ທີມງານແອັດມີນ ໄດ້ມີໂອກາດຕິດຕາມຄະນະນໍາສູນກາງສະຫະພັນແມ່ຍິງລາວ ແລະ ສະຫະພັນແມ່ຍິງແຂວງສະຫວັນນະເຂດ ໄປຮ່ວມມອບເຄື່ອງຊ່ວຍເຫຼືອຄອບຄົວທີ່ຖືກນໍ້າຖ້ວມ ຢູ່ບ້ານດົງຫວາຍ, ເມືອງຊົນລະບູລີ, ແຂວງສະຫວັນນະເຂດ ລວມທັງຄອບຄົວທີ່ເຮືອນຖືກໄຟໄໝ້ໝົດຫຼັງ ຈໍານວນ 7 ຫຼັງຄາເຮືອນ ແລະ ໄໝ້ລາມໄປສ່ວນໜຶ່ງ ອີກ 2 ຫຼັງ ລວມເປັນ 9 ຫຼັງ.

ໃນນັ້ນ, ໄດ້ມີ ຄອບຄົວແມ່ຕູ້ ກວດແກ້ວ ອາຍຸ 63 ປີ ຊຶ່ງລູກໆໄດ້ໄປສູ່ລູກຫາເມຍຢູ່ບ້ານອື່ນ ຜູ້ທີ່ເຄີຍຢູ່ນໍາແມ່ນໄດ້ໄປເຮັດວຽກຢູ່ປະເທດເພື່ອນບ້ານ. ສຳລັບລູກຊາຍຫຼ້າ ອາຍຸ 44 ປີ ໄດ້ບວດ ແລະ ຈຳວັດຢູ່ ບ້ານໜອງຜື, ເມືອງຊົນນະບູລີ, ແຂວງສະຫວັນນະເຂດ ດົນນານແລ້ວ.

ຜ່ານການຖາມຂ່າວຄາວ ແລະ ໂອ້ລົມອໍານາດການປົກຄອງ ຈຶ່ງຮູ້ວ່າປະຈຸບັນ ແມ່ຕູ້ກວດແກ້ວ ເປັນຄົນຫຼົງໆລືມໆ, ດຳລົງຊີວິດຢູ່ລໍາພັງຢ່າງໂດດດ່ຽວປ່ຽວພອຍ, ບໍ່ມີລູກຫຼານໃຫ້ເພິ່ງພາອາໃສ ແລະ ບໍ່ຮູ້ວ່າໃນຊີວິດນີ້ຕົນເອງຈະມີໂອກາດໄດ້ຢູ່ເຮືອນຂອງຕົນເອງອີກ ຫຼື ບໍ່ 😭

ພວກເຮົາໃນນາມແອັດມີນກຸ່ມສົ່ງເສີມການລ້ຽງລູກດ້ວຍນົມແມ່ ຈຶ່ງມີແນວຄວາມຄິດຢາກຊ່ວຍເຫຼືອໃຫ້ແມ່ຕູ້ກວດແກ້ວ ໄດ້ມີເຮືອນຢູ່ພໍໄດ້ຊົ້ນແດດຊົ້ນຝົນ ໃນບັ້ນປາຍຂອງຊີວິດ.

ດັ່ງນັ້ນ, ຈຶ່ງຂໍແຈ້ງຂ່າວມາຍັງທຸກໆທ່ານທີ່ມີຈິດໃຈໃສສັດທາ ຮ່ວມກັນສົມທົບທຶນຜູ້ລະເລັກລະນ້ອຍ ໂດຍໂອນປັດໃຈເຂົ້າບັນຊີຂອງ ແອັດມີນນີອອນ ຕາມລາຍລະອຽດດັ່ງນີ້: 010-12-00-00062229-001 ອອກຊື່ Neeorn SAYACHACK.

ເພື່ອຄວາມໂປ່ງໃສ ກະລຸນາລະບຸໃນການໂອນວ່າ: “ສົມທົບປຸກເຮືອນແມ່ຕູ້ກວດແກ້ວ” ພາຍຫຼັງໂອນແລ້ວ ຂໍໃຫ້ແຄັບໜ້າຈໍສົ່ງໃຫ້ແອັດມີນປ້າຕຸ້ຍ ທີມແອັດມີນພວກເຮົາຈະແຈ້ງ ແລະ ລົງຮູບຂອບໃຈທຸກໆລາຍການໂອນ ເປັນແຕ່ລະໄລຍະ ແລະ ຈະນໍາເອົາເງິນທຸກກີບໄປມອບໃຫ້ການຈັດຕັ້ງສະຫະພັນແມ່ຍິງລາວ ເພື່ອນໍາໄປສົມທົບປຸກເຮືອນນ້ອຍໃຫ້ ແມ່ຕູ້ກວດແກ້ວ ຕາມຄວາມມຸ່ງຫວັງດ້ວຍ