ຈີນປະກາດບັນລຸຄວາມສຳເລັດໃນການຖອດເມືອງທຸກຍາກທີ່ເຫລືອທັງຫມົດອອກຈາກບັນຊີເມືອງທຸກຍາກເປັນທີ່ຮຽບຮ້ອຍ ສຳນັກຂາວຊິນຫົວລາຍງານເມື່ອວັນຈັນ (23 ພະຈິກ 2020) ລັດຖະບານມົນທົນກຸ້ຍໂຈວຊື່ງເປັນທີ່ຕັ້ງຂອງເມືອງທຸກຍາກ 9 ແຫ່ງສຸດທ້າຍຂອງຈີນປະກາດຄວາມສຳເລັດໃນການກຳຈັດຄວາມທຸກຍາກຂັ້ນສູງສຸດ
ທ່ານຫລີ່ຈ້ຽນ ຜູ້ອຳນວຍການສຳນັກງານບັນເທົາຄວາມທຸກຍາກ ແລະການພັດທະນາແຫ່ງກຸ້ຍໂຈວ ຖະແຫຼ່ງຂ່າວຕໍ່ສື່ມວນຊົນວ່າກ່ອນຫນ້ານີ້ໃນເດືອນນີ້ ຜົນການປະເມີນໂດຍກຸ່ມຫນ່ວຍງານອັນເປັນບຸກຄົນທີ່ສາມໃນທາງກົດຫມາຍ ສະແດງໃຫ້ເຫັນວ່າຄວາມທຸກຍາກໂດຍລວມໃນເມືອງທັງ 9 ແຫ່ງນີ້ຂອງມົນທົນກຸ້ຍໂຈວຫລຸດລົງເຫລືອ 0 ຂະຫນາດທີ່ອັດຕາຄວາມພໍໃຈຂອງຄົນທ້ອງຖິ່ນຢູ່ທີ່ຫລາຍກວ່າ 99 ສ່ວນຮ້ອຍ
ລາຍໄດ້ສຸດທິສະເລ່ຍຕໍ່ປີຂອງຜູ້ທຸກຍາກໃນເມືອງ 9 ແຫ່ງນີ້ເພີ່ມຂື້ນເປັນ 11,487 ຢວນ (ປະມານ 18 ລ້ານກີບ) ຊື່ງສູງກວ່າເສັ້ນຄວາມທຸກຍາກຂອງຈີນໃນປີນີ້ຊື່ງຢູ່ທີ່ 4000 ຢວນ (ປະມານ 6ລ້ານກີບ) ທັງນີ້ ຈີນໄດ້ໃຫ້ຄຳຫມັ້ນວ່າຈະກຳຈັດຄວາມທຸກຍາກຂັ້ນສູງສຸດພາຍໃນປີ 2020 ໂດຍຊ່ວງທ້າຍປີ 2019 ທີ່ຜ່ານມານັ້ນ ຈີນຫລົງເຫລືອເມືອງທາງຕາເວັນຕົກສ່ຽງເຫນືອ ຕາເວັນຕົກສ່ຽງໃຕ້ ແລະທາງໃຕ້ທີ່ຍັງມີຊື່ຢູ່ໃນບັນຊີເມືອງທຸກຍາກລວມ 52 ແຫ່ງ
ການຖອດລາຍຊື່ເມືອງທີ່ທຸກຍາກອອກໄປທັງຫມົດບົ່ງຊີ້ວ່າຈີນໄດ້ແກ້ໄຂບັນຫາຄວາມທຸກຍາກຂັ້ນສູງສຸດທີ່ມີມາຍາວນານນັບພັນປີສຳເລັດແລ້ວ ທ່ານເກົາກັງ ນັກວິໄຈຈາກສະຖາບັນ ສັງຄົມສາດແຫ່ງກຸ້ຍໂຈວກ່າວພ້ອມເສີມວ່າ ສິ່ງນີ້ຍັງມີຄວາມຫມາຍວ່າຈີນເຂົ້າສູ່ໄລຍະໃຫ່ມຂອງການພັດທະນາແລ້ວ
ທ່ານກ່າວຕື່ມວ່າ ໃນຂັ້ນຕອນການພັດທະນາໃຫ່ມນີ້ຈີນຄວນເພີ່ມຄວາມພະຍາຍາມໃນການຟື້ນຟູຊົນນະບົດເພື່ອເຮັດໃຫ້ຄວາມສຳເລັດໃນການບັນເທົາຄວາມທຸກຍາກນັ້ນເຂັ້ມແຂງຕໍ່ໄປ
