ເຂດພັດທະນາກວມລວມໄຊເຊດຖາ ສາມາດດຶງດູດນັກລົງທຶນຕ່າງປະເທດເຂົ້າມາລົງທຶນ ໄດ້ຫລາຍກວ່າ 80 ຫົວໜ່ວຍ – ສື່ລາວ.ຄອມ
Connect with us

ຂ່າວພາຍໃນ

ເຂດພັດທະນາກວມລວມໄຊເຊດຖາ ສາມາດດຶງດູດນັກລົງທຶນຕ່າງປະເທດເຂົ້າມາລົງທຶນ ໄດ້ຫລາຍກວ່າ 80 ຫົວໜ່ວຍ

Published

on

ໂຄງການເຂດພັດທະນາກວມລວມໄຊເຊດຖາ ສາມາດດຶງດູດນັກລົງທຶນຕ່າງປະເທດ ເຂົ້າມາລົງທຶນຢູ່ໃນເຂດດັ່ງກ່າວ ນັບມື້ນັບຫລາຍຂຶ້ນ, ປັດຈຸບັນມີຫົວໜ່ວຍວິສາຫະກິດ ທີ່ຈົດທະບຽນເຂົ້າມາລົງທຶນທັງໝົດ 86 ຫົວໜ່ວຍ ແລະ ເປັນວິສາຫະກິດທີ່ມາຈາກ 7 ປະເທດໃນພາກພື້ນທົ່ວໂລກ ເປັນຕົ້ນ:

ບໍລິສັດ ໂຮຢາ ຂອງຍີ່ປຸ່ນ, ບໍລິສັດ ເປໂຕຣເຄມີລາວ ຈໍາກັດ, ບໍລິສັດຢາສູບ ລາວ-ຈີນ, ບໍລິສັດຄວາມຫວັງໃໝ່, ບໍລິສັດ ໂກເດິນລາວ ແລະ ບໍລິສັດອື່ນໆ ທີ່ມີຊື່ສຽງໃນພາກພື້ນ ໂດຍໄດ້ສໍາເລັດການລົງທຶນ 1,3 ຕື້ໂດລາສະຫະລັດ, ໃນນັ້ນລວມທັງການລົງທຶນພື້ນຖານໂຄງລ່າງ 600 ລ້ານໂດລະສະຫະລັດ, ຂໍ້ມູນດັ່ງກ່າວ, ລາຍງານໂດຍ ທ່ານ ຫວາງ ເຫວີຍ ຄຸນ ອຳນວຍການບໍລິສັດຮ່ວມທຶນລາວ-ຈີນ ໃນວັນທີ 24 ພະຈິກ 2020 ຜ່ານມາ.

ທ່ານ ຫວາງ ເຫວີຍ ຄຸນ ເຜີຍໃຫ້ຮູ້ວ່າ: ເຂດພັດທະນາກວມລວມໄຊເຊດຖາ ເປັນໂຄງການທີ່ກຸ່ມບໍລິສັດກໍ່ສ້າງ ແລະ ລົງທຶນ ແຂວງຢູນນານ ຮຸ້ນສ່ວນ ຈຳກັດ ກັບ ອົງການນະຄອນຫລວງວຽງຈັນ ຮ່ວມທຶນກັນຕັ້ງຂຶ້ນ ແລະ ເປັນໂຄງການຮ່ວມມືລະດັບປະເທດທີ່ສອງລັດຖະບານລາວ-ຈີນ ໄດ້ຮັບຮູ້ຮ່ວມກັນ.

ພ້ອມນີ້, ຍັງເປັນເຂດເສດຖະກິດການຄ້າຕ່າງປະເທດແຫ່ງດຽວຂອງຈີນ ຢູ່ໃນ ສປປ ລາວ, ເຊິ່ງເຂດດັ່ງກ່າວ ຕັ້ງຢູ່ໃຈກາງເມືອງຂອງນະຄອນຫລວງວຽງຈັນ ກວມເນື້ອທີ່ທັງໝົດ 1.149 ເຮັກຕາ, ແຜນງານການລົງທຶນທັງໝົດ 5 ຕື້ໂດລາສະຫະລັດ.

ການພັດທະນາຂອງໂຄງການ ແມ່ນສຸມໃສ່ການພັດທະນາຂະແໜງການອຸດສາຫະກໍາ ແລະ ການພັດທະນາເປັນຕົວເມືອງແບບກົມກຽວກັນ ໂດຍການແບ່ງວຽກງານກໍ່ສ້າງອອກເປັນ 3 ໄລຍະ ຄື: ໄລຍະທີ 1 ແມ່ນສຸມໃສ່ການພັດທະນາໃນຂະແໜງການອຸດສາຫະກໍາ, ໄລຍະທີ 2 ແລະ 3 ແມ່ນພັດທະນາໃນຂະແໜງການຂົນສົ່ງ, ເຂດການຄ້າ, ເຂດທີ່ຢູ່ອາໄສ, ເຂດທ່ອງທ່ຽວ ແລະ ຈະພະຍາຍາມສ້າງເປັນຕົວເມືອງໃໝ່ຂອງນະຄອນຫລວງວຽງຈັນ ແລະ ຄາດວ່າຈະໃຫ້ສຳ ເລັດພາຍໃນປີ 2030.

ທ່ານ ຫວາງ ເຫວີຍ ຄຸນ ກ່າວຕື່ມວ່າ: ໃນປັນຈຸບັນ, ທາງໂຄງການໄດ້ສໍາເລັດການພັດທະນາພື້ນຖານໂຄງລ່າງ ກວມເອົາເນື້ອທີ່ 400 ເຮັກຕາ, ລວມທັງຜົນສໍາເລັດການກໍ່ສ້າງ ໃນໄລຍະທີ 1 ເຊັ່ນ: ບັນດາເສັ້ນທາງເຊື່ອມຈອດ, ເຂດສີຂຽວ, ລະບົບທໍ່ນໍ້າລວມ, ໂຄງການສະຖານີໄຟຟ້າ 115 ກວ.

ພ້ອມທັງສໍາເລັດການກໍ່ສ້າງໂຮງງານມາດຕະຖານ ໂດຍມີເນື້ອທີ່ 80.000 ຕາແມັດ, ສຳເລັດການກໍ່ສ້າງຕຶກຫໍພັກພະນັກງານ ເພື່ອຮອງຮັບ ແລະ ສາມາດຕອບສະໜອງຄວາມຕ້ອງການ ດ້ານການບໍລິການພື້ນຖານໃຫ້ບັນດາວິສາຫະກິດຕ່າງໆໃນເຂດ.

ນອກ ຈາກນີ້, ໂຄງການເຂດພັດທະນາຂອງພວກເຮົາ ກໍາລັງດໍາເນີນວຽກງານການພັດທະນາໂຄງການ ໃນໄລຍະທີ 2 ແລະ 3 ຄື ການກໍ່ສ້າງພື້ນຖານໂຄງລ່າງ ແລະ ການກໍ່ສ້າງເຂດລິເລີ່ມຕົວເມືອງໃໝ່ ສຳເລັດແລ້ວປະມານ 60%.

ເຂດພັດທະນາດັ່ງກ່າວນີ້, ຍັງໄດ້ສ້າງເງື່ອນໄຂໜຶ່ງໃນການພັດທະນາ ໃຫ້ວຽກການຂະແໜງອຸດສາຫະກໍາຂອງ ສປປ ລາວ ໃຫ້ມີຄວາມອຸດົມສົມບູນຂຶ້ນກວ່າເກົ່າ. ພ້ອມນັ້ນ, ຢູ່ໃນໂຄງການຂອງເຂດພັດທະນາ ຍັງໄດ້ສ້າງວຽກເຮັດງານທຳຫລາຍກວ່າ 1.800 ຄົນແລ້ວ ແລະ ໃນທ້າຍປີນີ້ ຈະສາມາດສ້າງວຽກເຮັດງານທຳໄດ້ຫລາຍກວ່າ 5.000 ກວ່າຄົນ.

ໃນຊຸມປີມໍ່ມານີ້, ພາຍໃຕ້ການເອົາໃຈໃສ່ ແລະ ສະໜັບສະໜູນຂອງສອງລັດຖະບານລາວ-ຈີນ, ເຂດພັດທະນາກວມລວມໄຊເຊດຖາ ແມ່ນໄດ້ບັນລຸຜົນສໍາເລັດແລ້ວບາງໜາກຜົນ. ແຕ່ວ່າມາຮອດປີນີ້, ຍ້ອນການລະບາດຂອງພະຍາດໂຄວິດ-19, ເຮັດໃຫ້ເຂດພັດທະນາ ໄດ້ຮັບຜົນກະທົບຫລາຍພໍສົມຄວນ ເປັນຕົ້ນ

ດ້ານວຽກງານການດຶງດູດນັກລົງທຶນ ແລະ ວຽກງານການກໍ່ສ້າງ, ຕົວເລກຂອງວິສາຫະກິດໃໝ່ທີ່ເຂົ້າມາສໍາຫລວດ ແລະ ເຊັນສັນຍາ ຖ້າທຽບກັບປີກາຍໃນໄລຍະດຽວກັນນີ້ ແມ່ນຫລຸດລົງຫລາຍຢ່າງເຫັນໄດ້ແຈ້ງ, ຜົນກະທົບທີ່ໄດ້ຮັບສ່ວນຫລາຍ ແມ່ນບຸກຄະລາກອນ ແລະ ການນຳເຂົ້າວັດຖຸຕ່າງໆ. ນອກຈາກນີ້, ຄວາມຄືບໜ້າຂອງການກໍ່ສ້າງບາງພາກສ່ວນ ໃນເຂດພັດທະນາມີຄວາມຫລ້າຊ້າເຊັ່ນດຽວກັນ.

Continue Reading

ຂ່າວພາຍໃນ

ຈັດໜັກ!ສາວງາມປາຕີ້ ມົ້ວສຸຸມປູມເປົ້າ 14ຄົນ ໄປສຶກສາອົບຮົມ

Published

on

By

ຈັດໜັກໃສ່ແກ້ງໄວລຸ້ນມັກມ່ວນ! ປກສ ນະຄອນໄກສອນ ໄດ້ນຳຕົວກຸ່ມໄວໜຸ່ມປາຕີ້ ມົ້ວສຸມຢາເສບຕິດ ສູບປູມເປົ້າ ຈຳນວນ 14 ຄົນ ໄປສຶກສາອົບຮົມ

ພັທ ຄຳສີ ທູນທະວົງສັກ ຫົວໜ້າກອງບັນຊາການ ປກສ ນະຄອນໄກສອນພົມວິຫານ ໄດ້ລາຍງານໃຫ້ຮູ້ວ່າ:

ວັນທີ 16 ມັງກອນ 2023 ຜ່ານມານີ້ ເຈົ້າໜ້າທີ່ ກອງບັນຊາການ ປກສ ນະຄອນໄກສອນ

ໄດ້ນຳຕົວກຸ່ມໄວໜຸ່ມປາຕີ້ ມົ້ວສຸມຢາເສບຕິດ ສູບປູມເປົ້າ ຈຳນວນ 14 ຄົນ ໄປສຶກສາອົບຮົມ ແລະ ຕັກເຕືອນ

Continue Reading

ຂ່າວພາຍໃນ

ລ່າສຸດ! ລາຄານ້ຳມັນ +1.010ກີບ/ລິດ ກາຊວນ +420ກີບ/ລິດ

Published

on

By

ແຈ້ງປັບລາຄານ້ຳມັນ ເລິ່ມປະຕິບັດ 06:00 ໂມງຂອງວັນທີ 19/01/2023 ຕາມແຈ້ງການຈາກ ກຊ ອຸດສະຫະກຳແລະການຄ້າ

ເລກທີ 0056/ອຄ ລົງວັນທີ 18 ມກ 2023.

Continue Reading

ຂ່າວພາຍໃນ

ດ່ວນ! ແຈ້ງການຢຸດຕິການອະນຸຍາດດໍາເນີນທຸລະກິດແລກປ່ຽນເງິນຕາ ຕົວແທນຂອງທະນາຄານທຸລະກິດ ທົ່ວປະເທດ

Published

on

By

– ອີງຕາມກົດຫມາຍວ່າດ້ວຍທະນາຄານທຸລະກິດ (ສະບັບປັບປຸງ) ສະບັບເລກທີ 56/ສພຊ, ລົງວັນທີ 07 ທັນວາ 2018;

– ອີງຕາມກົດຫມາຍວ່າດ້ວຍການຄຸ້ມຄອງເງິນຕາຕ່າງປະເທດ (ສະບັບປັບປຸງ) ສະບັບເລກທີ 15 /ສພຊ, ລົງວັນທີ 07 ກໍລະກົດ 2022;

– ອີງຕາມຂໍ້ຕົກລົງວ່າດ້ວຍການບໍລິການແລກປ່ຽນເງິນຕາ ສະບັບເລກທີ 1026/ທຫລ, ລົງວັນທີ 28 ທັນວາ 2022;

ອີງຕາມແຈ້ງການກ່ຽວກັບການຫັນຮ້ານແລກປ່ຽນເງິນຕາໄປເປັນຕົວແທນຂອງທະນາຄານທຸລະກິດ ສະບັບເລກທີ 111/ທຫລ, ລົງວັນທີ 12 ສິງຫາ 2021.

ທະນາຄານແຫ່ງ ສປປ ລາວ ຂໍຖືເປັນກຽດແຈ້ງມາຍັງບັນດາທະນາຄານທຸລະກິດ ແລະ ຮ້ານແລກປ່ຽນເງິນຕາຕົວ ແທນ ຊາບວ່າ: ເພື່ອເປັນການຜັນຂະຫຍາຍກົດຫມາຍວ່າດ້ວຍການຄຸ້ມຄອງເງິນຕາຕ່າງປະເທດ (ສະບັບປັບປຸງ) ສະບັບ ເລກທີ 15/ສພຊ, ລົງວັນທີ 7 ກໍລະກົດ 2022, ທະນາຄານແຫ່ງ ສປປ ລາວ ໄດ້ອອກຂໍ້ຕົກລົງວ່າດ້ວຍການບໍລິການ ແລກປ່ຽນເງິນຕາ ສະບັບເລກທີ 1026/ທຫລ, ລົງວັນທີ 28 ທັນວາ 2022 ເພື່ອປ່ຽນແທນສອງຂໍ້ຕົກລົງຄື: ຂໍ້ຕົກລົງວ່າ ດ້ວຍທຸລະກິດແລກປ່ຽນເງິນຕາ ສະບັບເລກທີ 393/ທຫລ, ລົງວັນທີ 02 ກໍລະກົດ 2020 ແລະ ຂໍ້ຕົກລົງວ່າດ້ວຍການ ບໍລິການແລກປ່ຽນເງິນຕາຂອງທະນາຄານທຸລະກິດ ແລະ ຮ້ານແລກປ່ຽນເງິນຕາຕົວແທນ ສະບັບເລກທີ 449/ທຫລ, ລົງວັນທີ 14 ມິຖຸນາ 2022.

ໃນນີ້, ຂໍ້ຕົກລົງວ່າດ້ວຍການບໍລິການແລກປ່ຽນເງິນຕາສະບັບດັ່ງກ່າວໄດ້ກໍານົດໃຫ້ ທະນາຄານທຸລະກິດ ທີ່ຕັ້ງຢູ່ ສປປ ລາວ ເທົ່ານັ້ນ ສາມາດໃຫ້ບໍລິການແລກປ່ຽນເງິນຕາ. ສະນັ້ນ, ເພື່ອຈັດຕັ້ງປະຕິບັດໃຫ້ ສອດຄ່ອງກັບບັນດານິຕິກໍາທີ່ມີຜົນສັກສິດໃນປັດຈຸບັນ, ທະນາຄານແຫ່ງ ສປປ ລາວ ຈຶ່ງແຈ້ງມາຍັງບັນດາທະນາຄານທຸລະ ກິດ ແລະ ຮ້ານແລກປ່ຽນເງິນຕາຕົວແທນ ດັ່ງນີ້:

1. ທະນາຄານແຫ່ງ ສປປ ລາວ ຢຸດຕິການອະນຸຍາດດໍາເນີນທຸລະກິດແລກປ່ຽນເງິນຕາຂອງຮ້ານແລກປ່ຽນເງິນຕາຕົວແທນທັງໝົດ 113 ຮ້ານ ທີ່ຂຶ້ນກັບ 6 ທະນາຄານທຸລະກິດ;

2. ໃຫ້ທະນາຄານທຸລະກິດທີ່ມີຮ້ານແລກປ່ຽນເງິນຕາຕົວແທນຂຶ້ນກັບ ຢຸດເຊົາການຕໍ່ອາຍຸສັນຍາ ແລະ ຍົກເລີກ ສັນຍາຕົວແທນບໍລິການແລກປ່ຽນເງິນຕາກັບຮ້ານແລກປ່ຽນເງິນຕາຕົວແທນຂອງຕົນທັງໝົດ,

ດໍາເນີນການປິດບັນຊີເງິນຝາກທີ່ອອກຊື່ຮ້ານແລກປ່ຽນເງິນຕາຕົວແທນ ຢູ່ທະນາຄານທຸລະກິດທີ່ກ່ຽວຂ້ອງ, ນໍາສົ່ງບົດບັນທຶກ ການຍົກເລີກສັນຍາການເປັນຕົວແທນແລກປ່ຽນເງິນຕາ ລະຫວ່າງ ທະນາຄານທຸລະກິດ ແລະ ຮ້ານແລກປ່ຽນ ເງິນຕາຕົວແທນ ພ້ອມທັງໜັງສືອະນຸຍາດດໍາເນີນທຸລະກິດແລກປ່ຽນເງິນຕາຂອງຮ້ານແລກປ່ຽນເງິນຕາຕົວແທນທີ່ ຂຶ້ນກັບທະນາຄານທຸລະກິດຕົນ ສົ່ງຄືນໃຫ້ແກ່ກົມນະໂຍບາຍເງິນຕາ ຫຼື ສາຂາທະນາຄານແຫ່ງ ສປປ ລາວ ປະຈໍາ ພາກ ທີ່ກ່ຽວຂ້ອງ ພາຍໃນວັນທີ 31 ມັງກອນ 2023;

3. ທະນາຄານທຸລະກິດທີ່ມີຈຸດປະສົງຕ້ອງການສ້າງຕັ້ງໜ່ວຍແລກປ່ຽນເງິນຕາ ແມ່ນໃຫ້ປະຕິບັດຕາມຂໍ້ຕົກລົງວ່າດ້ວຍ ການບໍລິການແລກປ່ຽນເງິນຕາ ສະບັບເລກທີ 1026/ທຫລ, ລົງວັນທີ 28 ທັນວາ 2022.

Continue Reading
ເດືອນມັງກອນ 2023
ເສົາ ​ອາ ​ຈ ​ພ​ຫ ​ສ
 123456
78910111213
14151617181920
21222324252627
28293031  

Trending

ທ່ານບໍ່ມີສິດສຳເນົາ ບົດຄວາມນີ້ໄດ້ ສົນໃຈບົດຄວາມຕິດຕໍ່ ຜູ້ດູແລລະບົບຖ້າສົນໃຈບົດຄວາມນີ້