ປັດຈຸບັນ, ໜ່ວຍພັກຮາກຖານ ແລະ ໜ່ວຍພັກທີ່ຂື້ນກັບຄະນະພັກຮາກຖານ ຈໍານວນ 970 ໜ່ວຍ, ຄະນະຮາກຖານ ຈໍານວນ 36 ຮາກຖານ, 2 ອົງຄະນະພັກກໍາລັງປະກອບອາວຸດ ແລະ 8 ອົງຄະນະພັກເມືອງ ແມ່ນໄດ້ສໍາເລັດກອງປະຊຸມໃຫຍ່ຂັ້ນຂອງຕົນ100%. ການກະກຽມຮ່າງລາຍງານການເມືອງ ແລະ ແຜນພັດທະນາເສດຖະກິດ-ສັງຄົມ ກໍ່ໄດ້ມີການທາບທາມ ແລະ ປະກອບຄໍາຄິດຄໍາເຫັນ ຈາກຫຼາຍພາກສ່ວນ, ສໍາລັບດ້ານບຸກຄະລາກອນ ກໍ່ໄດ້ດໍາເນີນການຄົ້ນຄວ້າຕາມຂັ້ນຕອນທີ່ໄດ້ກໍານົດໄວ້ ແລະ ອີງໃສ່ມະຕິ 030/ກມສພ, ລົງວັນທີ 3 ມັງກອນ 2018, ໄດ້ມີການດໍາເນີນຊີວິດການເມືອງທ້າຍສະໄໜຂອງຕົນ ເພື່ອເປັນກວດກາ, ຕີລາຄາເຖິງຄວາມຮັບຜິດຊອບ ແລະ ການປະຕິບັດໜ້າທີ່ໃນຊຸມປີຜ່ານມາ ເປັນບ່ອນອີງໃຫ້ແກ່ການເລືອກເຟັ້ນບຸກຄະລາກອນ ຜູື້ທີ່ມີມາດຖານ-ເງື່ອນໄຂ, ຮັບປະກັນໂຄງປະກອບໃຫ້ໄດ້ 3 ຮຸ້ນ (ອາວຸໂສ, ກາງ, ໜຸ່ມ) ມີທັງຜູ້ເກົ່າ, ຜູ້ໃໝ່, ແນໃສ່ຮັບປະກັນລັກສະນະສືບທອດຕໍ່ເນື່ອງ, ຫັນເປັນໜຸ່ມ ແລະ ມີເພດຍິງ, ຊົນເຜົ່າ ຫຼາຍຂື້ນ,ໄດ້ສໍາເລັດດໍາເນີນກອງປະຊຸມທາບທາມ ຮ່າງລາຍງານການເມືອງ, ແຜນພັດທະນາເສດຖະກິດ-ສັງຄົມ,

ບົດສໍາຫຼວດການນໍາພາ ຮອບທີ 2 ແລ້ວ, ເພື່ອເຮັດໃຫ້ການກະກຽມດຳເນີນກອງປະຊຸມໃຫຍ່ອົງຄະນະພັກແຂວງ ບັນລຸຕາມຈຸດປະສົງຄາດໝາຍ ແລະ ເນື້ອໃນທີ່ໄດ້ກໍານົດໄວ້ໃນນິຕິກໍາຕ່າງໆ ຂອງກົມການເມືອງສູນກາງພັກ ແລະ ຄະນະເລຂາທິການສູນກາງພັກ, ໄດ້ເອົາໃຈໃສ່ສືບຕໍ່ເຊື່ອມຊືມ, ກໍາແໜ້ນຢ່າງເລິກເຊິ່ງຕໍ່ເນື້ອໃນນິຕິກໍາຕ່າງໆຂອງກົມການເມືອງ, ຄະນະເລຂາທິການສູນກາງພັກ ແລະ ຂອງແຂວງ ກ່ຽວກັບການກະກຽມດໍາເນີນກອງປະຊຸມໃຫຍ່ 3 ຂັ້ນຂອງພັກ ແລະ ສ້າງຄວາມເປັນເອກະພາບສູງໃນການຊີ້ນໍາໆພາຈັດຕັ້ງປະຕິບັດຕົວຈິງ, ບັນດາໜ່ວຍພັກ, ຄະນະພັກຮາກຖານ ແລະ ອົງຄະນະພັກ ທີ່ສຳເລັດກອງປະຊຸມໃຫຍ່ຂັ້ນຂອງຕົນແລ້ວ ແມ່ນໄດ້ໃຫ້ຮີບຮ້ອນຈັດຕັ້ງຜັນຂະຫຍາຍຜົນສໍາເລັດຂອງກອງປະຊຸມ ເພື່ອໃຫ້ບັນລຸຕາມຄາດໝາຍທີ່ວາງໄວ້ ແລະວຽກງານອື່ນໆ ຈາກນັ້ນ ທ່ານ ທອງລຸນ ສີສຸລິດ ກໍ່ໄດ້ມີຄຳເຫັນໂອ້ລົມສະແດງຄວາມຍ້ອງຍໍຊົມເຊີຍຕໍ່ຜົນສໍາເລັດຂອງຄະນະພັກ-ຄະນະນໍາແຂວງ ທີ່ໄດ້ເອົາໃຈໃສ່ຢ່າງຕັ້ງໜ້າໃນການພັດທະນາເສດຖະກິດ-ສັງຄົມ ໃນໄລຍະຜ່ານມາ ເຖິງແມ່ນວ່າສະພາບແວດລ້ອມພາຍນອກ ແລະ ພາຍໃນ ບໍ່ເອື້ອອໍານວຍຄວາມສະດວກ ໂດຍສະເພາະ ກໍ່ແມ່ນໄດ້ຮັບຜົນກະທົບພະຍາດໂຄວິດ-19 ແລະໄພພິບັດທາງທໍາມະຊາດ ເຮັດໃຫ້ເນື້ອທີ່ການຜະລິດ ແລະ ພື້ນຖານໂຄງລ່າງໄດ້ຮັບຜົນກະທົບ ແລະເສຍຫາຍ,

ພ້ອມນັ້ນທ່ານນາຍົກ ໄດ້ຍ້ອງຍໍເຊີຍທີ່ໄດ້ເອົາໃຈໃສ່ໃນການຈັດຕັ້ງປະຕິບັດ ຄໍາສັ່ງ 15/ນຍ ວ່າດ້ວຍການເພີ້ມທະວີຄວາມເຂັ້ມງວດ ໃນການຄຸ້ມຄອງ ແລະ ກວດກາການຂຸດຄົ້ນໄມ້, ເຄື່ອນຍ້າຍໄມ້ ແລະ ທຸລະກິດໄມ້, ຄຳສັງ 06/ນຍ ວ່າດ້ວຍການເພີ້ມທະວີມາດຕະການສະກັດກັນ, ກັນການລະບາດ, ຄວບຄຸ້ມ ແລະກຽມຄວາມພ້ອມຮອບດ້ານເພື່ອຕ້ານພະຍາດໂຄວິດ-19 ແລະ ຄຳສັ່ງອື່ນໆ, ເອົາໃຈໃສ່ເສີມຂະຫຍາຍມູນເຊື້ອປະຕິວັດ, ຄວາມຮັກຊາດ, ຄວາມພິລະອາດຫານ, ຄວາມສາມັກຄີເປັນປຶກແຜ່ນ ແລະ ເດັດດຽວໃນການປະຕິບັດແນວທາງນະໂຍບາຍຂອງພັກ, ສຶກສາອົບຮົມການເມືອງແນວຄິດ, ພັດທະນາຊົນນະບົດຕາມ 4 ເນື້ອໃນ 4 ຄາດໝາຍ, ແກ້ໄຂປະກົດການຫຍໍ້ທໍ້ຕ່າງໆທາງສັງຄົມໃຫ້ຫຼຸດໜ້ອຍຖອຍລົງເທື່ອລະກ້າວ, ເປັນເຈົ້າການຍົກສູງສະຕິລະວັງຕົວ, ກໍາໃຫ້ໄດ້ຫາງສຽງສັງຄົມ, ພ້ອມທັງການບໍລິໂພກຂໍ້ມູນຂ່າວສານຢ່າງມີສະຕິ ໂດຍສະເພາະຂໍ້ມູນຂ່າວສານຜ່ານສືີ່ອອນລາຍຕ່າງໆ, ສຸມໃສ່ການເກັບລາຍຮັບ ແລະ ຄຸ້ມຄອງລາຍຈ່າຍ ໃຫ້ໄປຕາມແຜນທີ່ວາງໄວ້, ປະຕິບັດນະໂຍບາຍປະຢັດ, ສືບຕໍ່ຕິດຕາມຊຸກຍູ້ສົ່ງເສີມການຈັດຕັ້ງປະຕິບັດບັນດາໂຄງການລົງທຶນພາຍໃນ ແລະ ຕ່າງປະເທດ, ຄຸ້ມຄອງການມາລົງທຶນຂອງນັກລົງຕ່າງປະເທດ ໃຫ້ສອງຄ່ອງຕາມກົດໝາຍ, ເອົາໃຈໃສ່ຄຸ້ມຄອງແຮງງານ,

ສ້າງວຽກເຮັດງານທໍາ ໃຫ້ຊາວໜຸ່ມ ແລະ ແຮງງານລາວ ທີ່ກັບມາຈາກຕ່າງປະເທດ, ແກ້ໄຂຜົນກະທົບຈາກໄພພິບັດທຳມະຊາດ ໂດຍສະເພາະຢູ່ເມືອງ ສະໝ້ວຍ, ຕະໂອ້ຍ, ພ້ອມທັງກະກຽມຮັບມືກັບໄພທຳມະຊາດ ທີ່ອາດຈະເກີດຂຶີ້ນໃນຕໍ່ໜ້າ, ເອົາໃຈໃສ່ແກ້ໄຂຜົນກະທົບຈາກການແຜ່ລະບາດຂອງພະຍາດໂຄວິດ-19 ຊຸກຍູ້ສົ່ງເສີມການຜະລິິດກະສິິກຳ ເປັນສິນຄ້າ ເພືີ່ອຮອງຮັບການຊົມໃຊ້ພາຍໃນ ແລະ ສົ່ງອອກຕ່າງປະເທດ, ເອົາໃຈໃສ່ໂຄສະນາສົ່ງເສີມການທ່ອງທ່ຽວພາຍໃນ (ລາວທ່ຽວລາວ), ປະຕິບັດມາດຕະການປ້ອງກັນ, ຄວບຄຸມ, ສະກັດກັ້ນ ແລະ ແກ້ໄຂການແຜ່ລະບາດຂອງພະຍາດ ໂຄວິດ-19 ຢ່າງເຂັ້ມງວດ, ຍົກສູງບົດບາດການນໍາພາຂອງອົງຄະນະພັກແຂວງ, ເຊີດຊູຄວາມຮັບຜິດຊອບການເມືອງຂອງຕົນ, ຄວາມເປັນແບບຢ່າງໃນການປະຕິບັດກົດລະບຽບຂອງພັກ ແລະ ກົດໝາຍຂອງລັດ, ເພີ້ມທະວີສຶກສາອົບຮົມການເມືອງແນວຄິດໃຫ້ພະນັກງານ-ລັດຖະກອນມີແນວຄິດອຸ່ນອ່ຽງທຸ່ນທ່ຽງ, ເຊື້ອໝັ້ນຕໍ່ການນໍາພາຂອງຄະນະພັກ-ອໍານາດການປົກຄອງແຂວງ, ພ້ອມທັງເຄົາລົບລະບຽບກົດໝາຍ, ແກ້ໄຂພະຍາດອາດຍາສິດ, ການສໍ້ລາດບັງຫຼວງ, ຢຶດໝັ້ນໃນການລວມສູນປະຊາທິປະໄຕ, ເຮັດວຽກເປັນໝູ່ຄະນະ, ບຸກຄົນຮັບຜິດຊອບ, ລົງເລີກຊີ້ນໍາວຽກງານຕົວຈິງໃນແຕ່ລະຂົງເຂດໃຫ້ເລີກເຊິ່ງກະກຽມຮອບດ້ານໃຫ້ແກ່ການຈັດກອງປະຊຸມໃຫຍ່ຄັ້ງທີ IX ຂອງອົງຄະນະພັກແຂວງສາລະວັນ ໃຫ້ບັນລຸຕາມລະດັບຄາດໝາຍ.

ພາບຂ່າວ: ສິດຕາ ເພັດວົງສາ