ກຽມນໍາສິນຄ້າລາວເຂົ້າວາງຈໍາໜ່າຍໃນຢູ່ຮ້ານສະດວກຊື້ມິນິບີກຊີ – ສື່ລາວ.ຄອມ
Connect with us

ຂ່າວພາຍໃນ

ກຽມນໍາສິນຄ້າລາວເຂົ້າວາງຈໍາໜ່າຍໃນຢູ່ຮ້ານສະດວກຊື້ມິນິບີກຊີ

Published

on

ພິທີຖະແຫຼງຂ່າວ ແລະ ສັນຍາເຊັນບົດບັນທຶກ ໂຄງການຮ່ວມມືພັດທະນາ ແລະ ສົ່ງເສີມໂຄສະນາສິນຄ້າລາວ ເຂົ້າສູ່ຕະຫຼາດພາຍໃນ ແລະ ຕ່າງປະເທດ ຈັດຂຶ້ນໃນວັນທີ 18 ພະຈິກ 2020 ທີ່ກະຊວງອຸດສາຫະກໍາ ແລະ ການຄ້າ ຮ່ວມລົງນາມມີທ່ານ ໄຊສົມເພັດ ນໍລະສິງ ຫົວໜ້າກົມສົ່ງເສີມການຄ້າ ທ່ານ ນາງ ສຸກັນຍາ ເທບວົງສາ ອໍານວຍການບໍລິສັດວຽງຈັນເຊັນເຕີ ທ່ານ ແກລີ່ ຮາດີ້ ອໍານວຍການບໍລິສັດ ມິນິບີກຊີ ມີທ່ານນາງເຂັມມະນີ ພົນເສນາ ລັດຖະມົນຕີກະຊວງອຸດສາຫະກຳ ແລະ ການຄ້າ ພ້ອມພາກທຸລະກິດກ່ຽວຂ້ອງເຂົ້າຮ່ວມ.

ທ່ານ ນາງ ເຂັມມະນີ ພົນເສນາ ກ່າວວ່າ: ການຮ່ວມມືຄັ້ງນີ້ ເປັນຂີດໝາຍສໍາຄັນໃນການຍົກລະດັບຜູ້ປະກອບການໃນການຜະລິດສິນຄ້າໃຫ້ເຂົ້າກັບຄວາມຕ້ອງການຂອງຕະຫຼາດ ໂດຍສະເພາະ ສິນຄ້າໂອດ໊ອບຂອງລາວທີ່ມີຫຼາຍກວ່າ 600 ລາຍການເຫັນວ່າເປັນທ່າແຮງ ແລະ ກາລະໂອກາດໃນການພັດທະນາ ຮຽກຮ້ອງ 3 ຂະແໜງການທີ່ເຊັນສັນຍາຮ່ວມມືໃນຄັ້ງນີ້ ຮ່ວມມືກັນປັບປຸງສິນຄ້າ ການຜະລິດ ລາຄາ ການຫຸ້ມຫໍ່ ເພື່ອໃຫ້ສາມາດເຂົ້າຂາຍໃນມິນິບີກຊີ ໂດຍໃຫ້ມີແຜນງານລະອຽດ ແລະ ລົງເລີກຕາມແຕ່ລະຜະລິດຕະພັນ ເພື່ອໃຫ້ໂຄງການດັ່ງກ່າວມີຜົນປະໂຫຍດສູງສຸດ.

ທ່ານ ໄຊສົມເພັດ ນໍລະສິງ ກ່າວວ່າ: ການເຊັນສັນຍາຄັ້ງນີ້ ມີຄວາມສໍາຄັນຫຼາຍ ທີ່ຈະຊ່ວຍຜູ້ປະກອບການຜະລິດສິນຄ້າຂອງລາວ ໄດ້ເຂົ້າເຖິງຕະຫຼາດພາຍໃນ ແລະ ຕ່າງປະເທດ ເຊິ່ງໄດ້ມີການປະສານງານກັບບັນດາກົມອ້ອມຂ້າງໃນກະຊວງ ເພື່ອຍູ້ດັນໃຫ້ເກີດໂຄງການນີ້ ເພື່ອໃຫ້ເກີດປະໂຫຍດສູງສຸດໃຫ້ຜູ້ປະກອບການຂອງລາວ ໂດຍສະເພາະແມ່ນຮູບແບບການອອກແບບສິນຄ້າ ການຫຸ້ມຫໍ່ ການຜະລິດທີ່ມີຄວາມສະຖຽນ ແລະ ມີຄຸນນະພາບ ສາມາດຕອບສະຫນອງຄວາມຕ້ອງການຂອງຕະຫຼາດ.

ທ່ານ ນາງ ສຸກັນຍາ ເທບວົງສາ ກ່າວວ່າ: ປັດຈຸບັນ ໄດ້ສໍາເລັດ ການເຈລະຈາ ຮ່ວມກັບບໍລິສັດ ມິນິບີກຊີ ເບື້ອງຕົ້ນ ໃນການນໍາເອົາຜະລິດຕະພັນທີ່ມີທ່າແຮງ ມີຄວາມສາມາດໃນການຜະລິດ ແລະ ຄຸນນະພາບ ເຂົ້າໄປຈໍາໜ່າຍໃນມິນິບີກຊີ ເຊິ່ງມີ 6 ຫົວໜ່ວຍ 4 ປະເພດ 40 ຜະລິດຕະພັນທີ່ຈະໄດ້ວາງຈໍາໜ່າຍໃນຮ້ານຄ້າທີ່ມີຊື່ສຽງ ແລະ ເປັນທີ່ຍອມຮັບ ເຖິງວ່າສິນຄ້າລາວຈະມີຫຼາຍຢ່າງທີ່ມີຄຸນນະພາບດີ ແຕ່ເຫັນວ່າສິນຄ້າລາວ ສ່ວນຫຼາຍແມ່ນຍັງມີຂໍ້ຈໍາກັດດ້ານການອອກແບບ ການຫຸ້ມຫໍ່ ການຈັດວາງທີ່ດີ ເຮັດໃຫ້ບໍເປັນເປົ້າໝາຍຂອງກຸ່ມຜູ້ຈັດຊື້ ສາເຫດເກີດຈາກຫຼາຍປັດໄຈເຊັ່ນ ແນວຄວາມຄິດການອອກແບບ ຫຼື ການເຂົ້າເຖິງຕົວຢ່າງສິນຄ້າຍັງຈໍາກັດ ຄ່າວັດສະດຸຫຸ້ມຫໍ່ລາຄາສູງ ບໍ່ສາມາດຜະລິດພາຍໃນໄດ້ ແລະ ອື່ນໆ.

ທ່ານ ແກລີ່ ຮາດີ້ ກ່າວວ່າ: ປັດຈຸບັນ ມິນິບີກຊີ ມີສາຂາບໍລິການໃນປະເທດລາວແລ້ວ 51 ສາຂາ ເຊິ່ງມີອັດຕາຈ້າງງານ 500 ກວ່າຄົນ ແຜນປີ 2021 ຈະຂະຫຍາຍສາຂາໃຫ້ໄດ້ 21 ສາຂາ ແລະ ແຜນ 5 ປີ ຈະຂະຫຍາຍສາຂາໃຫ້ໄດ້ 50 ສາຂາ ພ້ອມດຽວກັນ ກໍມີຄວາມພ້ອມສູງໃນການນໍາເອົາສິນຄ້າລາວທີ່ຜ່ານຂະບວນການຜະລິດທີ່ດີ ມີສະຖຽນລະພາບ ໂດຍສະເພາະເງື່ອນໄຂທີ່ຫົວຫນ້າກົມສົ່ງເສີມການຄ້າໄດ້ລະບຸກ່ອນໜ້ານີ້ ໂດຍສາມາດນໍາເຂົ້າວາງຂາຍພາຍໃນຮ້ານ ລວມທັງໃຫ້ພວກເຮົາສາມາດຊ່ວຍຍົກລະດັບການຜະລິດ ຂະຫຍາຍຕະຫຼາດອອກໄປຕ່າງປະເທດ ໂດຍຜ່ານເຄືອຂ່າຍມິນິບີກຊີ ສາກົນ.

Continue Reading

ຂ່າວພາຍໃນ

ລັດຖະມົນຕີ ເວົ້າເດັດຂາດ ຈະເຄັ່ງຄັດ ຄວາມປອດໄພຂຶ້ນເຕື່ມ

Published

on

By

ທ່ານ ພົອ ວິໄລ ຫຼ້າຄໍາຟອງ ກໍາມະການກົມການເມືອງ ສູນກາງພັກ, ຮອງ ນາຍົກລັດຖະມົນຕີ, ລັດຖະມົນຕີກະຊວງປ້ອງກັນ ຄວາມສະຫງົບ ລົງ ເຄື່ອນໄຫວຊີ້ນໍາວຽກງານປ້ອງກັນຄວາມສະຫງົບ ຢູ່ເຂດເສດຖະກິດ ພິເສດສາມຫຼ່ຽມ-ຄໍາ ພ້ອມເນັ້ນຢໍ້າໃຫ້ພາກສ່ວນ ທີ່ກ່ຽວຂ້ອງ ໃຫ້ຄວາມ ສໍາຄັນກັບວຽກງານຄວາມສະຫງົບໃນຂົງເຂດ ດັ່ງກ່າວຫຼາຍຂຶ້ນ.

ໃນວັນທີ 28 ມັງກອນ 2023, ທ່ານ ພົອ ວິໄລ ຫຼ້າຄໍາຟອງ ກໍາມະການກົມ ການເມືອງສູນກາງພັກ, ຮອງນາຍົກລັດຖະມົນຕີ, ລັດຖະມົນຕີ ກະຊວງ ປ້ອງກັນຄວາມສະຫງົບ ພ້ອມດ້ວຍຄະນະ ເຄື່ອນໄຫວຊີ້ນໍາວຽກງານ ປ້ອງກັນຄວາມສະຫງົບ ຢູ່ເຂດເສດຖະກິດພິເສດ ເມືອງຕົ້ນເຜີ້ງ ແຂວງບໍ່ ແກ້ວ,

ໂດຍການຕ້ອນຮັບຂອງ ທ່ານ ຈ້າວເຫີວຍ ປະທານສະພາຜູ້ ບໍລິຫານເຂດເສດຖະກິດພິເສດ ສາມຫຼ່ຽນຄໍາແຂວງບໍ່ແກ້ວ, ມີບັນດາ ການນໍາພັກແຂວງ, ຫົວຫນ້າ-ຮອງຫົວຫນ້າຫ້ອງວ່າການແຂວງ, ເຈົ້າເມືອງ, ກອງບັນຊາການປ້ອງກັນຊາດ-ປ້ອງກັນຄວາມສະຫງົບ ແລະ ຄະນະພັກ, ຄະນະຄຸ້ມຄອງເຂດເສດຖະກິດພິເສດ ເຂົ້າຮ່ວມ.

ໂອກາດດັ່ງກ່າວ ທ່ານ ພົອ ວິໄລ ກໍໄດ້ມີຄໍາເຫັນໂອ້ລົມຊີ້ນໍາຕໍ່ ຄະນະ ຄຸ້ມຄອງເຂດເສດຖະກິດພິເສດ ຈົ່ງພ້ອມກັນພັດທະນາເຂດເສດຖະກິດ ພິເສດໃຫ້ກາຍເປັນຕົວເມືອງທີ່ທັນສະໄຫມ, ມີພື້ນຖານເສດຖະກິດທີ່ເຂັ້ມ ແຂງ, ສັງຄົມມີຄວາມສີວິໄລຍຸຕິທໍາ, ເປັນສູນການຄ້າ-ການລົງທຶນ,ສາມາດກາຍເປັນແຫຼ່ງທ່ອງທ່ຽວລະດັບອາຊຽນ.

ພິເສດແມ່ນໃຫ້ມີຄວາມ ສະຫງົບ, ມີຄວາມປອດໄພ, ແຕ່ສິ່ງສໍາຄັນຕ້ອງຕິດພັນກັບ ຮ່ອງຮ້ອຍ ປະຫວັດສາດ, ຮີດຄອງວັດທະທໍາອັນເກົ່າແກ່ ແລະ ສ້າງໃຫ້ເຂດດັ່ງກ່າວ ກາຍເປັນການຄຸ້ມຄອງບໍລິຫານຕາມກົນໄກ ຕາມຫົວຫນ່ວຍບໍລິຫານໃນ ເງື່ອນໄຂເສດຖະກິດ ມີການເຕີຍໃຫຍ່ຂະຫຍາຍຕົວ, ເຂດພິເສດ ຕ້ອງໄດ້ ຍົກລະດັບການຄຸ້ມຄອງໃຫ້ສູງຂຶ້ນ

ໂດຍມອບໃຫ້ສູນກາງປະສານສົມທົບ ກັບທ້ອງຖິ່ນ ພ້ອມກັນຈັດຕັ້ງປະຕິບັດ, ສ້າງເປັນຫນ່ວຍງານຫນຶ່ງຄຸ້ມຄອງ ບໍລິຫານເຂດພິເສດ ເພື່ອແກ້ໄຂສະພາບທີ່ເກີດຂຶ້ນໃຫ້ທັນເວລາ ເພື່ອໃຫ້ ກາຍເປັນເມືອງທີ່ມີຄວາມສະຫງົບ, ທັນສະໄຫມ, ເປັນບ່ອນພັກຜ່ອນ, ທີ່ມີ ຄວາມເປັນລະບຽບຮຽບຮ້ອຍ, ສະຫງົບປອດໄພ, ກາຍເປັນເຂດພິເສດທີ່ ເປັນເຂດຕົວແບບ ແລະ ຄຸ້ມຄອງໃຫ້ມີປະສິດທິຜົນທີ່ດີຂຶ້ນກວ່າເກົ່າ.

ໂດຍໃນປີ 2022 ທີ່ຜ່ານມາ ສໍາລັບວຽກງານ ປ້ອງກັນຄວາມສະຫງົບ ໃນ ເຂດເສດຖະກິດພິເສດ ສາມຫຼ່ຽມຄໍາ ໄດ້ມີປະກົດການຫຍໍ້ທໍ້ເກີດຂຶ້ນ ທັງຫມົດ 153 ເລື່ອງ, x`ແກ້ໄຂໄດ້ທັງຫມົດ 107 ເລື່ອງ, ສົ່ງໃຫ້ ປກສ ແຂວງ ດໍາເນີນ 27 ເລື່ອງ ແລະ ຄະດີພວມດໍາເນີນແກ້ໄຂມີ 19 ເລື່ອງ.

ທີ່ມາ: ວຽງຈັນທາຍ

Continue Reading

ຂ່າວພາຍໃນ

ຮູ້ແລ້ວ ຍ້ອນສາເຫດນີ້ ຍິ ງ ກັນຕ າ ຍ 2 ຄົນເມືອງປາກງື່ມ

Published

on

By

ຂໍສະແດງຄວາມເສຍໃຈນຳຍາດຜູ້ເສຍຊີວິດ ເຫດ ຍິ ງ ກັ ນທີ່ເມືອງປາກງື່ມ.

ຕາມການລາຍງານຂອງ ໜ່ວຍກູ້ໄພອາສາເພື່ອປະຊາຊົນ ໃຫ້ຮູ້ວ່າ ໃນວັນທີ 1/2/2023 ເວລາ 13:30 ນາທີ ມີຄົ ນ ຍິ ງ ກັ ນເສຍຊີວິດ

ຈຸດເກີດເຫດທີ່ບ້ານໄຮ່ ເມືອງປາກງື່ມ ນະຄອນຫຼວງວຽງຈັນ.ໃນບໍລິເວນເກີດເຫດ ມີຜູ້ປະສົບເຫດ2ຄົນເພດຊາຍ, ຜູ້ທີ່ 1 ເພດຍິງ ຖື ກ ຍິ ງ ເສຍຊີວິດຄາທີ່ ແລະ ຜູ້ທີ 2 ເພດຊາຍ ເສຍຊີວິດຢູ່ໂຮງໝໍ.

ປັດຈຸບັນເຈົ້າໜ້າທີ່ກຳລັງກວດສອບ ຖ້າມີຂໍ້ມູນເພີ່ມເຕີມຈະລາຍງານໃນພາຍຫຼັງ.

Continue Reading

ຂ່າວພາຍໃນ

ຈັດໜັກ!ສາວງາມປາຕີ້ ມົ້ວສຸຸມປູມເປົ້າ 14ຄົນ ໄປສຶກສາອົບຮົມ

Published

on

By

ຈັດໜັກໃສ່ແກ້ງໄວລຸ້ນມັກມ່ວນ! ປກສ ນະຄອນໄກສອນ ໄດ້ນຳຕົວກຸ່ມໄວໜຸ່ມປາຕີ້ ມົ້ວສຸມຢາເສບຕິດ ສູບປູມເປົ້າ ຈຳນວນ 14 ຄົນ ໄປສຶກສາອົບຮົມ

ພັທ ຄຳສີ ທູນທະວົງສັກ ຫົວໜ້າກອງບັນຊາການ ປກສ ນະຄອນໄກສອນພົມວິຫານ ໄດ້ລາຍງານໃຫ້ຮູ້ວ່າ:

ວັນທີ 16 ມັງກອນ 2023 ຜ່ານມານີ້ ເຈົ້າໜ້າທີ່ ກອງບັນຊາການ ປກສ ນະຄອນໄກສອນ

ໄດ້ນຳຕົວກຸ່ມໄວໜຸ່ມປາຕີ້ ມົ້ວສຸມຢາເສບຕິດ ສູບປູມເປົ້າ ຈຳນວນ 14 ຄົນ ໄປສຶກສາອົບຮົມ ແລະ ຕັກເຕືອນ

Continue Reading
ເດືອນກຸມພາ 2023
ເສົາ ​ອາ ​ຈ ​ພ​ຫ ​ສ
 123
45678910
11121314151617
18192021222324
25262728  

Trending

ທ່ານບໍ່ມີສິດສຳເນົາ ບົດຄວາມນີ້ໄດ້ ສົນໃຈບົດຄວາມຕິດຕໍ່ ຜູ້ດູແລລະບົບຖ້າສົນໃຈບົດຄວາມນີ້