ທີ່ດິນທີ່ຖືກໂຄງການພັດທະນາ ຕ້ອງທົດແທນຢ່າງສົມເຫດສົມຜົນ – ສື່ລາວ.ຄອມ
Connect with us

ຂ່າວພາຍໃນ

ທີ່ດິນທີ່ຖືກໂຄງການພັດທະນາ ຕ້ອງທົດແທນຢ່າງສົມເຫດສົມຜົນ

Published

on

ບັນຫາທີ່ດິນ ແມ່ນເລື່ອງຊໍາເຮື້ອມາໄດ້ຫຼາຍປີ ແຕ່ຍັງບໍ່ສາມາດແກ້ໄຂໄດ້ຢ່າງຂາດຕົວ ເຊິ່ງຍ້ອນຫຼາຍບັນຫາທີ່ໄດ້ສົ່ງຜົນກະທົບຕໍ່ປະຊາຊົນຈໍານວນບໍ່ໜ້ອຍ ໂດຍສະເພາະບັນຫາຄ່າທົດແທນ.

ການພັດທະນາເສດກະກິດ-ສັງຄົມຂອງຊາດທີ່ຂະຫຍາຍຕົວໄວວາ ຕະຫຼອດໄລຍະຫຼາຍສິບປີມານີ້ ເຫັນວ່າ ຕິດພັນກັບທີ່ດິນເປັນສ່ວນໃຫຍ່ຂອງບັນດາໂຄງການພັດທະນາຂອງລັດຖະບານນ້ອຍ-ໃຫຍ່ຫຼາຍໂຄງການ ບໍ່ວ່າຢູ່ໃນຕົວເມືອງ ກໍຄືຊົນນະບົດ.

ຄ່າທົດແທນ ແມ່ນບັນຫາທີ່ປະຊາຊົນໃຫ້ຄວາມສົນໃຈ ແລະ ເປັນຫ່ວງທີ່ສຸດ. ຫຼາຍໂຄງການພັດທະນາ ຂອງລັດຖະບານທີ່ຜ່ານມາ ບໍ່ວ່າຈະກ່ຽວຂ້ອງກັບການພັດທະນາພະລັງງານໄຟຟ້ານໍ້າຕົກ, ການພັດທະນາ ຕົວເມືອງ, ເສັ້ນທາງ, ທາງລົດໄຟ ແລະ ອື່ນໆ ເຫັນວ່າປະຊາຊົນພົບພໍ້ບັນຫາທີ່ວ່າ ເມື່ອທີ່ດິນຂອງປະຊາຊົນ ຖືກໂຄງໃດໜຶ່ງຂອງລັດຖະບານແລ້ວບໍ່ໄດ້ຮັບຄ່າທົດແທນທັນເວລາ ແລະ ມີຄວາມເໝາະສົມ.

ໃນເມື່ອເດືອນ ກໍລະກົດ 2020 ທີ່ຜ່ານມາ ໃນວາລະດຳເນີນກອງປະຊຸມ ສະໄໝສາມັນຄັ້ງທີ 9 ຂອງສະພາປະຊາຊົນນະຄອນຫຼວງວຽງຈັນ ຊຸດທີ I ທ່ານ ປອ ສິນລະວົງ ຄຸດໄພທູນ ເຈົ້າຄອງນະຄອນຫຼວງວຽງຈັນ ໄດ້ກ່າວໃນກອງປະຊຸມ ທີ່ມີເນື້ອໃນວ່າ ຍ້ອນຄວາມຮຽກຮ້ອງຕ້ອງການຂອງການພັດທະນາທີ່ວ່ອງໄວຂອງນະຄອນຫຼວງວຽງຈັນທີ່ຕິດພັນກັບທີ່ດິນ ເຊິ່ງເກີດມີບັນຫາຫຼາຍຢ່າງ ທີ່ຍັງເປັນສິ່ງທ້າທາຍໂດຍສະເພາະ ຄ່າຊົດເຊີຍຕໍ່ຜູ້ຖືກຜົນກະທົບ ຈາກບັນດາໂຄງການພັດທະນາຕ່າງໆເຊິ່ງໃນນັ້ນ ໂຄງການຂອງລັດ ແມ່ນມີງົບປະມານຈຳກັດ ທີ່ຈະສາມາດຊົດເຊີຍໃຫ້ປະຊາຊົນຕາມລາຄາທ້ອງຕະຫຼາດ ຈຶ່ງເກີດຫາງສຽງທີ່ວ່າ ຄ່າຊົດເຊີຍມີລາຄາຕໍ່າ.

ນອກນັ້ນ ທ່ານຍັງກ່າວຕື່ມວ່າ ການພັດທະນາທີ່ດິນຕ້ອງໄປຕາມຫຼັກການທີ່ວ່າ ທີ່ດິນແມ່ນກຳມະສິດຂອງ ປວງຊົນໂດຍລັດຖະບານເປັນຕົວແທນປະຊາຊົນມີສິດໃຊ້ ແລະ ສິດນຳໃຊ້, ດິນທຸກຕອນຕ້ອງພັດທະນາໄປ ຕາມແຜນຜັງ ແລະ ຜູ້ມີສິດນຳໃຊ້ທີ່ດິນຕ້ອງເຂົ້າຮ່ວມການພັດທະນາ ອີງຕາມການຊົດເຊີຍທີ່ວ່າໃຫ້ໄດ້ສໍ່າເກົ່າ ຫຼື ດີກວ່າເກົ່າ.

ນັ້ນແມ່ນສິ່ງທີ່ຊັດເຈນວ່າ ທີ່ດິນທຸກປ່ຽງທຸກຕອນ ແມ່ນຂອງປວງຊົນທີ່ມີສິດນຳໃຊ້, ເມື່ອມີການພັດທະນາ ກໍຕ້ອງໄດ້ເຂົ້າຮ່ວມບົນພື້ນຖານການຊົດເຊີຍທີ່ສົມເຫດສົມຜົນ.

ພ້ອມນັ້ນ ໃນວາລະການດຳເນີນກອງປະຊຸມສະໄໝສາມັນ ເທື່ອທີ 10 ຂອງສະພາແຫ່ງຊາດ ຊຸດທີ VIII ວັນທີ 3 ພະຈິກ 2020 ທີ່ຜ່ານມາ ທ່ານ ບຸນປອນ ສີສຸລາດ ປະທານກຳມາທິການເສດຖະກິດ, ເຕັກໂນໂລຊີ ແລະ ສິ່ງແວດລ້ອມ ສະພາແຫ່ງຊາດ ກ່າວໃນກອງປະຊຸມ ວາລະ ການສົນທະນາກ່ຽວກັບໂຄງການພັດທະນາ ຕົວເມືອງ ນະຄອນຫຼວງວຽງຈັນ ວ່າ:

“ທີ່ດິນໃນເຂດພັດທະນາ ໃນນະຄອນຫຼວງວຽງຈັນ ສ່ວນໃຫຍ່ ເປັນກຳມະສິດຂອງບຸກຄົນ ເມື່ອຈະມີການພັດທະນາຈະຕ້ອງໄດ້ທົດແທນຄ່າເສຍຫາຍທີ່ດິນ, ສິ່ງປຸກສ້າງ ແລະ ອື່ນໆ ໃຫ້ຜູ້ທີ່ຖືກຜົນກະທົບ ຈາກໂຄງການສຳເລັດກ່ອນການຈັດຕັ້ງປະຕິບັດໂຄງການ, ສິ່ງສໍາຄັນຕ້ອງຮັບປະກັນດ້ານຜົນປະໂຫຍດອັນ ຊອບທໍາຂອງເຂົາເຈົ້າ, ຖ້າໂຄງການໃດບໍ່ທັນມີງົບ ປະມານຊົດເຊີຍ ຄວນໃຫ້ເຈົ້າຂອງທີ່ດິນນຳໃຊ້ ເພື່ອທຳມາຫາກິນຕໍ່ໄປໄດ້ ບໍ່ຄວນຈອງທີ່ດິນເຂົາໄວ້ ໂດຍບໍ່ມີກຳນົດເວລາທີ່ແນ່ນອນ”

ຄຳເຫັນດັ່ງກ່າວ ແມ່ນສອດຄ່ອງກັບ ຜົນປະໂຫຍດອັນຊອບທຳຂອງປະຊາຊົນທີ່ສຸດທີ່ພວກເຮົາ ຕ້ອງເດັດດ່ຽວວ່າ ບໍ່ວ່າໂຄງການ ໃດກໍຕາມ ທີ່ກ່ຽວກັບການພັດທະນາທີ່ດິນຕ້ອງຮັບປະກັນວ່າ ການຊົດເຊີຍ ຫຼື ທົດແທນຕໍ່ຜູ້ໄດ້ຮັບຜົນກະທົບນັ້ນໄດ້ດຳເນີນການຢ່າງເປັນທຳກ່ອນການລົງມືພັດທະນາ.

ທີ່ມາ: ໜັງສືພິມ ລາຍວັນ ລາວພັດທະນາ

Continue Reading

ຂ່າວພາຍໃນ

ລັດຖະມົນຕີ ເວົ້າເດັດຂາດ ຈະເຄັ່ງຄັດ ຄວາມປອດໄພຂຶ້ນເຕື່ມ

Published

on

By

ທ່ານ ພົອ ວິໄລ ຫຼ້າຄໍາຟອງ ກໍາມະການກົມການເມືອງ ສູນກາງພັກ, ຮອງ ນາຍົກລັດຖະມົນຕີ, ລັດຖະມົນຕີກະຊວງປ້ອງກັນ ຄວາມສະຫງົບ ລົງ ເຄື່ອນໄຫວຊີ້ນໍາວຽກງານປ້ອງກັນຄວາມສະຫງົບ ຢູ່ເຂດເສດຖະກິດ ພິເສດສາມຫຼ່ຽມ-ຄໍາ ພ້ອມເນັ້ນຢໍ້າໃຫ້ພາກສ່ວນ ທີ່ກ່ຽວຂ້ອງ ໃຫ້ຄວາມ ສໍາຄັນກັບວຽກງານຄວາມສະຫງົບໃນຂົງເຂດ ດັ່ງກ່າວຫຼາຍຂຶ້ນ.

ໃນວັນທີ 28 ມັງກອນ 2023, ທ່ານ ພົອ ວິໄລ ຫຼ້າຄໍາຟອງ ກໍາມະການກົມ ການເມືອງສູນກາງພັກ, ຮອງນາຍົກລັດຖະມົນຕີ, ລັດຖະມົນຕີ ກະຊວງ ປ້ອງກັນຄວາມສະຫງົບ ພ້ອມດ້ວຍຄະນະ ເຄື່ອນໄຫວຊີ້ນໍາວຽກງານ ປ້ອງກັນຄວາມສະຫງົບ ຢູ່ເຂດເສດຖະກິດພິເສດ ເມືອງຕົ້ນເຜີ້ງ ແຂວງບໍ່ ແກ້ວ,

ໂດຍການຕ້ອນຮັບຂອງ ທ່ານ ຈ້າວເຫີວຍ ປະທານສະພາຜູ້ ບໍລິຫານເຂດເສດຖະກິດພິເສດ ສາມຫຼ່ຽນຄໍາແຂວງບໍ່ແກ້ວ, ມີບັນດາ ການນໍາພັກແຂວງ, ຫົວຫນ້າ-ຮອງຫົວຫນ້າຫ້ອງວ່າການແຂວງ, ເຈົ້າເມືອງ, ກອງບັນຊາການປ້ອງກັນຊາດ-ປ້ອງກັນຄວາມສະຫງົບ ແລະ ຄະນະພັກ, ຄະນະຄຸ້ມຄອງເຂດເສດຖະກິດພິເສດ ເຂົ້າຮ່ວມ.

ໂອກາດດັ່ງກ່າວ ທ່ານ ພົອ ວິໄລ ກໍໄດ້ມີຄໍາເຫັນໂອ້ລົມຊີ້ນໍາຕໍ່ ຄະນະ ຄຸ້ມຄອງເຂດເສດຖະກິດພິເສດ ຈົ່ງພ້ອມກັນພັດທະນາເຂດເສດຖະກິດ ພິເສດໃຫ້ກາຍເປັນຕົວເມືອງທີ່ທັນສະໄຫມ, ມີພື້ນຖານເສດຖະກິດທີ່ເຂັ້ມ ແຂງ, ສັງຄົມມີຄວາມສີວິໄລຍຸຕິທໍາ, ເປັນສູນການຄ້າ-ການລົງທຶນ,ສາມາດກາຍເປັນແຫຼ່ງທ່ອງທ່ຽວລະດັບອາຊຽນ.

ພິເສດແມ່ນໃຫ້ມີຄວາມ ສະຫງົບ, ມີຄວາມປອດໄພ, ແຕ່ສິ່ງສໍາຄັນຕ້ອງຕິດພັນກັບ ຮ່ອງຮ້ອຍ ປະຫວັດສາດ, ຮີດຄອງວັດທະທໍາອັນເກົ່າແກ່ ແລະ ສ້າງໃຫ້ເຂດດັ່ງກ່າວ ກາຍເປັນການຄຸ້ມຄອງບໍລິຫານຕາມກົນໄກ ຕາມຫົວຫນ່ວຍບໍລິຫານໃນ ເງື່ອນໄຂເສດຖະກິດ ມີການເຕີຍໃຫຍ່ຂະຫຍາຍຕົວ, ເຂດພິເສດ ຕ້ອງໄດ້ ຍົກລະດັບການຄຸ້ມຄອງໃຫ້ສູງຂຶ້ນ

ໂດຍມອບໃຫ້ສູນກາງປະສານສົມທົບ ກັບທ້ອງຖິ່ນ ພ້ອມກັນຈັດຕັ້ງປະຕິບັດ, ສ້າງເປັນຫນ່ວຍງານຫນຶ່ງຄຸ້ມຄອງ ບໍລິຫານເຂດພິເສດ ເພື່ອແກ້ໄຂສະພາບທີ່ເກີດຂຶ້ນໃຫ້ທັນເວລາ ເພື່ອໃຫ້ ກາຍເປັນເມືອງທີ່ມີຄວາມສະຫງົບ, ທັນສະໄຫມ, ເປັນບ່ອນພັກຜ່ອນ, ທີ່ມີ ຄວາມເປັນລະບຽບຮຽບຮ້ອຍ, ສະຫງົບປອດໄພ, ກາຍເປັນເຂດພິເສດທີ່ ເປັນເຂດຕົວແບບ ແລະ ຄຸ້ມຄອງໃຫ້ມີປະສິດທິຜົນທີ່ດີຂຶ້ນກວ່າເກົ່າ.

ໂດຍໃນປີ 2022 ທີ່ຜ່ານມາ ສໍາລັບວຽກງານ ປ້ອງກັນຄວາມສະຫງົບ ໃນ ເຂດເສດຖະກິດພິເສດ ສາມຫຼ່ຽມຄໍາ ໄດ້ມີປະກົດການຫຍໍ້ທໍ້ເກີດຂຶ້ນ ທັງຫມົດ 153 ເລື່ອງ, x`ແກ້ໄຂໄດ້ທັງຫມົດ 107 ເລື່ອງ, ສົ່ງໃຫ້ ປກສ ແຂວງ ດໍາເນີນ 27 ເລື່ອງ ແລະ ຄະດີພວມດໍາເນີນແກ້ໄຂມີ 19 ເລື່ອງ.

ທີ່ມາ: ວຽງຈັນທາຍ

Continue Reading

ຂ່າວພາຍໃນ

ຮູ້ແລ້ວ ຍ້ອນສາເຫດນີ້ ຍິ ງ ກັນຕ າ ຍ 2 ຄົນເມືອງປາກງື່ມ

Published

on

By

ຂໍສະແດງຄວາມເສຍໃຈນຳຍາດຜູ້ເສຍຊີວິດ ເຫດ ຍິ ງ ກັ ນທີ່ເມືອງປາກງື່ມ.

ຕາມການລາຍງານຂອງ ໜ່ວຍກູ້ໄພອາສາເພື່ອປະຊາຊົນ ໃຫ້ຮູ້ວ່າ ໃນວັນທີ 1/2/2023 ເວລາ 13:30 ນາທີ ມີຄົ ນ ຍິ ງ ກັ ນເສຍຊີວິດ

ຈຸດເກີດເຫດທີ່ບ້ານໄຮ່ ເມືອງປາກງື່ມ ນະຄອນຫຼວງວຽງຈັນ.ໃນບໍລິເວນເກີດເຫດ ມີຜູ້ປະສົບເຫດ2ຄົນເພດຊາຍ, ຜູ້ທີ່ 1 ເພດຍິງ ຖື ກ ຍິ ງ ເສຍຊີວິດຄາທີ່ ແລະ ຜູ້ທີ 2 ເພດຊາຍ ເສຍຊີວິດຢູ່ໂຮງໝໍ.

ປັດຈຸບັນເຈົ້າໜ້າທີ່ກຳລັງກວດສອບ ຖ້າມີຂໍ້ມູນເພີ່ມເຕີມຈະລາຍງານໃນພາຍຫຼັງ.

Continue Reading

ຂ່າວພາຍໃນ

ຈັດໜັກ!ສາວງາມປາຕີ້ ມົ້ວສຸຸມປູມເປົ້າ 14ຄົນ ໄປສຶກສາອົບຮົມ

Published

on

By

ຈັດໜັກໃສ່ແກ້ງໄວລຸ້ນມັກມ່ວນ! ປກສ ນະຄອນໄກສອນ ໄດ້ນຳຕົວກຸ່ມໄວໜຸ່ມປາຕີ້ ມົ້ວສຸມຢາເສບຕິດ ສູບປູມເປົ້າ ຈຳນວນ 14 ຄົນ ໄປສຶກສາອົບຮົມ

ພັທ ຄຳສີ ທູນທະວົງສັກ ຫົວໜ້າກອງບັນຊາການ ປກສ ນະຄອນໄກສອນພົມວິຫານ ໄດ້ລາຍງານໃຫ້ຮູ້ວ່າ:

ວັນທີ 16 ມັງກອນ 2023 ຜ່ານມານີ້ ເຈົ້າໜ້າທີ່ ກອງບັນຊາການ ປກສ ນະຄອນໄກສອນ

ໄດ້ນຳຕົວກຸ່ມໄວໜຸ່ມປາຕີ້ ມົ້ວສຸມຢາເສບຕິດ ສູບປູມເປົ້າ ຈຳນວນ 14 ຄົນ ໄປສຶກສາອົບຮົມ ແລະ ຕັກເຕືອນ

Continue Reading
ເດືອນກຸມພາ 2023
ເສົາ ​ອາ ​ຈ ​ພ​ຫ ​ສ
 123
45678910
11121314151617
18192021222324
25262728  

Trending

ທ່ານບໍ່ມີສິດສຳເນົາ ບົດຄວາມນີ້ໄດ້ ສົນໃຈບົດຄວາມຕິດຕໍ່ ຜູ້ດູແລລະບົບຖ້າສົນໃຈບົດຄວາມນີ້