ອົງຄະນະພັກແຂວງ ໄດ້ເອົາໃຈໃສ່ຊີ້ນຳ-ນຳພາ ດ້ວຍຄວາມຮັບຜິດຊອບສູງ, ເຮັດແທ້ທຳຈິງ, ສ້າງການຫັນປ່ຽນສູ່ຄຸນນະພາບ ແລະມີຜົນສຳເລັດດ້ວຍການຫັນເອົາພະນັກ ງານຫຼັກແຫຼ່ງສົມທົບກຳລັງສູນກາງລົງກໍ່ ສ້າງຮາກຖານການເມືອງ ແລະ ພັດທະນາຊົນນະບົດ ຕິດພັນກັບວຽກງານ 3 ສ້າງ ຍູ້ແຮງຂະບວນການແຂ່ງຂັນຮັກ ຊາດ ແລະ ພັດທະນາ, ປັບປຸງລະບົບການເມືອງຢູ່ຮາກ ຖານໄດ້ມີຄວາມເຂັ້ມແຂງ, ເປັນແກນນຳໃນການຊີ້ນຳ-ນຳ ພາ ຄຸ້ມຄອງບໍລິຫານບ້ານ ໂດຍກຳນົດເອົາກຸ່ມບ້ານປຸ່ງຫຼັກ, ກຸ່ມບ້ານຜາເຈົ້າ ເມືອງກາສີ ເປັນຈຸດສຸມຈັດສັນພູມລຳເນົາ, ກຸ່ມບ້ານເມືອງຄີ່ ເມືອງແມດ, ກຸ່ມຜາສັງ ເມືອງເຟືອງ ແລະ ກຸ່ມຜາບ່ອງ ເມືອງຫີນເຫີບ ສ້າງໃຫ້ກາຍເປັນສີສັນຕົວເມືອງຢູ່ຊົນນະບົດ.

ທ່ານ ຄໍາພັນ ສິດທິດໍາພາ ໃຫ້ຮູ້ຕື່ມວ່າ: ຜ່ານການຈັດ ຕັ້ງປະຕິບັດວຽກງານຕົວຈິງ ມາຮອດປັດຈຸບັນກຸ່ມດັ່ງກ່າວສາມາດສ້າງພື້ນຖານໂຄງລ່າງເສດຖະກິດ-ສັງຄົມໄດ້ໂດຍພື້ນຖານ, ຄອບຄົວຕົວແບບ ແລະ ບ້ານແບບຢ່າງດ້ານ ຕ່າງໆ ກາຍເປັນບ້ານພັດທະນາເພີ່ມຂຶ້ນ, ຊີວິດການເປັນຢູ່ທາງດ້ານວັດຖຸ ແລະ ຈິດໃຈຂອງປະຊາຊົນໄດ້ຮັບການຍົກສູງ ຂຶ້ນ. ສິ່ງສໍາຄັນຈໍານວນບ້ານທຸກຍາກໃນທົ່ວແຂວງປັດຈຸບັນ ຍັງເຫຼືອພຽງ 1 ບ້ານ ຄື: ບ້ານປາກແຜນ, ເມືອງແມດ, ຫຼຸດລົງ 13 ບ້ານ, ຄອບຄົວທຸກຍາກຍັງເຫຼືອ 692 ຄອບຄົວ, ຫຼຸດລົງ 519 ຄອບຄົວ ເມື່ອທຽບໃສ່ປີ 2015 ຜ່ານມາ. ແລະ ຄອບຄົວທຸກຍາກທີ່ຍັງເຫລືອນີ້.

ໃນແຜນພັດທະນາເສດຖະກິດ-ສັງຄົມຂອງແຂວງວຽງຈັນ 5 ປີຕໍ່ໜ້າ (2021-2025) ໄດ້ກໍານົດຢ່າງຈະແຈ້ງວ່າຈະສູ້ຊົນແກ້ໄຂໃຫ້ໄດ້ ໂດຍຈະນຳໃຊ້ຫລາຍມາດຕະການ ເປັນຕົ້ນ: ສືບຕໍ່ສ້າງພື້ນຖານໂຄງລ່າງ ສິ່ງອຳນວຍຄວາມສະດວກທີ່ຈຳເປັນ ເພື່ອກະຕຸກຊຸກຍູ້ການຜະ ລິດຂອງປະຊາຊົນຢູ່ຊົນນະບົດ; ສ້າງອາຊີບທີ່ເປັນມູນເຊື້ອຕາມທ່າແຮງຂອງແຕ່ລະເຂດ, ຈັດສັນປັດໄຈການຜະລິດທີ່ຈຳເປັນ ເຊັ່ນ: ການຈັດສັນທີ່ດິນໃຫ້ປະຊາຊົນ, ປັບ ປຸງສະຖານີບໍລິການເຕັກນິກກະສິກຳ; ຊຸກຍູ້ສົ່ງເສີມຜູ້ປະກອບການ, ຫົວໜ່ວຍທຸລະ ກິດທີ່ມີເງື່ອນໄຂໄປລົງທຶນຢູ່ເຂດຊົນນະບົດ ເພື່ອຍູ້ແຮງການຜະລິດເປັນສິນຄ້າ ແລະ ການບໍລິການຂອງປະຊາຊົນໃຫ້ເກີດມີຫຼາກຫຼາຍ ທັງຮູບ ແບບຄອບຄົວ, ແບບເປັນກຸ່ມ ແລະ ມາດຕະການອື່ນຯ ເພື່ອແກ້ໄຂບ້ານທຸກຍາກ, ຄອບຄົວທຸກຍາກທີ່ຍັງເຫລືອໃຫ້ໝົດໄປ ແລະ ແນໃສ່ບັນລຸຕາມເນື້ອໃນມາດຖານການສ້າງບ້ານເປັນຫົວ ໜ່ວຍພັດທະນາໃຫ້ກວມເອົາ 82,6% , ສ້າງບ້ານໃຫຍ່ໃຈກາງເຊື່ອມຈອດກັບບ້ານອ້ອມຂ້າງ ກາຍ ເປັນສີສັນຕົວເມືອງໃນຊົນນະບົດ 7 ຈຸດ. ສູ້ຊົນສ້າງແຂວງວຽງຈັນ ໃຫ້ກາຍເປັນຫົວໜວ່ຍຍຸດທະສາດ ຕາມທິດ 3 ສ້າງ, ສ້າງເມືອງເປັນຫົວໜວ່ຍເຂັ້ມແຂງຮອບດ້ານໃຫ້ບັນລຸໄດ້ 6 ເມືອງຂຶ້ນໄປ.

ໂດຍ: ມົດແດງນ້ອຍ Lao National Radio