ນາງ ວຽງຄອນຖືກໂທດ 10 ປີ – ສື່ລາວ.ຄອມ
Notice: Undefined index: slug in /home/suelaoco/public_html/wp-includes/class-wp-theme-json.php on line 1092
Connect with us

ຂ່າວພາຍໃນ

ນາງ ວຽງຄອນຖືກໂທດ 10 ປີ

Published

on

ນາງ ວຽງຄອນ ຫຼື ຕາດໍາ ອາຍຸ 30 ປີ ຢູ່ບ້ານໄຊສະຫວ່າງ ເມືອງໄຊທານີ ນະຄອນຫຼວງວຽງຈັນ ເປັນຈຳເລີຍໃນຂໍ້ການຂົນສົ່ງຢາເສບຕິດ ປະເພດຢາບ້າ ຈຳນວນ 1.400 ເມັດ ແລະ ຂໍ້ຫາການປິດບັງການກະທໍາຜິດ, ເຊິ່ງຖືກກັກຕົວ ວັນທີ 4 ມີນາ 2020, ຜ່ານການດຳເນີນຄະດີມາຮອດວັນທີ 4 ພະຈິກ 2020, ຄະນະສານໄດ້ນຳເອົາສຳນວນຂອງຈຳເລີຍຂຶ້ນມາພິຈາລະນາຕັດສິນຈຳຄຸກ 10 ປີ 3 ເດືອນ ປັບໃໝ 105. 000.000 ກີບ.

ຄຳສາລະພາບຂອງ ນາງ ວຽງຄອນ ຫຼື ຕາດໍາ (ຈຳເລີຍ) ມີຢູ່ວ່າ: ເລີ່ມເສບຢາເສບຕິດປະເພດຢາບ້າ ແຕ່ເດືອນກັນຍາ 2019 ເປັນຕົ້ນມາ, ຢາບ້າທີ່ເອົາມາເສບແມ່ນຊື້ມາຈາກໄວລຸ້ນທົ່ວໄປ ຄັ້ງລະ 2 ເມັດ. ມາເດືອນພະຈິກ 2019, ຈຳເລີຍ ໄດ້ຮູ້ຈັກກັບ ທ້າວ ອານຸສັກ ຫຼື ກິໂນ ອາຍຸ 46 ປີ ຢູ່ບ້ານສະພານທອງ ເມືອງສີສັດຕະນາກ ໃນນາມບ່າວ-ສາວ. ຫຼັງຈາກນັ້ນ, ທັງ 2 ໄດ້ໄປ ເຊົ່າເຮືອນຈັດສັນຢູ່ບ້ານໄຊສະຫວ່າງ ເມືອງ ໄຊທານີ ຄ່າຫ້ອງເຊົ່າແມ່ນ ທ້າວ ອານຸສັກ ເປັນຜູ້ຈ່າຍເດືອນລະ 7.000 ບາດ.

ໃນໄລຍະທີ່ຢູ່ນຳກັນ, ທ້າວ ອານຸສັກ ກໍໄດ້ ບອກຈຳເລີຍວ່າ ຜູ້ກ່ຽວເປັນນັກໂທດທີ່ໂຕນໜີຈາກຄ້າຍຄຸມຂັງ ແລະ ຈຳເລີຍ ກໍຮູ້ດີວ່າ ທ້າວ ອານຸສັກ ເຄື່ອນໄຫວຄ້າຂາຍຢາເສບຕິດ ບາງຄັ້ງ ທ້າວ ອານຸສັກ ກໍໄດ້ເອົາຢາບ້າໃຫ້ຈຳເລີຍເສບ ຈໍານວນຫຼາຍຄັ້ງ ຄັ້ງລະ 1-2 ເມັດ. ມາຮອດວັນທີ 4 ມິນາ 2020, ທ້າວ ອານຸສັກ ໄດ້ໂທລະສັບຫາ ຈຳເລີຍ ບອກໃຫ້ເອົາຢາບ້າ ຈໍານວນ 7 ຖົງ ເທົ່າກັບ 1.400 ເມັດ ໄປສົ່ງໃຫ້ລູກຄ້າ ຊື່ ທ້າວ ພູວັນ ຫຼື ເຕ້ຍ ໂດຍຈຳເລີຍຈະໄດ້ເງິນນຳ ທ້າວ ອານຸສັກ ຈຳນວນ 500.000 ກີບ ເມື່ອລົມໂທລະສັບແລ້ວ ຈຳເລີຍກໍຈະເອົາຢາບ້າໄປສົ່ງໃຫ້ ທ້າວ ພູວັນ ຫຼື ເຕ້ຍ ຈຶ່ງຖືກເຈົ້າໜ້າທີ່ເຂົ້າມາຈັບຕົວ ພ້ອມຂອງກາງຢາບ້າ ຈໍານວນ 1.400 ເມັດມາດໍາເນີນຄະດີຕາມກົດໝາຍ.

ຈາກສຳນວນຄະດີຂອງຈຳເລີຍ ມີຫຼັກຖານຮັດກຸມທີ່ໜັກແໜ້ນ ແລະ ພຽງພໍຢັ້ງຢືນວ່າ ການກະທໍາຂອງ ນາງ ວຽງຄອນ (ຈໍາເລີຍ) ເປັນການ ກະທໍາຜິດທາງອາຍາໃນຂໍ້ຫາການຂົນສົ່ງຢາເສບຕິດປະເພດຢາບ້າ ແລະ ການປິດບັງການກະທໍາຜິດ, ເຊິ່ງເປັນການກະທໍາຜິດທີ່ແຕະຕ້ອງຕໍ່ ເສດຖະກິດຂອງຊາດ, ເຮັດໃຫ້ສັງຄົມບໍ່ມີຄວາມສະຫງົບ, ຄວາມເປັນລະບຽບຮຽບຮ້ອຍ, ການກະທໍາຜິດຕໍ່ລະບຽບການບໍລິຫານ ແລະ ການ ຍຸຕິທໍາ ຕາມທີ່ໄດ້ກໍານົດໄວ້ໃນປະມວນກົດ ໝາຍອາຍາ ມາດຕາ 315 ແລະ ມາດຕາ 380.

ເຫັນວ່າ ບົດບັນທຶກການຈັບຕົວຂອງຈຳເລີຍ ກໍໃຫ້ການຮັບສາລະພາບວ່າ ຈໍາເລີຍ ໄດ້ຂົນສົ່ງຢາເສບຕິດປະເພດຢາບ້າແທ້, ຢາບ້າຈໍານວນ 1.400 ເມັດ ກໍແມ່ນຂອງ ທ້າວ ອານຸສັກ ແທ້ທີ່ຈໍາເລີຍໄດ້ຮັບສົ່ງໃຫ້ ໂດຍໄດ້ຄ່າຈ້າງເປັນ ເງິນຈໍານວນ 500.000 ກີບ ແລະ ຈຳເລີຍ ກໍສາ ລະພາບວ່າ ໄດ້ຮູ້ເຫັນການເຄື່ອນໄຫວຄ້າຂາຍຢາເສບຕິດ ແລະ ການໂຕນໜີຈາກຄ້າຍຄຸມຂັງຕານປ່ຽວຂອງ ທ້າວ ອານຸສັກ ແທ້. ແຕ່ຈໍາເລີຍບໍ່ຈິງໃຈລາຍງານຕໍ່ອໍານາດການປົກຄອງບ້ານ ຫຼື ເຈົ້າໜ້າທີ່ກຽວຂ້ອງ; ສະນັ້ນ, ຖືວ່າການກະທໍາຂອງຈຳເລີຍເປັນການ
ກະທໍາຜິດໃນຂໍ້ຫາການປິດບັງການກະທໍາຜິດຕາມປະມວນກົດໝາຍອາຍາ ມາດຕາ 380 ແລະ ເປັນການກະທໍາຜິດ ໂດຍເຈດຕະນາ ເນື່ອງຈາກວ່າຈໍາເລີຍມີຄວາມຕັ້ງໃຈປິດບັງການກະທໍາຜິດ ແລະ ຂົນສົ່ງຢາເສບຕິດ (ຢາບ້າ) ທັງໆທີ່ຈໍາເລີຍກໍຮູ້ດີວ່າເປັນການກະທໍາຜິດຕໍ່ປະມວນກົດໝາຍ.

ສ່ວນຂອງກາງຢາບ້າ ຈໍານວນ 1.400 ເມັດ ໄດ້ກວດພິສູດວິໄຈ ຈໍານວນ 5 ເມັດ ຜ່ານການກວດພິສູດວິໄຈ ແລ້ວເຫັນວ່າ ຢາບ້າຈໍານວນດັ່ງກ່າວບັນຈຸສານເສບຕິດປະເພດຢາບ້າ (Methamphetamine Tablet +) ແທ້ ຕາມໃບຢັ້ງຢືນຜົນການກວດພິສູດວິໄຈຂອງກົມຕໍາຫຼວດນິຕິວິທະຍາ, ກະຊວງປ້ອງກັນຄວາມສະຫງົບ. ສຳລັບເປົ້າໝາຍທີ່ຈໍາເລີຍໃຫ້ການຊັດທອດຄື: ທ້າວ ອານຸສັກ ແລະ ທ້າວ ພູວັນ ຫຼື ເຕ້ຍ ປັດຈຸບັນເຈົ້າໜ້າທີ່ ໄດ້ນໍາຕົວຜູ້ກ່ຽວມາດໍາເນີນຄະດີແລ້ວ ແລະ ຈະສະຫຼຸບສຳນວນຄະດີສົ່ງໄອຍະການຟ້ອງສານຕັດສິນໃນໄວໆນີ້.

Continue Reading

ຂ່າວພາຍໃນ

ແຈ້ງດ່ວນ! ກຽມປ່ອຍນ້ຳເຂື່ອນໄຟຟ້າເຊລະນອງ​ 1 ເລີ່ມ​ 28​ ກັນຍານີ້

Published

on

ວັນທີ 28/09/2022 ທາງເຂື່ອນ ໄຟຟ້າເຊລະນອງ1 ມີແຜນຈະເປີດປະຕູນໍ້ານອງ ເພື່ອລະບາຍນໍ້າ ອອກຈາກອ່າງເກັບນໍ້າຂອງເຂື່ອນ.​

ເນື່ອງຈາກປັດຈຸບັນລະດັບນໍ້າຂອງເຂື່ອນ ແມ່ນຢູ່ໃນລະດັບໃກ້ກັບລະດັບສູງສຸດ ໂດຍຈະປ່ອຍນໍ້າອອກຕາມປະລິມານນໍ້າໄຫຼເຂົ້າອ່າງ ເລີ່ມແຕ່ວັນທີ 28/09-15/10/2022 ເຂື່ອນໄຟຟ້າເຊລະນອງ1 ປ່ອຍ 500 m3/s ຫາ 8500 m3/s ລວມທັງຜ່ານກົງຫັນຜະລິດໄຟຟ້າ, ພ້ອມນີ້ໃນໄລຍະດັ່ງກ່າວກໍມີພາຍຸພັດຜ່ານອີກດ້ວຍ.

ຊື່ງຈະເຮັດລະດັບນໍ້າຢູ່ຕອນລຸ່ມຂອງ ເຂື່ອນສູງຂຶ້ນຢ່າງກະທັນຫັນການປ່ອຍແມ່ນຈະປ່ອຍເລີ່ມຈາກ 159.77 m3/s ຈະປ່ຽນແປງຕາມສະພາບຕົວຈິງ.

ດັ່ງນັ້ນ, ເພື່ອເປັນການຮັບມືຈາກຜົນກະທົບທີ່ອາດຈະເກີດຂຶ້ນໃນເຂດພື້ນທີ່ຕອນລຸ່ມເຂື່ອນ ແລະ ຕາມສາຍນ້ຳເຊລະນອງ1 ເຊບັ້ງຫຽງ ທາງກົມນະໂຍບາຍ ແລະ ແຜນພະລັງງານ, ກະຊວງພະລັງງານ ແລະ ບໍ່ແຮ່ ຈຶ່ງຂໍແຈ້ງມາຍັງທ່ານຊາບ ເພື່ອກະກຽມຮັບມື.

Continue Reading

ຂ່າວພາຍໃນ

ແຂວງອັດຕະປື ເລີ່ມໄດ້ຮັບຜົນກະທົບຈາກພາຍຸໂນຣູ

Published

on

ເຂດຈະເລີນໄຊ ເມືອງຊານໄຊ ແຂວງອັດຕະປື ໄດ້ຮັບຜົນກະທົບຈາກພາຍຸ ໂນຣຸ ວັນທີ 28 ກັນຍາ 2022

……

….

Continue Reading

ຂ່າວພາຍໃນ

ຈັບຜູ້ແອບອ້າງແລ່ນຄົນເຂົ້າຕຳຫຼວດ.

Published

on

By

ເຈົ້າໜ້າທີ່ ປກສ ເມືອງຈັນທະບູລີ ນະຄອນຫລວງວຽງຈັນ ສາມາດກັກຕົວຜູ້ແອບອ້າງແລ່ນຄົນເຂົ້າ ທະຫານ-ຕໍາຫຼວດ ໄດ້ຜູ້ຖືກຫາ 3 ຄົນມາດໍາເນີນຄະດີຕາມລະບຽບກົດໝາຍ. ໃນວັນທີ 27 ກັນຍາ 2022 ເຈົ້າຫນ້າທີ່ ປກສ ເມືອງຈັນທະບູລິໃຫ້ຂໍ້ມູນວ່າ:

ມີຜູ້ຖືກເສຍຫາຍເຂົ້າມແຈ້ງຄວາມຕໍ່ເຈົ້າຫນ້າທີ່ ຈາກນັ້ນ ຈິ່ງແຕ່ງຕັ້ງວິຊາສະເພາະ ກໍລົງເກັບກຳຂໍ້ມູນ ຕົກມາຮອດວັນທີ 14 ກໍລະກົດ 2022 ເຂົ້າກັກຕົວພວກຖືກຫາ 3 ຄົນ ຊື່ ທ້າວ ແຕ ອາຍຸ 46 ປີ ບ້ານໂພນສະຫວ່າງ ເມືອງສີສັດຕະນາກ, ທ້າວ ຈິດສະຫວາດ ອາຍຸ 36 ປີ ຢູ່ບ້ານໄຜ່ລ້ອມ ເມືອງໄຊທານີ ແລະ ທ້າວ ສອນນະພາ ອາຍຸ 36 ປີ ຈອມມະນີ ເມືອງໄຊເສດຖາ ນະຄອນຫຼວງວຽງຈັນ ທີ່ເປັນຜູ້ປອມແປງເອກະສານຂໍ້ຕົກລົງແລ່ນຄົນເຂົ້າທະຫານ ແລະ ຕໍາຫຼວດ.

ຜ່ານການສອບສວນຂອງເຈົ້າໜ້າທີ່ ພວກຖືກຫາ

ສາລະພາບວ່າ: ໃນວັນທີ 26 ມິຖຸນາ 2022 ແມ່ນເຄື່ອນ
ໄຫວຊອກຫາຄົນທີ່ຢາກເຂົ້າເຮັດວຽກເປັນກຳລັງທະຫານ, ຕຳຫຼວດໂດຍອ້າງວ່າສາມາດແລ່ນໃຫ້ໄດ້ແຕ່ຕ້ອງມີ
ຄ່າແລ່ນເອກະສານ ຄົນລະ 280.000 ບາດ ຈາກນັ້ນ ທ້າວ ແຕ

ແມ່ນໄດ້ຕິດຕໍ່ຄົນມາໄດ້ 2 ຄົນ ແລະ ຮຽກຮ້ອງໃຫ້ຈ່າຍລ່ວງໜ້າກ່ອນ ຈໍານວນ 15.000.000 ກີບ ຕໍ່ຄົນ ແລະ ກໍໄດ້ໂອນເງິນໃຫ້ ທ້າວ ຈິດສະຫວາດ ທັງໝົດ ຈໍານວນ 30.000.000 ກີບ.

ຕົກມາຮອດວັນທີ 12 ກໍລະກົດ 2022 ທ້າວ ຈິດສະຫວາດ ໄດ້ແຈ້ງມາວ່າ: ຂໍ້ຕົກລົງຮັບເຂົ້າກຳລັງອອກແລ້ວ ຈາກນັ້ນກໍໄດ້ສົ່ງຂໍ້ຕົກລົງເຂົ້າກໍາລັງໃຫ້ ທ້າວ ແຕ ທາງວອດແອັບ ທັງສອງແມ່ນຮູ້ແລ້ວວ່າເປັນເອກະສານປອມ ທີ່ທ້າວ ສອນນະພາ ສ້າງຂຶ້ນມາໂດຍພິມລາຍຊື່ປອມແບບບໍ່ມີຕົວຕົນໃສ່ຂໍ້ຕົກລົງ ມີທັງໝົດ 137 ຄົນ, ໃນນັ້ນແມ່ນມີລາຍຊື່ແທ້ຂອງຜູ້ຖືກເສຍຫາຍ 2 ຄົນທີ່ຈ່າຍເງິນມັດຈຳລ່ວງ

ໜ້າ, ເພື່ອນຳໄປຮຽກຮ້ອງເອົາເງິນສ່ວນທີ່ເຫຼືອນຳຜູ້ຖືກເສຍຫາຍ.

Continue Reading
ເດືອນກັນຍາ 2022
ເສົາ ​ອາ ​ຈ ​ພ​ຫ ​ສ
 12
3456789
10111213141516
17181920212223
24252627282930

Trending

ທ່ານບໍ່ມີສິດສຳເນົາ ບົດຄວາມນີ້ໄດ້ ສົນໃຈບົດຄວາມຕິດຕໍ່ ຜູ້ດູແລລະບົບຖ້າສົນໃຈບົດຄວາມນີ້