ເທຣນເນີໜຸ່ມສຸດHotມາແຮງຫຼາຍ ໄດ້ລູກຄ້າເປັນແຟນ 108ຄົນໃນປີດຽວ

ຕອນນີ້ກະແສຄົນຮັກສຸຂະພາບກໍາລັງມາແຮງ ແລະ ເປັນທີ່ນິຍົມຫຼາຍໃນໝູ່ສາວໆກ່ຽວກັບການຈ້າງເທຣນເນີສ່ວນຕົວ, ເລື່ອງນີ້ແມ່ນເລື່ອງທີ່ເກີດຂຶ້ນໃນປະເທດຈີນເມື່ອໜຸ່ມເທຣນເນີສຸດເຈົ້າຊູ້ໄວ 26ປີ ຖືກເພື່ອນຮ່ວມງານອອກມາແສທາງອອນລາຍ ວ່າຜູ້ກ່ຽວເປັນແຟນກັບສາວໆທີ່ເຄີຍເປັນລູກຄ້າກວ່າ 108ຄົນ.

ໂດຍເພື່ອນຮ່ວມງານຂອງເທຣນເນີໜຸ່ມຄົນນີ້ ໄດ້ອອກມາເວົ້າວ່າ ລູກຄ້າສ່ວນໃຫຍ່ຈະເປັນລູກຄ້າຜູ້ຍິງ ທີ່ມີຊ່ວງອາຍຸປະມານ 40ປີຂຶ້ນໄປ ໂດຍພວກນາງຈະຈ້າງເທຣນເນີຄົນນີ້ໄປດູແລແບບໃກ້ຊິດຕົວຕໍ່ຕົວ ເຊິ່ງເຂົາກໍ່ເປັນທີ່ຖືກອົກຖືກໃຈຂອງສາວໃຫ່ຍຫຼາຍໆຄົນ ເພາະນອກຈາກຈະຫຸ່ນດີແລ້ວ ລາວຍັງປາກຫວານ ແລະ ຮູ້ວິທີເອົາໃຈສາວໆເປັນຢ່າງດີ.

ຕາມຂ່າວລະບຸວ່າ ຜູ້ຍິງສ່ວນໃຫຍ່ທີ່ສາມາດຈ້າງເທຣນເນີສ່ວນຕົວໄດ້ນັ້ນ ຈະເປັນໄວທໍາງານແລ້ວ ແລະ ຂ້ອນຂ້າງມີຖານະດີ ຈຶ່ງເຮັດໃຫ້ເຂົາເຈົ້າເປັນທີ່ລໍ້ຕາລໍ້ໃຈຂອງເທຣນເນີໜຸ່ມຄົນນີ້.

ເຊິ່ງນອກຈາກສາວໆເຫຼົ່ານີ້ຈະຕ້ອງເສຍຄ່າເທຣນເນີແລ້ວ ພວກເຂົາຍັງຊື້ແບຣນເນມລາຄາແພງໄວ້ເປເທຣນເນີຄົນນີ້ຢູ່ຕະຫຼອດ.