ຕຳແລ້ວໜີທີ່ 4ແຍກຫໍປະຊຸມສຸດທ້າຍຖືກເຈົ້າໜ້າທີ່ຕາມຈັບຕິດຄຸກ 1-3 ປີ

ຜ່ານການສອບສວນ, ທ່ານ ເພັງສະຫວັນ ທຳມາບູນ ຫົວໜ້າພະແນກຕຳຫລວດຈະລາຈອນ ນະຄອນຫລວງວຽງຈັນ ໃຫ້ຮູ້ວ່າ: ຜູ້ກ່ຽວຊື່ ທ້າວ ຫງຽນທັນເມີຍ ອາຍຸ 56 ປີ ອາຊີບກຳມະກອນ ຢູ່ ບ້ານຄຳຮຸ່ງ ເມືອງໄຊທານີ ນະຄອນຫລວງວຽງຈັນ ແລະ ໄດ້ຫລົບໜີໄປບ້ານໂນນແສງຈັນ, ເຊິ່ງການກະທຳຜິດດັ່ງກ່າວຕາມປະມວນກົດໝາຍອາຍາ ມາດຕາ 146 ກ່ຽວກັບການຫລົບໜີຈາກອຸປະຕິເຫດ, ໄດ້ລະບຸວ່າ:

ບຸກຄົນໃດຫາກໄດ້ເຮັດໃຫ້ອຸປະຕິເຫດເກີດຂຶ້ນ ຫລື ມີສ່ວນພົວພັນໂດຍກົງກັບອຸປະຕິເຫດແລ້ວຫລົບໜີຈະຖືກລົງໂທດຕັດອິດສະລະພາບ ແຕ່ 1-3 ປີ ແລະ ຈະຖືກປັບໃໝແຕ່ 3.000.000 – 10.000.000 ກີບ. ເຊິ່ງຄວາມກະທຳຜິດດັ່ງກ່າວກໍຈະຖືກລົງໂທດຕາມລະບຽບກົດໝາຍ. ຈາກເຫດການລົດໃຫຍ່ຕຳກັບລົດຈັກຢູ່ 4 ແຍກໄຟແດງຫໍປະຊຸມແຫ່ງຊາດ ຫລັກ 5 ແລ້ວເອົາຕົວຫລົບໜີໄປ, ໃນເວລາປະມານ 21:00 ໂມງ ຂອງວັນທີ 1 ພະຈິກ 2020 ແລະ ເຮັດໃຫ້ຜູ້ຂັບຂີ່ລົດຈັກເສຍຊີວິດຄາທີ່ເປັນເພດຊາຍ,

ເຊິ່ງມາຮອດວັນທີ 3 ພະຈິກ ຜ່ານມາ ເຈົ້າໜ້າທີ່ພະແນກຕຳຫລວດຈະລາຈອນນະຄອນຫລວງວຽງຈັນສາມາດຈັບຕົວຜູ້ທີ່ຫລົບໜີໄປໄດ້. ໃນການເກີດອຸປະຕິເຫດແມ່ນລົດຈັກມາຂັບຂີ່ມາແຕ່ໂທລະພາບແຫ່ງຊາດ, ສ່ວນລົດໃຫຍ່ແມ່ນລົດກະບະຟອດແລນເຈີ ໝາຍເລກທະບຽນ ນນ 9696 ມາແຕ່ໄຟແດງຮ່ອງແຊງ ຈະມຸ່ງໜ້າໄປທາງດອນໜູນ, ເມື່ອເກີດອຸປະຕິເຫດດັ່ງກ່າວຜູ້ກ່ຽວຈຶ່ງມີເຈດຕະນາຫລົບໜີ

error: ເນື້ອຫາໄດ້ຮັບການປົກປ້ອງ !!