ກ່ອນອື່ນຂໍເລົ່າເລື່ອງລາວປະຫວັດຫຍໍ້ຂອງຜູ້ກ່ຽວ: ຜູ້ກ່ຽວຊື່ ທ.ຊ້າງ ຫວ່າງ ອາຍຸ17ປີ ຢູ່ບ້ານນ້ຳຕິງ ມ. ພູຄູນ ແຂວງຫຼວງພະບາງ ຮຽນຢູ່ຊັ້ນ ມ.4 ເນື່ອງຈາກຜູ້ກ່ຽວເປັນຄົນສຸຂະພາບຮ່າງກາຍຜິດປົກກະຕິຕ່າງຈາກຄົນທົ່ວໄປ ເຕີບໂຕຊ້າ ຜູ້ກ່ຽວອາຍຸໄດ້2ປີປາຍຈຶ່ງຍ່າງໄດ້ ເປັນຄົນເວົ້າຄວາມຊັກຊ້າ ເປັນຄົນຂີ່ອາຍເປັນຄົນບໍ່ມັກເວົ້າປານໃດ ແຕ່ຮຽນຂ້ອນຂ້າງເກັ່ງ ຜູ້ກ່ຽວລາວອາຍຸ17ປີແລ້ວຫາກໍ່ຮຽນມ4 ຮຽນຫ້ອງດຽວກັນກັບນ້ອງຊາຍຂອງລາວຊື່ ທ.ທອງຫວ່າງ, ບ້ານຢູ່ ຢູ່ຫ່າງໄກສອກຫຼີກຈາກໂຮງຮຽນເລີຍມາອາໄສຢູ່ນຳລຸງທີ່ບ້ານນານ່ານ ເຊິ່ງຫ່າງຈາກໂຮງຮຽນ7km ເນື່ອງຈາກຖານະຄອບຄົວທຸກຍາກ ອາໄສແຕ່ພໍ່ແມ່ຂາຍເຂົ້າໄຮ່ສົ່ງຮຽນທຸກປີ ຈື່ງບໍ່ມີຍານພາຫະນະຂີ່ໄປໂຮງຮຽນ ໂທລະສັບກໍ່ບໍ່ມີໃຊ້ ທຸກມື້ແມ່ນສອງອ້າຍນ້ອງທີ່ມາອາໄສຢູ່ນຳລຸງຕ້ອງໄດ້ຕື່ນແຕ່ເຊົ້າ ເພື່ອຈະໄດ້ຍ່າງໄປໂຮງຮຽນທັນເວລາ.
ເລື່ອງມີຢູ່ວ່າມື້ວັນສຸກແລ້ວນີ້ 20/11/2020 ຜູ້ກ່ຽວກັບນ້ອງຊາຍ ແລະ ໝູ່4 ຫາ 5ຄົນໄດ້ຍ່າງໄປໂຮງຮຽນ ແຕ່ບ້ານນານ່ານໄປຫາບ້ານພູວຽງໄລຍະທາງ7km ພໍດີຍາມນີ້ກໍ່ແມ່ນຍາມໜາວແດ່ຢູ່ພູຄູນອາກາດໜາວບໍ່ແມ່ນທຳມະດາ ບາງເອີນມື້ວັນສຸກນີ້ຜູ້ກ່ຽວກັບຫມູ່ເພື່ອນ ໄປໄດ້ຊ້າບໍ່ທັນຊົ່ວໂມງທຳອິດ ເລີຍໄປລົບຢູ່ບໍລິເວັນຂ້າງເດີ່ນໂຮງຮຽນເພື່ອລໍຖ້າເຂົ້າຮຽນຊົ່ວໂມງຕໍ່ໄປ ແຕ່ຍ້ອນສັງຄົມທຸກມື້ນີ້ທຸກຄົນຄົງຈະຊາບດີວ່ານັກຮຽນສ່ວນຫຼາຍມັກປະລະການຮຽນ ຂີ້ດື້ ມັກໂຕນຫ້ອງເພື່ອໄປຫຼີ້ນເກມ. ເທື່ອນີ້ຄູອາຈານ2,3ຄົນໄດ້ໄປໄລ່ຈັບນັກຮຽນຈຳນວນມັກລັກອອກມາຫລີ້ນເກມຢູ່ຂ້າງເດີນໂຮງຮຽນພໍດີຜູ້ກ່ຽວໄດ້ຢູ່ໃນເຫດການນັ້ນ ຍ້ອນກ່ອນໜ້ານີ້ກໍ່ມີນັກຮຽນສ່ວນໜຶ່ງຕິດເກມມັກໂຕນຫ້ອງອອກມາຫລີ້ນເກມ. ຄົນອື່ນພາກັນແລ່ນໜີໝົດ ແຕ່ ທ.ຊ້າງ ຫວ່າງ ເປັນຄົນຕີນມືຊ້າເລີຍຖືກຈຸອາຈານຈັບໄດ້ ຈົນເກີບຫຼຸດໝົດ ຫຼັງຈາກນັ້ນກໍ່ໄດ້ນຳຕົວຜູ້ກ່ຽວເຂົ້າຫ້ອງການເພື່ອສຳຫວຼດຕັກເຕືອນ ອາຈານໄດ້ໃຊ້ຖ້ວຍຄຳຂ້ອນຂ້າງຮຸນແຮງ ແລະ ເວົ້າໃຫ້ຜູ້ກ່ຽວວ່າຈະເອີ້ນພໍ່ແມ່ມາຫ້ອງການ ວັນຈັນໜ້ານີ້ໃຫ້ຂື້ນຫ້ອງການອີກຄັ້ງເພື່ອສຳຫຼວດຕັກເຕືອນອີກຄັ້ງພ້ອມຜູ້ປົກຄອງ.
ໃນຕອນແລງມື້ວັນສຸກທີ່ເກີດເລື່ອງໃນໂຮງຮຽນນັ້ນ ຜູ້ກ່ຽວຍ່າງກັບບ້ານດ້ວຍຕີນເປົ່າໄລຍະທາງ7km. ດ້ວຍເຫດນີ້ເຮັດໃຫ້ຜູ້ກ່ຽວອາຍ ແລະ ແຕກຕື່ນ ຢ້ານກົວຈົນຕັດສິນໃຈຈົບຊີວິດໃນມື້ຕໍ່ມາ (ວັນເສົາວັນທີ21/11/2020) ຕອນແລງວັນສຸກຜູ້ກ່ຽວຍ່າງກັບບ້ານໂດຍຕີນເປົ່າບໍ່ໃສ່ເກີບໃນໄລຍະທາງ7kmມັນຊິທໍລະມານສ່ຳໃດ ແລະ ອັບອາຍໃຫ້ໝູ່ເພື່ອນສ່ຳໃດ
ພໍ່ແມ່ຜູ້ປົກຄອງເປັນປະຊາຊົນທຳມະດາເວົ້າຫຍັງບໍ່ໄດ້ ໄດ້ແຕ່ຮ້ອງໄຫ້ເສຍໃຈຜູ້ເປັນພໍ່ວ່າໃນເມື່ອສູນເສຍລູກຊາຍເປັນແນວນີ້ແລ້ວຜູ້ເປັນນ້ອງຊື່ ທອງ ຫວ່າງ ກໍ່ຈະໃຫ້ອອກໂຮງຮຽນ ບໍ່ໃຫ້ຮຽນແລ້ວຂໍຝາກໃຫ້ສັງຄົມຊ່ວຍເບິ່ງຄວາມເປັນທຳໃຫ້ນ້ອງແດ່
