ກຽມສ້າງທາງດ່ວນ! ຫຼວງພະບາງ-ອຸດົມໄຊ – ສື່ລາວ.ຄອມ
Connect with us

ຂ່າວພາຍໃນ

ກຽມສ້າງທາງດ່ວນ! ຫຼວງພະບາງ-ອຸດົມໄຊ

Published

on

ແຂວງຫຼວງພະບາງ ໄດ້ຈັດກອງປະຊຸມເພື່ອປຶກສາຫາລືວຽກງານ ຮ່ວມກັນເພື່ອສຶກສາສໍາຫຼວດຄວາມເປັນໄປໄດ້ຂອງແລວທາງດ່ວນ ຊ່ວງທີ III ແຕ່ນະຄອນຫຼວງພະບາງ ແຂວງຫຼວງພະບາງ ຫາ ເມືອງ ໄຊ ແຂວງອຸດົມໄຊ ຂຶ້ນໃນວັນທີ 6 ພະຈິກຜ່ານມາທີ່ຫ້ອງປະຊຸມ ພະແນກໂຍທາທິການ ແລະຂົນສົ່ງແຂວງ, ໂດຍການເປັນປະທານ ຂອງທ່ານ ສຸກັນ ບຸນຍົງ ຮອງເຈົ້າແຂວງຫຼວງພະບາງ, ມີທ່ານ ບຣົງ ວ່າງ ຫວ່າງເຈຍຊ່າ ຫົວຫນ້າພະແນກ ຍທຂ, ມີຫົວຫນ້າພະແນກ ການທີ່ກ່ຽວຂ້ອງ,ຜູ້ຕາງຫນ້າຈາກເມືອງ, ບ້ານພ້ອມດ້ວຍວິຊາການ ເຂົ້າຮ່ວມ.

ທ່ານ ສຸກັນບຸນຍົງ ຮອງເຈົ້າແຂວງໆ ຫຼວງພະບາງກ່າວວ່າ: ຊ່ວງທາງດ່ວນທີ III ຈາກການສໍາຫຼວດສຶກສາກໍານົດແລວທາງແຕ່ ນະຄອນຫຼວງພະບາງ ແຂວງຫຼວງພະບາງ ຫາເມືອງໄຊ ແຂວງອຸດົມ ໄຊ ໄດ້ມີການປຽບທຽບເປັນ 3 ແລວທາງຄືແລວ K, A ແລະ B ເມື່ອ ພິຈາລະນາແລ້ວບໍລິສັດຮັບເຫມົາກໍ່ສ້າງໄດ້ສະເຫນີໃຫ້ເລືອກແລວທາງ K ເຊິ່ງເປັນແລວທາງສົ່ງຜົນດີຕໍ່ການປົກປັກຮັກສາສິ່ງແວດລ້ອມ, ມີ ຜົນປະໂຫຍດຕໍ່ການພັດທະນາຕົວເມືອງນະຄອນຫຼວງພະບາງ ແລະ ເມືອງງາ, ສະດວກຕໍ່ປະ ຊາຊົນໃນຂອບເຂດຕົວເມືອງຂຶ້ນ-ລົງ,ມີຜົນ ດີຕໍ່ການປົກປັກຮັກສາແຫຼ່ງນໍ້າຂອງແມ່ນໍ້າຂອງ ແລະພັດທະນາການ ຂົນສົ່ງຫຼາຍຮູບແບບເຊື່ອມຕໍ່ທາງບົກ ແລະທາງລົດໄຟ, ທັງຂະຫນາດ ໂຄງການນ້ອຍ, ຄວາມຫຍຸ້ງຍາກ ແລະສິ່ງທ້າທາຍໃນການກໍ່ສ້າງຫນ້ອຍລວມເຖິງໄລຍະເວລາໃນການກໍ່ສ້າງສັ້ນລົງ.

ສ່ວນແລວທາງດ່ວນນີ້ຈະຜ່ານເມືອງງາ, ນາກົກເຂົ້າຫາເມືອງໄຊ ແຂວງອຸດົມໄຊ ມີໄລຍະທາງທັງຫມົດ 113,9 ກິໂລແມັດ, ເນື້ອທີ່ນໍາ ໃຊ້ທັງຫມົດປະມານ 1.055 ເຮັກຕາ, ສະເພາະຊ່ວງຜ່ານແຂວງຫຼວງ ພະບາງມີ 29,8 ກິໂລແມັດ, ຜ່ານແຂວງອຸດົມໄຊໄລຍະທາງ 84,1 ກິໂລແມັດ. ຈະໄດ້ສ້າງຂົວທັງຫມົດ 96 ແຫ່ງ, ຄວາມຍາວ 19.496 ແມັດ, ອຸມົງ 8 ແຫ່ງ, ຍາວ 14.940 ແມັດ, ຈຸດຂື້ນລົງ 5 ແຫ່ງ, ດ້ານ ມາດຕະຖານເຕັກນິກຂອງອຸມົງແມ່ນໄດ້ສົມທຽບກັບມາດຕະຖານ ເຕັກນິກການອອກແບບຂອງໂຄງການກໍ່ສ້າງທາງດ່ວນຊ່ວງທີ I ແຕ່ ນະຄອນຫຼວງວຽງຈັນຫາວັງວຽງປະກອບມີ 4 ຊ່ອງຈະລາຈອນ(2. ຊ່ອງໄປ 2 ຊ່ອງກັບ) ຫນ້າທາງກວ້າງ 23 ແມັດ, ຊຶ່ງປະກອບມີຊ່ອງຈະ ລາຈອນ, ດອນກາງ ແລະບ່າທາງ, ອຸມົງຄວາມກວ້າງສຸດທິ 10,25 ແມັດ,ສູງສຸດທີ່ 5 ແມັດ,ອາຍຸການນໍາໃຊ້ອອກແບບສໍາລັບອຸມົງ 100 ປີ. ລວມມູນຄ່າການກໍ່ສ້າງແລ້ວK ທັງຫມົດ 19,9 ຕື້ຢວນ ຫຼືປະມານ 2,88 ຕື້ໂດລາສະຫະລັດ ແລະສໍາລັບແລວ A ແລະ B ແມ່ນມີມູນຄ່າ ສູງກວ່າແລວ K.

ເມື່ອທາງດ່ວນນີ້ສ້າງສໍາເລັດແລ້ວຈະໃຊ້ເວລາໃນການເດີນທາງ ຈາກນະຄອນຫຼວງພະບາງຫາເມືອງໄຊ ແຂວງອຸດົມໄຊ ພຽງແຕ່ 1ຊົ່ວໂມງ 30 ນາທີ. ຈາກທີ່ໃຊ້ເວລາ 6 ຊົ່ວໂມງເດີນທາງປົກກະຕິ ແລະຈາກແຂວງຫຼວງພະບາງຫານະຄອນຫຼວງວຽງຈັນທາງດ່ວນ 256 ກິໂລແມັດ ຈະໃຊ້ເວລາພຽງ 3 ຊົ່ວໂມງຈາກໃຊ້ເວລາເດີນ ທາງ ປົກກະຕິ 11 ຊົ່ວໂມງ.

ຂໍ້ມູນ: ຂ່າວເສດຖະກິດ

Continue Reading

ຂ່າວພາຍໃນ

ລັດຖະມົນຕີ ເວົ້າເດັດຂາດ ຈະເຄັ່ງຄັດ ຄວາມປອດໄພຂຶ້ນເຕື່ມ

Published

on

By

ທ່ານ ພົອ ວິໄລ ຫຼ້າຄໍາຟອງ ກໍາມະການກົມການເມືອງ ສູນກາງພັກ, ຮອງ ນາຍົກລັດຖະມົນຕີ, ລັດຖະມົນຕີກະຊວງປ້ອງກັນ ຄວາມສະຫງົບ ລົງ ເຄື່ອນໄຫວຊີ້ນໍາວຽກງານປ້ອງກັນຄວາມສະຫງົບ ຢູ່ເຂດເສດຖະກິດ ພິເສດສາມຫຼ່ຽມ-ຄໍາ ພ້ອມເນັ້ນຢໍ້າໃຫ້ພາກສ່ວນ ທີ່ກ່ຽວຂ້ອງ ໃຫ້ຄວາມ ສໍາຄັນກັບວຽກງານຄວາມສະຫງົບໃນຂົງເຂດ ດັ່ງກ່າວຫຼາຍຂຶ້ນ.

ໃນວັນທີ 28 ມັງກອນ 2023, ທ່ານ ພົອ ວິໄລ ຫຼ້າຄໍາຟອງ ກໍາມະການກົມ ການເມືອງສູນກາງພັກ, ຮອງນາຍົກລັດຖະມົນຕີ, ລັດຖະມົນຕີ ກະຊວງ ປ້ອງກັນຄວາມສະຫງົບ ພ້ອມດ້ວຍຄະນະ ເຄື່ອນໄຫວຊີ້ນໍາວຽກງານ ປ້ອງກັນຄວາມສະຫງົບ ຢູ່ເຂດເສດຖະກິດພິເສດ ເມືອງຕົ້ນເຜີ້ງ ແຂວງບໍ່ ແກ້ວ,

ໂດຍການຕ້ອນຮັບຂອງ ທ່ານ ຈ້າວເຫີວຍ ປະທານສະພາຜູ້ ບໍລິຫານເຂດເສດຖະກິດພິເສດ ສາມຫຼ່ຽນຄໍາແຂວງບໍ່ແກ້ວ, ມີບັນດາ ການນໍາພັກແຂວງ, ຫົວຫນ້າ-ຮອງຫົວຫນ້າຫ້ອງວ່າການແຂວງ, ເຈົ້າເມືອງ, ກອງບັນຊາການປ້ອງກັນຊາດ-ປ້ອງກັນຄວາມສະຫງົບ ແລະ ຄະນະພັກ, ຄະນະຄຸ້ມຄອງເຂດເສດຖະກິດພິເສດ ເຂົ້າຮ່ວມ.

ໂອກາດດັ່ງກ່າວ ທ່ານ ພົອ ວິໄລ ກໍໄດ້ມີຄໍາເຫັນໂອ້ລົມຊີ້ນໍາຕໍ່ ຄະນະ ຄຸ້ມຄອງເຂດເສດຖະກິດພິເສດ ຈົ່ງພ້ອມກັນພັດທະນາເຂດເສດຖະກິດ ພິເສດໃຫ້ກາຍເປັນຕົວເມືອງທີ່ທັນສະໄຫມ, ມີພື້ນຖານເສດຖະກິດທີ່ເຂັ້ມ ແຂງ, ສັງຄົມມີຄວາມສີວິໄລຍຸຕິທໍາ, ເປັນສູນການຄ້າ-ການລົງທຶນ,ສາມາດກາຍເປັນແຫຼ່ງທ່ອງທ່ຽວລະດັບອາຊຽນ.

ພິເສດແມ່ນໃຫ້ມີຄວາມ ສະຫງົບ, ມີຄວາມປອດໄພ, ແຕ່ສິ່ງສໍາຄັນຕ້ອງຕິດພັນກັບ ຮ່ອງຮ້ອຍ ປະຫວັດສາດ, ຮີດຄອງວັດທະທໍາອັນເກົ່າແກ່ ແລະ ສ້າງໃຫ້ເຂດດັ່ງກ່າວ ກາຍເປັນການຄຸ້ມຄອງບໍລິຫານຕາມກົນໄກ ຕາມຫົວຫນ່ວຍບໍລິຫານໃນ ເງື່ອນໄຂເສດຖະກິດ ມີການເຕີຍໃຫຍ່ຂະຫຍາຍຕົວ, ເຂດພິເສດ ຕ້ອງໄດ້ ຍົກລະດັບການຄຸ້ມຄອງໃຫ້ສູງຂຶ້ນ

ໂດຍມອບໃຫ້ສູນກາງປະສານສົມທົບ ກັບທ້ອງຖິ່ນ ພ້ອມກັນຈັດຕັ້ງປະຕິບັດ, ສ້າງເປັນຫນ່ວຍງານຫນຶ່ງຄຸ້ມຄອງ ບໍລິຫານເຂດພິເສດ ເພື່ອແກ້ໄຂສະພາບທີ່ເກີດຂຶ້ນໃຫ້ທັນເວລາ ເພື່ອໃຫ້ ກາຍເປັນເມືອງທີ່ມີຄວາມສະຫງົບ, ທັນສະໄຫມ, ເປັນບ່ອນພັກຜ່ອນ, ທີ່ມີ ຄວາມເປັນລະບຽບຮຽບຮ້ອຍ, ສະຫງົບປອດໄພ, ກາຍເປັນເຂດພິເສດທີ່ ເປັນເຂດຕົວແບບ ແລະ ຄຸ້ມຄອງໃຫ້ມີປະສິດທິຜົນທີ່ດີຂຶ້ນກວ່າເກົ່າ.

ໂດຍໃນປີ 2022 ທີ່ຜ່ານມາ ສໍາລັບວຽກງານ ປ້ອງກັນຄວາມສະຫງົບ ໃນ ເຂດເສດຖະກິດພິເສດ ສາມຫຼ່ຽມຄໍາ ໄດ້ມີປະກົດການຫຍໍ້ທໍ້ເກີດຂຶ້ນ ທັງຫມົດ 153 ເລື່ອງ, x`ແກ້ໄຂໄດ້ທັງຫມົດ 107 ເລື່ອງ, ສົ່ງໃຫ້ ປກສ ແຂວງ ດໍາເນີນ 27 ເລື່ອງ ແລະ ຄະດີພວມດໍາເນີນແກ້ໄຂມີ 19 ເລື່ອງ.

ທີ່ມາ: ວຽງຈັນທາຍ

Continue Reading

ຂ່າວພາຍໃນ

ຮູ້ແລ້ວ ຍ້ອນສາເຫດນີ້ ຍິ ງ ກັນຕ າ ຍ 2 ຄົນເມືອງປາກງື່ມ

Published

on

By

ຂໍສະແດງຄວາມເສຍໃຈນຳຍາດຜູ້ເສຍຊີວິດ ເຫດ ຍິ ງ ກັ ນທີ່ເມືອງປາກງື່ມ.

ຕາມການລາຍງານຂອງ ໜ່ວຍກູ້ໄພອາສາເພື່ອປະຊາຊົນ ໃຫ້ຮູ້ວ່າ ໃນວັນທີ 1/2/2023 ເວລາ 13:30 ນາທີ ມີຄົ ນ ຍິ ງ ກັ ນເສຍຊີວິດ

ຈຸດເກີດເຫດທີ່ບ້ານໄຮ່ ເມືອງປາກງື່ມ ນະຄອນຫຼວງວຽງຈັນ.ໃນບໍລິເວນເກີດເຫດ ມີຜູ້ປະສົບເຫດ2ຄົນເພດຊາຍ, ຜູ້ທີ່ 1 ເພດຍິງ ຖື ກ ຍິ ງ ເສຍຊີວິດຄາທີ່ ແລະ ຜູ້ທີ 2 ເພດຊາຍ ເສຍຊີວິດຢູ່ໂຮງໝໍ.

ປັດຈຸບັນເຈົ້າໜ້າທີ່ກຳລັງກວດສອບ ຖ້າມີຂໍ້ມູນເພີ່ມເຕີມຈະລາຍງານໃນພາຍຫຼັງ.

Continue Reading

ຂ່າວພາຍໃນ

ຈັດໜັກ!ສາວງາມປາຕີ້ ມົ້ວສຸຸມປູມເປົ້າ 14ຄົນ ໄປສຶກສາອົບຮົມ

Published

on

By

ຈັດໜັກໃສ່ແກ້ງໄວລຸ້ນມັກມ່ວນ! ປກສ ນະຄອນໄກສອນ ໄດ້ນຳຕົວກຸ່ມໄວໜຸ່ມປາຕີ້ ມົ້ວສຸມຢາເສບຕິດ ສູບປູມເປົ້າ ຈຳນວນ 14 ຄົນ ໄປສຶກສາອົບຮົມ

ພັທ ຄຳສີ ທູນທະວົງສັກ ຫົວໜ້າກອງບັນຊາການ ປກສ ນະຄອນໄກສອນພົມວິຫານ ໄດ້ລາຍງານໃຫ້ຮູ້ວ່າ:

ວັນທີ 16 ມັງກອນ 2023 ຜ່ານມານີ້ ເຈົ້າໜ້າທີ່ ກອງບັນຊາການ ປກສ ນະຄອນໄກສອນ

ໄດ້ນຳຕົວກຸ່ມໄວໜຸ່ມປາຕີ້ ມົ້ວສຸມຢາເສບຕິດ ສູບປູມເປົ້າ ຈຳນວນ 14 ຄົນ ໄປສຶກສາອົບຮົມ ແລະ ຕັກເຕືອນ

Continue Reading
ເດືອນກຸມພາ 2023
ເສົາ ​ອາ ​ຈ ​ພ​ຫ ​ສ
 123
45678910
11121314151617
18192021222324
25262728  

Trending

ທ່ານບໍ່ມີສິດສຳເນົາ ບົດຄວາມນີ້ໄດ້ ສົນໃຈບົດຄວາມຕິດຕໍ່ ຜູ້ດູແລລະບົບຖ້າສົນໃຈບົດຄວາມນີ້