ໂດຍວິທີການເຊື່ອມຕໍ່ນັ້ນສາມາດມີໄດ້ໃນຫຼາກຫຼາຍວິທີ ຂຶ້ນຢູ່ກັບຈຸດໝາຍປາຍທາງ, ໄລຍະເວລາໃນການເດີນທາງ ລວມໄປເຖິງງົບປະມານທີ່ມີ. ໂດຍປົກກະຕິ ການຂົນສົ່ງທີ່ນິຍົມໃຊ້ກັນຫຼາຍໃນປັດຈຸບັນມີ: ຖະໜົນ, ເສັ້ນທາງລົດໄຟ, ທາງຍົນ ແລະ ອື່ນໆ.ເຊິ່ງການຂົນສົ່ງແຕ່ລະແບບກໍຈະມີຂໍ້ດີ ແລະ ຂໍ້ເສຍແຕກຕ່າງກັນໄປ.

ໃນຫົວຂໍ້ນີີ້ ເຮົາຈະມານຳສະເໜີກ່ຽວກັບ 10 ຂໍ້ດີຂອງການນຳໃຊ້ການຂົນສົ່ງໂດຍໃຊ້ເສັ້ນທາງລົດໄຟ

1. ມີຄວາມໜ້າເຊື່ອຖື ແລະ ປອດໄພ
ການຂົນສົ່ງທາງເສັ້ນທາງລົດໄຟ ເປັນອີກການຂົນສົ່ງຮູບແບບໜຶ່ງທີ່ເຮັດໃຫ້ທ່ານສາມາດເຊື່ອຖືໄດ້ ເພາະວ່າເປັນຮູບແບບການຂົນສົ່ງທີ່ໄດ້ຮັບຜົນກະທົບໜ້ອຍສຸດຈາກສະພາບອາກາດ ຖ້າທຽບກັບການຂົນສົ່ງຮູບແບບອື່ນ ເປັນຕົ້ນແມ່ນ ຝົນຕົກ, ໝອກໜາ ແລະ ອື່ນໆ.

2. ມີການຈັດການທີ່ດີ
ການຂົນສົ່ງທາງເສັ້ນທາງລົດໄຟ ເປັນການຂົນສົ່ງທີ່ມີການຈັດການທີ່ດີກວ່າການຂົນສົ່ງປະເພດອື່ນໆ. ເພາະການຂົນສົ່ງແບບນີ້ ມີການຈັດສັນໃນເລື່ອງເສັ້ນທາງ ແລະ ເວລາທີ່ແນ່ນອນ ເຮັດໃຫ້ເຮົາສາມາດໄປເຖິງເປົ້າໝາຍທີ່ກຳນົດໄດ້ຢ່າງທັນເວລາ.

3. ຄວາມໄວທີ່ສູງຕະຫຼອດໄລຍະທາງ
ຫາກທ່ານຕ້ອງການສຳຜັດກັບປະສົບການກ່ຽວກັບຄວາມໄວແມ່ນ ແນະນຳໃຫ້ໃຊ້ການເດີນທາງໂດຍ ທາງລົດໄຟ ເພາະຄວາມໄວຂອງການຂົນສົ່ງມີຄວາມສະໝໍ່າສະເໝີຕະຫຼອດໄລະຍະທາງກໍຄື ຄວາມໄວຕັ້ງແຕ່ຕົ້ນທາງຈົນໄປເຖິງຈຸດໝາຍປາຍທາງ.

4. ເໝາະສົມກັບການຂົນສົ່ງສິນຄ້າທີ່ນ້ຳໜັກຫຼາຍ
ເມື່ອເວົ້າເຖິງການຂົນສົ່ງສິນຄ້າທາງບົກໃນປະລິມານທີ່ຫຼາຍໆ ພາຫະນະທີ່ພວກເຮົາຄິດພໍ້ກໍຄົງຈະເປັນລົດບັນທຸກແມ່ນບໍ່. ແຕ່ລົດບັນທຸກເມື່ອຂົນສົ່ງໃນປະລິມານທີ່ຫຼາຍໆ ກໍອາດເຮັດໃຫ້ຄວາມໄວໃນການຂົນສົ່ງຫຼຸດລົງໄດ້.

ສະນັ້ນ, ອີກທາງເລືອກໜຶ່ງສຳລັບການຂົນສົ່ງສິນຄ້າທີ່ມີປະລິມານຫຼາຍ ແລະ ນ້ຳໜັກທີ່ສູງໃນປັດຈຸບັນແມ່ນນິຍົມໃຊ້ການຂົນສົ່ງເທິງທາງລົດໄຟ ເພາະນອກຈາກວ່າ ມັນຈະສາມາດຂົນສົ່ງໃນປະລິມານທີ່ຫຼາຍແລ້ວ ຄວາມໄວຂອງມັນກໍຍັງຄົງເທົ່າເດີມ.

5. ລາຄາຖືກ
ສຳລັບລາຄາທີ່ໃຊ້ໃນການເດີນທາງໂດຍທາງລົດໄຟແມ່ນຖືກກວ່າການເດີນທາງດ້ວຍວິທີອື່ນ.

6. ມີຄວາມສະດວກສະບາຍ
ການຂົນສົ່ງດ້ວຍທາງລົດໄຟຍັງໃຫ້ຄວາມສະດວກສະບາຍຕໍ່ກັບຜູ້ໂດຍສານນຳອີກ ເປັນຕົ້ນແມ່ນ ບ່ອນນັ່ງທີ່ກວ້າງຂວາ, Free Wifi ແລະ ອື່ນໆ. ນອກນີ້, ຜູ້ໂດຍສານຍັງສາມາດຍ່າງໄປມາເພື່ອຍືດເສັ້ນຍືດສາຍພາຍໃນລົດໄຟໄດ້.

ອ່ານຂໍ້ມູນເພີ່ມຕື່ມໄດ້ທີ່: https://bit.ly/2Jv7DyY