ຝຣັ່ງ ສັ່ງປິດໂຮງຮຽນ ອີກຮອບ ຫລັງພົບ ນັກຮຽນຕິດພະຍາດໂຄວິດ-19

ອ້າງຕາມຂ່າວຝຣັ່ງ, ວັນທີ 18 ພືດສະພາ, ໂຮງຮຽນປະຖົມ 7 ແຫ່ງ ໃນເມືອງ ຮູເບຂອງ ຝຣັ່ງ ຕ້ອງປິດ ການຮຽນ ການສອນ ອີກຄັ້ງ ພາຍຫລັງ ກວດພົບ ນັກຮຽນ ຕິດເຊື້ອພະບາດ ໂຄວິດ-19 ຢ່າງໜ້ອຍ 1 ຄົນ.  ຫລັງຈາກ ໂຮງຮຽນ ເປີດການຮຽນ ການສອນ ອີກຄັ້ງ ເມື່ອອາທິດ ຜ່ານມາ. ເຈົ້າໜ້າທີ່ ກຽມແຈ້ງ ໄປຍັງ ຄອບຄົວ ເດັກນ້ອຍ ຄົນອື່ນໆ ທີ່ສຳພັດ, ໃກ້ຊິດກັບ ເດັກນ້ອຍ ຜູ້ທີ່ຕິດເຊື້ອ ພະຍາດ.

ທ່ານລັດຖະມົນຕີ ກະຊວງ ສຶກສາທິການ ຝຣັ່ງ ເປີດເຜີຍ ວ່າ ໃນໄລຍະຜ່ານມາ ໄດ້ກວດພົບ ນັກຮຽນ ຕິດເຊື້ອ ພະຍາດນີ້ ຈຳນວນ 70 ຄົນ ຈາກໂຮງຮຽນ 40.000 ແຫ່ງ ທີ່ກັບມາ ເປີດອີກຄັ້ງ ໃນອາທິດ ຜ່ານມາ, ບັນດາ ໂຮງຮຽນ ທີ່ມີ ການແຜ່ ລະບາດ ໄດ້ຖືກສັ່ງປິດ ທັງໝົດ.

ຝຣັ່ງ ໄດ້ຫລຸດຜ່ອນ ມາດຕະການ ປິດ ປະເທດ ໂດຍໃຫ້ໂຮງຮຽນ ກັບມາ ເປີດຄືນ ໄດ້ຕາມປົກ ກະຕິ ທ່າມກາງ ບັນດາ ຜູ້ປົກຄອງ ມີຄວາມ ກັງວົນ ວ່າ ລູກຫລານ ຂອງຕົນເອງ ຈະຕິດເຊື້ອ ພະຍາດ ໂຄວິດ-19.

ທ່ານບໍ່ມີສິດສຳເນົາ ບົດຄວາມນີ້ໄດ້ ສົນໃຈບົດຄວາມຕິດຕໍ່ ຜູ້ດູແລລະບົບຖ້າສົນໃຈບົດຄວາມນີ້