ເຕືອນພໍ່ແມ່ ລະວັງລູກຕິດ ໄວຣັດ RSV ກຳລັງລະບາດໜັກ. – ສື່ລາວ.ຄອມ
Notice: Undefined index: slug in /home/suelaoco/public_html/wp-includes/class-wp-theme-json.php on line 1092
Connect with us

ທົ່ວໄປ

ເຕືອນພໍ່ແມ່ ລະວັງລູກຕິດ ໄວຣັດ RSV ກຳລັງລະບາດໜັກ.

Published

on

ຄິດມາດົນ ຄິດມາຫລາຍມື້ແລ້ວວ່າຈະເອົາລົງດີບໍ່ແຕ່ມື້ນີ້ຕັດສິນໃຈເອົາລົງເພື່ອເປັນອຸທາຫອນໃຫ້ແມ່ໆຫລາຍຄົນຢ່າສະລ້າໃຈເວລາທີ່ລູກບໍ່ສະບາຍ
➡️ໂລກນີ້ຜູ້ໃຫຍ່ສາມາດເປັນພາຫະນຳໂລກໄດ້ເຊັ່ນດຽວກັນເດີ້ ບໍ່ແມ່ນແຕ່ຈະຕິດຈາກເດັກສູ່ເດັກ

ບົດຄວາມນີ້ອາດຈະຍາວແນ່ ແຕ່ກະຫວັງວ່າຈະເປັນບົດຮຽນໃຫ້ຫລາຍໆຄົນ

ວັນທີ14-10-20 ອາລີສມີນັດຊັກວັກຊິນຢູ່ໂຮງຫມໍອະໄລແອນສ ມື້ທີ່ໄປມື້ນັ້ນຄົນເຈັບເຕັມໂຮງຫມໍຈົນບໍ່ມີບ່ອນນັ່ງ ແມ່ກະຄິດໃນໃຈວ່າລູກສິບໍ່ຕິດໂລກກັບມາຫວາ ເພ່ະຫ້ອງລໍຖ້າຂ້ອນຂ້າງແຄບ ແລະ ແອອັດ, ຫລັງຈາກນັ້ນກະຊັກຢາຕາມປົກກະຕິ ຫມໍກະແຈ້ງວ່າຢາໂຕນີ້ອາດຈະມີໄຂ້ຮຸ່ມໆ ເຮົາກະໂອເຄ

ກັບມາບ້ານອາລີສກະຍັງບໍ່ມີໄຂ້ ຈົນມາຮອດແລງວັນທີ15-10-20 ໄຂ້ເລີ່ມຂຶ້ນ ມີອາການໄອ ໄອຈົນຮາກ ເຮົາກະບໍ່ໄດ້ຄິດຫຍັງກະຄິດວ່າປົກກະຕິ ກະເລີຍບໍ່ໄດ້ພາລູກໄປຫາຫມໍ ເພາະນາງຈະໄຂ້ສະເພາະຕອນເດິກໆ ຕອນເວັນນາງຈະບໍ່ມີໄຂ້

ວັນທີ16-10-20 ໄຂ້ຍັງບໍ່ເຊົາ ເລີຍໂທໄປຫາຫມໍ ຖາມວ່າໄຂ້ວັກຊິນມັນຄືຍັງບໍ່ເຊົາເທື່ອ ເພາະປົກະຕິໄຂ້ຄືນທີ່ຊັກຢາເຊົ້າມາມັນກະເຊົາແລ້ວ ຫມໍເລີຍບອກວ່າຖ້າມື້ອື່ນຍັງມີໄຂ້ຢູ່ໃຫ້ເຂົ້າມາກວດ(ຄືນນີ້ກະມີໄຂ້ຂຶ້ນສູງ ແລະ ໄອຫມົດຄືນ ໄອຈົນໂຕຄົດໂຕງໍ)
ວັນທີ17-10-20 ໄດ້ເອົານາງໄປກວດ ແຕ່ໂຮງຫມໍຄິວເຕັມ (ເດັກນ້ອຍຫລາຍແຮງ) ໃນໃຈຄິດ ຍ້າຍໂຮງຫມໍດີກວ່າຍ້ານລູກຕິດrsv ເລີຍຍ້າຍໄປກວດຢູ່ລາວ-ອາຊຽນ ແຕ່ໂຮງຫມໍນັ້ນບໍ່ສາມາດກວດrsvໄດ້ ເລີຍກວດແຕ່ໄຂ້ເລືອດອອກ ແລະ ແຕ່ງຢາໃຫ້ກິນຕາມອາການ

ຈົນຮອດວັນທີ 19-10-20 ໄຂ້ນາງກະຍັງບໍ່ລົງ ໄອກະຫນັກກວ່າເກົ່າ ເລີຍຕັດສິນໃຈເອົາໄປກວດຢູ່ອະໄລແອນສຄືນ ປະກວດວ່າຕິດເຊື້ອ ຕອນໄດ້ຍິນຫມໍບອກວ່າ ຜົນກວດເປັນ positive ຫູແມ່ຈົນອຶ້ງນັ່ງຊຶງມີແຕ່ຄຳຖາມເຂົ້າມາໄປຕິດຢູ່ໃສ? ຕິດຕອນໃດ? ຕິດມາໄດ້ຈັ່ງໃດ? ຫລັງຈາກນັ້ນຫມໍກະຟັງປອດ ແລະ ໃຫ້ຜົ່ນຢາ ແຕ່ງຢາໃຫ້ກັບໄປກິນຢູ່ບ້ານ ເພາະໂຮງຫມໍເຕັມ
ທຸກຄາບຕ້ອງກິນຢາປະມານ4-5ຢ່າງ ແລະ ຜົ່ນຢາທຸກໆ6ຊົ່ວໂມງ ເພື່ອບໍ່ໃຫ້ຂີ້ສະເລດຫນຽວ ແລະ ລົງປອດງ່າຍ ໂຊກດີຂອງລູກທີ່ລູກບໍ່ມີນ້ຳມູກເລີຍ ມີແຕ່ໄອ

ຫມໍກວດພົບຄື ມີຂີ້ສະເລດໃນປອດຫນ່ອຍ1 ແລະ ຫລອດລົມອັກເສດ
ວັນທີ21-10-20 ຫມໍນັດເຂົ້າໄປກວດຄືນ ມື້ນີ້ນາງບໍ່ມີໄຂ້ ແລະ ອາການໄອກະລຼຸດລົງ ຫມໍບອກວ່າເປັນສັນຍານທີ່ດີແລ້ວ ຕອນນີ້ນ້ອງບໍ່ມີເຊື້ອ ແຕ່ກະຍັງຕ້ອງໄດ້ໃຊ້ເວລາໃຫ້ຫລອດລົມ ແລະ ອາການໄອເຊົາ ເພາະປົກກະຕິເດັກທີ່ເປັນໂລກນີ້ຈະໃຊ້ເວລາປົວຕ່ຳສຸດ2ອາທິດ ແຕ່ລູກສາວແມ່ນ1ອາທິດ ແລະ ບໍ່ມີນ້ຳມູກ ທີ່ເປັນເຫດໃຫ້ຫາຍໃຈຍາກ ຫມໍບອກໃຫ້ລົດຢາທຸກໂຕ ແລ້ວໃຫ້ກິນຢາກັນຫອບຫືດໃຫ້ຄົບ28ມື້ ຖືວ່າຈົບ

ຝາກເຕືອນພໍ່ແມ່ທຸກຄົນທີ່ມີລູກນ້ອຍ ວ່າຢ່າສະລ້າໃຈເວລາທີ່ລູກບໍ່ສະບາຍ ໃຫ້ພາໄປພົບຫມໍຈະດີກວ່າ ການທີ່ເຮົາປົວເອງເຮົາບໍ່ຮູ້ວ່າລູກເຮົາເປັນຫຍັງແທ້ ເພາະພະຍາດດຽວນີ້ຮ້າຍແຮງ ແລະ ລະບາດໄວກວ່າທີ່ເຮົາຄິດ

ຢາທີ່ໃຊ້ປົວພະຍາດນີ້ແມ່ນບໍ່ມີ ແຕ່ຈະປົວຕາມອາການ ອາລີສຈະໄດ້ຢາ: ແກ້ແພ້(ລົດນ້ຳມູກ), ຢາແກ້ໄອ(ຂະຫຍາຍຫລອດລົມ), ຢາຕ້ານເຊື້ອ, ຢາປົວຫລອດລົມອັກເສບ, ຢາຜົ່ນ, ຢາກັນຫອບຫືດ(ໂຕນີ້ສຳຄັນຫລາຍຕ້ອງກິນຄົບ28ມື້ ເພາະເດັກທີ່ເປັນໂລກນີ້ມີໂອກາດເປັນຫອບຫືດໄດ້ສູງໃນເວລາຂ້າງຫນ້າ)

ປລ: ລູກແມ່ນີ້ບໍ່ໄດ້ເຂົ້າໂຮງຮຽນປະຈຳ, ລູກຮຽນຢູ່ໂຮງຮຽນຊິຈິດະ ອາທິດລະຊົ່ວໂມງ..!
ຫລັງຈາກທີ່ຮູ້ວ່າລູກຕິດເຊື້ອແມ່ນີ້ໄດ້ກັກໂຕລູກເປັນເວລາ1ທິດ ເພື່ອບໍ່ເປັນການແຜ່ເຊື້ອສູ່ຄົນອື່ນ

Continue Reading

ທົ່ວໄປ

ຕາອິຕົນ ລູກໄຂ້ ບໍ່ມີເງິນຊື້ຢາໃຫ້ລູກກິນ ວອນຜູ້ໃຈບຸນຊ່ວຍ.

Published

on

By

ເລື່ອງມີຢູ່ວ່າ ເຊົ້າວັນຄານ ທີ 27.9.2022 ຂ້ອຍນັ່ງກວດຄົນເຈັບຢູ່ ມີຜູ້ຊາຍຄົນກັບລູກນ້ອຍຍ່າງຂຶ້ນມາໂຮງໝໍ ຂ້ອຍກະຖາມວ່າເປັນຫຍັງເດມາກວດ? ລາວກະຕອບຂ້ອຍວ່າລູກຂ້ອຍໄຂ້ໄດ້ທິດໝຶ່ງແລ້ວ.

ຂ້ອຍກະຖາມລາວວ່າໄດ້ກິນຢາຫຍັງແນ່ແລ້ວ ລູກເຈົ້າອາຍຸຈັກເດືອນແລ້ວ ? ລາວກະຕອບຂ້ອຍວ່າບໍ່ທັນໄດ້ກິນຢາຫຍັງ ບໍ່ມີເງິນຊື້ຢາໄຫ້ລູກກິນ.

ລູກອາຍຸ 6 ເດືອນປາຍ, ຂ້ອຍກະກວດໃຫ້ລູກລາວແລ້ວກະເອົາຢາໃຫ້ລາວເພື່ອໃຫ້ລາວປ້ອນຢາລູກລາວ. ແຕ່ຂ້ອຍພັດແນມໄປເຫັນລາວຖືຖົງອັນໝຶ່ງຂ້ອຍເລີຍຖາມວ່າຖົງຫຍັງລາວວ່າຖົງນົມ.

ຂ້ອຍເລີຍຖາມວ່າ ນົມຫຍັງເຈົ້າໃຫ້ລູກກີນ? ລາວເອົານົມຂຸ້ນຫວານຊົງໃຫ້ລູກກິນ, ລາວວ່າ ຢາກໃຫ້ລູກກິນນົມຄືລູກຄົນອື່ນເຂົາຢູ່ແຕ່ບໍ່ມີເງີນຊື້.

ຂ້ອຍກະເລີຍບອກລາວວ່າເຈົ້າຖ້າຢູ່ນີ້ເດີ້ ດຽວຂ້ອຍໄປຊື້ນົມລູກໃຫ້ລູກເຈົ້າກ່ອນກັບເຕົ້ານົມ.

ຂ້ອຍກະຊ່ວຍເຈົ້າໄດ້ເທົ່າທີ່ຈະຊ່ອຍໄດ້.
ນີ້ແລະເນາະຊີວິດຄົນເຮົາສູ້ໆເດີ.

ອີ່ຕົນເດທ້າວເຕົ້າຮູ້ອາຍຸ6ເດືອນປາຍ.

Continue Reading

ທົ່ວໄປ

ແບບນີ້ກໍ່ມີ ສຸດງົງ! ໄປກິນບຸບເຟ່ ຕັກເອົາແຕ່ກຸ້ງ ເຈົ້າຂອງຮ້ານດ່າບໍ່ມີມາລະຍາດ

Published

on

ບ່າວສຸດງົງ!ໄປກິນບຸບເຟ່ ຕັກເອົາແຕ່ກຸ້ງແຕ່ເຈົ້າຂອງຮ້ານດ່າບໍ່ມີມາລະຍາດ

ຈາກກຸ່ມຄົນຮັກບຸບເຟ່ (Buffet Lovers) ເຊິ່ງລະບຸວ່າ ໄປກິນບຸບເຟ່ຊີ້ນດາດແຕ່ມັກກຸ້ງເລີຍຕັກແຕ່ກຸ້ງມາກິນຈົນຖືກເຈົ້າຂອງຮ້ານເວົ້າໃຫ້ວ່າບໍ່ມີມາລະຍາດ
ໂດຍໂພສດັ່ງກ່າວລະບຸວ່າ “ ຂໍອານຸຍາດສອບຖາມ ເວລາໄປກິນບຸບເຟ່ຊີ້ນດາດຄົນລະ 199ບາດ ສ່ວນໂຕຂ້ອຍມັກກິນແຕ່ກຸ້ງເລີຍຕັກແຕ່ກຸ້ງມາກິນໂດຍສະເພາະ ຂ້ອຍຫາກໍຕັກກຸ້ງໄປໄດ້ 2ຈານ

ເຈົ້າຂອງຮ້ານມາບອກກັບຂ້ອຍວ່າໃຫ້ເຫຼືອກຸ້ງໃຫ້ກັບໂຕະອື່ນແດ່ ຂ້ອຍກໍບອກກັບເຈົ້າຂອງຮ້ານໄປວ່ານີ້ແມ່ນຮ້ານບຸບເຟ່ບໍ່ແມ່ນຫວາ ເຂົາບອກກັບມາວ່າເປັນມາລະຍາດ ເຫັນຂ້ອຍຕັກແຕ່ກຸ້ງຢ່າງດຽວ ແບບນີ້ຂ້ອຍຜິດຫວາ ກຸ້ງຢູ່ຮ້ານກໍບໍ່ແມ່ນວ່າໂຕໃຫຍ່ເປັນກຸ້ງຂາວຂະໜາດກາງໆ ຖ້າເປັນກຸ້ງແມ່ນ້ຳກໍວ່າໄປ ແບບຄຳວ່າບຸບເຟ່ທາງຮ້ານເອົາເຄື່ອງມາເຕີມມາເທທາງລູກຄ້າມີສິດທີ່ຈະຕັກເທົ່າໃດກໍໄດ້ແມ່ນບໍ ຂ້ອຍໄປກິນຮ້ານອື່ນມາເກືອບ

10ຮ້ານແລ້ວຍັງບໍ່ເຄີຍພົບເລື່ອງແບບນີ້ເທື່ອນີ້ເປັນຄັ້ງທຳອິດ ໃຈຮ້າຍຫຼາຍຖ້າຈະຫວງກຸ້ງແບບນີ້ຈະເປີດເປັນບຸບເຟ່ເຮັດຫຍັງປ້ສຍກໍຕິດໄວ້ຊັດເຈນວ່າບຸບເຟ່
ເຊິ່ງມີຄົນຮັກບຸບເຟ່ເຂົ້າມາສະແດງຄວາມຄິດເຫັນເປັນຈຳນວນຫຼາຍ ແຕ່ສ່ວນຫຼາຍຈະບໍ່ເຫັນພ້ອມກັບສິ່ງທີ່ເຈົ້າຂອງຮ້ານເຮັດ ເພາະຮ້ານບໍ່ໄດ້ມີຂໍ້ກຳນົດວ່າຕ້ອງຕັກກຸ້ງຈັກຈານ ເຮັດໃຫ້ລຸກຄ້າຈະສາມາດຕັກໄດ້ເທົ່າໃດກໍໄດ້ຕາບໃດທີ່ກິນໝົດ

Continue Reading

ທົ່ວໄປ

ພາຍຸໄຕ້ຝຸ່ນໂນຣູ ກຽມພັດເຂົ້າຫວຽດນາມແຮງສຸດໃນຮອບເກືອບ 20 ປີ ອົບພະຍົບປະຊາຊົນ 3,7 ແສນຄົນ

Published

on

By

ລັດຖະບານຫວຽດນາມສັ່ງອົບພະຍົບປະຊາຊົນໃນພື້ນທີ່ສ່ຽງ 370.000 ຄົນ ຈາກອິດທິພົນຂອງໄຕ້ຝຸ່ນໂນຣູ ເຊິ່ງອາດສ້າງຄວາມເສຍຫາຍໃຫ້ຫວຽດນາມ ຮຸນແຮງທີ່ສຸດໃນຮອບ 20 ປີ.

ວັນທີ 27 ກັນຍາ 2022, ສຳນັກຂ່າວຕ່າງປະເທດລາຍງານວ່າ: ສຳນັກງານອຸຕຸນິຍົມວິທະຍາແຫ່ງຊາດຂອງຫວຽດນາມລາຍງານວ່າ: ໄຕ້ຝຸ່ນໂນຣູເຄື່ອນທີ່ອອກຈາກຟີລິບປິນແລ້ວ ສະສົມຄວາມໄວລົມເພີ່ມຂຶ້ນຈາກ 134 ເປັນ 149 ກິໂລແມັດຕໍ່ຊົ່ວໂມງ ແລະ ຄວາມໄວລົມໃກ້ສູນກາງເພີ່ມເປັນ 200 ກິໂລແມັດຕໍ່ຊົ່ວໂມງ ໃນຕອນຄໍ່າວັນທີ 26 ກັນຍາຜ່ານມາຕາມເວລາທ້ອງຖິ່ນ ແລະ ເຄື່ອນທີ່ຢູ່ຫ່າງຈາກເກາະພາຣາເຊລໄປທາງຕາເວັນອອກສຽງໃຕ້ ປະມານ 190 ກິໂລແມັດ.

ທັງນີ້, ຫວຽດນາມຄາດຄະເນພາຍຸມີທິດທາງເຄື່ອນທີ່ໄປທາງຕາເວັນຕົກ ເຂົ້າສູ່ຊາຍຝັ່ງທາງຕອນເໜືອ ແລະ ຕອນກາງຂອງປະເທດ ໃນຕອນເຊົ້າຂອງວັນທີ 28 ກັນຍາ ຕາມເວລາທ້ອງຖິ່ນ ແລະ ຄວາມໄວລົມມີທ່າອ່ຽງເພີ່ມຂຶ້ນອີກເປັນປະມານ 166 ກິໂລແມັດຕໍ່ຊົ່ວໂມງ ແລ້ວຂຶ້ນຝັ່ງບໍລິເວນພາກກາງຂອງຫວຽດນາມ ແລະ ຫລາຍຝ່າຍເຊື່ອວ່າ ພາຍຸອາດຈະອ່ອນກຳລັງລົງເປັນພາຍຸດິເປສຊັນ.

ຂະນະທີ່ ປະຊາຊົນປະມານ 370.000 ຄົນ ຈາກຫລາຍກວ່າ 93.000 ຄອບຄົວ ໃນພາກເໜືອ ແລະ ພາກກາງຂອງຫວຽດນາມ ໄດ້ຮັບຄຳສັ່ງໃຫ້ອົບພະຍົບລ່ວງໜ້າເພື່ອຄວາມປອດໄພ ໂດຍສຳນັກງານອຸຕຸນິຍົມວິທະຍາແຫ່ງຊາດພະຍາກອນປະລິມານນ້ຳຝົນຈາກອິດທິພົນຂອງໄຕ້ຝຸ່ນໂນຣູ ລະຫວ່າງ 150-300 ມິນລິແມັດໃນພື້ນທີ່ສ່ຽງ ຖືເປັນພາຍຸທີ່ມີຄວາມຮຸນແຮງສຸດ ນັບແຕ່ໄຕ້ຝຸ່ນຊ້າງສານ ເຊິ່ງຂ້າຊີວິດຊາວຫວຽດນາມຢ່າງໜ້ອຍ 80 ຄົນ ໃນປີ 2006.

Cr: ລາວພັດທະນາ

Continue Reading
ເດືອນກັນຍາ 2022
ເສົາ ​ອາ ​ຈ ​ພ​ຫ ​ສ
 12
3456789
10111213141516
17181920212223
24252627282930

Trending

ທ່ານບໍ່ມີສິດສຳເນົາ ບົດຄວາມນີ້ໄດ້ ສົນໃຈບົດຄວາມຕິດຕໍ່ ຜູ້ດູແລລະບົບຖ້າສົນໃຈບົດຄວາມນີ້