ຍິນດີນຳງານແຕ່ງດອງບ່າວ-ສາວ ອາຍຸຫ່າງກັນເຖິງ 53 ປີ ປານພໍ່ຕູ້ກັບຫຼານສາວ

ໂຊຊ່ຽວມິເດຍໃນອິນໂດເນເຊຍພາກັນຮືຮາຢ່າງໜັກ ເມື່ອປາກົດການງານແຕ່ງງານແຫ່ງຫນຶ່ງໃນເກາະຊາວຕະເວັນຕົກ ທີ່ມີເຈົ້າບ່າວຢ່າງທ້າວ ອະບາ ຊານາອາຍຸ 71 ປີ ເຂົ້າພິທີວິວາກັບເຈົ້າສາວຢ່າງນາງສາວ ໂນນີ ອາຍຸພຽງແຕ່ 18 ປີ ທີ່ຮືຮາໄປກ່ວານັ້ນກໍ່ຄືປະເດັນຄວາມຫ່າງກັນຂອງອາຍຸທີ່ຕ່າງກັນເຖິງ 53 ປີ ຈົນເອີ້ນໄດ້ວ່າເປັນປູ່ກັບຫລານກໍ່ວ່າໄດ້

ໂດຍການແຕ່ງງານທີ່ເຜີຍແຜ່ອອກມານີ້ ຖືກໂພສຜ່ານທາງເຟຊບຸ໊ກສ່ວນຕົວຂອງໜຶ່ງໃນແຂກທີ່ໄປຮ່ວມງານມາ ແລະແມ້ວ່າຜູ້ຄົນຊາວເນັດຈະພາກັນເວົ້າເຖິງຄວາມແຕກຕ່າງຂອງອາຍຸແລ້ວນັ້ນ ແຕ່ເບິ່ງຄືວ່າທັງສອງຈະມີສີຫນ້າຍິ້ມແຍ້ມຢ່າງມີຄວາມສຸກ ແລະນອກຈາກອາຍຸແລ້ວ ຊາວເນັດຍັງໃຫ້ຄວາມສົນໃຈກັບສິນສອດທອງຫມັ້ນທີ່ທ້າວອະບານຳມາສູ່ຂໍວ່າທີ່ເຈົ້າສາວຂອງຕົນ ເຊິ່ງກໍ່ໜ້າຮືຮາບໍ່ແພ້ກັນເພາະສິນສອດຂອງເຂົານັ້ນມີທັ້ງລົດຈັກ PCX ຕູ້ເສື້ອຜ້າຕູ້ໃຫມ່ພ້ອມທັ້ງເຄື່ອງໃຊ້ເຟີນິເຈີອີກຫຼວງຫຼາຍ

ຈົນຕ້ອງໃຊ້ລົດບັນທຸກ 2 ຄັນໃນການຂົນເຂົ້າມາໃນພິທີວິວາ ແລະຍັງມີທອງຄຳໜັກອີກ 11 ກຼາມເຊິ່ງປະເມີນລາຄາໄດ້ປະມານ 2,400 ຣິງກິດ (ປະມານ 18,000 ບາດ) ນຳມາເປັນສິນສອດອີກເຊັ່ນກັນ

ເຖິງແມ່ນວ່າຈະມີກະແສຂ່າວວ່າທັ້ງສອງແຕ່ງງານກັນເພາະຜົນປະໂຫຍດບາງຢ່າງ ແຕ່ທັ້ງສອງຢືນຢັນວ່າການແຕ່ງງານຄັ້ງນີ້ເກີດຂຶ້ນຈາກຄວາມຮັກລ້ວນໆ ບໍ່ແມ່ນມີຜົນປະໂຫຍດແອບແຝງແມ່ນແຕ່ນ້ອຍ.

ທ່ານບໍ່ມີສິດສຳເນົາ ບົດຄວາມນີ້ໄດ້ ສົນໃຈບົດຄວາມຕິດຕໍ່ ຜູ້ດູແລລະບົບຖ້າສົນໃຈບົດຄວາມນີ້