂອນແກ່ນ. ດ້ານແມ່ຄ້າຂາຍເຂົ້າໂພດອົບໂອ່ງແຄມທາງດັ່ງກ່າວຊື່ ນາງເຈນຈິລາ ໄດ້ເປີດເຜີຍເລື່ອງລາວຂະນະທີ່ຕົນເອງ
ແລະ ສາມີກໍາລັງອົບເຂໂພດ ເຫັນຕໍ່ຕູ້ທາງທາງເມື່ອຍຫຼາຍ ແລ້ວຍ່າງເຂົ້າມາຖາມວ່າ ມີເຂົ້າກິນບໍ່ ພໍ່ຕູ້ຂໍກິນເຂົ້າແນ່ ພໍ່ຕູ້ບໍ່ມີເງິນຕິດຕົວເລີຍ ຖືກນາຍຈ້າງບອກໃຫ້ມາລ້ຽງງົວແລ້ວບໍ່ຍອມຈ່າຍຄ່າຈ້າງ. ເມື່ອຕົນຟັງແລ້ວກໍ່ຮູ້ສຶກເຫັນໃຈ ແຕ່ທີ່ຮ້ານບໍ່ໄດ້ຊື້ກັບເຂົ້າມາໄວ້ ຈຶ່ງຍື່ນເຂົ້າໂພດສຸກໃຫ້ 3 ຮວງ ໄວ້ໃຫ້ພໍ່ຕູ້ກິນປະທັງຄວາມຫິວ ພ້ອມບອກວ່າ ຂ້ອຍໃຫ້ຟຣີບໍ່ເອົາເງິນ ໃຫ້ພໍ່ຕູ້ເອົາໄປກິນລະຫວ່າງທາງເດີ້ ເຮັດໃຫ້ພໍ່ຕູ້ກ່າວຂອບໃຈທັງນໍ້າຕາ
ນາງເຈນຈິລາຍັງບອກອີກວ່າ ເຄີຍເຫັນພໍ່ຕູ້ມານອນທີ່ແຄມສາລາໄດ້ 2 ມື້ແລ້ວ ແຕ່ກໍ່ຫາຍໄປ ຕອນນັ້ນບໍ່ໄດ້ເຂົ້າມາຂໍຫຍັງ ຈົນຮອດມື້ນີ້ຈຶ່ງເຫັນເພິ່ນຍ່າງມາຂໍເຂົ້ານໍາ ຄິດວ່າພໍ່ຕູ້ຄົງຫິວເຂົ້າແຮງ. ສ່ວນພໍ່ຕູ້ຄົນດັ່ງກ່າວ ຊາບຊື່ພາຍຫຼັງແມ່ນ ທ້າວວິໄຊ ອາຍຸ 60 ປີ ກ່າວວ່າຕົນເອງບໍ່ມີຄອບຄົວ ແຕ່ມີພີ່ນ້ອງຢູ່ຂອນແກ່ນ ແລະ ມີອາຊີບຮັບຈ້າງທົ່ວໄປ ມີເຖົ້າແກ່ມາບອກໃຫ້ໄປເຮັດວຽກລ້ຽງງຢວຢູ່ປຣາຈີນບູລີ
ແຕ່ກັບບໍ່ໃຫ້ເງິນ ແລະ ເອົາງົວໄປໄວ້ບ່ອນອື່ນ ບອກໃຫ້ຕາມໄປເອົາເງິນທີ່ສີ່ແຍກກະບິນບູລີ ແຕ່ພໍຕົນເອງເດີນທາງໄປຮອດກໍ່ບໍ່ເຫັນ ພໍ່ຕູ້ເລີຍຕັດສິນໃຈຈະກັບບ້ານ ແຕ່ຈື່ບໍ່ໄໜວ່າພີ່ນ້ອງຢູ່ຕໍາບົນ ຫຼື ອໍາເພີໃດ ຈື່ພຽງແຕ່ວ່າຢູ່ຂອນແກ່ນ ແລະ ຄິດວ່າຄົງດີກວ່າຝືນຢູ່ຕໍ່ໃຫ້ເຂົາຫຼອກໃຫ້ເຮັດວຽກໃຫ້ຟຣີ ຄ່າແຮງກໍ່ບໍ່ຈ່າຍ ສຸດທ້າຍພໍ່ຕູ້ກໍ່ກົ້ມໜ້າຈູງລົດຖີບມຸ່ງໜ້າໄປຕາມຫົນທາງເພື່ອກັບບ້ານຕໍ່ໄປ.
