ຫາກໍ່ມືນຕາເບິ່ງໂລກກໍ່ຖືກແມ່ຖີ້ມແລ້ວ ແມ່ໃຈມານຖິ້ມລູກເກີດໃໝ່ໄວ້ແຄມທາງ

ແມ່ໃຈຊົ່ວຖິ້ມລູກໃນໃສ້ ຫາກໍ່ເກີດໄດ້ພຽງ 4 ຊົ່ວໂມງ ຖີ້ມແຄມຖະຫນົນ ຫມູມົ່ນ-ນາກວ້າງ ຊຸມຊົນໄກ່ເຖື່ອນ ຕຳບົນຫມູມົ່ນ ອຳເພີເມືອງ ຈັງຫວັດອຳນາດຈະເລີນປະເທດໄທ ເປັນເດັກນ້ອຍເປັນເພດຍິງ ຖືກແດດເຜົາຈົນຜິວແດງ ແລະເລີ່ມແຫ້ງ ຖືກມົດກັດທົ່ວທັງຕົວ (ເດັກຍັງມີຊີວິດຢູ່) ແຕ່ນອນນິ່ງບໍ່ເຄື່ອນໄຫວ.

ແຕ່ການໂຊກຮ້າຍກໍ່ຍັງມີໂຊກດີ ເດັກຍັງມີບຸນ ພົນລະເມືອງດີໄດ້ມາພົບເຫັນພໍດີ ຄື”ນາງວັດຊະຣາ ຈາຣຸໄຊ” (น.ส.วัชรา จารุไชย) ອາຍຸ 27 ປີ ຢູ່ບ້ານເລກທີ 29/11 ຫມູ່ 9 ຕຳບົນບຸ່ງ ອຳເພີເມືອງ ຈັງຫວັດອຳນາດຈະເລີນ ໄດ້ຂັບລົດເກັງໂຕໂຍຕ້າ ຍາຣິສ ສີດຳ ທະບຽນ ກອ 9007 ອຸດອນທານີ(กอ 9007 อุดรธานี)

ກຳລັງຈະກັບບ້ານ ຜ່ານມາພົບເຫັນຟ້າວລົງມາຊ່ວຍເຫລືອ ແລະ ຟ້າວນຳສົ່ງໂຮງຫມໍ ສູນອຸດອນທານີ ດ້ວຍຕົນເອງ ກ່ອນຈະແຈ້ງເຈົ້າຫນ້າທີ່ເພື່ອພາໄປຊີ້ຈຸດທີ່ເກີດເຫດ

ຕ້ອງຂໍຂອບໃຈທ່ານຫມໍ ໂຮງຫມໍສູນອຸດອນທານີ ທີ່ຊ່ວຍເຫລືອຢ່າງຮີບດ່ວນຈົນເຮັດໃຫ້ເດັກນ້ອຍປອດໄພ ຕໍ່ມານາງວັດຊະຣາ ຈາຣຸໄຊ (น.ส.วัชรา จารุไชย) ໄດ້ຕັ້ງຊື່ໃຫ້ນ້ອງຄົນນັ້ນວ່າ “ນ້ອງຟ້າໃຫມ່” ເພາະ ເໝືອນຕາຍແລ້ວເກີດໃຫມ່.