ໃຈແຂງສຸດໆ..!! ຜົວບໍ່ຍອມເວົ້ານຳເມຍເປັນເວລາ 20 ກວ່າປີ ເຫດຜົນເພາະຄຽດໃຫ້ ເມຍເວົ້າບໍ່ເຂົ້າຫູ – ສື່ລາວ.ຄອມ
Connect with us

ຂ່າວຕ່າງປະເທດ

ໃຈແຂງສຸດໆ..!! ຜົວບໍ່ຍອມເວົ້ານຳເມຍເປັນເວລາ 20 ກວ່າປີ ເຫດຜົນເພາະຄຽດໃຫ້ ເມຍເວົ້າບໍ່ເຂົ້າຫູ

Published

on

ເອີ້ນໄດ້ວ່າເປັນລຸງທີ່ໃຈແຂງສຸດໆ ບໍ່ຍອມປາກກັບເມຍຕົນເອງ20ກວ່າປີ ຈົນລູກໆຕ້ອງໃຫ້ລາຍການທາງໂທລະທັດຊ່ວຍ
Dailymail ລາຍງານວ່າ ຊາຍຊາວຍີ່ປຸ່ນ ຊື່ວ່າ ໂອໂຕະ ຄາຕະຍາມະ ໝຸ່ມສູງໄວທ່ານໜຶ່ງ ທີ່ບໍ່ໄດ້ລົມກັບ ຍູມິຊັງ ເມຍຂອງລາວເປັນເວລາ 20ປີແລ້ວ ແຕ່ກໍ່ຍັງຢູ່ເຮືອນຫຼັງດຽວກັນ ເຖິງແມ່ນວ່າເມຍຂອງລາວຈະພະຍາຍາມລົມກັບລາວມາຕະຫຼອດ ແຕ່ກໍ່ບໍ່ໄດ້ຜົນ.

ແມ່ປ້າເອງໄດ້ພະຍາຍາມຊວນລຸງລົມ ສິ່ງທີ່ໄດ້ຕອບກັບມາຄືການງຶກຫົວຫຼືແກວ່ງຫົວ ແລະ ບໍ່ມີຈັກຄຳອອກຈາກປາກລຸງເລີຍ ແລະ ລູກຂອງພວກເຂົາກໍ່ບໍ່ເຄີຍໄດ້ຍິນສຽງພໍ່ປາກກັບແມ່ຈັກຄຳຕັ້ງແຕ່ເກີດມາ.

ເລື່ອງນີ້ເຮັດໃຫ້ ໂຍຊິກິ ລູກຊາຍໄວ 18ປີ ຕິດຕໍ່ກັບລາຍການໂທລະທັດລາຍການໜຶ່ງ ເພື່ອໃຫ້ທາງລາຍການຊ່ວຍຈົນກະທັງລຸງ ໂອໂຕະ ກັບມາເວົ້າກັບເມຍອີກເທື່ອໜຶ່ງໂດຍປະໂຫຍກທຳອິດທີ່ເວົ້າຄື“ມັນກໍ່ເປັນເວລາດົນນານແລ້ວເນາະ ນັບຕັ້ງແຕ່ທີ່ເຮົາລົມກັນເທື່ອສຸດທ້າຍ ເຈົ້າກໍ່ມົວແຕ່ຫ່ວງລູກໆ ເຈົ້າເອງໄດ້ທົນກັບຊ່ວງເວລາທີ່ຍາກລຳບາກມາດົນນານ

ຂ້ອຍເອງກໍ່ຢາກໃຫ້ເຈົ້າຮູ້ວ່າ ຂ້ອຍຊຶ້ງໃຈກັບທຸກໆຢ່າງທີ່ເຈົ້າໄດ້ພະຍາຍາມເຮັດແລະເບິ່ງແຍງລູກໆແລະຂ້ອຍໄດ້ດີຫຼາຍ ຂ້ອຍຄ່ອນຂ້າງອິດສາເຈົ້າທີ່ລູກໆຮັກເຈົ້າຫຼາຍກວ່າ ຂ້ອຍເລີຍຄຽດເລີຍບໍ່ຢາກປາກບໍາຢາກລົມ ຂ້ອຍຢາກບອກວ່າຫຼັງຈາກນີ້ຢາກໃຫ້ເຮົາກັບມາລົມກັນອີກຄັ້ງໜຶ່ງ”

ທັງນີ້ພາບອີກດ້ານໜຶ່ງທີ່ລູກຊາຍແລະລູກສາວກັບທີມງານໄດ້ພາກັນລຸ້ນຢູ່ວ່າລຸງຈະລົມກັບປ້າຫຼືບໍ ແລະ ສຸດທ້າຍກໍ່ໄດ້ຍິນສຽງລຸງເຮັດໃຫ້ລູກໆຂອງລຸງປ້ານ້ຳຕາໄຫຼເລີຍ ທຸກຄົນຮັບຮູ້ເຖິງຄວາມຮູ້ສຶກແລະຄວາມຮັກຂອງລຸງກັບປ້າ.

Continue Reading

ຂ່າວຕ່າງປະເທດ

ພົບຊາຍ 3 ຄົນ ຊາວໄນຈີເຣຍ ລັກລອບອອກຈາກປະເທດ ໂດຍການນັ່ງລີ້ຢູ່ໜ້າກຳປັ່ນບັນທຸກນ້ຳມັນ ເປັນເວລາ 11 ມື້

Published

on

ພົບຊາຍ 3 ຄົນ ຊາວໄນຈີເຣຍ ລັກລອບອອກຈາກປະເທດ ໂດຍການນັ່ງລີ້ຢູ່ໜ້າກຳປັ່ນບັນທຸກນ້ຳມັນ

ພົບກັບຜູ້ຊາຍ 3 ຄົນ ຊາວໄນຈີເຣຍຈາກເມືອງ Lagos. ລັກລອບເຂົ້າປະເທດສະເປນໂດຍການນັ່ງລີ້ຢູ່ໜ້າກຳປັ່ນບັນທຸກນ້ຳມັນ.

ໂດຍທັງ 3 ຄົນ ນັ່ງຢູ່ຈຸດນັ້ນ ເປັນເວລາ 11 ມື້

Continue Reading

ຂ່າວຕ່າງປະເທດ

ເບິ່ງເອົາເດີ ແບບຢ່າງ ສາວປະຢັດກິນ ຕຳໝີ ມື້ລະ 18,000 ກີບ ຈົນຊື້ເຮືອນໄດ້ 3 ຫຼັງ

Published

on

ປະຢັດກິນ ຈົນຊື້ເຮືອນໄດ້ 3 ຫຼັງ ຍິງຊາວຍີ່ປຸ່ນ ໃນໄວ 34 ປີ ກິນພຽງ 200 ເຢນ (18 ພັນກວ່າກີບ) ຕໍ່ວັນ.

ຂ່າວນີ້ຖືເປັນທີ່ສົນໃຈ ເມື່ອສື່ຂອງຍີ່ປຸ່ນ ລາຍງານຊີວິດຍິງສາວຊາວຍີ່ປຸ່ນທ່ານໜຶ່ງ ທີ່ກິນພຽງກິນພຽງ 200 ເຢນ (ປະມາານ 18 ພັນກວ່າກີບ) ຕໍ່ວັນ ປັດຈຸບັນມີເຮືອນ 3 ຫຼັງ ຜ່ານເວລາໄປ 16 ປີ.

ຍິງຜູ້ນີ້ລາວພະຍາຍາມດີ້ນຮົນ ແລະ ປະຢັດອົດອອມກວ່າ 16 ປີ ແລະ ໄດ້ຊື້ເຮື້ອນຫຼັງທີ 3 ໄດ້ເດືອນພະຈິກ ປີ 2019 ເຊິ່ງລາວໄດ້ເລີ່ມວາງແຜນຕັ້ງແຕ່ອາຍຸ 18 ປີ ເມື່ອມີເປົ້າໝາຍທີ່ຈະຊື້ເຮືອນ 3 ຫຼັງ ເມື່ອອາຍຸຮອດ 34 ປີ.

ຕອນອາຍຸ 27 ປີ ລາວໄດ້ຊື້ເຮືອນຫຼັງທຳອິດໃນແຂວງໄຊຕາມະ ດ້ວຍເງິນ 10 ລ້ານເຢນ (ປະມານ 912 ລ້ານກີບ) ແລະ ຊື້ເຮືອນຫຼັງທີ 2 ໃນຄາລາ 18 ລ້ານເຢນ ( 1,6 ຕື້ກວ່າກີບ) ເມື່ອອາຍຸພຽງ 29 ປີ ແລະ ໃນປີ 2019 ລາວ ອາຍຸໄດ້ 34 ປີ ກໍ່ໄດ້ຊື້ເຮືອນຫຼັງທີ 3 ໃນລາຄາ 27 ລ້ານເຢນ (2,4 ຕື້ກວ່າກີບ).

ຈາກການລາຍງານຂອງສື່ຍີ່ປຸ່ນ ເປີດເຜີຍວ່າ: ຍິງຄົນນີ້ ລາວກິນຈະໃຊ້ຈ່າຍບໍ່ເກີນ 200 ເຢນ ( 18.000 ກວ່າກີບ) ຕໍ່ວັນສຳລັບຄ່າອາຫານເພື່ອຄວາມຢູ່ລອດ ດ້ວຍງົບປະມານທີ່ຈຳກັດ ລາວຈະເຮັດອຸດົ້ງ ແລະ ຜັກ ກິນດ້ວຍເງິນພຽງ 50 ເຢັນ (4.560 ກີບ) ສຳລັບສ່ວນປະສົມ, ລາວບອກວ່າ ຖ້າກິນອີ່ມແລ້ວ ຈະກິດຫຍັງກໍ່ບໍ່ຕ່າງກັນ.

ໃນຕອນອາຍຸ 29 ປີ ລາວຕັດຜົມ ແລະ ຂາຍຜົມຂອງຕົນເອງໃນລາຄາ 3.100 ເຢນ (282.720 ກີບ) ປັດຈຸບັນນອກຈາກເຮັດວຽກປະຈຳໃນອຸດສາຫະກຳອະສັງຫາລິມະຊັບແລ້ວ ລາວຍັງມີລາຍໄດ້ຈາກການເກັບຄ່າເຊົ່າຈາກຫ້ອງວ່າງຈາກອະສັງຫາລິມະຊັບຂອງລາວ ແລະ ເປີດຄາເຟ່ແມວ Cafe Yunaagi ຈາກເຮືອນຫຼັງທີ 3 ເຊິ່ງແມວທຸກໂຕທີ່ຢູ່ຄາເຟ່ ເປັນແມວທີ່ຊ່ວຍເຫຼືອຈາກຂ້າງທາງ.

Continue Reading

ຂ່າວຕ່າງປະເທດ

ເດືອດ! APEC 2022 ໄທວຸ້ນ ຜູ້ປະທ້ວງປະທະກັບຕຳຫຼວດຄວບຄຸມຝຸງຊົນ.

Published

on

APEC 2022 ໄທວຸ້ນ ຜູ້ປະທ້ວງປະທະກັບຕຳຫຼວດຄວບຄຸມຝຸງຊົນດຸເດືອດ.

ຜູ້ປະທ້ວງຈຳນວນຫຼາຍໄດ້ລວມຕົວກັນປະທ້ວງຕໍ່ກອງປະຊຸມ APEC ທີ່ຈັດຂຶ້ນທີ່ນະຄອນຫຼວງບາງກອກ ເຊິ່ງມີຜູ້ນຳລະດັບໂລກກຳລັງປະຊຸມກັນ.

ຮູບພາບເດັ່ນຄື ຍາພໍ່ອົງໜຶ່ງໃນນາມຜູ້ປະທ້ວງໄດ້ໂດດຖີບຕຳຫຼວດ ປານໃນໜັງ.

….

ຮູບ: ຣອຍເຕີ

Continue Reading
ເດືອນມັງກອນ 2023
ເສົາ ​ອາ ​ຈ ​ພ​ຫ ​ສ
 123456
78910111213
14151617181920
21222324252627
28293031  

Trending

ທ່ານບໍ່ມີສິດສຳເນົາ ບົດຄວາມນີ້ໄດ້ ສົນໃຈບົດຄວາມຕິດຕໍ່ ຜູ້ດູແລລະບົບຖ້າສົນໃຈບົດຄວາມນີ້