ເລື່ອງຜົວເມຍຖຽງກັນເປັນເລື່ອງປົກກະຕິ ບໍ່ວ່າຈະຄູ່ໄດ ກໍ່ຄົງຈະຕ້ອງເຄີຍເຈິເຫດການແບບນີ້ມາ ບາງຄູ່ອາດຈະຜິດໃຈກັນ ຈົນຕ້ອງແຍກຍ້າຍກັນໄປໃຊ້ຊີວິດຂອງຕົວເອງ ແຕ່ໃນບາງຄອບຄົວກໍ່ສາມາດປະຄັບ ປະຄອງກັນມາໄດ້ ແລະ ໃນຕອນນີ້ກໍ່ມີ ຜົນວິໄຈໃຫມ່ອອກມາໃຫ້ຂໍ້ມູນ ທີ່ອາດຈະເຮັດໃຫ້ພໍ່ບ້ານດີໃຈຂຶ້ນມາໄດ້ແດ່ ຂໍ້ມູນນີ້ເຜີຍວ່າ ເມຍມັກຈົ່ມ ເຮັດໃຫ້ຜົວອາຍຸຍືນ
ເຈົ້າອາດຈະເຄີຍໄດ້ຍິນຄຳວ່າ Happy Wife, Happy Life ຫລື ເມຍມີຄວາມສຸກ ຊີວິດກໍ່ຈະມີຄວາມສຸກ ແຕ່ຜົນວິໄຈລ່າສຸດອອກມາເປິດເຜີຍວ່າ ຍີ່ງເມຍມັກຈົ່ມ ຜົວກໍ່ຈະຍີ່ງອາຍຸຍືນຂຶ້ນໄປອີກ ເລື່ອງໃກ້ຄຽງກັນນີ້ ເຄີຍມີການວິໄຈອອກມາແລ້ວວ່າ ຄູ່ຮັກ ຈະສົ່ງຜົນຕໍ່ ຮ່າງກາຍ ສະພາບຈິດໃຈ ການເປັນຢູ່ຂອງຄົນເຮົາ ໂດຍທີ່ຫຼາຍກວ່າທີ່ຕັ້ງໃຈໄວ້ ເຮົາມາເບີ່ງກັນດີກວ່າວ່າ ເມຍມັກຈົ່ມກັນນັ້ນ ທີ່ຈິງແລ້ວ ພວກເຂົາ ມີຄວາມດີງາມ ແລະ ໃສ່ໃຈໃນຊີວິດເຈົ້າຫຼາຍກວ່າທີ່ເຈົ້າຄິດ
ເມຍຈູ້ຈີ້ຈຸກຈິກ ສະແດງເຖິງຄວາມຫ່ວງໃຍ ຈາກຂໍ້ມູນທີ່ຖືກເປິດເຜີຍອອກມາວ່າ ຜູ້ຊາຍທີ່ມີຊີວິດການແຕ່ງງານບໍ່ຄ່ອຍລາບລື່ນນັ້ນ ມີຄວາມສ່ຽງທີ່ຈະເປັນເບົາຫວານນ້ອຍກວ່າ ອ້າງອີງຈາກງານວິໄຈຂອງ ມະຫາວິທະຍາໄລ Michigan State University ແລະ ເຖິງແມ່ນວ່າ ພວກເຂົາຈະມີອາການເບົາຫວານ ການຮັກສາ ກໍ່ມີີເປີເຊັນທີ່ຈະ ປະສົບຄວາມສຳເລັດກວ່າ ຊຶ່ງຄວາມດີຄວາມງານ ກໍ່ຄົງຈະຕ້ອງຍົກໃຫ້ເມຍ ຂອງພວກເຂົາ
Hui Liu ຫັວຫນ້າ ນັກວິໄຈກ່າວວ່າ ເຫດຜົນທີ່ ຜົນລັບອອກມາແບບນີ້ກໍ່ເປັນເພາະວ່າ ເມຍມັກຈະຄອຍຈັບຕາເບີ່ງຜົວ ຂອງໂຕເອງຢູ່ສະເຫມີ ຜົວຢູ່ໃສ ຜົວເຮັດວຽກຫຼືຍັງ ຜົວກິນຢາຫຼືຍັງ ຍີ່ງຖ້າຜົວມີອາການປ່ວຍແບບຫນັກໆ ຜູ້ເປັນເມຍ ກໍ່ຈະຕັ້ງໃຈດູແລເບີ່ງແຍງ ຜົວຂອງໂຕເອງຫຼາຍຂຶ້ນ ເພາະມັນມີຫລາຍຢ່າງທີ່ພວກເຂົາຕ້ອງພະຍາຍາມ ບໍລິຫານ ແລະ ຈັດການ
ແຕ່ເມື່ອເມຍເຂົ້າມາຫຍຸ້ງຫຼາຍໆ ອາດຈະເຮັດໃຫ້ ຜູ້ເປັນຜົວ ຮູ້ສຶກລຳຄານໄດ້ ຜົວອາດຈະຄິດຢູ່ໃນໃຈ ຈະຫຍຸ້ງຫຍັງກັນຫຼາຍປານນັ້ນ ແຕ່ຜູ້ເປັນຜົວຕ້ອງຢ່າລືມໄປວ່າ ເພາະເມຍເຫລົ່ານີ້ແຫລະ ທີ່ຈະທຳໃຫ້ຊີວິດເຈົ້າຍືດຍາວນານຂື້ນ
ງານວິໄຈອັນດຽວກັນນັ້ນ ບອກວ່າ ແຕ່ສຳລັບຜູ້ຍິງ ຫລື ເມຍນັ້ນ ສິ່ງທີ່ຈະເຮັດໃຫ້ຊີວິດຂອງພວກເຂົາຍືນຍາວຂຶ້ນນັ້ນ ກົງຂ້າມກັບຜູ້ຊາຍ ຜູ້ຍິງຕ້ອງມີຊີວິດທີ່ Happy ແລະ ມີຄວາມສຸກ ເຖິງຈະມີອາຍຸຍືນຍາວໄດ້ ຖ້າຜູ້ຍິງມີຊີວິດແຕ່ງງານທີ່ດີ ແລະ ມີຄວາມສຸກ ນັ້ນຈະສ່ຽງຕໍ່ການເປັນ ເບົາຫວານຫຼາຍຂຶ້ນ ຄວາມສຳພັນທີ່ດີ ຈະຊ່ວຍໃຫ້ສຸຂະພາບດີຂຶ້ນຫລາຍເທົ່າ
