ສຸດຍອດໄວລຸ້ນຜູ້ມີຫົວຄິດ ວິໄລພອນ ອາຍຸນ້ອຍ100ລ້ານ ຄົ້ນພົບໂຕເອງໃນໄວພຽງ 19 ປີ – ສື່ລາວ.ຄອມ
Notice: Undefined index: slug in /home/suelaoco/public_html/wp-includes/class-wp-theme-json.php on line 1092
Connect with us

ບົດຄວາມ

ສຸດຍອດໄວລຸ້ນຜູ້ມີຫົວຄິດ ວິໄລພອນ ອາຍຸນ້ອຍ100ລ້ານ ຄົ້ນພົບໂຕເອງໃນໄວພຽງ 19 ປີ

Published

on

ທ້າວ ວິໄລພອນ ອິນທະວົງຢູ່ບ້ານໄຮ່ຢ່ອນ ເມືອງທຸລະຄົມ ໄດ້ຮັບອະນຸຍາດໃຫ້ຂຶ້ນປະກອບຄຳເຫັນ ແລະ ນຳສະເໜີບົດຮຽນການປູກໝາກແຕງຫວານ ຕໍ່ກອງປະຊຸມໃຫຍ່ຜູ້ແທນອົງຄະນະນະພັກແຂວງວຽງຈັນ ຄັ້ງທີ VI ໃນວັນທີ 18 ພະຈິກ 2020, ເຜີຍຜົນໄດ້ຮັບທີ່ບໍ່ທຳມະດາ ສຳລັບຄົນໄວພຽງ 19 ປີເທົ່ານັ້ນ ສາມາດຫາເງິນໄດ້ເກືອບ 20 ລ້ານກີບ.

ທ້າວ ວິໄລພອນ ອິນທະວົງ ໃຫ້ຮູ້ວ່າ: ຄອບຄົວຂອງຕົນມີທັງໝົດ 5ຄົນ, ມີອາຊີບເຮັດນາປູກເຂົ້າໃນເນື້ອທີ່ 13 ໄລ່, ຜົນຜະລິດໃນຄອບຄົວພໍແຕ່ກຸ້ມກິນ. ນອກຈາກເຮັດນາແລ້ວ ຜູ້ເປັນພໍ່ຍັງໄດ້ຮັບເໝົາກໍ່ສ້າງ, ຕົນເອງເປັນແຮງງານຕົ້ນຕໍທີ່ໄດ້ຊ່ວຍຄອບຄົວເຮັດນາ.ແຕ່ວ່າສະພາບການດຳ ລົງຊີວິດຂອງຄອບຄົວຍັງພົບຄວາມຫຍຸ້ງຍາກ, ລາຍຮັບຍັງຕໍ່າ, ຈຶ່ງໄດ້ມີຄວາມພະຍາຍາມຊອກຫາວິຊາຊີບ ເພື່ອສ້າງລາຍຮັບເພີ່ມໃນຄອບຄົວ.

ໃນປີ 2017 ເວລາທີ່ຍັງເປັນນັກຮຽນຢູ່ຊັ້ນ ມ6 ຕົນ ເອງໄດ້ມີແນວຄິດລິເລີ່ມຢາກຮຽນຮູ້ກ່ຽວກັບການໝາກແຕງຫວານ ເພື່ອໃຊ້ເວລາວ່າງໃຫ້ເປັນປະໂຫຍດ ໂດຍໄດ້ຊອກຮູ້ຮ່ຳຮຽນດ້ວຍຕົນເອງໂດຍຜ່ານທາງອິນເຕີເນັດ, ຊອກເອົາບົດຮຽນ ແລະ ປະສົບການພ້ອມທັງລົງມືເຮັດຕົວຈິງ. ການລົງທືນໃນເບື້ອງຕົ້ນ ແມ່ນນຳໃຊ້ທືນປະມານ 2 ລ້ານກີບເຊີ່ງເປັນທຶນທີ່ໄດ້ມາຈາກການເກັບອອມເງິນດ້ວຍຕົນເອງ (ໃສ່ຫວຍ )ເພື່ອນຳມາເຮັດເຮືອນຮົ່ມໄດ້ 1 ຫຼັງ, ເປັນໂຄງໄມ້ແບບປະຖົມປະຖານລົງມືທົດລອງປູກແຕ່ການທົດລອງປູກໃນຄັ້ງທີ 1 ຫາ ຄັ້ງທີ 4 ແມ່ນບໍ່ປະສົບຜົນສຳ ເລັດ ຈິ່ງໄດ້ຢຸດການປູກໄປໄລຍະໜຶ່ງ ຍ້ອນທຶນຮອນບໍ່ພຽງພໍ.

ມາຮອດປີ 2018 ພາຍຫຼັງຮຽນຈົບ ມ 7 ຄອບຄົວມີຄວາມຂາດເຂີນ ພໍ່ແມ່ບໍ່ມີທຶນສົ່ງເສີມໃຫ້ຮຽນຕໍ່, ຕົນເອງ ຈຶ່ງມີແນວຄິດປະກອບອາຊີບທາງກະສິກຳ ແລະ ຫາລາຍໄດ້ເພື່ອຫຼຸດຜ່ອນການໃຊ້ຈ່າຍຂອງພໍ່ແມ່. ຈິ່ງໄດ້ເລີ່ມຊອກຮຽນຮູ້ດ້ວຍຕົນເອງແບບເອົາຈິງເອົາຈັງ, ບວກໃສ່ການຊອກຮຽນຮູ້ນຳຜູ້ມີສົບປະການໃນການປູກໝາກແຕງຫວານ ໂດຍໄປເບິ່ງຕົວຈິງຢູ່ນະຄອນຫຼວງວຽງຈັນ 1 ຄັ້ງ, ໄປຈັງຫວັດອຸດອນ, ປະເທດໄທ 1 ຄັ້ງ ດ້ວຍທຶນຂອງຕົນ ເອງ ແລ້ວນໍາເອົາບົດຮຽນທີ່ໄດ້ມາເຮັດຕົວຈິງ ເຮັດໃຫ້ການທົດລອງປູກຄ່ອຍໆ ໄດ້ຮັບຜົນດີຂຶ້ນ. ແລະ ປະສົບຜົນສຳ ເລັດເປັນຄັ້ງທຳອິດໃນທ້າຍປີ 2018, ເນື່ອງຈາກຜົນຜະ ລິດໃນຄັ້ງທຳອິດໄດ້ໝາກແຕງປະມານ 700 ກິໂລ ຂາຍໄດ້ເງິນປະມານ 9ລ້ານກີບ (ຂາຍທົ່ວໄປ).

ພາຍຫຼັງເຫັນວ່າ ການປູກໝາກແຕງຫວານສາມາດສ້າງລາຍຮັບເຂົ້າຄອບຄົວໄດ້ດີສົມ ຄວນ ແລະ ເປັນທີ່ຕ້ອງ ການຂອງຕະຫລາດ. ມາຮອດຕົ້ນປີ2019 ຕົນເອງພ້ອມດ້ວຍພໍ່ແມ່ຈິ່ງຕັດສີນໃຈລົງທຶນເຮັດເຮືອນຮົ່ມທີ່ເປັນໂຄງເຫຼັກຖາວອນຕື່ມອີກ 8 ຫຼັງ, ມູນຄ່າທັງໝົດ 50 ລ້ານກີບ, ນຳໃຊ້ເນື້ອທີ່ພຽງແຕ່ 1.5 ໄລ່ (2.400 ຕາແມັດ) ເພື່ອສ້າງໂຮງເຮືອນປູກໝາກແຕງຫວານ.

ນັບແຕ່ປີ 2019 ເປັນຕົ້ນມາ ວິໄລພອນສາມາດສົ່ງໝາກແຕງຂາຍໄດ້ເດືອນລະ 2 ຄັ້ງ, ຊຶ່ງແຕ່ ລະຄັ້ງແມ່ນສົ່ງຂາຍອອກ 800-1.000 ກິໂລ, ຂາຍລາຄາສະເລ່ຍກິໂລລະ17.000 ກີບ, ສາມາດສ້າງລາຍຮັບຄອບຄົວໄດ້ 17 ລ້ານກີບຕໍ່ເດືອນ ສະເລ່ຍລາຍຮັບໝົດປີໄດ້ທັງໝົດ 204.000.000ກີບ  ຢ່າງໃດກໍ່ຕາມ ການປູກໝາກແຕງຫວານຂອງຄອບຄົວ ວິໄລພອນ ອິນທະວົງ ຍັງມີຂໍ້ຫຍຸ້ງຍາກຫຼາຍຢ່າງເນື່ອງຈາກໝາກແຕງຫວານ ເປັນພືດທີ່ມີພູມຕ້ານທານຕໍ່າ, ອ່ອນແອ ແລະ ສາມາດຕິດເຊື້ອງ່າຍ, ຕ້ອງໄດ້ເອົາໃຈ ໃສ່ບົວລະບັດຮັກສາຢ່າງລະອຽດອ່ອນ ແລະ ພິຖີພິຖັນ, ນຳໃຊ້ທຶນຂ້ອນຂ້າງສູງສົມຄວນ ເພື່ອສ້າງໂຮງເຮືອນປູກ ແລະ ນຳໃຊ້ເຕັກນິກວິຊາການ, ປະສົບການຕົວຈິງເຂົ້າຊ່ວຍຈຶ່ງໄດ້ຮັບຜົນສຳເລັດ.

ຂອບໃຈ Lao National Radio cr: ບຸນຕຽງ ຈັນທະວົງ

Continue Reading

ບົດຄວາມ

ຖ້າຄົນລາວເຮົາພາກັນນໍາໃຊ້ຜະລິດຕະພັນພາຍໃນ ຈະເກີດຫຍັງຂຶ້ນ?

Published

on

ທ່ານເຄີຍສົງໄສບໍ່ ເມືື່ອເຮົານໍາໃຊ້ສິນຄ້າພາຍໃນປະເທດຫຼາຍຂຶ້ນ ຈະເກີດຫຍັງຂຶ້ນ ເເລະ ມີຜົນດີເເນວໃດ? ເປັນຫຍັງເຮົາຄວນໃຊ້ຜະລິດຕະພັນພາຍໃນ?

ວ່າຖ້າເຮົານໍາໃຊ້ຜະລິດຕະພັນພາຍໃນເເລ້ວຈະເກີດຫຍັງຂຶ້ນ!!!

+ນີ້ກໍຄືສິ່ງທີ່ຈະເກີດຂຶ້ນເມື່ອເຮົາຫັນມາໃຊ້ສິນຄ້າພາຍໃນ:

1. ສິນຄ້າຈະມີຄຸນນະພາບຂຶ້ນ

ການທີ່ເຮົານໍາໃຊ້ສິນຄ້າພາຍໃນມັນກ່ຽວຂ້ອງເເນວໃດກັບສິນຄ້າມີຄຸນນະພາບ?

+ການທີ່ສິນຄ້າຈະມີຄຸນນະພາບມັນກ່ຽວຂ້ອງຍ້ອນວ່າ ເມື່ອເຮົານໍາໃຊ້ສິນຄ້າ ລາຍໄດ້ຂອງບໍລິສັດ (ເຈົ້າຂອງທຸລະກິດ) ກໍຈະເພີ່ມຂຶ້ນ. ເມື່ອລາຍໄດ້ເພີ່ມຂຶ້ນກໍຈະເຮັດໃຫ້ເກີດການພັດທະນາຜະລິດຕະພັນໃຫ້ມີຄຸນນະພາບຂຶ້ນເພື່ອຕອບໂຈດລູກຄ້າ.

2. ການລົງທຶນ

ການລົງທຶນກໍຄື ເມື່ອຫົວໜ່ວຍທຸລະກິດມີລາຍໄດ້ເພີ່ມ ກໍຈະເຮັດໃຫ້ມີການຂະຫຍາຍທຸລະກິດ ຫຼື ການລົງທຶນເພີ່ມຂຶ້ນ ເເລະ ຈະມີຜະລິດຕະພັນໃໝ່ໆເກີດຂຶ້ນມາ

3. ການຈ້າງງານ

ການຈ້າງງານ ຄື ເມື່ອມີການລົງທຶນເເລ້ວ ກໍຈະເຮັດໃຫ້ມີການຈ້າງງານເພີ່ມຂຶ້ນ. ການຈ້າງງານເພີ່ມຂຶ້ນຈະສົ່ງຜົນດີຕໍ່ປະຊາຊົນ ນັ້ນກໍຄືມີລາຍຮັບ ເມື່ອປະຊົນຊາຊົນມີລາຍຮັບຈະເຮັດໃຫ້ເສດຖະກິດມີການຂະຫຍາຍໂຕ(GDP)ສູງຂຶ້ນ

4. ເງິນຕາຕ່າງປະເທດກໍຈະສູງຂຶ້ນ

ເມື່ອມີການລົງທຶນ ຫຼື ຂະຫຍາຍທຸລະກິດກໍຈະເຮັດໃຫ້ເກີດຜະລິດຕະພັນ ເມື່ອເກີດຜະລິດພັນ ຈະກໍ່ໃຫ້ເກີດການສົ່ງອອກສິນຄ້າອອກສູ່ຕ່າງປະເທດ. ການສົ່ງອອກສິນຄ້າອອກສູ່ຕ່າງປະເທດກໍຈະໄດ້ເງິນມາໃນຮູບເເບບຂອງເງິນຕາ ເຊິ່ງເງິນຕາເຫຼົ່ານັ້ນກໍຈະເຮັດໃຫ້ ເງິນຕາຕ່າງປະເທດເຮົາເພີ່ມຂຶ້ນນັ້ນເອງ.

5.ອັດຕາເງິນເຟີ້ຫຼຸດລົງ

ຈະສົ່ງຜົນຕໍ່ອັດຕາເງິນເຟີ້ຫຼຸດລົງ ເເລະ ການນໍາໃຊ້ເງິນຕາ ຄື ເມື່ອບໍ່ມີຄວາມຕ້ອງການຈາກສິນຄ້າພາຍນອກ ຄົນພາຍໃນກໍບໍ່ຕ້ອງການເງິນຕາເພື່ອຊື້ສິນຄ້າ ເເລະ ນີ້ເອງຈະເຮັດໃຫ້ປະຊາຊົນ ຫຼື ຫົວໜ່ວຍທຸລະກິດໃຊ້ເງິນກີບຫຼາຍຂຶ້ນ ເເລະ ສຸດທ້າຍຈະເຮັດໃຫ້ເງິນເເຂງຄ່ານັ້ນເອງ.

*ຖ້າການວິເຄາະຜິດພາດປະການໃດ ຕ້ອງຂໍອະໄພດ້ວຍ.

ບົດຄວາມ: ກະເເສຂ່າວ

Continue Reading

ບົດຄວາມ

ຕຳນານ ຕົ້ນໄມ້ມະນີໂຄດ ຕົ້ນໄມ້ສັກສິດຂອງເມືອງລາວ

Published

on

ຕົ້ນໄມ້ມະນີໂຄດ ຫຼື ຕົ້ນແກ້ວມະນີໂຄດ ທີ່ເຊື່ອກັນວ່າເປັນຕົ້ນໄມ້ຕົ້ນດຽວໃນໂລກທີ່ເຕີບໃຫຍ່ທ່າມກາງນຳນານຫຼວງຫຼາຍຢູ່ເທິງໂງ່ນຫີນທີ່ຄ້າຍຄືເກາະນ້ອຍໆ ທີ່ກ່າວໄວ້ວ່າບໍ່ເຄີຍມີຜູໃດໄປເຖິງກາງນ້ຳຕົກຄອນພະເພັງ

ເຊິ່ງຖືວ່າເປັນນ້ຳຕົກທີ່ໃຫຍ່ທີ່ສຸດໃນອາຊຽນ ແລະ ຖືຮຽນຂານວ່າເປັນໄນແອງກາຣາແຫ່ງອາຊີ ດ້ວຍຄວາມກ້ວາງກ່ວາ 1 ກິໂລແມັດ ແລະ ສູງກວ່າ 15 ແມັດ ກາງແມ່ນ້ຳຂອງ ສາວນ້ຳທີ່ຍາວທີ່ສຸດໃນອານາເຂດທາງພາກໃຕ້ຂອງລາວ ຕິດແຄມຊາຍແດນກຳປູເຈ້ຍ ມີຊາວບ້ານບາງສ່ວນເອີ້ນຕົ້ນໄມ້ມະນີໂຄດນີ້ວ່າ “ຕົ້ນຊີ້ຕາຍປາຍຊີ້ເປັນ”

ຈາກຕຳນານຂອງລາວທີ່ເລົ່າຂານກັນໄວ້ວ່າ ເປັນຕົ້ນໄມ້ວິເສດ ຫາກປາຍຊີ້ໄປທາງໃດຈະມີແຕ່ຄວາມຈະເລີນ ໂດຍຕົ້ນໄມ້ມະນີໂຄດມີປາຍຢູ່ 3 ງ່າ ຄື: ງ່າທີໜຶ່ງຊີ້ໄປທາງແຜ່ນດິນກຳປູເຈ້ຍ, ງ່າທີ່ສອງຊີ້ມາທາງແຜ່ນດິນລາວ ແລະ ງ່າທີສາມງ່າທີ່ໃຫຍ່ກວ່າໝູ່ີ້ໄປທາງແຜ່ນດິນໄທ

ດ້ວຍອຸນຫະພູມທີ່ມີຄວາມຊຸ່ມ ແລະ ລະບົບນິເວດທີ່ເໝາະສົມສະເພາະ ເຮັດໃຫ້ເກີດຕົ້ນໄມ້ຊະນິດນີ້ພຽງຕົ້ນດຽວ ຕົ້ນໄມ້ມະນີໂຄດເປັນຕົ້ນໄມ້ທີ່ເກີດຢູ່ກາງນ້ຳ ເຊິ່ງໄຫລລົງມາຈາກນ້ຳຕົກ ຄອນພະເພັງ ຂຶ້ນຢູ່ທາງກາງລະຫວ່າງຕົ້ນໄມ້ 2 ຕົ້ນ ລັກສະນະຂອງງ່າ ແລະ ໃບບໍ່ດົກໜາ

ແຕ່ທີ່ປະຫລາດພິສະດານທີ່ສຸດກໍ່ຄື ແທນທີ່ຕົ້ນໄມ້ມະນີໂຄດຈະຕັ້ງຢູ່ແບບທຳມະຊາດຄືກັນຕົ້ນໄມ້ທົ່ວໄປທີ່ເຕີບໃຫຍ່ຂຶ້ນ ແຕ່ກັບແຫກກົດທຳມະຊາດ ໂດຍປ່ອຍໃຫ້ຮາກແກ້ວ ຮາກຝອຍເກີດຂຶ້ນສູ່ທ້ອງຟ້າ ແນະໃຫ້ກິ່ງກ້ານສາຂາຍັ່ງລົງພື້ນນ້ຳແທນ ໂດຍຍັງຈະເລີນງອກງາມບໍ່ແຫ່ວຕາຍ

ມີຕຳນານເລົ້າຂານຈາກຜູ່ເຖົ້າຜູ້ແກ່ກ່າວໄວ້ວ່າ ແຕ່ເມື່ອກ່ອນຕົ້ນໄມ້ຕົ້ນນີ້ບໍ່ໄດ້ມີຄວາມພິສະດານຫຍັງເລີຍ ແຕ່ຄວາມໜຶ່ງມີຈົວນ້ອຍຜູ້ເຄັ່ງຄັດໃນພຣະທັມ ອົງໜຶ່ງໄດ້ໄປນັ່ງສະມາທິຈຳສິນບຳເພັນພາວະນນາທີ່ກ້ອງຕົ້ນໄມ້ນີ້ ເຊິ່ງເມື່ອກ່ອນຍັງມີລັກສະນະປົກກະຕິ ຮອດເຊົ້າມາກໍ່ອອກບິນທະບາດໄປຕາມປ່າເຂົາ.

ເຖິງແມ່ນວ່າບໍລິເວນນັ້ນຈະບໍ່ມີຜູ້ຄົນອາໃສຢູ່ເລີຍ ແຕ່ຈົວນ້ອຍກໍ່ມີອາຫານເຕັມບາດທຸກເຊົ້າ ເຊື່ອກັນວ່າຈົວນ້ອຍໄດ້ບິນທະບາດມາຈາກ ຜີບັງບົດ ເຊິ່ງເປັນຜີຊະນິດໜຶ່ງທີ່ມີຈິດໃຈໂອບເອື້ອອາລີ ຕໍ່ມາວັນໜຶ່ງຈົວນ້ອຍອົງນີ້ກໍ່ໄດ້ຍ່າງລຸຍນ້ຳເຂົ້າໄປໃນໂພ່ງກ້ອງຕົ້ນໄມ້ຫາຍເຂົ້າໄປແລ້ວບໍ່ກັບອອກມາເລີຍ

ຮຸ່ງເຊົ້າວັນຕໍ່ມາຕົ້ນໄມ້ນີ້ກໍ່ມີອັນຜິດກົດທຳມະຊາດ ແລະ ຄົງຢູ່ໃນລັກນະທີ່ພວກເຮົາກັນເຫັນກັນນີ້ເອງ ແລະ ຍັງມີເລື່ອງເລົ່າອີກວ່າ ໃນສະໃໝສົງຄາມລ່າເມືອງຂຶ້ນຝຣັ່ງ ຝຣັ່ງເຄີຍຄິດຈະລະເບີດແກ້ງຄອນພະເພັງແຫ່ງນີ້ເພື່ອໃຫ້ເຮືອຜ່ານຂຶນ້ນໄປເຖິງວຽງຈັນໄດ້ ແຕ່ກໍ່ເຮັດບໍ່ສຳເລັດ ຈິ່ງໄດ້ສ້າງທາງລົດໄຟຂົນສົ່ງສິນຄ້າ ແລະ ສິ່ງຂອງຜ່ານດອນຄອນແທນ ຄວາມສັກສິດຕາມຄວາມເຊື່ອຂອງຊາວລາວຍັງມີເລື່ອງເລົ່າຂານກັນອີກວ່າ

ຝຣັ່ງເຄີຍເອົາເຮືອມາລາກຕົ້ນໄມ້ມະນີໂຄດໃຫ້ລົ້ມ ເພື່ອທຳຫຼາຍພູດຜີ ແລະ ຕຳນານຄວາມເຊື່ອງຂອງຄົນລາວ ແຕ່ກໍ່ເຮັດບໍ່ສຳເລັດ ບາງຄົນເລົ່າວ່າ ທະຫານທີ່ຢ່ອນຕົວລົງມາຈາກແຮລິຄັອບເຕີ້ທັງຝຣັ່ງ ແລະ ຣັສເຊຍ ທີ່ຕ້ອງການພິສູດເລື່ອງເຫຼົ່ານີ້ ລ້ວນຕົກລົງມາຕາຍກາງນ້ຳ

ບໍ່ມີໃຜສາມາດມາຢຽບເທິງເກາະຫີນນ້ອຍໆບ່ອນຢູ່ຂອງຕົ້ນໄມ້ມະນີໂຄດນີ້ໄດ້ ຮວມເຖິງແຮລິຄັອບເຕີ້ຂອງຝຣັ່ງລຳໜຶ່ງທີ່ບິນເຂົ້າມາໃກ້ ກໍ່ຕົກລົງຢ່າງບໍ່ຮູ້ສາເຫດເຊັ່ນກັນ ເລື່ອງຕົ້ນໄມ້ມະນີໂຄດນັ້ນມີການເລົ່າຂານມາຢ່າງຍາວນານ ທີ່ເປັນທີ່ຮູ້ຈັກກັນດີຂອງປວງຊົນຊາວລາວ

ເມື່ອປະມານ 60-70 ປີກ່ອນ ພຣະອົງໜຶ່ງໄປທຸດົງໂພດສັດຢູ່ບໍລິເວນນີ້ ບໍ່ວ່າທ່ານຈະເດີນທາງໄປທາງໃດກໍ່ຕາມ ທ່ານມັກຈະກ່າວກັບຜູ້ທີ່ພົບເຫັນຢູ່ສະເໝີວ່າ ຜູ້ໃດໄປຮອດຫຼີຜີ ຫາກເປັນຜູ້ບໍ່ມີບຸນບາລາຢ່າຫວັງເລີຍວ່າຈະໄດ້ເຫັນຕົ້ນໄມ້ມະນີໂຄດ ຜູ້ຄົນຈິ່ງຫຼັ່ງໄຫຼພາກັນມາເບິ່ງຕົ້ນໄມ້ມະນີໂຄດໃນທີ່ສຸດ ແຕ່ກໍ່ບໍ່ມີໃຜຮູ້ວ່າຕົ້ນໄມ້ນີ້ເກີດຂຶ້ນກາງແມ່ນ້ຳໃຫຍ່ນີ້ດົນພຽງໃດແລ້ວ

ພາຍຫຼັງທີ່ໄດ້ຢືນຕົ້ນຕາຍມາດົນກວ່າ 3 ປີ ລັດຖະບານລາວໄດ້ພະຍາຍາມຫຼາຍຄັ້ງທີ່ຈະກອບກູ້ເອົາຕົ້ນໄມ້ມະນີໂຄດມາເກັບໄວ້ທີ່ພິພິດທະພັນເມືອງໂຄງ ແຕ່ກໍ່ບໍ່ສາມາດເຮັດໄດ້ ກ່ອນໜ້ານີ້ລັດຖະບານລາວໄດ້ໃຊ້ແຮລິຄັອບເຕີ້ຢ່ອນຄົນລົງໄປ ເພື່ອນຳເຊືອກມາມັດຕົ້ນໄມ້ໄວ້ກັບໂງ່ນຫີນເພື່ອບໍ່ໃຫ້ລອຍຫາບໄປ.

ແຕ່ບໍ່ສາມາດນຳຂຶ້ນມາທີ່ຝັ່ງໄດ້ ເນື່ອງຈາກຕົ້ນໄມ້ມີຂະໜາດໃຫຍ່ ແລະ ອຸປະສັກຄືກະແສນ້ຳທີ່ຮຸນແຮງ ຈົນເມື່ອວັນທີ 12 ມັງກອນ 2012 ທີ່ຜ່ານມາ ທາງລັດຖະບານລາວໄດ້ປະຕິບັດພາລະກິດນີ້ອີກຄັ້ງຈົນສຳເລັດ ໂດຍມີປະຊາຊົນໃຫ້ຄວາມສົນໃຈຢ່າງຫຼວງຫຼາຍ ໂດຍທະຫານຕ້ອງໃຊ້ເວລາໝົດມື້ຕັ້ງແຕ່ເຊົ້າຮອດ 5 ໂມງແລງ

ເພື່ອປະຕິບັດພາລະກິດທີ່ສຳຄັນນີ້ ໂດຍນ້ຳແຮລິຄັອບເຕີ້ທາງທະຫານຂອງລາວ ນຳເຈົ້າໜ້າທີ່ຢ່ອນລົງໄປ 2-4 ຄົນ ເພື່ອຊ່ວຍກັນນຳເອົາຕົ້ນໄມ້ມະນີໂຄດ ຂຶ້ນມາຈົນໄດ້

ທ່າມກາງພະລັງແຮງດັນຂອງນ້ຳຢ່າງມະຫາສານ ແລະ ມວນອາກາດແປປວນໃນພື້ນທີ່ດັ່ງກ່າວ ປັດຈຸບັນຕົ້ນໄມ້ມະນີໂຄດໄດ້ຖືກນຳໄປເກັບໄວ້ໃນພິພິດທະພັນ ເມືອງໂຂງ ເພື່ອໃຫ້ປະຊາຊົນຊາກະລະບູຊາ ແລະ ສຶກສາຕໍ່ໄປ

Continue Reading

ບົດຄວາມ

ຮ່ວມລະລຶກເຖິງບຸນຄຸນ ທ່ານ ສຸພານຸວົງ ປະທານປະເທດຄົນທຳອິດ ຂອງ ສປປ ລາວ

Published

on

ປະທານສຸພານຸວົງເກີດເມື່ອ ວັນທີ 13 ກໍລະກົດ 1909 ທີ່ນະຄອນ-ຫຼວງພະບາງ, ເມືອງແຫ່ງວັດທະນະທຳຂອງລ້ານຊ້າງ, ເພີ່ນກຳເນີດໃນເຊື້ອລາດຊະວົງ ຫຼັງຈາກຮຽນຈົບປະຖົມສົມບູນແລ້ວໃນປີ 1920 ເພີ່ນໄດ້ເດີນທາງໄປຮຽນຕໍ່ມັດທະຍົມ “ອານແບກຊາໂຣ”ທີ່ຮ່າໂນ້ຍປະເທດຫວຽດນາມ, ເພີ່ນໄດ້ຕັ້ງໃຈຮໍ່າຮຽນຫຼາຍວິຊາ ແລະຫຼາຍພາສາອີກດ້ວຍ,

ເມື່ອມາຮອດປີ 1930 ເພີ່ນໄດ້ໄປສຶກສາຕໍ່ທີ່ປະເທດຝຣັ່ງ, ເພີ່ນຮຽນຢູ່ມະຫາວິທະຍາໄລຂົວທາງແຫ່ງຊາດ, ສາຂາວິຊາວິສະວະກອນພົນລະເຮືອນຢູ່ປາຣີ, ເພີ່ນຮຽນໄດ້ດີ ແລະມີຄະແນນດີເລີດ, ສາມາດເວົ້າໄດ້ດີເຖິງ 10 ພາສາທີ່ໃຊ້ຫຼາຍໃນສາກົນ,

ພາຍຫຼັງສິ້ນສຸດການສຶກສາກໍປະກອບໜ້າທີ່ການງານຕາມຄວາມຮູ້-ຄວາມສາມາດ ແຕ່ໃນເງື່ອນໄຂ ແລະສິ່ງແວດລ້ອມທີ່ເອື້ອອຳນວຍຄວາມສະດວກຄືແນວນັ້ນຄວນຈະເປັນເສັ້ນທາງໃຫ້ເພີ່ນກາຍເປັນຂຸນນາງ ແລະດຳລົງຕໍາແໜ່ງໃດໜຶ່ງຂອງກົງຈັກປົກຄອງສັກດີນາ, ແຕ່ຊີວິດ ແລະການເຄື່ອນໄຫວຕົວຈິງຂອງເພີ່ນໄດ້ປ່ຽນປີ້ນຖານະຊົນຊັ້ນ,

ຫັນປ່ຽນແນວຄິດກໍຄືແບບແຜນດໍາລົງຊີວິດແບບບໍ່ໜ້າເຊື່ອ, ເວົ້າໄດ້ວ່າເພີ່ນແມ່ນເຊື້ອເຈົ້າກະສັດອົງດຽວຂອງອານາຈັກລ້ານຊ້າງທີ່ໄດ້ປ່ຽນແປງຕຳນານແຫ່ງວີຖີຊີວິດແບບສັກດີນາ ມາເປັນສາມັນຊົນຜູ້ຮ່ວມສຸກ,

ຮ່ວມທຸກ, ຮ່ວມຕໍ່ສູ້ກັບປະຊາຊົນບັນດາເຜົ່າເພື່ອເອກະລາດແຫ່ງຊາດຈົນກາຍເປັນຕົ້ນແບບຂອງນັກຮົບຕໍ່ສູ້ປະຕິວັດຮັກຊາດທີ່ຍິ່ງໃຫຍ່.

Continue Reading
ເດືອນສິງຫາ 2022
ເສົາ ​ອາ ​ຈ ​ພ​ຫ ​ສ
 12345
6789101112
13141516171819
20212223242526
2728293031  

Trending

ທ່ານບໍ່ມີສິດສຳເນົາ ບົດຄວາມນີ້ໄດ້ ສົນໃຈບົດຄວາມຕິດຕໍ່ ຜູ້ດູແລລະບົບຖ້າສົນໃຈບົດຄວາມນີ້