ກົດໝາຍການແຕ່ງດອງລະຫວ່າງພົນລະເມືອງລາວກັບຄົນຕ່າງປະເທດ – ສື່ລາວ.ຄອມ
Notice: Undefined index: slug in /home/suelaoco/public_html/wp-includes/class-wp-theme-json.php on line 1092
Connect with us

ບົດຄວາມ

ກົດໝາຍການແຕ່ງດອງລະຫວ່າງພົນລະເມືອງລາວກັບຄົນຕ່າງປະເທດ

Published

on

ການແຕ່ງດອງລະຫວ່າງພົນລະເມືອງລາວກັບຄົນຕ່າງປະເທດ, ຄົນຕ່າງດ້າວ ແລະ ຄົນບໍ່ມີສັນຊາດຢູ່ ສປປ ລາວ ໃຫ້ປະຕິບັດຕາມປະມວນກົດຫມາຍແພ່ງ ມາດຕາ 150 ຫາ ມາດຕາ 152 ສໍາລັບການຈົດທະບຽນການແຕ່ງດອງລະຫວ່າງພົນລະເມືອງລາວກັບຄົນ ຕ່າງປະເທດ, ຄົນຕ່າງດ້າວ ແລະ ຄົນບໍ່ມີສັນຊາດຢູ່ໃນ ສປປ ລາວ ໃຫ້ດໍາເນີນຢູ່ພະແນກພາຍໃນຂັ້ນແຂວງບ່ອນຄູ່ບ່າວສາວອາໄສຢູ່ ຫຼື ບ່ອນຢູ່ຂອງຝ່າຍໃດຫນຶ່ງ ຕາມທີ່ໄດ້ກໍານົດໄວ້ໃນກົດຫມາຍວ່າດ້ວຍທະບຽນຄອບຄົວ.

ຕົວຢ່າງ: ທ້າວ ໂວບ ຄົ້ນໂຊມາລີ ຈະແຕ່ງກັບ ນາງ ອີຍູນ ຄົນເກົາຫລີ ກໍສາມາດນໍາໃຊ້ກົດຫມາຍຂອງຝ່າຍໃດຫນຶ່ງກໍໄດ້ ບໍ່ຈໍາເປັນວ່າຕ້ອງອີງໃສ່ກົດຫມາຍຄອບຄົວຂອງ ສປປ ລາວ, ເຖິງແມ່ນວ່າທັງຄູ່ຈະດໍາລົງຊີວິດຢູ່ ສປປ ລາວ ກໍຕາມ. ລັດຮັບຮູ້ການແຕ່ງດອງລະຫວ່າງພົນລະເມືອງລາວດ້ວຍກັນ ຢູ່ຕ່າງປະເທດທີ່ເຮັດຂຶ້ນໂດຍສອດຄ່ອງກັບກົດຫມາຍຂອງ ສປປ ລາວ.

ຕົວຢ່າງ: ທ້າວ ຈອກ ກັບ ນາງ ຈີກ ຊຶ່ງເປັນພົນລະເມືອງລາວໄດ້ໄປສຶກສາຮໍ່າຮຽນຢູ່ຕ່າງປະເທດໄດ້ມີຄວາມມັກຮັກ ແລະ ຕົກລົງປົງໃຈແຕ່ງດອງນໍາກັນຢູ່ປະເທດໄທ ທັງສອງກໍຕ້ອງໄດ້ປະຕິບັດຕາມເງື່ອນໄຂຂອງການແຕ່ງດອງຕາມປະມວນກົດຫມາຍແພ່ງຂອງ ສປປ ລາວ ໄດ້ກໍານົດໄວ້ ສໍາລັບການຈົດທະບຽນການແຕ່ງດອງລະຫວ່າງພົນລະເມືອງລາວດ້ວຍກັນ ຢູ່ຕ່າງປະເທດ ໃຫ້ດໍາເນີນຢູ່ ຫນ່ວຍງານທະບຽນຄອບຄົວສໍານັກງານຜູ້ຕາງຫນ້າຂອງ ສປປ ລາວ ຢູ່ຕ່າງປະເທດ ຕາມທີ່ໄດ້ກໍານົດໄວ້ໃນກົດ ຫມາຍວ່າດ້ວຍທະບຽນ ຄອບຄົວຂອງ ສປປ ລາວ.

ເວົ້າເລື່ອງການແຕ່ງດອງ ການເອົາກັນເປັນຜົວເປັນເມຍ ເຖິງວ່າເປັນສິດເສລີພາບຂອງບຸກຄົນ ແຕ່ກໍຕ້ອງຢູ່ພາຍໃຕ້ກົດຫມາຍທີ່ກ່ຽວຂ້ອງ, ໂດຍສະເພາະ ແມ່ນກົດຫມາຍຄອບຄົວໄດ້ກໍານົດກ່ຽວກັບເງື່ອນໄຂ ແລະ ລະບຽບການແຕ່ງດອງໄວ້ຢ່າງຈະແຈ້ງ ໃນເງື່ອນໄຂ ແລະ ລະບຽບການນັ້ນໄດ້ລະບຸໄວ້ວ່າ:

1. ແມ່ນຜູ້ທີ່ມີອາຍຸແຕ່ 18 ປີຂຶ້ນໄປ

2. ມີຄວາມມັກຮັກ ການຕົກລົງ ແລະ ຄວາມສະຫມັກໃຈ ຂອງຄູ່ບ່າວສາວ3. ເປັນໂສດ ເປັນຮ້າງ ຫຼື ເປັນຫມ້າຍ ໂດຍມືເອກະສານຢັ້ງຢືນຢ່າງຖືກຕ້ອງ.

ບັດນີ້ຈະມາເວົ້າເຖິງການແຕ່ງດອງລະຫວ່າງຄົນລາວກັບຄົນຕ່າງດ້າວທ້າວຕ່າງແດນວ່າຈະຕ້ອງໄດ້ປະຕິບັດ ແລະ ດໍາເນີນການໄປຄືແນວໃດ ເພື່ອວ່າຈະມີຄວາມເຂົ້າໃຈຢ່າງຖືກຕ້ອງ ແລະ ສ້າງຄວາມສະດວກໃນເວລາຢາກແຕ່ງງານກັບຄົນທາງຕາເວັນຕົກນົກເຄົ້ານອນ.

ກົດຫມາຍໄດ້ບອກວ່າຄົນຕ່າງປະເທດຄົນຕ່າງດ້າວ ແລະ ຄົນບໍ່ມີສັນຊາດ ມີສືດ ແລະ ພັນທະຄືກັນກັບພົນລະເມືອງລາວກ່ຽວກັບສາຍພົວພັນແຕ່ງດອງ ແລະ ຄອບຄົວນັ້ນກໍສະແດງວ່າກົດຫມາຍບໍ່ໄດ້ມີເງື່ອນໄຂໃດກັດກັ້ນຄວາມຮັກລະຫວ່າງຄົນຊາດນີ້ ແລະ ຄົນຊາດອື່ນ.

ການແຕ່ງດອງລະຫວ່າງຄົນຕ່າງປະເທດ, ຄົນຕ່າງດ້າວ ແລະ ຄົນບໍ່ມີສັນຊາດດ້ວຍກັນຢູ່ ສປປ ລາວ ໃຫ້ປະຕິບັດຕາມກົດຫມາຍຂອງ ສປປ ລາວ ຫຼື ກົດຫມາຍຂອງປະເທດຂອງຄູ່ແຕ່ງດອງຝ່າຍໃດຫນຶ່ງກໍໄດ້.

ຖ້າຫາກປະຕິບັດຕາມກົດຫມາຍຂອງປະເທດຂອງຄູ່ແຕ່ງດອງຝ່າຍໃດຫນຶ່ງນັ້ນໃຫ້ຈົດທະບຽນແຕ່ງດອງຢູ່ສະຖານທູດ ຫຼື ສະຖານກົງສູນຂອງປະເທດທີ່ກ່ຽວຂ້ອງ ຫມາຍຄວາມວ່າບໍ່ໃຫ້ໄປຈົດທະບຽນຢູ່ພະແນກພາຍໃນແຂວງຂອງ ສປປ ລາວ ສໍາລັບການຈົດທະປ່ຽນການແຕ່ງດອງລະຫວ່າງຄົນຕ່າງປະເທດ ຄົນຕ່າງດ້າວ ແລະ ຄົນບໍ່ມີສັນຊາດດ້ວຍກັນຢູ່ ສປປ ລາວ ໃຫ້ດໍາເນີນຢູ່ພະແນກພາຍ ໃນຂັ້ນແຂວງ ບ່ອນຄູ່ບ່າວສາວອາໄສຢູ່ ຫຼື ບ່ອນຢູ່ຂອງຝ່າຍໃດຫນຶ່ງ ຫຼື ດໍາເນີນຢູ່ສະຖານທູດ ຫຼື ສະຖານກົງສູນຂອງປະເທດທີ່ກ່ຽວຂ້ອງປະຈໍາຢູ່ ສປປ ລາວ ຕາມທີ່ໄດ້ກໍານົດໄວ້ໃນກົດຫມາຍວ່າດ້ວຍທະບຽນຄອບຄົວ.

Continue Reading

ບົດຄວາມ

ຖ້າຄົນລາວເຮົາພາກັນນໍາໃຊ້ຜະລິດຕະພັນພາຍໃນ ຈະເກີດຫຍັງຂຶ້ນ?

Published

on

ທ່ານເຄີຍສົງໄສບໍ່ ເມືື່ອເຮົານໍາໃຊ້ສິນຄ້າພາຍໃນປະເທດຫຼາຍຂຶ້ນ ຈະເກີດຫຍັງຂຶ້ນ ເເລະ ມີຜົນດີເເນວໃດ? ເປັນຫຍັງເຮົາຄວນໃຊ້ຜະລິດຕະພັນພາຍໃນ?

ວ່າຖ້າເຮົານໍາໃຊ້ຜະລິດຕະພັນພາຍໃນເເລ້ວຈະເກີດຫຍັງຂຶ້ນ!!!

+ນີ້ກໍຄືສິ່ງທີ່ຈະເກີດຂຶ້ນເມື່ອເຮົາຫັນມາໃຊ້ສິນຄ້າພາຍໃນ:

1. ສິນຄ້າຈະມີຄຸນນະພາບຂຶ້ນ

ການທີ່ເຮົານໍາໃຊ້ສິນຄ້າພາຍໃນມັນກ່ຽວຂ້ອງເເນວໃດກັບສິນຄ້າມີຄຸນນະພາບ?

+ການທີ່ສິນຄ້າຈະມີຄຸນນະພາບມັນກ່ຽວຂ້ອງຍ້ອນວ່າ ເມື່ອເຮົານໍາໃຊ້ສິນຄ້າ ລາຍໄດ້ຂອງບໍລິສັດ (ເຈົ້າຂອງທຸລະກິດ) ກໍຈະເພີ່ມຂຶ້ນ. ເມື່ອລາຍໄດ້ເພີ່ມຂຶ້ນກໍຈະເຮັດໃຫ້ເກີດການພັດທະນາຜະລິດຕະພັນໃຫ້ມີຄຸນນະພາບຂຶ້ນເພື່ອຕອບໂຈດລູກຄ້າ.

2. ການລົງທຶນ

ການລົງທຶນກໍຄື ເມື່ອຫົວໜ່ວຍທຸລະກິດມີລາຍໄດ້ເພີ່ມ ກໍຈະເຮັດໃຫ້ມີການຂະຫຍາຍທຸລະກິດ ຫຼື ການລົງທຶນເພີ່ມຂຶ້ນ ເເລະ ຈະມີຜະລິດຕະພັນໃໝ່ໆເກີດຂຶ້ນມາ

3. ການຈ້າງງານ

ການຈ້າງງານ ຄື ເມື່ອມີການລົງທຶນເເລ້ວ ກໍຈະເຮັດໃຫ້ມີການຈ້າງງານເພີ່ມຂຶ້ນ. ການຈ້າງງານເພີ່ມຂຶ້ນຈະສົ່ງຜົນດີຕໍ່ປະຊາຊົນ ນັ້ນກໍຄືມີລາຍຮັບ ເມື່ອປະຊົນຊາຊົນມີລາຍຮັບຈະເຮັດໃຫ້ເສດຖະກິດມີການຂະຫຍາຍໂຕ(GDP)ສູງຂຶ້ນ

4. ເງິນຕາຕ່າງປະເທດກໍຈະສູງຂຶ້ນ

ເມື່ອມີການລົງທຶນ ຫຼື ຂະຫຍາຍທຸລະກິດກໍຈະເຮັດໃຫ້ເກີດຜະລິດຕະພັນ ເມື່ອເກີດຜະລິດພັນ ຈະກໍ່ໃຫ້ເກີດການສົ່ງອອກສິນຄ້າອອກສູ່ຕ່າງປະເທດ. ການສົ່ງອອກສິນຄ້າອອກສູ່ຕ່າງປະເທດກໍຈະໄດ້ເງິນມາໃນຮູບເເບບຂອງເງິນຕາ ເຊິ່ງເງິນຕາເຫຼົ່ານັ້ນກໍຈະເຮັດໃຫ້ ເງິນຕາຕ່າງປະເທດເຮົາເພີ່ມຂຶ້ນນັ້ນເອງ.

5.ອັດຕາເງິນເຟີ້ຫຼຸດລົງ

ຈະສົ່ງຜົນຕໍ່ອັດຕາເງິນເຟີ້ຫຼຸດລົງ ເເລະ ການນໍາໃຊ້ເງິນຕາ ຄື ເມື່ອບໍ່ມີຄວາມຕ້ອງການຈາກສິນຄ້າພາຍນອກ ຄົນພາຍໃນກໍບໍ່ຕ້ອງການເງິນຕາເພື່ອຊື້ສິນຄ້າ ເເລະ ນີ້ເອງຈະເຮັດໃຫ້ປະຊາຊົນ ຫຼື ຫົວໜ່ວຍທຸລະກິດໃຊ້ເງິນກີບຫຼາຍຂຶ້ນ ເເລະ ສຸດທ້າຍຈະເຮັດໃຫ້ເງິນເເຂງຄ່ານັ້ນເອງ.

*ຖ້າການວິເຄາະຜິດພາດປະການໃດ ຕ້ອງຂໍອະໄພດ້ວຍ.

ບົດຄວາມ: ກະເເສຂ່າວ

Continue Reading

ບົດຄວາມ

ຕຳນານ ຕົ້ນໄມ້ມະນີໂຄດ ຕົ້ນໄມ້ສັກສິດຂອງເມືອງລາວ

Published

on

ຕົ້ນໄມ້ມະນີໂຄດ ຫຼື ຕົ້ນແກ້ວມະນີໂຄດ ທີ່ເຊື່ອກັນວ່າເປັນຕົ້ນໄມ້ຕົ້ນດຽວໃນໂລກທີ່ເຕີບໃຫຍ່ທ່າມກາງນຳນານຫຼວງຫຼາຍຢູ່ເທິງໂງ່ນຫີນທີ່ຄ້າຍຄືເກາະນ້ອຍໆ ທີ່ກ່າວໄວ້ວ່າບໍ່ເຄີຍມີຜູໃດໄປເຖິງກາງນ້ຳຕົກຄອນພະເພັງ

ເຊິ່ງຖືວ່າເປັນນ້ຳຕົກທີ່ໃຫຍ່ທີ່ສຸດໃນອາຊຽນ ແລະ ຖືຮຽນຂານວ່າເປັນໄນແອງກາຣາແຫ່ງອາຊີ ດ້ວຍຄວາມກ້ວາງກ່ວາ 1 ກິໂລແມັດ ແລະ ສູງກວ່າ 15 ແມັດ ກາງແມ່ນ້ຳຂອງ ສາວນ້ຳທີ່ຍາວທີ່ສຸດໃນອານາເຂດທາງພາກໃຕ້ຂອງລາວ ຕິດແຄມຊາຍແດນກຳປູເຈ້ຍ ມີຊາວບ້ານບາງສ່ວນເອີ້ນຕົ້ນໄມ້ມະນີໂຄດນີ້ວ່າ “ຕົ້ນຊີ້ຕາຍປາຍຊີ້ເປັນ”

ຈາກຕຳນານຂອງລາວທີ່ເລົ່າຂານກັນໄວ້ວ່າ ເປັນຕົ້ນໄມ້ວິເສດ ຫາກປາຍຊີ້ໄປທາງໃດຈະມີແຕ່ຄວາມຈະເລີນ ໂດຍຕົ້ນໄມ້ມະນີໂຄດມີປາຍຢູ່ 3 ງ່າ ຄື: ງ່າທີໜຶ່ງຊີ້ໄປທາງແຜ່ນດິນກຳປູເຈ້ຍ, ງ່າທີ່ສອງຊີ້ມາທາງແຜ່ນດິນລາວ ແລະ ງ່າທີສາມງ່າທີ່ໃຫຍ່ກວ່າໝູ່ີ້ໄປທາງແຜ່ນດິນໄທ

ດ້ວຍອຸນຫະພູມທີ່ມີຄວາມຊຸ່ມ ແລະ ລະບົບນິເວດທີ່ເໝາະສົມສະເພາະ ເຮັດໃຫ້ເກີດຕົ້ນໄມ້ຊະນິດນີ້ພຽງຕົ້ນດຽວ ຕົ້ນໄມ້ມະນີໂຄດເປັນຕົ້ນໄມ້ທີ່ເກີດຢູ່ກາງນ້ຳ ເຊິ່ງໄຫລລົງມາຈາກນ້ຳຕົກ ຄອນພະເພັງ ຂຶ້ນຢູ່ທາງກາງລະຫວ່າງຕົ້ນໄມ້ 2 ຕົ້ນ ລັກສະນະຂອງງ່າ ແລະ ໃບບໍ່ດົກໜາ

ແຕ່ທີ່ປະຫລາດພິສະດານທີ່ສຸດກໍ່ຄື ແທນທີ່ຕົ້ນໄມ້ມະນີໂຄດຈະຕັ້ງຢູ່ແບບທຳມະຊາດຄືກັນຕົ້ນໄມ້ທົ່ວໄປທີ່ເຕີບໃຫຍ່ຂຶ້ນ ແຕ່ກັບແຫກກົດທຳມະຊາດ ໂດຍປ່ອຍໃຫ້ຮາກແກ້ວ ຮາກຝອຍເກີດຂຶ້ນສູ່ທ້ອງຟ້າ ແນະໃຫ້ກິ່ງກ້ານສາຂາຍັ່ງລົງພື້ນນ້ຳແທນ ໂດຍຍັງຈະເລີນງອກງາມບໍ່ແຫ່ວຕາຍ

ມີຕຳນານເລົ້າຂານຈາກຜູ່ເຖົ້າຜູ້ແກ່ກ່າວໄວ້ວ່າ ແຕ່ເມື່ອກ່ອນຕົ້ນໄມ້ຕົ້ນນີ້ບໍ່ໄດ້ມີຄວາມພິສະດານຫຍັງເລີຍ ແຕ່ຄວາມໜຶ່ງມີຈົວນ້ອຍຜູ້ເຄັ່ງຄັດໃນພຣະທັມ ອົງໜຶ່ງໄດ້ໄປນັ່ງສະມາທິຈຳສິນບຳເພັນພາວະນນາທີ່ກ້ອງຕົ້ນໄມ້ນີ້ ເຊິ່ງເມື່ອກ່ອນຍັງມີລັກສະນະປົກກະຕິ ຮອດເຊົ້າມາກໍ່ອອກບິນທະບາດໄປຕາມປ່າເຂົາ.

ເຖິງແມ່ນວ່າບໍລິເວນນັ້ນຈະບໍ່ມີຜູ້ຄົນອາໃສຢູ່ເລີຍ ແຕ່ຈົວນ້ອຍກໍ່ມີອາຫານເຕັມບາດທຸກເຊົ້າ ເຊື່ອກັນວ່າຈົວນ້ອຍໄດ້ບິນທະບາດມາຈາກ ຜີບັງບົດ ເຊິ່ງເປັນຜີຊະນິດໜຶ່ງທີ່ມີຈິດໃຈໂອບເອື້ອອາລີ ຕໍ່ມາວັນໜຶ່ງຈົວນ້ອຍອົງນີ້ກໍ່ໄດ້ຍ່າງລຸຍນ້ຳເຂົ້າໄປໃນໂພ່ງກ້ອງຕົ້ນໄມ້ຫາຍເຂົ້າໄປແລ້ວບໍ່ກັບອອກມາເລີຍ

ຮຸ່ງເຊົ້າວັນຕໍ່ມາຕົ້ນໄມ້ນີ້ກໍ່ມີອັນຜິດກົດທຳມະຊາດ ແລະ ຄົງຢູ່ໃນລັກນະທີ່ພວກເຮົາກັນເຫັນກັນນີ້ເອງ ແລະ ຍັງມີເລື່ອງເລົ່າອີກວ່າ ໃນສະໃໝສົງຄາມລ່າເມືອງຂຶ້ນຝຣັ່ງ ຝຣັ່ງເຄີຍຄິດຈະລະເບີດແກ້ງຄອນພະເພັງແຫ່ງນີ້ເພື່ອໃຫ້ເຮືອຜ່ານຂຶນ້ນໄປເຖິງວຽງຈັນໄດ້ ແຕ່ກໍ່ເຮັດບໍ່ສຳເລັດ ຈິ່ງໄດ້ສ້າງທາງລົດໄຟຂົນສົ່ງສິນຄ້າ ແລະ ສິ່ງຂອງຜ່ານດອນຄອນແທນ ຄວາມສັກສິດຕາມຄວາມເຊື່ອຂອງຊາວລາວຍັງມີເລື່ອງເລົ່າຂານກັນອີກວ່າ

ຝຣັ່ງເຄີຍເອົາເຮືອມາລາກຕົ້ນໄມ້ມະນີໂຄດໃຫ້ລົ້ມ ເພື່ອທຳຫຼາຍພູດຜີ ແລະ ຕຳນານຄວາມເຊື່ອງຂອງຄົນລາວ ແຕ່ກໍ່ເຮັດບໍ່ສຳເລັດ ບາງຄົນເລົ່າວ່າ ທະຫານທີ່ຢ່ອນຕົວລົງມາຈາກແຮລິຄັອບເຕີ້ທັງຝຣັ່ງ ແລະ ຣັສເຊຍ ທີ່ຕ້ອງການພິສູດເລື່ອງເຫຼົ່ານີ້ ລ້ວນຕົກລົງມາຕາຍກາງນ້ຳ

ບໍ່ມີໃຜສາມາດມາຢຽບເທິງເກາະຫີນນ້ອຍໆບ່ອນຢູ່ຂອງຕົ້ນໄມ້ມະນີໂຄດນີ້ໄດ້ ຮວມເຖິງແຮລິຄັອບເຕີ້ຂອງຝຣັ່ງລຳໜຶ່ງທີ່ບິນເຂົ້າມາໃກ້ ກໍ່ຕົກລົງຢ່າງບໍ່ຮູ້ສາເຫດເຊັ່ນກັນ ເລື່ອງຕົ້ນໄມ້ມະນີໂຄດນັ້ນມີການເລົ່າຂານມາຢ່າງຍາວນານ ທີ່ເປັນທີ່ຮູ້ຈັກກັນດີຂອງປວງຊົນຊາວລາວ

ເມື່ອປະມານ 60-70 ປີກ່ອນ ພຣະອົງໜຶ່ງໄປທຸດົງໂພດສັດຢູ່ບໍລິເວນນີ້ ບໍ່ວ່າທ່ານຈະເດີນທາງໄປທາງໃດກໍ່ຕາມ ທ່ານມັກຈະກ່າວກັບຜູ້ທີ່ພົບເຫັນຢູ່ສະເໝີວ່າ ຜູ້ໃດໄປຮອດຫຼີຜີ ຫາກເປັນຜູ້ບໍ່ມີບຸນບາລາຢ່າຫວັງເລີຍວ່າຈະໄດ້ເຫັນຕົ້ນໄມ້ມະນີໂຄດ ຜູ້ຄົນຈິ່ງຫຼັ່ງໄຫຼພາກັນມາເບິ່ງຕົ້ນໄມ້ມະນີໂຄດໃນທີ່ສຸດ ແຕ່ກໍ່ບໍ່ມີໃຜຮູ້ວ່າຕົ້ນໄມ້ນີ້ເກີດຂຶ້ນກາງແມ່ນ້ຳໃຫຍ່ນີ້ດົນພຽງໃດແລ້ວ

ພາຍຫຼັງທີ່ໄດ້ຢືນຕົ້ນຕາຍມາດົນກວ່າ 3 ປີ ລັດຖະບານລາວໄດ້ພະຍາຍາມຫຼາຍຄັ້ງທີ່ຈະກອບກູ້ເອົາຕົ້ນໄມ້ມະນີໂຄດມາເກັບໄວ້ທີ່ພິພິດທະພັນເມືອງໂຄງ ແຕ່ກໍ່ບໍ່ສາມາດເຮັດໄດ້ ກ່ອນໜ້ານີ້ລັດຖະບານລາວໄດ້ໃຊ້ແຮລິຄັອບເຕີ້ຢ່ອນຄົນລົງໄປ ເພື່ອນຳເຊືອກມາມັດຕົ້ນໄມ້ໄວ້ກັບໂງ່ນຫີນເພື່ອບໍ່ໃຫ້ລອຍຫາບໄປ.

ແຕ່ບໍ່ສາມາດນຳຂຶ້ນມາທີ່ຝັ່ງໄດ້ ເນື່ອງຈາກຕົ້ນໄມ້ມີຂະໜາດໃຫຍ່ ແລະ ອຸປະສັກຄືກະແສນ້ຳທີ່ຮຸນແຮງ ຈົນເມື່ອວັນທີ 12 ມັງກອນ 2012 ທີ່ຜ່ານມາ ທາງລັດຖະບານລາວໄດ້ປະຕິບັດພາລະກິດນີ້ອີກຄັ້ງຈົນສຳເລັດ ໂດຍມີປະຊາຊົນໃຫ້ຄວາມສົນໃຈຢ່າງຫຼວງຫຼາຍ ໂດຍທະຫານຕ້ອງໃຊ້ເວລາໝົດມື້ຕັ້ງແຕ່ເຊົ້າຮອດ 5 ໂມງແລງ

ເພື່ອປະຕິບັດພາລະກິດທີ່ສຳຄັນນີ້ ໂດຍນ້ຳແຮລິຄັອບເຕີ້ທາງທະຫານຂອງລາວ ນຳເຈົ້າໜ້າທີ່ຢ່ອນລົງໄປ 2-4 ຄົນ ເພື່ອຊ່ວຍກັນນຳເອົາຕົ້ນໄມ້ມະນີໂຄດ ຂຶ້ນມາຈົນໄດ້

ທ່າມກາງພະລັງແຮງດັນຂອງນ້ຳຢ່າງມະຫາສານ ແລະ ມວນອາກາດແປປວນໃນພື້ນທີ່ດັ່ງກ່າວ ປັດຈຸບັນຕົ້ນໄມ້ມະນີໂຄດໄດ້ຖືກນຳໄປເກັບໄວ້ໃນພິພິດທະພັນ ເມືອງໂຂງ ເພື່ອໃຫ້ປະຊາຊົນຊາກະລະບູຊາ ແລະ ສຶກສາຕໍ່ໄປ

Continue Reading

ບົດຄວາມ

ຮ່ວມລະລຶກເຖິງບຸນຄຸນ ທ່ານ ສຸພານຸວົງ ປະທານປະເທດຄົນທຳອິດ ຂອງ ສປປ ລາວ

Published

on

ປະທານສຸພານຸວົງເກີດເມື່ອ ວັນທີ 13 ກໍລະກົດ 1909 ທີ່ນະຄອນ-ຫຼວງພະບາງ, ເມືອງແຫ່ງວັດທະນະທຳຂອງລ້ານຊ້າງ, ເພີ່ນກຳເນີດໃນເຊື້ອລາດຊະວົງ ຫຼັງຈາກຮຽນຈົບປະຖົມສົມບູນແລ້ວໃນປີ 1920 ເພີ່ນໄດ້ເດີນທາງໄປຮຽນຕໍ່ມັດທະຍົມ “ອານແບກຊາໂຣ”ທີ່ຮ່າໂນ້ຍປະເທດຫວຽດນາມ, ເພີ່ນໄດ້ຕັ້ງໃຈຮໍ່າຮຽນຫຼາຍວິຊາ ແລະຫຼາຍພາສາອີກດ້ວຍ,

ເມື່ອມາຮອດປີ 1930 ເພີ່ນໄດ້ໄປສຶກສາຕໍ່ທີ່ປະເທດຝຣັ່ງ, ເພີ່ນຮຽນຢູ່ມະຫາວິທະຍາໄລຂົວທາງແຫ່ງຊາດ, ສາຂາວິຊາວິສະວະກອນພົນລະເຮືອນຢູ່ປາຣີ, ເພີ່ນຮຽນໄດ້ດີ ແລະມີຄະແນນດີເລີດ, ສາມາດເວົ້າໄດ້ດີເຖິງ 10 ພາສາທີ່ໃຊ້ຫຼາຍໃນສາກົນ,

ພາຍຫຼັງສິ້ນສຸດການສຶກສາກໍປະກອບໜ້າທີ່ການງານຕາມຄວາມຮູ້-ຄວາມສາມາດ ແຕ່ໃນເງື່ອນໄຂ ແລະສິ່ງແວດລ້ອມທີ່ເອື້ອອຳນວຍຄວາມສະດວກຄືແນວນັ້ນຄວນຈະເປັນເສັ້ນທາງໃຫ້ເພີ່ນກາຍເປັນຂຸນນາງ ແລະດຳລົງຕໍາແໜ່ງໃດໜຶ່ງຂອງກົງຈັກປົກຄອງສັກດີນາ, ແຕ່ຊີວິດ ແລະການເຄື່ອນໄຫວຕົວຈິງຂອງເພີ່ນໄດ້ປ່ຽນປີ້ນຖານະຊົນຊັ້ນ,

ຫັນປ່ຽນແນວຄິດກໍຄືແບບແຜນດໍາລົງຊີວິດແບບບໍ່ໜ້າເຊື່ອ, ເວົ້າໄດ້ວ່າເພີ່ນແມ່ນເຊື້ອເຈົ້າກະສັດອົງດຽວຂອງອານາຈັກລ້ານຊ້າງທີ່ໄດ້ປ່ຽນແປງຕຳນານແຫ່ງວີຖີຊີວິດແບບສັກດີນາ ມາເປັນສາມັນຊົນຜູ້ຮ່ວມສຸກ,

ຮ່ວມທຸກ, ຮ່ວມຕໍ່ສູ້ກັບປະຊາຊົນບັນດາເຜົ່າເພື່ອເອກະລາດແຫ່ງຊາດຈົນກາຍເປັນຕົ້ນແບບຂອງນັກຮົບຕໍ່ສູ້ປະຕິວັດຮັກຊາດທີ່ຍິ່ງໃຫຍ່.

Continue Reading
ເດືອນສິງຫາ 2022
ເສົາ ​ອາ ​ຈ ​ພ​ຫ ​ສ
 12345
6789101112
13141516171819
20212223242526
2728293031  

Trending

ທ່ານບໍ່ມີສິດສຳເນົາ ບົດຄວາມນີ້ໄດ້ ສົນໃຈບົດຄວາມຕິດຕໍ່ ຜູ້ດູແລລະບົບຖ້າສົນໃຈບົດຄວາມນີ້