​ສອງກະຄືຄອບຄົວທີ່ຢູ່ຄຽງຂ້າງຄ່ອຍເປັນກຳລັງໃຈກຳລັງໃຈ,​ສາມຂໍຂອບໃຈແຟນບານ ທົ່ວປະເທດ ເວົ້າລວມເວົ້າສະເພາະກໍ່ ຄືແຟນບານຊາວແຂວງຈຳປາສັກ ທີ່ເປັນຫ່ວງ ແລະ ເປັນກຳລັງໃຈໃຫ້ຂ້າພະເຈົ້າ ຂໍຂອບໃຈທຸກໆທ່ານເປັນສູງ ຮັກ ແລະ ເຄົາລົບສະເໝີ”

ຂ່າວກ່ອນໜ້ານີ້ ເຫດການທີ່ບໍ່ຄາດຄິດເກີດຂຶ້ນ ໃນການແຂ່ງຂັນບານເຕະທົ່ວປະເທດ ທີ່ນະຄອນຫຼວງວຽງຈັນ ລະຫວ່າງວັນທີ 16-21 ພະຈິີກ 2020 ໃນນັດຊີງຊະນະເລີດປະຈໍາວັນທີ 21 ພະຈິກ 2020 ເມື່ອ ອຸດົມສິດ ສິງລາດສົມບູນ ກອງຫຼັງເບີ 7 ຂອງທີມບານເຕະຊາຍແຂວງຈໍາປາສັກ ປະທະຢ່າງຮຸນແຮງກັບ ຜູ້ຮັກສາປະຕູຂອງແຂວງຈໍາປາສັກ ໃນເຂດໂທດ ກ່ອນທີ່ ຫຼວງພະບາງ ຈະໄດ້ປະຕູຈາກຈັງຫວະດັ່ງກ່າວ.

ເຊິ່ງຈັງຫວະນັ້ນເຮັດໃຫ້ ອຸດົມສິດ ຕ້ອງໝົດສະຕິ ແລະ ຢູ່ໃນອາການຫົວໃຈຢຸດເຕັ້ນ ກ່ອນທີ່ທີມແພດຈະມາປະຖົມພະຍາບານ ທັງປັບຫົວໃຈ ແລະ ເຮັດທຸກວິທີທາງ ເພື່ອກູ້ຊີວິດຂອງນັກເຕະ ເບີ 7 ຂອງແຂວງຈໍາປາສັກ ຫຼາຍນາທີພໍສົມຄວນ ກ່ອນທີ່ຈະສາມາດກູ້ຊີວິດນັກເຕະຄົນດັ່ງກ່າວຄືນມາຢ່າງປະຕິຫານ(ດັ່ງຄລິບລຸ່ມນີ້) ເຊິ່ງມີການເປີດເຜີຍແລ້ວວ່າ: ທ່ານ ດຣ ບົວພັນ ສີຫາວົງ ທີ່ເປັນຜູ້ປັບຫົວໃຈຂອງນັກເຕະຄົນດັ່ງກ່າວ ໂດຍມີທີມແພດທີ່ມີປະສົບການມາຊ່ວຍຢູ່ຄຽງຂ້າງ

ຈົນເຮັດໃຫ້ການກູ້ຊີວິດນັກເຕະຜ່ານໄປດ້ວຍດີ ແລະ ຫຼັງຈາກຫຼາຍນາທີພໍສົມຄວນ ອຸດົມສິດ ກໍສາມາດກັບມາຮູ້ສຶກຕົວ ທາມກາງຄວາມເປັນຫ່ວງຂອງແຟນບານຫຼາຍກວ່າ 20 ພັນຄົນໃນສະໜາມ. ນອກນັ້ນ ກໍຍັງມີຜູ້ຊົມຜ່ານທາງທອດສົດອີກຫຼາຍພັນຄົນ ໂດຍສະເພາະ ລູກຊາຍ ແລະ ເມຍທີ່ຢູ່ຂ້າງໆທັງນໍ້າຕາໄຫຼເປັນສາຍ ກ່ອນທີ່ ອຸດົມສິດ ພ້ອມດ້ວຍທີມແພດກໍຄື ທ່ານ ດຣ ບົວພັນ ສີຫາວົງ ໄດ້ພາກັນຍ່າງໄປໜ້າສະໜາມເພື່ອຂອບໃຈແຟນບານ. ທ່ານ ດຣ ບົວພັນ ສີຫາວົງ ທີມແພດປະຈໍາສະໜາມດັ່ງກ່າວ ໄດ້ອະທິບາຍຕໍ່ເຫດການດັ່ງກ່າວວ່າ:

ຂໍອະນຸຍາດແຈ້ງການ ເລື່ອງທີ່ສັງຄົມເປັນຫ່ວງແລະເປັນນາທີທີ່ສາຕາສັງຄົມພົບເຫັນ ເກືອກຊັອກທັງສະໜາມແລະນອກສະໜາມ ຕົ້ນເຫດກະຄື ນັກກິລາເບີ7ຖືກກະທົບຮຸນແຮງ ບວກກັບອາການອິດເມື່ອຍທີ່ໃຊ້ກໍ່າລັງແລ່ນຫຼາຍ ໝົດສະຕິ ຫົວໃຈຢຸດເຕັ້ນ ກໍາມະຈອນຈັບບໍ່ໃດ້ ກະເລີຍເຮັດ CPR ຄາເດີ່ນ ປະມານ 10ນາທີໄດ້ ນ້ອງເຂົາກະເລີ້ມມີກໍາມະຈອນກັບມາ ສຸກເສີນເບື້ອງຕົ້ນແລ້ວໃຫ້ດົມອົກຊີ ເກືອບປະມານ 30ນາທີ ຮູ້ສືກວ່າເຂົາຕອບສະໝອງໃດ້ດີທຸກພາກສ່ວນ

ປະຈຸບັນຜູ້ກ່ຽວແມ່ນປົກກະຕິແລ້ວດີ ຂໍໃຫ້ທຸກທ່ານສະບາຍໃຈໄດ້ ຂໍຂອບໃຈທຸກພາກສ່ວນທີ່ໃຫ້ກໍ່າລັງໃຈເຊື່ອໝັ້ນທີມງານແພດລາວພວກເຮົາ ຂໍຂອບໃຈທີ່ນໍ້າໃຈຂອງຄົນລາວຍາມໃດກະຮັກເຊື້ອແພງຊາດ ແຈ້ງມາດ້ວຍຄວາມຮັບຖືເປັນຢ່າງສູງ. ສໍາລັບ ທ່ານ ດຣ ບົວພັນ ສີຫາວົງ ໄດ້ຮັບຄວາມໄວວາງໃຈໃຫ້ປະຈໍາຢູ່ສະໜາມກີລາແຫ່ງຊາດ ຫຼັກ 16 ທັງສະໜາມໃນ ແລະ ສະໜາມນອກ ຕະຫຼອດການແຂ່ງຂັນບານເຕະທົ່ວປະເທດ ລະຫວ່າງວັນທີ 6-21 ພະຈິກ 2020.