ອາເມລິກາ ສະໜັບສະໜູນອາຫານທ່ຽງ ໃຫ້ໂຮງຮຽນຢູ່ລາວ 925 ແຫ່ງ – ສື່ລາວ.ຄອມ
Connect with us

ຂ່າວພາຍໃນ

ອາເມລິກາ ສະໜັບສະໜູນອາຫານທ່ຽງ ໃຫ້ໂຮງຮຽນຢູ່ລາວ 925 ແຫ່ງ

Published

on

ລັດຖະບານ ສະຫະລັດອາເມລິກາ ໄດ້ສະໜັບສະໜູນເຂົ້າສານ ຈຳນວນ 68 ຕູ້ຄອນເທັນເນີ ແລະ ຖົ່ວ 4 ຕູ້ຄອນເທັນເນີ ລວມທັງໝົດ 1.290 ໂຕນ ໃຫ້ແກ່ໂຮງຮຽນປະຖົມ 925 ແຫ່ງ ໃນທົ່ວປະເທດລາວ ໂດຍຜ່ານອົງການອາຫານໂລກ ເພື່ອຈັດຕັ້ງປະຕິບັດກິດຈະກໍາອາຫານທ່ຽງ ໃນໂຮງຮຽນດັ່ງກ່າວ. ພິທີມອບຮັບເຄື່ອງດັ່ງກ່າວ, ໄດ້ຈັດຂຶ້ນໃນວັນທີ 19 ພຶດສະພາ 2020 ທີ່ນະຄອນຫລວງວຽງຈັນ, ລະຫວ່າງ ທ່ານ ປີເຕີ ເອັມ ເຮມອນ ເອກອັກຄະລັດຖະທູດ ສະຫະລັດອາເມລິກາ ປະຈຳ ສປປ ລາວ ແລະ ທ່ານ ຢານ ເດວບາເລີ ຜູ້ອຳນວຍການ ແລະ ຜູ້ຕາງໜ້າຂອງອົງການອາຫານໂລກ ປະຈຳ ສປປ ລາວ, ມີ ທ່ານ ພູວັນ ວົງສຸທິ ຮອງຫົວໜ້າກົມພົວພັນຕ່າງປະເທດ, ກະຊວງສຶກສາທິການ ແລະ ກິລາ ເຂົ້າຮ່ວມ.
ທ່ານ ປີເຕີ ເອັມ ເຮມອນ ກ່າວວ່າ: ປັດຈຸບັນການຂົນສົ່ງເຂົ້າ ແລະ ຖົ່ວດັ່ງກ່າວ ແມ່ນຈະຖືກນຳໃຊ້ເຂົ້າໃນການປຸງແຕ່ງອາຫານທ່ຽງໃນໂຮງຮຽນ ສຳລັບເດັກນ້ອຍນັກຮຽນຊັ້ນປະຖົມ ຈຳນວນ 90.000 ຄົນ ໃນເຂດຊົນນະບົດຂອງ ສປປ ລາວ, ເຊິ່ງຈະເລີ່ມຕົ້ນໃນສົກຮຽນເດືອນກັນຍາ ທີ່ຈະມາເຖິງນີ້ ຈົນຮອດພຶດສະພາ 2021. ນັບແຕ່ ປີ 2008 ເປັນຕົ້ນມາ, ໂຄງການອາຫານເພື່ອການສຶກສາ ແລະ ໂພຊະນາການ ສຳລັບເດັກນ້ອຍ ຂອງລັດຖະບານສະຫະລັດອາເມລິກາ, ເຊິ່ງບໍລິຫານໂດຍພະແນກກະສິກຳ ສະຫະລັດອາເມລິກາ (USDA), ໄດ້ສະໜັບສະໜູນ ໂຄງການອາຫານທ່ຽງໃນໂຮງຮຽນຂອງອົງການອາຫານໂລກຢູ່ໃນລາວ ດ້ວຍການປະກອບສ່ວນທັງໝົດຫລາຍກ່ວາ 60 ລ້ານໂດລາສະ ຫະລັດ.

ໃນທ່າມກາງພາວະວິກິດຂອງການລະບາດຂອງພະຍາດໂຄວິດ-19, ສະຫະລັດອາເມລິກາໄດ້ສືບຕໍ່ໃຫ້ການຊ່ວຍເຫລືອ ແກ່ວຽກງານອາຫານທຽ່ງໃຫ້ແກ່ໂຮງຮຽນຊັ້ນປະຖົມ ໃນເຂດຫ່າງໄກສອກ ຫລີກໃນ ສປປ ລາວ.
ທ່ານ ຢານ ເດວບາເລີ ກ່າວວ່າ: ໂຄງການອາຫານທ່ຽງໃນໂຮງຮຽນ ທີ່ອົງການອາຫານໂລກໄດ້ຈັດຕັ້ງປະຕິບັດ ແມ່ນເຄືອຂ່າຍຄວາມປອດໄພທາງສັງຄົມ ສຳລັບຫລາຍໆຄອບຄົວທີ່ທຸກຍາກ ແລະ ມີຄວາມສ່ຽງ. ເມື່ອບໍ່ດົນມານີ້ ຊຶ່ງຢູ່ໃນໄລຍະຂອງການກັກໂຕ, ຜູ້ທຸກຍາກໄດ້ປະສົບບັນຫາໜັກທີ່ສຸດ ໂດຍສະເພາະແມ່ນການເຂົ້າເຖິງແຫລ່ງອາຫານ, ເພາະສ່ວນໃຫຍ່ລາຍຮັບຕົ້ນຕໍແມ່ນມາຈາກການອອກແຮງງານ. ດັ່ງນັ້ນ, ຄວາມກັງວົນຂອງພວກເຮົາ ແມ່ນເດັກນ້ອຍເຫລົ່ານັ້ນທີ່ມາຈາກຄອບຄົວດັ່ງ ກ່າວ ອາດຈະບໍ່ໄດ້ຮັບອາຫານພຽງພໍ ຫລື ເທົ່າທີ່ຄວນ ຈາກການປິດໂຮງຮຽນ. ໃນຂະນະທີ່ໂຮງຮຽນ ກຳລັງເລີ່ມທີ່ຈະເປີດໃໝ່ເທື່ອລະກ້າວ, ພວກເຮົາ ໄດ້ເອົາໃຈໃສ່ ແລະ ໃຫ້ຄວາມສຳຄັນທີ່ສຸດກັບມາດຕະຖານຄວາມປອດໄພ, ມາດຕະຖານດ້ານສຸຂະອະນາໄມ ແລະ ມາດຕະການໄລຍະຫ່າງທາງສັງຄົມ ຕະຫລອດຮອດການຂົນສົ່ງ ແລະ ການຈັດສົ່ງອາຫານໄປໃນຊຸມຊົນຕ່າງໆ. ພ້ອມດຽວກັນນີ້, ພວກເຮົາໄດ້ເຮັດສຸດຄວາມສາມາດ ເພື່ອຮັບປະກັນໃຫ້ຊຸມຊົນກໍ່ຄືຄອບຄົວສາມາດສົ່ງລູກຂອງພວກເຂົາໃຫ້ໄປເຂົ້າໂຮງຮຽນ ຕາມປົກກະຕິໂດຍມີອາຫານທ່ຽງມີສຸຂະພາບດີເປັນສິ່ງຮັບປະກັນ.
ຂ່າວ: ມະນີທອນ, ພາບ: ສຸກທະວີ

Continue Reading

ຂ່າວພາຍໃນ

ລັດຖະມົນຕີ ເວົ້າເດັດຂາດ ຈະເຄັ່ງຄັດ ຄວາມປອດໄພຂຶ້ນເຕື່ມ

Published

on

By

ທ່ານ ພົອ ວິໄລ ຫຼ້າຄໍາຟອງ ກໍາມະການກົມການເມືອງ ສູນກາງພັກ, ຮອງ ນາຍົກລັດຖະມົນຕີ, ລັດຖະມົນຕີກະຊວງປ້ອງກັນ ຄວາມສະຫງົບ ລົງ ເຄື່ອນໄຫວຊີ້ນໍາວຽກງານປ້ອງກັນຄວາມສະຫງົບ ຢູ່ເຂດເສດຖະກິດ ພິເສດສາມຫຼ່ຽມ-ຄໍາ ພ້ອມເນັ້ນຢໍ້າໃຫ້ພາກສ່ວນ ທີ່ກ່ຽວຂ້ອງ ໃຫ້ຄວາມ ສໍາຄັນກັບວຽກງານຄວາມສະຫງົບໃນຂົງເຂດ ດັ່ງກ່າວຫຼາຍຂຶ້ນ.

ໃນວັນທີ 28 ມັງກອນ 2023, ທ່ານ ພົອ ວິໄລ ຫຼ້າຄໍາຟອງ ກໍາມະການກົມ ການເມືອງສູນກາງພັກ, ຮອງນາຍົກລັດຖະມົນຕີ, ລັດຖະມົນຕີ ກະຊວງ ປ້ອງກັນຄວາມສະຫງົບ ພ້ອມດ້ວຍຄະນະ ເຄື່ອນໄຫວຊີ້ນໍາວຽກງານ ປ້ອງກັນຄວາມສະຫງົບ ຢູ່ເຂດເສດຖະກິດພິເສດ ເມືອງຕົ້ນເຜີ້ງ ແຂວງບໍ່ ແກ້ວ,

ໂດຍການຕ້ອນຮັບຂອງ ທ່ານ ຈ້າວເຫີວຍ ປະທານສະພາຜູ້ ບໍລິຫານເຂດເສດຖະກິດພິເສດ ສາມຫຼ່ຽນຄໍາແຂວງບໍ່ແກ້ວ, ມີບັນດາ ການນໍາພັກແຂວງ, ຫົວຫນ້າ-ຮອງຫົວຫນ້າຫ້ອງວ່າການແຂວງ, ເຈົ້າເມືອງ, ກອງບັນຊາການປ້ອງກັນຊາດ-ປ້ອງກັນຄວາມສະຫງົບ ແລະ ຄະນະພັກ, ຄະນະຄຸ້ມຄອງເຂດເສດຖະກິດພິເສດ ເຂົ້າຮ່ວມ.

ໂອກາດດັ່ງກ່າວ ທ່ານ ພົອ ວິໄລ ກໍໄດ້ມີຄໍາເຫັນໂອ້ລົມຊີ້ນໍາຕໍ່ ຄະນະ ຄຸ້ມຄອງເຂດເສດຖະກິດພິເສດ ຈົ່ງພ້ອມກັນພັດທະນາເຂດເສດຖະກິດ ພິເສດໃຫ້ກາຍເປັນຕົວເມືອງທີ່ທັນສະໄຫມ, ມີພື້ນຖານເສດຖະກິດທີ່ເຂັ້ມ ແຂງ, ສັງຄົມມີຄວາມສີວິໄລຍຸຕິທໍາ, ເປັນສູນການຄ້າ-ການລົງທຶນ,ສາມາດກາຍເປັນແຫຼ່ງທ່ອງທ່ຽວລະດັບອາຊຽນ.

ພິເສດແມ່ນໃຫ້ມີຄວາມ ສະຫງົບ, ມີຄວາມປອດໄພ, ແຕ່ສິ່ງສໍາຄັນຕ້ອງຕິດພັນກັບ ຮ່ອງຮ້ອຍ ປະຫວັດສາດ, ຮີດຄອງວັດທະທໍາອັນເກົ່າແກ່ ແລະ ສ້າງໃຫ້ເຂດດັ່ງກ່າວ ກາຍເປັນການຄຸ້ມຄອງບໍລິຫານຕາມກົນໄກ ຕາມຫົວຫນ່ວຍບໍລິຫານໃນ ເງື່ອນໄຂເສດຖະກິດ ມີການເຕີຍໃຫຍ່ຂະຫຍາຍຕົວ, ເຂດພິເສດ ຕ້ອງໄດ້ ຍົກລະດັບການຄຸ້ມຄອງໃຫ້ສູງຂຶ້ນ

ໂດຍມອບໃຫ້ສູນກາງປະສານສົມທົບ ກັບທ້ອງຖິ່ນ ພ້ອມກັນຈັດຕັ້ງປະຕິບັດ, ສ້າງເປັນຫນ່ວຍງານຫນຶ່ງຄຸ້ມຄອງ ບໍລິຫານເຂດພິເສດ ເພື່ອແກ້ໄຂສະພາບທີ່ເກີດຂຶ້ນໃຫ້ທັນເວລາ ເພື່ອໃຫ້ ກາຍເປັນເມືອງທີ່ມີຄວາມສະຫງົບ, ທັນສະໄຫມ, ເປັນບ່ອນພັກຜ່ອນ, ທີ່ມີ ຄວາມເປັນລະບຽບຮຽບຮ້ອຍ, ສະຫງົບປອດໄພ, ກາຍເປັນເຂດພິເສດທີ່ ເປັນເຂດຕົວແບບ ແລະ ຄຸ້ມຄອງໃຫ້ມີປະສິດທິຜົນທີ່ດີຂຶ້ນກວ່າເກົ່າ.

ໂດຍໃນປີ 2022 ທີ່ຜ່ານມາ ສໍາລັບວຽກງານ ປ້ອງກັນຄວາມສະຫງົບ ໃນ ເຂດເສດຖະກິດພິເສດ ສາມຫຼ່ຽມຄໍາ ໄດ້ມີປະກົດການຫຍໍ້ທໍ້ເກີດຂຶ້ນ ທັງຫມົດ 153 ເລື່ອງ, x`ແກ້ໄຂໄດ້ທັງຫມົດ 107 ເລື່ອງ, ສົ່ງໃຫ້ ປກສ ແຂວງ ດໍາເນີນ 27 ເລື່ອງ ແລະ ຄະດີພວມດໍາເນີນແກ້ໄຂມີ 19 ເລື່ອງ.

ທີ່ມາ: ວຽງຈັນທາຍ

Continue Reading

ຂ່າວພາຍໃນ

ຮູ້ແລ້ວ ຍ້ອນສາເຫດນີ້ ຍິ ງ ກັນຕ າ ຍ 2 ຄົນເມືອງປາກງື່ມ

Published

on

By

ຂໍສະແດງຄວາມເສຍໃຈນຳຍາດຜູ້ເສຍຊີວິດ ເຫດ ຍິ ງ ກັ ນທີ່ເມືອງປາກງື່ມ.

ຕາມການລາຍງານຂອງ ໜ່ວຍກູ້ໄພອາສາເພື່ອປະຊາຊົນ ໃຫ້ຮູ້ວ່າ ໃນວັນທີ 1/2/2023 ເວລາ 13:30 ນາທີ ມີຄົ ນ ຍິ ງ ກັ ນເສຍຊີວິດ

ຈຸດເກີດເຫດທີ່ບ້ານໄຮ່ ເມືອງປາກງື່ມ ນະຄອນຫຼວງວຽງຈັນ.ໃນບໍລິເວນເກີດເຫດ ມີຜູ້ປະສົບເຫດ2ຄົນເພດຊາຍ, ຜູ້ທີ່ 1 ເພດຍິງ ຖື ກ ຍິ ງ ເສຍຊີວິດຄາທີ່ ແລະ ຜູ້ທີ 2 ເພດຊາຍ ເສຍຊີວິດຢູ່ໂຮງໝໍ.

ປັດຈຸບັນເຈົ້າໜ້າທີ່ກຳລັງກວດສອບ ຖ້າມີຂໍ້ມູນເພີ່ມເຕີມຈະລາຍງານໃນພາຍຫຼັງ.

Continue Reading

ຂ່າວພາຍໃນ

ຈັດໜັກ!ສາວງາມປາຕີ້ ມົ້ວສຸຸມປູມເປົ້າ 14ຄົນ ໄປສຶກສາອົບຮົມ

Published

on

By

ຈັດໜັກໃສ່ແກ້ງໄວລຸ້ນມັກມ່ວນ! ປກສ ນະຄອນໄກສອນ ໄດ້ນຳຕົວກຸ່ມໄວໜຸ່ມປາຕີ້ ມົ້ວສຸມຢາເສບຕິດ ສູບປູມເປົ້າ ຈຳນວນ 14 ຄົນ ໄປສຶກສາອົບຮົມ

ພັທ ຄຳສີ ທູນທະວົງສັກ ຫົວໜ້າກອງບັນຊາການ ປກສ ນະຄອນໄກສອນພົມວິຫານ ໄດ້ລາຍງານໃຫ້ຮູ້ວ່າ:

ວັນທີ 16 ມັງກອນ 2023 ຜ່ານມານີ້ ເຈົ້າໜ້າທີ່ ກອງບັນຊາການ ປກສ ນະຄອນໄກສອນ

ໄດ້ນຳຕົວກຸ່ມໄວໜຸ່ມປາຕີ້ ມົ້ວສຸມຢາເສບຕິດ ສູບປູມເປົ້າ ຈຳນວນ 14 ຄົນ ໄປສຶກສາອົບຮົມ ແລະ ຕັກເຕືອນ

Continue Reading
ເດືອນກຸມພາ 2023
ເສົາ ​ອາ ​ຈ ​ພ​ຫ ​ສ
 123
45678910
11121314151617
18192021222324
25262728  

Trending

ທ່ານບໍ່ມີສິດສຳເນົາ ບົດຄວາມນີ້ໄດ້ ສົນໃຈບົດຄວາມຕິດຕໍ່ ຜູ້ດູແລລະບົບຖ້າສົນໃຈບົດຄວາມນີ້