ສາວງາມແລະເກັ່ງ ຈົນກ້າວຂຶ້ນເປັນຫົວໜ້າທີມບານເຕະຊາຍ ແລະ ເປັນທີ່ຍອມຮັບການການແຂ່ງຂັນບານເຕະຊາຍ

China Face ສື່ຕ່າງປະເທດລາຍງານຂ່າວວ່າ: ນາງ ຜູ່ປູ້ ເຈີ້ໝ່າ ທີ່ມັກການເຕະບານມາຕັ້ງແຕ່ນ້ອຍ ຈົນເຖິງປີ 2019 ລາວສອບເສັງເຂົ້າມະຫາວິທະຍາໄລໜານຄາຍທີ່ທຽນຈິນໄດ້ ແລະ ກໍເລີ່ມລົງແຂ່ງຂັນບານເຕະໃນຖານະຫົວໜ້າທີມບານເຕະຊາຍໃນລາຍການ ປີ 2019

ແຕ່ລາວຖືກປະຕິເສດໃນນັດທໍາອິດດ້ວຍເຫດຜົນວ່າ: ລາວເປັນຜູ້ຍິງແຕ່ດ້ວຍຄວາມຮັກມັກທີ່ມີຕໍ່ບານເຕະ ຈິ່ງເຮັດໃຫ້ຜູ້ຕັດສິນ ແລະ ຫົວໜ້າທີມຄົນອື່ນໆປະທັບໃຈ ໂດຍລົງຄະແນນສຽງໃຫ້ລາວກັບມາລົງສະໜາມອີກຄັ້ງ ແລະ ເປັນທີ່ຍອມຮັບການການແຂ່ງຂັນບານເຕະຊາຍ.

ໃນຖານະຫົວໜ້າທີມບານເຕະຊາຍ ຜູ່ປູ້ ເຈີ້ໝ່າ ຕ້ອງຝຶກຊ້ອມໜັກ ເພື່ອຫຼິ້ນກັບຜູ້ຊາຍ ຈົນສະແດງໃຫ້ເຫັນເຖິງຄວາມເປັນໄປໄດ້ໃນການຫຼິ້ນກັບນັກເຕະຊາຍ ແລະ ເປັນນັກເຕະຍິງຄົນດຽວທີ່ເຮັດໄດ້.

ດັ່ງນັ້ນໃນເດືອນພະຈິກ 2019 ລາວໄດ້ຕັ້ງທີມບານເຕະຍິງມະຫາວິທະຍາໜານຄາຍ ເພື່ອສ້າງພື້ນທີ່ສໍາລັບທີມຍິງ ທີ່ມັກຫຼິ້ນບານເຕະ ເຊິ່ງມີຫຼາຍກວ່າ 5 ຄົນມາສະໝັກເຂົ້າຮ່ວມທີມ ແລະ ຫຼ້າສຸດລາວຍັງຈັດການແຂ່ງຂັນບານເຕະຍິງສະໝັກຫຼິ້ນຄັ້ງທໍາອິດທີ່ເມືອງລາສາ ແລະ ໄດ້ຮັບຜົນສໍາເລັດຢ່າງສູງ ເຊິ່ງລາວຄາດວ່າຈະມີຜູ້ຍິງທີ່ມັກການຫຼິ້ນບານເຕະເຂົ້າສູ່ສະໜາມ ແລະ ລົງແຂ່ງຂັນຫຼາຍຂຶ້ນ.

ທ່ານບໍ່ມີສິດສຳເນົາ ບົດຄວາມນີ້ໄດ້ ສົນໃຈບົດຄວາມຕິດຕໍ່ ຜູ້ດູແລລະບົບຖ້າສົນໃຈບົດຄວາມນີ້