ຜົວສຸດຊັອກ ເມຍລັກມີຄວາມສຳພັນກັບຊູ້ 300ກວ່າຄົນ ດ້ວຍເຫດຜົນຜົວບໍ່ຄ່ອຍມີເວລາວ່າງໃຫ້.

ເລື່ອງນີ້ເກີດຂຶ້ນຢູ່ປະເທດຈີນມີແມ່ສູງສອງຄົນໜຶ່ງຊື່ວ່າ ນາງ ຈາງ ຈາກເມືອງປັກກິງ ເລີ່ມສະແຫວງຫາຊາຍອື່ນເພື່ອທີ່ຈະຫາຫຍັງມາເຮັດໃຫ້ມັນສະໜຸກສະໜານມາເຮັດໃນລະຫວ່າງທີ່ສາມີຫຍຸ້ງກັບວຽກຢູ່ຕະຫຼອດ.
ນາງເລີມຕົ້ນພຶດຕິກຳນີ້ໃນປີ 2017 ນາງຈາກໄດ້ໃຊ້ຊື່ປອມເປັນ ໂຈວ ມໍ່ ແລະຕວົະວ່າຕົນເປັນແມ່ລ້ຽງດ່ຽວ(ລ້ຽງລູກຄົນດຽວ) ເພື່ອຫຼອກລວງໃຫ້ຜູ້ຊາຍທີ່ໄຮ້ຂໍ້ສົງໄສເຂົ້າມາມີສຳພັນແບບຊູ້ສາວກັບນາງ.

ພາບປະກອບ

ຈາກການລາຍງານຂອງສື່ຕ່າງປະເທດລະບຸວ່າ: ນາງ ຈາງ ຈະໃຊ້ສະເໜ່ສ່ວນຕົວບໍ່ພຽງແຕ່ຈະໂຫຍຫາຄວາມຮັກຄວາມເມດຕາແລ້ວ ຍັງສາມາດຫຼອກເງິນຈາກເຫຍື່ອທີ່ຕິດກັບດັກໄດ້ປະມານ 400,000ຢວນ ຫຼື ປະມານ 600,000,000ລ້ານກີບ ອີງຕາມເລດເງິນປະຈຸບັນ. ໂດຍມີຂໍ້ອ້າງທີ່ວ່າ ຂໍໃຫ້ຊ່ວຍຈ່າຍຄ່າເຊົ່າຫ້ອງ ຄ່າຮັກສາການເຂົ້າໂຮງໝໍ ແລະ ຄ່າລ້ຽງດູລູກ 2ຄົນ.

ພາບປະກອບ

ຮັກທີ່ຫຼອກລວງແບບນີ້ຖືກເປີດເຜີຍຄວາມຈິງຈາກຄົນທີ່ເກືອບຈະຕົກເປັນເຫຍື່ອຂອງນາງ ເມື່ອລາວໄດ້ລອງກວດປະຫວັດຂໍ້ມູນຍ້ອນຫຼັງຂອງນາງ ຈາງ ໃນເດືອນສິງຫາ ປີ 2020ນີ້. ຫຼັງຈາກນັ້ນນາງກໍ່ໄດ້ຖືກຕຳຫຼວດຈັບຕົວ ທາງເບື້ອງຄອບຄົວຂອງນາງກໍ່ບໍ່ເຄີຍຮູ້ມາກ່ອນເລີຍວ່ານາງເຮັດຫຍັງແດ່ໃນຊ່ວງ 3ປີທີ່ຜ່ານມາ.

ຈົນໃນທີ່ສຸດເຈົ້າໜ້າທີ່ສອບສວນຈຳນວນເງິນທີ່ນາງຫຼອກມາ ປາກົດວ່ານາງໄດ້ຮັບສາລະພາບວ່າໃຊ້ເງິນທັງໝົດໄປກັບການຫຼິ້ນພະນັນອອນໄລນ໌ ສ່ວນຜົວຂອງນາງ ຈາງ ຮູ້ຄວາມຈິງກໍ່ຮູ້ສຶກຊັອກແຕ່ກໍ່ດີໃຈແລະສະໃຈໃນເວລາດຽວກັນ ເພາະໃນທີ່ສຸດແລ້ວນາງ ຈາງກໍ່ຖືກເປີດໂປງແລະຮັບໂທດທາງກົດໝາຍພາຍໃນເວລາວ່ອງໄວ.

ນາງ ຈາງ ຖືກຈຳຄຸກ 8ປີ 5ເດືອນ ແລະຖືກປັບໄໝເງິນອີກ 40,000ຢວນ ຈາກພຶດຕິກຳທີ່ນາງຫຼອກລວງຄົນຫຼາຍເຖິງ 300ຄົນໃນຊ່ວງ 3ປີທີ່ຜ່ານມາ.

ທ່ານບໍ່ມີສິດສຳເນົາ ບົດຄວາມນີ້ໄດ້ ສົນໃຈບົດຄວາມຕິດຕໍ່ ຜູ້ດູແລລະບົບຖ້າສົນໃຈບົດຄວາມນີ້