ເກີດເຫດແຜ່ນດິນໄຫວຢູ່ ຕວັກກີ-ເກຣັກ ເສຍຊີວິດຢ່າງໜ້ອຍເກືອບ 30 ຄົນ

ຂປລ.ສຳນັກຂ່າວຕ່າງ ປະເທດ ລາຍງານຈາກ ເມືອງອິສຕັນບູລ ປະເທດ ຕວັກກີ ເມື່ອວັນທີ 31 ຕຸລາວ່າ: ໜ່ວຍກູ້ໄພ ຕັວກກີ ແລະ ເກຣັກ ພວມເລັ່ງເຮັດວຽກ ເພື່ອຄົ້ນຫາ ຜູ້ສູນຫາຍ  ພາຍໃຕ້ຊາກ ຫັກພັງ ຈາກເຫດແຜ່ນດິນໄຫວ ຂະໜາດ ຮຸນແຮງ 7 ລິກເຕີ  ຢູ່ນອກແຄມຝັ່ງ ແຂວງອິນມິນ ທາງ ພາກຕາເວັນຕົກ ຂອງ ຕວັກກີໂດຍແຮງສັ່ນສະເທື່ອນດັ່ງກ່າວ ສາມາດຮັບຮູ້ ໄປໄກເຖິງເມືອງ ອິສຕັນບູລ, ເຊິ່ງເປັນ ຕົວເມືອງ ຂະໜາດໃຫຍ່ທີ່ສຸດ ຂອງ ຕວັກກີ ແລະ ນະຄອນຫລວງອາແຕນ ຂອງ ເກຣັກ

ເຮັດໃຫ້ມີ ຜູ້ເສຍຊີວິດ ຢ່າງໜ້ອຍ 26 ຄົນ, ບາດເຈັບ ປະມານ 800 ຄົນ ແລະ ສູນຫາຍ ອີກຈຳນວນໜຶ່ງ, ພ້ອມກັນນັ້ນ ເຮືອນຊານ ແລະ ສິ່ງກໍ່ສ້າງອື່ນໆ   ຈຳນວນ ຫລວງຫລາຍ ເປ່ເພອີກດ້ວຍ. ນອກຈາກນັ້ນ ເຈົ້າໜ້າທີ່ກູ້ໄພ ຕວັກກີ ຍັງຊ່ວຍເຫຼືອ ຜູ້ທີ່ຕິດ ຢູ່ລຸ່ມຊາກອາຄານ ອອກມາໄດ້ແລ້ວ ຢ່າງໜ້ອຍ 70 ຄົນ.

ທ່ານບໍ່ມີສິດສຳເນົາ ບົດຄວາມນີ້ໄດ້ ສົນໃຈບົດຄວາມຕິດຕໍ່ ຜູ້ດູແລລະບົບຖ້າສົນໃຈບົດຄວາມນີ້