ສອບສວນທີ່ມາ “ຄລິບ” ດັງ 2 ສາວ (ມີຄລິບ) – ສື່ລາວ.ຄອມ
Connect with us

ຂ່າວພາຍໃນ

ສອບສວນທີ່ມາ “ຄລິບ” ດັງ 2 ສາວ (ມີຄລິບ)

Published

on

ອີງຕາມການເປີດເຜີຍຂອງ ພັທ ສາລີ ພຸດທະວົງ ຮອງຫົວໜ້າກົມຕຳຫຼວດສະກັດກັ້ນ ແລະ ຕ້ານການຄ້າມະນຸດ ກະຊວງ ປກສ ໃຫ້ຮູ້ກ່ຽວກັບການສອບສວນຄະດີທຳຊຳເລົາ 2 ສາວ ທີ່ເກີດຂຶ້ນວ່າງບໍ່ດົນມານີ້ວ່າ: ໃນວັນທີ 9 ຕຸລາ 2020, ​ເຈົ້າ​ໜ້າ​ທີ່​ຕຳຫຼວດ ໄດ້​ເຫັນ​ຄລິບວີ​ດີ​ໂອຈາກ​ເຟສບຸກກ່ຽວ​ກັບ​ຄົນ​ບໍ່​ດີ​ ເຜີຍແຜ່ສິ່ງລາມົກ​, ທຳ​ຊຳ​ເລົາ​ ​ແລະ ທຳອະນາຈານເດັກ ​ເຈົ້າ​ໜ້າ​ທີ່​ພວກ​ເຮົາ ຈຶ່ງໄດ້ເກັບ​ກຳ​ຂໍ້​ມູນ ​ແລະ ປະສານສົມທົບກັບບັນດາພາກສ່ວນທີ່ກ່ຽວຂ້ອງ.

ຮອດວັນທີ 10 ຕຸລາ 2020, ຈຶ່ງສາມາດຊອກ​ເຫັນ​ ​ແລະ ນຳ​ເອົາເດັກຍິງລາວທີ່ຖືກທໍາຊຳ​ເລົາ ​ແລະ ຖືກທຳອະນາຈານ ຈໍານວນ 2 ຄົນນັ້ນ ມາສໍາພາດເພື່ອຂະຫຍາຍຜົນ, ​​ເຊິ່ງ​ໄດ້​ຊັດ​ທອດ​ເຖິງ​ບຸກຄົນ​ທີ່​ກະທຳ​ຜິດ ຄື: ນາງ ດວງຕາ ເບີກໄຊຍະພູມ ( ຄົນ​ລາວ) ​ແລະ ຄົນ​ຕ່າງປະ​ເທດ 1 ຄົນ, ​ເຊິ່ງພວກ​ກ່ຽວ​ທັງ​ສອງ​ໄດ້ເອົາ​ຕົວ​ຫຼົບໜີ.

ຕໍ່​ກັບ​​ເຫດການດັ່ງກ່າວ ​ໂດຍ​ພາຍ​ໃຕ້​ການ​ເອົາ​ໃຈ​ໃສ່​ຊີ້​ນຳ-ນຳພາຂອງ ​ການ​ນຳ​ກະຊວງປ້ອງ​ກັນ​ຄວາມ​ສະຫງົບ ກໍຄື​ ກົມ​ໃຫຍ່​ຕຳຫຼວດ ​ແລະ ກົມ​ໃຫຍ່​ສັນຕິ​ບານ ​ໄດ້​ຊີ້​ນຳ​ບັນດາເຫຼົ່າລົບວິຊາສະເພາະ ປະສານສົມທົບກັບ ບັນດາກອງບັນຊາການ ປກສ ແຂວງ ໃນຂອບເຂດທົ່ວປະເທດ ຈຶ່ງສາມາດຈັບຕົວ ນາງ ດວງຕາ ເບີກໄຊຍະພູມ ​ໄດ້​​ໃນ​ວັນ​ທີ 18 ຕຸລາ 2020 ມາ​ດຳ​ເນີນ​ຄະດີ​ຕາມ​ກົດໝາຍ.

ຜ່ານ​ການ​ສືບສວນ-ສອບ​ສວນ ນາງ ດວງຕາ ເບີກໄຊຍະພູມ ກໍ​ໄດ້​ຮັບ​ສາລະພາບ​ ວ່າ:

ໃນ​ຊ່ວງ​ໄລຍະ​ເດືອນພຶດສະພາ 2020, ຜູ້ກ່ຽວ​ໄດ້​ຕິດ​ຕໍ່​ເອົາ​ເດັກ​ຍິງທັງ 2 ຄົນ ​ໄປ​ໃຫ້​ຜູ້ ຊາຍ​ຄົນ​ຕ່າງປະ​ເທດ ທຳ​ຊຳ​ເລົາ ​ແລະ ທຳ​ອານາ​ຈານ ​ເພື່ອ​ຖ່າຍ​ຄລິບວີ​ດີ​ໂອ ​ໂດຍ​ແມ່ນ​ຜູ້ກ່ຽວ​ຖ່າຍ​ເອງ; ​ແຕ່ກ່ອນ​ຈະ​ໄປ​ຖ່າຍ​ວີ​ດີ​ໂອ​ທຳ​ອະນາຈານ​ດັ່ງກ່າວ​ນັ້ນ ຜູ້ກ່ຽວ​ແມ່ນ​ໄດ້​ຊື້​ເສື້ອ​ຊາວ​ໜຸ່ມ ​ແລະ ສິ້ນ​ນັກຮຽນ​ໄປ​ພ້ອມ, ​ເມື​່ອຮອດ​ສະຖານ​ທີ່ ຜູ້ກ່ຽວ​ກໍ​ໄດ້​ແຕ່ງ​ໜ້າ ​ແລະ ​ເປຍ​ຜົມໃຫ້​ເດັກ​ຍິງ​ດັ່ງກ່າວ.

ການ​ກະທຳ​ດັ່ງກ່າວ ​ແມ່ນ​ເປັນ​ອັນຕະລາຍ​ຕໍ່​ຄວາມ​ເປັນ​ລະບຽບ​ຮຽບຮ້ອຍ​ຂອງສັງຄົມ, ກຽດ​ສັກ​ສີຂອງ​ພົນລະ​ເມືອງ, ຮີດຄອງ​ປະ​ເພນີ ​ແລະ ວັດທະນະທຳ​ອັນ​ດີງາມຂອງ​ຊາດ. ສ່ວນ​ຜູ້​ຊາຍ​ຄົນ​ຕ່າງປະ​ເທດ ທີ່​ຮ່ວມ​ກະທຳ​ຜິດ​ກັບ​ຜູ້ກ່ຽວນັ້ນ ຍັງ​ເອົາ​ຕົວ​ຫຼົບໜີ. ປັດຈຸ​ບັນ, ​ເຈົ້າ​ໜ້າ​ທີ່​ຕຳຫຼວດ​ພວກ​ເຮົາ ພວມ​ສືບ​ຕໍ່​ຕິ​ດຕາມ​ນຳ​ຈັບ​ຕົວ​ມາ​ດຳ​ເນີນ​ຄະດີ​ ຕາມ​ຂັ້ນ​ຕອນ​ຂອງ​ກົດໝາຍຕໍ່ໄປ.

ດັ່ງນັ້ນ, ຈຶ່ງ​ຮຽກຮ້ອງ​ມາ​ຍັງ​ພໍ່​ແມ່​ປະຊາຊົນ​ລາວ​ບັນດາ​ເຜົ່າ​ໃນ​ທົ່ວ​ປະ​ເທດ ​ໃຫ້​ມີ​ສະຕິ​ລະວັງ​ຕົວ ເພື່ອ​ປ້ອງ​ກັນ​ຕົນ​​ເອງ, ຄອບຄົວ​ ​ແລະ ສຶກສາ​ອົບຮົມ​ລູກ​ຫຼານ​ໃນ​ການ​ພົວພັນ​ສັງຄົມ, ຢ່າ​ຫຼົງ​ເຊື່ອ​ບຸກຄົນ ຫຼື ກຸ່ມ​ຄົນທີ່​ຕົວະ​ຍົວະ​ຫຼອກ​ລວງ. ຖ້າ​ບໍ່​ດັ່ງ​ນັ້ນ, ​ຈະ​ຕົກ​ເປັນ​ເຫຍື່ອຂອງ​ກຸ່ມ​ຄົນ​ບໍ່​ຫວັງ​ດີ.

ຖ້າ​ໃນ​ກໍລະນີພົບ​ເຫັນ​ພຶດຕິ​ກຳ ຫຼື ການ​ກະທຳທີ່​ສົງ​ໄສ ວ່າ ເປັນການກະທຳຜິດ ຂໍ​ໃຫ້​ແຈ້ງ​ຕໍ່​ເຈົ້າໜ້າ​ທີ່​ທີ່​ກ່ຽວຂ້ອງ ຫຼື ກົມ​ຕຳຫຼວດ 312 ​ເບີໂທລະສັບ​ສາຍ​ດ່ວນ 1300 ຫຼື 1362.

Continue Reading

ຂ່າວພາຍໃນ

ຈັດໜັກ!ສາວງາມປາຕີ້ ມົ້ວສຸຸມປູມເປົ້າ 14ຄົນ ໄປສຶກສາອົບຮົມ

Published

on

By

ຈັດໜັກໃສ່ແກ້ງໄວລຸ້ນມັກມ່ວນ! ປກສ ນະຄອນໄກສອນ ໄດ້ນຳຕົວກຸ່ມໄວໜຸ່ມປາຕີ້ ມົ້ວສຸມຢາເສບຕິດ ສູບປູມເປົ້າ ຈຳນວນ 14 ຄົນ ໄປສຶກສາອົບຮົມ

ພັທ ຄຳສີ ທູນທະວົງສັກ ຫົວໜ້າກອງບັນຊາການ ປກສ ນະຄອນໄກສອນພົມວິຫານ ໄດ້ລາຍງານໃຫ້ຮູ້ວ່າ:

ວັນທີ 16 ມັງກອນ 2023 ຜ່ານມານີ້ ເຈົ້າໜ້າທີ່ ກອງບັນຊາການ ປກສ ນະຄອນໄກສອນ

ໄດ້ນຳຕົວກຸ່ມໄວໜຸ່ມປາຕີ້ ມົ້ວສຸມຢາເສບຕິດ ສູບປູມເປົ້າ ຈຳນວນ 14 ຄົນ ໄປສຶກສາອົບຮົມ ແລະ ຕັກເຕືອນ

Continue Reading

ຂ່າວພາຍໃນ

ລ່າສຸດ! ລາຄານ້ຳມັນ +1.010ກີບ/ລິດ ກາຊວນ +420ກີບ/ລິດ

Published

on

By

ແຈ້ງປັບລາຄານ້ຳມັນ ເລິ່ມປະຕິບັດ 06:00 ໂມງຂອງວັນທີ 19/01/2023 ຕາມແຈ້ງການຈາກ ກຊ ອຸດສະຫະກຳແລະການຄ້າ

ເລກທີ 0056/ອຄ ລົງວັນທີ 18 ມກ 2023.

Continue Reading

ຂ່າວພາຍໃນ

ດ່ວນ! ແຈ້ງການຢຸດຕິການອະນຸຍາດດໍາເນີນທຸລະກິດແລກປ່ຽນເງິນຕາ ຕົວແທນຂອງທະນາຄານທຸລະກິດ ທົ່ວປະເທດ

Published

on

By

– ອີງຕາມກົດຫມາຍວ່າດ້ວຍທະນາຄານທຸລະກິດ (ສະບັບປັບປຸງ) ສະບັບເລກທີ 56/ສພຊ, ລົງວັນທີ 07 ທັນວາ 2018;

– ອີງຕາມກົດຫມາຍວ່າດ້ວຍການຄຸ້ມຄອງເງິນຕາຕ່າງປະເທດ (ສະບັບປັບປຸງ) ສະບັບເລກທີ 15 /ສພຊ, ລົງວັນທີ 07 ກໍລະກົດ 2022;

– ອີງຕາມຂໍ້ຕົກລົງວ່າດ້ວຍການບໍລິການແລກປ່ຽນເງິນຕາ ສະບັບເລກທີ 1026/ທຫລ, ລົງວັນທີ 28 ທັນວາ 2022;

ອີງຕາມແຈ້ງການກ່ຽວກັບການຫັນຮ້ານແລກປ່ຽນເງິນຕາໄປເປັນຕົວແທນຂອງທະນາຄານທຸລະກິດ ສະບັບເລກທີ 111/ທຫລ, ລົງວັນທີ 12 ສິງຫາ 2021.

ທະນາຄານແຫ່ງ ສປປ ລາວ ຂໍຖືເປັນກຽດແຈ້ງມາຍັງບັນດາທະນາຄານທຸລະກິດ ແລະ ຮ້ານແລກປ່ຽນເງິນຕາຕົວ ແທນ ຊາບວ່າ: ເພື່ອເປັນການຜັນຂະຫຍາຍກົດຫມາຍວ່າດ້ວຍການຄຸ້ມຄອງເງິນຕາຕ່າງປະເທດ (ສະບັບປັບປຸງ) ສະບັບ ເລກທີ 15/ສພຊ, ລົງວັນທີ 7 ກໍລະກົດ 2022, ທະນາຄານແຫ່ງ ສປປ ລາວ ໄດ້ອອກຂໍ້ຕົກລົງວ່າດ້ວຍການບໍລິການ ແລກປ່ຽນເງິນຕາ ສະບັບເລກທີ 1026/ທຫລ, ລົງວັນທີ 28 ທັນວາ 2022 ເພື່ອປ່ຽນແທນສອງຂໍ້ຕົກລົງຄື: ຂໍ້ຕົກລົງວ່າ ດ້ວຍທຸລະກິດແລກປ່ຽນເງິນຕາ ສະບັບເລກທີ 393/ທຫລ, ລົງວັນທີ 02 ກໍລະກົດ 2020 ແລະ ຂໍ້ຕົກລົງວ່າດ້ວຍການ ບໍລິການແລກປ່ຽນເງິນຕາຂອງທະນາຄານທຸລະກິດ ແລະ ຮ້ານແລກປ່ຽນເງິນຕາຕົວແທນ ສະບັບເລກທີ 449/ທຫລ, ລົງວັນທີ 14 ມິຖຸນາ 2022.

ໃນນີ້, ຂໍ້ຕົກລົງວ່າດ້ວຍການບໍລິການແລກປ່ຽນເງິນຕາສະບັບດັ່ງກ່າວໄດ້ກໍານົດໃຫ້ ທະນາຄານທຸລະກິດ ທີ່ຕັ້ງຢູ່ ສປປ ລາວ ເທົ່ານັ້ນ ສາມາດໃຫ້ບໍລິການແລກປ່ຽນເງິນຕາ. ສະນັ້ນ, ເພື່ອຈັດຕັ້ງປະຕິບັດໃຫ້ ສອດຄ່ອງກັບບັນດານິຕິກໍາທີ່ມີຜົນສັກສິດໃນປັດຈຸບັນ, ທະນາຄານແຫ່ງ ສປປ ລາວ ຈຶ່ງແຈ້ງມາຍັງບັນດາທະນາຄານທຸລະ ກິດ ແລະ ຮ້ານແລກປ່ຽນເງິນຕາຕົວແທນ ດັ່ງນີ້:

1. ທະນາຄານແຫ່ງ ສປປ ລາວ ຢຸດຕິການອະນຸຍາດດໍາເນີນທຸລະກິດແລກປ່ຽນເງິນຕາຂອງຮ້ານແລກປ່ຽນເງິນຕາຕົວແທນທັງໝົດ 113 ຮ້ານ ທີ່ຂຶ້ນກັບ 6 ທະນາຄານທຸລະກິດ;

2. ໃຫ້ທະນາຄານທຸລະກິດທີ່ມີຮ້ານແລກປ່ຽນເງິນຕາຕົວແທນຂຶ້ນກັບ ຢຸດເຊົາການຕໍ່ອາຍຸສັນຍາ ແລະ ຍົກເລີກ ສັນຍາຕົວແທນບໍລິການແລກປ່ຽນເງິນຕາກັບຮ້ານແລກປ່ຽນເງິນຕາຕົວແທນຂອງຕົນທັງໝົດ,

ດໍາເນີນການປິດບັນຊີເງິນຝາກທີ່ອອກຊື່ຮ້ານແລກປ່ຽນເງິນຕາຕົວແທນ ຢູ່ທະນາຄານທຸລະກິດທີ່ກ່ຽວຂ້ອງ, ນໍາສົ່ງບົດບັນທຶກ ການຍົກເລີກສັນຍາການເປັນຕົວແທນແລກປ່ຽນເງິນຕາ ລະຫວ່າງ ທະນາຄານທຸລະກິດ ແລະ ຮ້ານແລກປ່ຽນ ເງິນຕາຕົວແທນ ພ້ອມທັງໜັງສືອະນຸຍາດດໍາເນີນທຸລະກິດແລກປ່ຽນເງິນຕາຂອງຮ້ານແລກປ່ຽນເງິນຕາຕົວແທນທີ່ ຂຶ້ນກັບທະນາຄານທຸລະກິດຕົນ ສົ່ງຄືນໃຫ້ແກ່ກົມນະໂຍບາຍເງິນຕາ ຫຼື ສາຂາທະນາຄານແຫ່ງ ສປປ ລາວ ປະຈໍາ ພາກ ທີ່ກ່ຽວຂ້ອງ ພາຍໃນວັນທີ 31 ມັງກອນ 2023;

3. ທະນາຄານທຸລະກິດທີ່ມີຈຸດປະສົງຕ້ອງການສ້າງຕັ້ງໜ່ວຍແລກປ່ຽນເງິນຕາ ແມ່ນໃຫ້ປະຕິບັດຕາມຂໍ້ຕົກລົງວ່າດ້ວຍ ການບໍລິການແລກປ່ຽນເງິນຕາ ສະບັບເລກທີ 1026/ທຫລ, ລົງວັນທີ 28 ທັນວາ 2022.

Continue Reading
ເດືອນມັງກອນ 2023
ເສົາ ​ອາ ​ຈ ​ພ​ຫ ​ສ
 123456
78910111213
14151617181920
21222324252627
28293031  

Trending

ທ່ານບໍ່ມີສິດສຳເນົາ ບົດຄວາມນີ້ໄດ້ ສົນໃຈບົດຄວາມຕິດຕໍ່ ຜູ້ດູແລລະບົບຖ້າສົນໃຈບົດຄວາມນີ້