ດຳເນີນຄະດີຊາຍຕ່າງຊາດ ກໍ່ເຫດປຸ້ນເອົາເງິນຢູ່ຮ້ານຂາຍເຄື່ອງເຄ ມາກ (K-mart) – ສື່ລາວ.ຄອມ
Connect with us

ຂ່າວພາຍໃນ

ດຳເນີນຄະດີຊາຍຕ່າງຊາດ ກໍ່ເຫດປຸ້ນເອົາເງິນຢູ່ຮ້ານຂາຍເຄື່ອງເຄ ມາກ (K-mart)

Published

on

ວັນທີ 19 ພະຈິກ ທີ່ຜ່ານມາ, ຄະນະສານອາຍາຂັ້ນຕົ້ນ ສານປະຊາຊົນ ນະຄອນຫຼວງວຽງຈັນ ໄດ້ພິຈາລະນາສໍານວນຄະດີທີ່ມີຈຳເລີຍຖືກຂໍ້ຫາປຸ້ນຊັບພົນລະເມືອງ ໂດຍຈໍາເລີຍຊື່ ທ້າວ ລີ ຢູຊາງ ອາຍຸ 18 ປີ ເຊື້ອຊາດ ແລະ ສັນ ຊາດເກົາຫຼີໃຕ້ ພັກເຊົາຢູ່ບ້ານຮ່ອງສຸພາບ ເມືອງໄຊເສດຖາ ນະຄອນຫຼວງວຽງຈັນ ຈາກການກະທໍາດັ່ງກ່າວຄະນະສານໄດ້ຕັດສິນລົງໂທດຕັດອິດສະລະພາບ 2 ປີ ຕາມຂັ້ນຕອນຂອງກົດໝາຍ.
ອົງການໄອຍະການປະຊາຊົນນະຄອນຫຼວງວຽງຈັນ ຖະແຫຼງຕໍ່ສານໃຫ້ຮູ້ວ່າ: ທ້າວ ລີ ຢູຊາງ ໄດ້ເດີນທາງເຂົ້າມາ ສປປ ລາວ ໃນປີ 2006 ຈຸດປະສົງ ເພື່ອມາຢູ່ນໍາພໍ່-ແມ່ທີ່ດໍາເນີນທຸລະກິດ ຢູ່ ສປປ ລາວ, ເມື່ອມາຮອດກໍໄດ້ໄປຢູ່ນໍາພໍ່-ແມ່. ຫຼັງຈາກນັ້ນ, ພໍ່-ແມ່ ຂອງຜູ້ ກ່ຽວໄດ້ສົ່ງໄປເຂົ້າໂຮງຮຽນນາໆຊາດແຫ່ງໜຶ່ງ. ວັນທີ 24 ມິຖຸນາ 2018, ທ້າວ ລີ ຢູຊາງ ໄດ້ຂໍເງິນນໍາພໍ່ເພື່ອຈະເອົາໄປໃຊ້ໜີ້ຄ່າໂມງ ແລະ ເກີບທີ່ໄດ້ ສັ່ງຊື້ນໍາໝູ່ຜ່ານທາງເຟສບຸກໃນລາຄາ 1.600 ໂດລາສະຫະລັດ, ແຕ່ພໍ່ຂອງ ຜູ້ກ່ຽວໄດ້ໃຫ້ການປະຕິເສດ ພ້ອມທັງຮ້າຍ-ດ່າ ຈຶ່ງພາໃຫ້ມີການຜິດຖຽງກັນ ແລະ ໃນມື້ຕໍ່ມາ, ຜູ້ກ່ຽວໄດ້ໂທຫາໝູ່ ເພື່ອຂໍເລື່ອນເວລາການຈ່າຍເງິນແຕ່ກໍບໍ່ສາມາດເລື່ອນໄດ້ ແລະ ຜູ້ກ່ຽວກໍໄດ້ພະຍາຍາມຕິດຕໍ່ຫາໝູ່ຫຼາຍຄົນ ເພື່ອຂໍ ຢືມເງິນ ແຕ່ກໍບໍ່ໄດ້ຮັບການຊ່ວຍເຫຼືອ; ວັນທີ 27 ມິຖຸນາ 2018, ຜູ້ກ່ຽວເກີດມີແນວຄິດສັບສົນຍ້ອນມີບັນຫາເລື່ອງເງິນ ຈຶ່ງໄດ້ຊື້ເບຍມາດື່ມ ພ້ອມທັງຄິດຊອກຫາວິທີຫາເງິນ ເພື່ອຈະເອົາມາຈ່າຍຄ່າເຄື່ອງ. ໃນນັ້ນ, ຜູ້ກ່ຽວຈຶ່ງມີແນວຄິດຈະໄປປຸ້ນເອົາເງິນຢູ່ຮ້ານຂາຍເຄື່ອງເຄ ມາກ (K-mart).

ໃນເວລາ 11:00 ໂມງ ຂອງມື້ຕໍ່ມາ, ທ້າວ ລີ ຢູຊາງ ໄດ້ໄປຊື້ເບຍມາດື່ມຈົນ ມີອາການເມົາສົມຄວນເຮັດໃຫ້ຜູ້ກ່ຽວມີຄວາມໃຈກ້າ ແລ້ວກຽມອຸປະກອນ ຄື: ມີດຊອຍອາຫານ 1 ດວງ, ຜ້າປິດປາກ ແລະ ໝວກ ຈຸດປະສົງເພື່ອຈະໄປປຸ້ນເອົາເງິນຢູ່ຮ້ານຂາຍເຄື່ອງເຄມາກ; ຈົນຮອດເວລາ 16:30 ໂມງ ກໍຂຶ້ນລົດແທັກຊີໄປຮ້ານຂາຍເຄື່ອງດັ່ງກ່າວ ເມື່ອໄປຮອດແຖວສູນອອກກໍາລັງກາຍແສງດາຣາ, ໄດ້ບອກໃຫ້ຄົນຂັບລົດຈອດລໍ ຖ້າສ່ວນຜູ້ກ່ຽວແມ່ນຍ່າງເຂົ້າໄປທາງປະຕູດ້ານຫຼັງຂອງຮ້ານຂາຍເຄື່ອງ ແລະ ເມື່ອໄປຮອດບ່ອນຈ່າຍເງິນ (ເຄົາເຕີ້) ຈຶ່ງໃຊ້ມີດຈີ້ພະນັກງານເກັບເງິນ ພ້ອມທັງບັງຄັບໃຫ້ພະນັກງານເປີດລີ້ນຊັກບ່ອນໃສ່ເງິນ. ຈາກນັ້ນ, ທ້າວ ລີ ຢູຊາງ ຈຶ່ງໄປຈັບເອົາເງິນໃສ່ຖົງ. ໃນນັ້ນ, ມີເງິນໂດລາ ຈໍານວນ 1.961 ໂດລາສະຫະລັດ, ເງິນບາດໄທ ຈໍານວນ 5.200 ບາດ ແລະ ເງິນກີບ ຈໍານວນ 1.530.000 ກີບ ແລ້ວແລ່ນອອກມາທາງໜ້າຮ້ານ ຈຶ່ງຖືກພະນັກງານຮັກສາຄວາມປອດໄພໃຊ້ໄມ້ຄ້ອນຕີ ເຮັດໃຫ້ຜູ້ກ່ຽວລົ້ມລົງ, ແຕ່ຍັງລຸກຂຶ້ນແລ່ນຕໍ່ເພື່ອຈະໄປຫາລົດແທັກຊີ. ເວລາຕໍ່ມາ, ຈຶ່ງມີ ປກສ ບ້ານສະພານທອງເໜືອ ເມືອງສີສັດຕະນາກ ມາຊ່ວຍຈັບຕົວຜູ້ກ່ຽວແລ້ວສົ່ງໃຫ້ກອງ ບັນຊາການ ປກສ ນະຄອນຫຼວງວຽງຈັນ ດໍາເນີນຄະດີຕາມກົດໝາຍ.

ຜ່ານການຄົ້ນຄວ້າບັນດາຂໍ້ມູນຫຼັກຖານ ແລະ ເອກະສານຕ່າງໆທີ່ມີຢູ່ໃນສໍານວນຄະດີຢ່າງລະອຽດ, ຖີ່ຖ້ວນ, ຮອບດ້ານ ແລະ ພາວະວິໄສແລ້ວ ເຫັນວ່າ: ມີຂໍ້ມູນຫຼັກຖານພຽງພໍຢັ້ງຢືນວ່າ: ທ້າວ ລີ ຢູຊາງ (ຈໍາເລີຍ) ໄດ້ກະທໍາຜິດໃນສະຖານການປຸ້ນຊັບຂອງພົນລະເມືອງຕາມທີ່ໄດ້ກໍານົດໄວ້ໃນກົດໝາຍອາຍາສະ ບັບປັບປຸງ ປີ 2005 ມາດຕາ 118 ທີ່ແຕະຕ້ອງຕໍ່ກໍາມະສິດສ່ວນຕົວຂອງພົນລະເມືອງຕາມຄໍາໃຫ້ການ ແລະ ບົດບັນທຶກການຈັບຕົວທີ່ກ່າວມາຂ້າງເທິງ.

ການກະທໍາຂອງຈໍາເລີຍ ເປັນການກະທໍາຜິດໂດຍເຈດຕະນາເນື່ອງຈາກວ່າ ຈໍາເລີຍໄດ້ໃຊ້ຄວາມຮຸນແຮງບຸກລຸກດ້ວຍການໃຊ້ອາວຸດ (ມີດ) ນາບຄູ່ ໂດຍກົງຕໍ່ຊີວິດຂອງຜູ້ອື່ນເພື່ອເອົາຊັບມາເປັນຂອງຕົນເອງ; ນອກນັ້ນ, ຈໍາເລີຍແມ່ນບຸກຄົນທີ່ມີສະຕິສໍາປະຊັນຍະສົມບຸນດີ ແລະ ເຖິງກະສຽນອາຍຸທາງອາຍາຢ່າງພຽບພ້ອມແລ້ວ, ດ້ວຍເຫດຜົນດັ່ງກ່າວ ຄະນະສານອາຍາຂັ້ນຕົ້ນ ຈຶ່ງໄດ້ພິຈາລະນາຕັດສິນລົງໂທດຕັດອິດສະລະພາບ ຈໍາເລີຍ 4 ປີ ແລະ ປັບໃໝ 800.000 ກີບ ຕາມກົດໝາຍອາຍາສະບັບປັບປຸງປີ 2005 ມາດຕາ 118 ວັກ 1.

ກ່ຽວກັບຄ່າເສຍຫາຍ ກໍຄືເງິນໂດລາຈໍານວນ 1.961 ໂດລາສະຫະລັດ, ເງິນບາດ ຈໍານວນ 5.200 ບາດ ແລະ ເງິນກີບ ຈໍານວນ 1.530.000 ກີບ ທີ່ຈໍາເລີຍໄດ້ປຸ້ນເອົາໄປນັ້ນໂຈດທາງແພ່ງແມ່ນໄດ້ເງິນຄືນໝົດແລ້ວຕາມບົດບັນ ທຶກມອບເຄື່ອງສະບັບລົງວັນທີ 10 ກໍ ລະກົດ 2018. ສະນັ້ນ, ຈຶ່ງເປັນສາເຫດທີ່ພາໃຫ້ມີການຫຼຸດຜ່ອນຄວາມຮັບຜິດຊອບທາງອາຍາຕາມກົດໝາຍອາຍາ ສະບັບປັບປຸງ ປີ 2005 ມາດຕາ 440 ຂໍ້ 06 ຄືພິຈາລະນາຫຼຸດຜ່ອນໂທດໃຫ້ເຫຼືອ 2 ປີ ແລະ ປັບໃໝ 800.000 ກີບ.

Continue Reading

ຂ່າວພາຍໃນ

ລັດຖະມົນຕີ ເວົ້າເດັດຂາດ ຈະເຄັ່ງຄັດ ຄວາມປອດໄພຂຶ້ນເຕື່ມ

Published

on

By

ທ່ານ ພົອ ວິໄລ ຫຼ້າຄໍາຟອງ ກໍາມະການກົມການເມືອງ ສູນກາງພັກ, ຮອງ ນາຍົກລັດຖະມົນຕີ, ລັດຖະມົນຕີກະຊວງປ້ອງກັນ ຄວາມສະຫງົບ ລົງ ເຄື່ອນໄຫວຊີ້ນໍາວຽກງານປ້ອງກັນຄວາມສະຫງົບ ຢູ່ເຂດເສດຖະກິດ ພິເສດສາມຫຼ່ຽມ-ຄໍາ ພ້ອມເນັ້ນຢໍ້າໃຫ້ພາກສ່ວນ ທີ່ກ່ຽວຂ້ອງ ໃຫ້ຄວາມ ສໍາຄັນກັບວຽກງານຄວາມສະຫງົບໃນຂົງເຂດ ດັ່ງກ່າວຫຼາຍຂຶ້ນ.

ໃນວັນທີ 28 ມັງກອນ 2023, ທ່ານ ພົອ ວິໄລ ຫຼ້າຄໍາຟອງ ກໍາມະການກົມ ການເມືອງສູນກາງພັກ, ຮອງນາຍົກລັດຖະມົນຕີ, ລັດຖະມົນຕີ ກະຊວງ ປ້ອງກັນຄວາມສະຫງົບ ພ້ອມດ້ວຍຄະນະ ເຄື່ອນໄຫວຊີ້ນໍາວຽກງານ ປ້ອງກັນຄວາມສະຫງົບ ຢູ່ເຂດເສດຖະກິດພິເສດ ເມືອງຕົ້ນເຜີ້ງ ແຂວງບໍ່ ແກ້ວ,

ໂດຍການຕ້ອນຮັບຂອງ ທ່ານ ຈ້າວເຫີວຍ ປະທານສະພາຜູ້ ບໍລິຫານເຂດເສດຖະກິດພິເສດ ສາມຫຼ່ຽນຄໍາແຂວງບໍ່ແກ້ວ, ມີບັນດາ ການນໍາພັກແຂວງ, ຫົວຫນ້າ-ຮອງຫົວຫນ້າຫ້ອງວ່າການແຂວງ, ເຈົ້າເມືອງ, ກອງບັນຊາການປ້ອງກັນຊາດ-ປ້ອງກັນຄວາມສະຫງົບ ແລະ ຄະນະພັກ, ຄະນະຄຸ້ມຄອງເຂດເສດຖະກິດພິເສດ ເຂົ້າຮ່ວມ.

ໂອກາດດັ່ງກ່າວ ທ່ານ ພົອ ວິໄລ ກໍໄດ້ມີຄໍາເຫັນໂອ້ລົມຊີ້ນໍາຕໍ່ ຄະນະ ຄຸ້ມຄອງເຂດເສດຖະກິດພິເສດ ຈົ່ງພ້ອມກັນພັດທະນາເຂດເສດຖະກິດ ພິເສດໃຫ້ກາຍເປັນຕົວເມືອງທີ່ທັນສະໄຫມ, ມີພື້ນຖານເສດຖະກິດທີ່ເຂັ້ມ ແຂງ, ສັງຄົມມີຄວາມສີວິໄລຍຸຕິທໍາ, ເປັນສູນການຄ້າ-ການລົງທຶນ,ສາມາດກາຍເປັນແຫຼ່ງທ່ອງທ່ຽວລະດັບອາຊຽນ.

ພິເສດແມ່ນໃຫ້ມີຄວາມ ສະຫງົບ, ມີຄວາມປອດໄພ, ແຕ່ສິ່ງສໍາຄັນຕ້ອງຕິດພັນກັບ ຮ່ອງຮ້ອຍ ປະຫວັດສາດ, ຮີດຄອງວັດທະທໍາອັນເກົ່າແກ່ ແລະ ສ້າງໃຫ້ເຂດດັ່ງກ່າວ ກາຍເປັນການຄຸ້ມຄອງບໍລິຫານຕາມກົນໄກ ຕາມຫົວຫນ່ວຍບໍລິຫານໃນ ເງື່ອນໄຂເສດຖະກິດ ມີການເຕີຍໃຫຍ່ຂະຫຍາຍຕົວ, ເຂດພິເສດ ຕ້ອງໄດ້ ຍົກລະດັບການຄຸ້ມຄອງໃຫ້ສູງຂຶ້ນ

ໂດຍມອບໃຫ້ສູນກາງປະສານສົມທົບ ກັບທ້ອງຖິ່ນ ພ້ອມກັນຈັດຕັ້ງປະຕິບັດ, ສ້າງເປັນຫນ່ວຍງານຫນຶ່ງຄຸ້ມຄອງ ບໍລິຫານເຂດພິເສດ ເພື່ອແກ້ໄຂສະພາບທີ່ເກີດຂຶ້ນໃຫ້ທັນເວລາ ເພື່ອໃຫ້ ກາຍເປັນເມືອງທີ່ມີຄວາມສະຫງົບ, ທັນສະໄຫມ, ເປັນບ່ອນພັກຜ່ອນ, ທີ່ມີ ຄວາມເປັນລະບຽບຮຽບຮ້ອຍ, ສະຫງົບປອດໄພ, ກາຍເປັນເຂດພິເສດທີ່ ເປັນເຂດຕົວແບບ ແລະ ຄຸ້ມຄອງໃຫ້ມີປະສິດທິຜົນທີ່ດີຂຶ້ນກວ່າເກົ່າ.

ໂດຍໃນປີ 2022 ທີ່ຜ່ານມາ ສໍາລັບວຽກງານ ປ້ອງກັນຄວາມສະຫງົບ ໃນ ເຂດເສດຖະກິດພິເສດ ສາມຫຼ່ຽມຄໍາ ໄດ້ມີປະກົດການຫຍໍ້ທໍ້ເກີດຂຶ້ນ ທັງຫມົດ 153 ເລື່ອງ, x`ແກ້ໄຂໄດ້ທັງຫມົດ 107 ເລື່ອງ, ສົ່ງໃຫ້ ປກສ ແຂວງ ດໍາເນີນ 27 ເລື່ອງ ແລະ ຄະດີພວມດໍາເນີນແກ້ໄຂມີ 19 ເລື່ອງ.

ທີ່ມາ: ວຽງຈັນທາຍ

Continue Reading

ຂ່າວພາຍໃນ

ຮູ້ແລ້ວ ຍ້ອນສາເຫດນີ້ ຍິ ງ ກັນຕ າ ຍ 2 ຄົນເມືອງປາກງື່ມ

Published

on

By

ຂໍສະແດງຄວາມເສຍໃຈນຳຍາດຜູ້ເສຍຊີວິດ ເຫດ ຍິ ງ ກັ ນທີ່ເມືອງປາກງື່ມ.

ຕາມການລາຍງານຂອງ ໜ່ວຍກູ້ໄພອາສາເພື່ອປະຊາຊົນ ໃຫ້ຮູ້ວ່າ ໃນວັນທີ 1/2/2023 ເວລາ 13:30 ນາທີ ມີຄົ ນ ຍິ ງ ກັ ນເສຍຊີວິດ

ຈຸດເກີດເຫດທີ່ບ້ານໄຮ່ ເມືອງປາກງື່ມ ນະຄອນຫຼວງວຽງຈັນ.ໃນບໍລິເວນເກີດເຫດ ມີຜູ້ປະສົບເຫດ2ຄົນເພດຊາຍ, ຜູ້ທີ່ 1 ເພດຍິງ ຖື ກ ຍິ ງ ເສຍຊີວິດຄາທີ່ ແລະ ຜູ້ທີ 2 ເພດຊາຍ ເສຍຊີວິດຢູ່ໂຮງໝໍ.

ປັດຈຸບັນເຈົ້າໜ້າທີ່ກຳລັງກວດສອບ ຖ້າມີຂໍ້ມູນເພີ່ມເຕີມຈະລາຍງານໃນພາຍຫຼັງ.

Continue Reading

ຂ່າວພາຍໃນ

ຈັດໜັກ!ສາວງາມປາຕີ້ ມົ້ວສຸຸມປູມເປົ້າ 14ຄົນ ໄປສຶກສາອົບຮົມ

Published

on

By

ຈັດໜັກໃສ່ແກ້ງໄວລຸ້ນມັກມ່ວນ! ປກສ ນະຄອນໄກສອນ ໄດ້ນຳຕົວກຸ່ມໄວໜຸ່ມປາຕີ້ ມົ້ວສຸມຢາເສບຕິດ ສູບປູມເປົ້າ ຈຳນວນ 14 ຄົນ ໄປສຶກສາອົບຮົມ

ພັທ ຄຳສີ ທູນທະວົງສັກ ຫົວໜ້າກອງບັນຊາການ ປກສ ນະຄອນໄກສອນພົມວິຫານ ໄດ້ລາຍງານໃຫ້ຮູ້ວ່າ:

ວັນທີ 16 ມັງກອນ 2023 ຜ່ານມານີ້ ເຈົ້າໜ້າທີ່ ກອງບັນຊາການ ປກສ ນະຄອນໄກສອນ

ໄດ້ນຳຕົວກຸ່ມໄວໜຸ່ມປາຕີ້ ມົ້ວສຸມຢາເສບຕິດ ສູບປູມເປົ້າ ຈຳນວນ 14 ຄົນ ໄປສຶກສາອົບຮົມ ແລະ ຕັກເຕືອນ

Continue Reading
ເດືອນກຸມພາ 2023
ເສົາ ​ອາ ​ຈ ​ພ​ຫ ​ສ
 123
45678910
11121314151617
18192021222324
25262728  

Trending

ທ່ານບໍ່ມີສິດສຳເນົາ ບົດຄວາມນີ້ໄດ້ ສົນໃຈບົດຄວາມຕິດຕໍ່ ຜູ້ດູແລລະບົບຖ້າສົນໃຈບົດຄວາມນີ້