ໂດຍເລື່ອງນີ້ເຮັດເອົາຊາວເນັດ ແຫ່ສະແດງຄວາມຄິດເຫັນກັນເປັນຈຳນວນຫລາຍ ຂະນະທີ່ເລື່ອງນີ້ ທະນາຄານແຫ່ງປະເທດໄທ ໄດ້ເຄີຍເຜີຍແຜ່ຂໍ້ມູນທີ່ປະຊາຊົນຄວນຮູ້ກໍລະນີມີທະນາບັດຂາດເສຍຫາຍ ລະບຸວ່າ ຕາມພະລາດບັນຍັດເງີນ

ຕາພຸດທະສັກກະລາດ 1957 ມາດຕາ 18 ບັນຍັດໄວ້ວ່າ ທະນາບັດທີ່ຂາດຈະບໍ່ເປັນເງີນທີ່ໃຊ້ຈ່າຍຫລືຊຳລະຫນີ້ໄດ້ຕາມກົດຫມາຍ ຈື່ງໄດ້ອອກກົດກະຊວງກຳນົດຫລັກເກນ ແລະວິທີການແລກປ່ຽນທະນາບັດຂາດໂດຍສາມາດອະທິບາຍໃຫ້ເຂົ້າໃຈງ່າຍໆ ວ່າທະນາບັດທີ່ຈະສາມາດແລກຄືນໄດ້ຈະຕ້ອງມີລັກສະນະການຂາດເສຍຫາຍ 4 ແບບ ຄື:

ແບບທີ່ 1 ທະນາບັດເຕີ່ງສະບັບໂດຍຖືກແຍກກາງຫລືໃກ້ກັບກາງເປັນ 2 ສ່ວນຕາມຢືນ ຫລື ແນວຕັ້ງເທົ່ານັ້ນໃຫ້ຮັບແລກປ່ຽນແຕ່ລະເຄີ່ງສະບັບພຽງ ເຄີ່ງລາຄາຂອງລາຄາເຕັມຂອງທະນາບັດນັ້ນ

ແບບທີ່ 2 ທະນາບັດຕໍ່ທ່ອນຜິດຄື ມີສ່ວນຂອງທະນາບັດສະບັບອື່ນມາຕໍ່ເຂົ້າເປັນທະນາບັດດຽວກັນ ຖ້າບໍ່ເກີນສອງທ່ອນແລະແຕ່ລະທ່ອນເປັນ ທະນາບັດແບບແລະຊະນິດລາຄາດຽວກັນ ໃຫ້ຮັບແລກປ່ຽນເຕັມລາຄາຂອງທະນາບັດນັ້ນ

ແບບທີ່ 3 ທະນາບັດຂາດບິນຕື ທະນາບັດທີ່ມີສ່ວນຫນື່ງສ່ວນໃດຂາດຫາຍໄປ ໃຫ້ຮັບແລກປ່ຽນສະເພາະເມື່ອເຫັນວ່າ ສ່ວນທີ່ເຫລືອຢູ່ມີຫລາຍກວ່າເຄີ່ງສະບັບໃຫ້ຮັບແລກປ່ຽນເຕັມລາຄາຂອງທະນາບັດນັ້ນ

ແບບທີ່ 4 ທະນາບັດລົບເລື່ອນຄື ທະນາບັດທີ່ອ່ານຂໍ້ຄວາມຫລືຕົວເລກບໍ່ໄດ້ແຕ່ຍັງເບີ່ງອອກວ່າເປັນທະນາບັດແທ້ ໃຫ້ຮັບປ່ຽນໃຫ້ເຕັມລາຄາຂອງທະນາບັດນັ້ນ

ທັງນີ້ ສາມາດຂໍແລກປ່ຽນທະນາບັດຂາດໄດ້ທີ່ທະນາຄານອອມສິນທົ່ວປະເທດທຸກວັນລັດຖະການແລະທະນາຄານພານິດທົ່ວປະເທດແຕ່ຈະບໍລິາການສະເພາະວັນພຸດ ຍົກເວັ້ນສາຂາຍ່ອຍແລະສາຂາໃນຫ້າງຊັບພະສິນຄ້າ ຊື່ງການຂໍແລກປ່ຽນຈະບໍ່ມີຄ່າໃຊ້ຈ່າຍຫລືຄ່າທຳນຽມໃດໆ ແຕ່ຖ້ານອກເຫນືອຈາກລັກສະນະການຂາດ 4 ແບບນີ້ ແຕ່ຕ້ອງການແລກປ່ຽນທະນາບັດຂາດໃຫ້ເຮັດຫນັງສືຄຳຮ້ອງຕາມແບບໄປຢືນທີ່ທະນາຄານ