ປະມູນນົກກາງແກແຂ່ງບິນ ລາຄາສູງເຖິງ 1.32 ລ້ານຢູໂຣ

ສຳນັກຂ່າວຕ່າງປະເທດ ລາຍງານເມື່ອວັນທີ 15 ພະຈິກ 2020 ວ່າ ທ່ານ ນິໂຄລັສ ກີເຊລເບຣຊ ປະທານຄະນະບໍລິຫານ ແລະ ຜູ້ກໍ່ຕັ້ງບໍລິສັດການປະມູນ Pipa ເຜີຍວ່າ ການປະມຸນນົກກາງແກແຂ່ງ “ນິວຄິມ” ທາງອອນລາຍ ໄດ້ເລີ່ມຂຶ້ນເມື່ອວັນທີ 2 ພະຈິກ ທີ່ຜ່ານມາ ດ້ວຍລາຄາປະມູນເລີ່ມທີ່ 200 ຢູໂຣ ແຕ່ລາຄາປະມູນໄດ້ເພີ່ມຂຶ້ນຢ່າງໄວວາ ພຽງເວລາ 90 ນາທີ ປິດການປະມູນທີ່ 1.32 ລ້ານຢູໂຣ ເຊິ່ງທຳລາຍສະຖິຕິໂລກ ທີ່ນົກກາງແກເພດຜູ້ຊື່ ອາມັນໂດ ຂອງເບລຢຽມ ໄດ້ເຮັດໄວ້ທີ່ 1.252 ລ້ານຢູໂຣ ທີ່ເຮັດການປະມຸນເມື່ອເດືອນ ມີນາ 2020ທີ່ຜ່ານມາ.

ເຊິ່ງທ່ານ ກີເຊລເບຊ ກ່າວວ່າ “ເຂົາເກືອບບໍ່ເຊື່ອກັບສະຖິຕິໃໝ່ນີ້ ເພາະປົກກະຕິນົກກາງແກເພດຜູ້ລາຄາຈະແພງກວ່າເພດເມຍ ເນື່ອງຈາກສາມາດເພາະພັນຜະລິດລູກໄດ້ຫຼາຍກວ່າ ແຕ່ນົກກາງແກ ນິວຄິມ ອາຍຸພຽງ 2 ປີ ແລະ ນົກກາງແກສາມາດອອກລູກໄດ້ຈົນເຖິງອາຍຸ 10 ປີ”.

ຜູ້ຊະນະການປະມູນນົກກາງແກ “ນິວຄິມ” ແມ່ນເສດຖີຊາວຈີນ. ເບລຢຽມເປັນປະເທດທີ່ຫຼົງໄຫຼການແຂ່ງຂັນນົກກາງແກບິນໄລຍະໄກຫຼາຍກວ່າປະເທດອື່ນ ໃນເອີຣົບ ເຊັ່ນດຽວກັນ, ເສດຖີຊາວຈີນກຳລັງຫັນມານິຍົມນົກກາງແກແຂ່ງຂັນຫຼາຍຂຶ້ນເຮັດໃຫ້ການປະມຸນນົກກາງແກແຂ່ງຂັນມີລາຄາສູງຂຶ້ນ.