ເຈົ້າບ່າວອາຍຸ 48 ແຕ່ງດອງກັບເຈົ້າສາວອາຍຸ 13ປີ ແຖມຍັງໃຫ້ລ້ຽງລູກຕິດມານຳອາຍຸເທົ່າກັນກັບເຈົ້າສາວ – ສື່ລາວ.ຄອມ
Connect with us

ຂ່າວຕ່າງປະເທດ

ເຈົ້າບ່າວອາຍຸ 48 ແຕ່ງດອງກັບເຈົ້າສາວອາຍຸ 13ປີ ແຖມຍັງໃຫ້ລ້ຽງລູກຕິດມານຳອາຍຸເທົ່າກັນກັບເຈົ້າສາວ

Published

on

ອັດສະໄນລາ ມຸກາລິງ ເດັກສາວອາຍຸ13 ປີ ຕ້ອງກາຍມາເປັນພັນລະຍາຄົນທີ່ 5 ຂອງທ້າວອັບດຸນຣາຊາດ ອັມພາຕວນ ພາຍຫຼັງເຂົ້າພິທີວິວາທີ່ຈັດຂຶ້ນໃນເມືອງມາມາຊາປາໂນ ປະເທດຟິລິບປິນ ເມື່ອວັນທີ່ 22 ຕຸລາ ທີ່ຜ່ານມາ ໂດຍລາວໄດ້ຮັບມອບໝາຍໃຫ້ເຮັດວຽກບ້ານທຸກຢ່າງ ທັງຍັງຕ້ອງລ້ຽງດູລູກຕິດຂອງຝ່າຍຊາຍທີ່ອາຍຸເທົ່າກັນກັບລາວ

ແຕ່ເຖີງຢ່າງໃດກໍຕາມຕົວເດັກສາວກັບບອກວ່າລາວນັ້ນບໍ່ໄດ້ຮູ້ສຶກຢ້ານທ້າວອັບດຸນຣາຊາດ ສາມີຂອງລາວແມ່ນແຕ່ນ້ອຍ ເປັນເພາະເຂົາດີກັບລາວຫຼາຍ “ຂ້ອຍກຳລັງເລີ່ມຫັດແຕ່ງກິນແລ້ວ ເພາະຂ້ອຍບໍ່ຊຳນານເລື່ອງນີ້ເລີຍ ແຕ່ກໍ່ຕ້ອງຝຶກຕໍ່ໄປເພື່ອໃຫ້ສາມີຂ້ອຍມີຄວາມສຸກ” ແລະຫຼັງຈາກນັ້ນ 3 ອາທິດ ອັບດຸນຣາຊາດກໍ່ໄດ້ສ້າງເຮືອນຫຼັງນ້ອຍຂຶ້ນມາ

ຫວັງໃຫ້ເປັນເຮືອນຫໍຂອງເຂົາກັບພັນລະຍາເດັກສາວ ໂດຍເຂົາເຮັດວຽກເປັນຊາວໄຮ່ຊາວນາ ໃນຂະນະທີ່ອັດສະໄນລາກໍ່ຫັດເປັນແມ່ບ້ານເຕັມຕົວ ຄອຍເບິ່ງແຍງເລື່ອງວຽກບ້ານວຽກເຮືອນແລະລ້ຽງດູລູກໆຂອງສາມີທີ່ຕິດມາຈາກພັນລະຍາຄົນກ່ອນດ້ວຍເຊັ່ນກັນ ໂດຍທັ້ງສອງວາງແຜນຈະມີລູກຄົນໃຫມ່ ເມື່ອອັດສະໄນລາອາຍຸຮອດ 20 ປີ

ເຖິງຢ່າງນັ້ນແລ້ວ ອັບດຸນຣາຊາດກໍ່ຍັງເຫັນຄວາມສຳຄັນຂອງການສຶກສາຢູ່ ໂດຍເຂົາເວົ້າວ່າຈະເປັນຄົນສົ່ງເສຍຄ່າຮຽນແກ່ພັນລະຍາຂອງເຂົາເອງ ເພື່ອເປັນການບໍ່ເສຍເວລາລໍຖ້າໃຫ້ລາວອາຍຸຄົບ 20 ປີທີ່ຈະມີລູກກັບເຂົາໄດ້ໂດຍບໍ່ໃຫ້ມີຫາງສຽງໃດໆຈາກສັງຄົມ.

Continue Reading

ຂ່າວຕ່າງປະເທດ

ພົບຊາຍ 3 ຄົນ ຊາວໄນຈີເຣຍ ລັກລອບອອກຈາກປະເທດ ໂດຍການນັ່ງລີ້ຢູ່ໜ້າກຳປັ່ນບັນທຸກນ້ຳມັນ ເປັນເວລາ 11 ມື້

Published

on

ພົບຊາຍ 3 ຄົນ ຊາວໄນຈີເຣຍ ລັກລອບອອກຈາກປະເທດ ໂດຍການນັ່ງລີ້ຢູ່ໜ້າກຳປັ່ນບັນທຸກນ້ຳມັນ

ພົບກັບຜູ້ຊາຍ 3 ຄົນ ຊາວໄນຈີເຣຍຈາກເມືອງ Lagos. ລັກລອບເຂົ້າປະເທດສະເປນໂດຍການນັ່ງລີ້ຢູ່ໜ້າກຳປັ່ນບັນທຸກນ້ຳມັນ.

ໂດຍທັງ 3 ຄົນ ນັ່ງຢູ່ຈຸດນັ້ນ ເປັນເວລາ 11 ມື້

Continue Reading

ຂ່າວຕ່າງປະເທດ

ເບິ່ງເອົາເດີ ແບບຢ່າງ ສາວປະຢັດກິນ ຕຳໝີ ມື້ລະ 18,000 ກີບ ຈົນຊື້ເຮືອນໄດ້ 3 ຫຼັງ

Published

on

ປະຢັດກິນ ຈົນຊື້ເຮືອນໄດ້ 3 ຫຼັງ ຍິງຊາວຍີ່ປຸ່ນ ໃນໄວ 34 ປີ ກິນພຽງ 200 ເຢນ (18 ພັນກວ່າກີບ) ຕໍ່ວັນ.

ຂ່າວນີ້ຖືເປັນທີ່ສົນໃຈ ເມື່ອສື່ຂອງຍີ່ປຸ່ນ ລາຍງານຊີວິດຍິງສາວຊາວຍີ່ປຸ່ນທ່ານໜຶ່ງ ທີ່ກິນພຽງກິນພຽງ 200 ເຢນ (ປະມາານ 18 ພັນກວ່າກີບ) ຕໍ່ວັນ ປັດຈຸບັນມີເຮືອນ 3 ຫຼັງ ຜ່ານເວລາໄປ 16 ປີ.

ຍິງຜູ້ນີ້ລາວພະຍາຍາມດີ້ນຮົນ ແລະ ປະຢັດອົດອອມກວ່າ 16 ປີ ແລະ ໄດ້ຊື້ເຮື້ອນຫຼັງທີ 3 ໄດ້ເດືອນພະຈິກ ປີ 2019 ເຊິ່ງລາວໄດ້ເລີ່ມວາງແຜນຕັ້ງແຕ່ອາຍຸ 18 ປີ ເມື່ອມີເປົ້າໝາຍທີ່ຈະຊື້ເຮືອນ 3 ຫຼັງ ເມື່ອອາຍຸຮອດ 34 ປີ.

ຕອນອາຍຸ 27 ປີ ລາວໄດ້ຊື້ເຮືອນຫຼັງທຳອິດໃນແຂວງໄຊຕາມະ ດ້ວຍເງິນ 10 ລ້ານເຢນ (ປະມານ 912 ລ້ານກີບ) ແລະ ຊື້ເຮືອນຫຼັງທີ 2 ໃນຄາລາ 18 ລ້ານເຢນ ( 1,6 ຕື້ກວ່າກີບ) ເມື່ອອາຍຸພຽງ 29 ປີ ແລະ ໃນປີ 2019 ລາວ ອາຍຸໄດ້ 34 ປີ ກໍ່ໄດ້ຊື້ເຮືອນຫຼັງທີ 3 ໃນລາຄາ 27 ລ້ານເຢນ (2,4 ຕື້ກວ່າກີບ).

ຈາກການລາຍງານຂອງສື່ຍີ່ປຸ່ນ ເປີດເຜີຍວ່າ: ຍິງຄົນນີ້ ລາວກິນຈະໃຊ້ຈ່າຍບໍ່ເກີນ 200 ເຢນ ( 18.000 ກວ່າກີບ) ຕໍ່ວັນສຳລັບຄ່າອາຫານເພື່ອຄວາມຢູ່ລອດ ດ້ວຍງົບປະມານທີ່ຈຳກັດ ລາວຈະເຮັດອຸດົ້ງ ແລະ ຜັກ ກິນດ້ວຍເງິນພຽງ 50 ເຢັນ (4.560 ກີບ) ສຳລັບສ່ວນປະສົມ, ລາວບອກວ່າ ຖ້າກິນອີ່ມແລ້ວ ຈະກິດຫຍັງກໍ່ບໍ່ຕ່າງກັນ.

ໃນຕອນອາຍຸ 29 ປີ ລາວຕັດຜົມ ແລະ ຂາຍຜົມຂອງຕົນເອງໃນລາຄາ 3.100 ເຢນ (282.720 ກີບ) ປັດຈຸບັນນອກຈາກເຮັດວຽກປະຈຳໃນອຸດສາຫະກຳອະສັງຫາລິມະຊັບແລ້ວ ລາວຍັງມີລາຍໄດ້ຈາກການເກັບຄ່າເຊົ່າຈາກຫ້ອງວ່າງຈາກອະສັງຫາລິມະຊັບຂອງລາວ ແລະ ເປີດຄາເຟ່ແມວ Cafe Yunaagi ຈາກເຮືອນຫຼັງທີ 3 ເຊິ່ງແມວທຸກໂຕທີ່ຢູ່ຄາເຟ່ ເປັນແມວທີ່ຊ່ວຍເຫຼືອຈາກຂ້າງທາງ.

Continue Reading

ຂ່າວຕ່າງປະເທດ

ເດືອດ! APEC 2022 ໄທວຸ້ນ ຜູ້ປະທ້ວງປະທະກັບຕຳຫຼວດຄວບຄຸມຝຸງຊົນ.

Published

on

APEC 2022 ໄທວຸ້ນ ຜູ້ປະທ້ວງປະທະກັບຕຳຫຼວດຄວບຄຸມຝຸງຊົນດຸເດືອດ.

ຜູ້ປະທ້ວງຈຳນວນຫຼາຍໄດ້ລວມຕົວກັນປະທ້ວງຕໍ່ກອງປະຊຸມ APEC ທີ່ຈັດຂຶ້ນທີ່ນະຄອນຫຼວງບາງກອກ ເຊິ່ງມີຜູ້ນຳລະດັບໂລກກຳລັງປະຊຸມກັນ.

ຮູບພາບເດັ່ນຄື ຍາພໍ່ອົງໜຶ່ງໃນນາມຜູ້ປະທ້ວງໄດ້ໂດດຖີບຕຳຫຼວດ ປານໃນໜັງ.

….

ຮູບ: ຣອຍເຕີ

Continue Reading
ເດືອນກຸມພາ 2023
ເສົາ ​ອາ ​ຈ ​ພ​ຫ ​ສ
 123
45678910
11121314151617
18192021222324
25262728  

Trending

ທ່ານບໍ່ມີສິດສຳເນົາ ບົດຄວາມນີ້ໄດ້ ສົນໃຈບົດຄວາມຕິດຕໍ່ ຜູ້ດູແລລະບົບຖ້າສົນໃຈບົດຄວາມນີ້