ເຈົ້າບ່າວແສບຫາເງິນແຕ່ງເມຍ ລັກບັນຊີຄົນຖືກຫວຍ 12 ລ້ານ ຈັບແມ່ອ່ຽວດ້ວຍປອມຕົວເບິກເງິນ (ຄລິບ) – ສື່ລາວ.ຄອມ
Notice: Undefined index: slug in /home/suelaoco/public_html/wp-includes/class-wp-theme-json.php on line 1092
Connect with us

ຂ່າວຕ່າງປະເທດ

ເຈົ້າບ່າວແສບຫາເງິນແຕ່ງເມຍ ລັກບັນຊີຄົນຖືກຫວຍ 12 ລ້ານ ຈັບແມ່ອ່ຽວດ້ວຍປອມຕົວເບິກເງິນ (ຄລິບ)

Published

on

ຈາກກໍລະນີຕຳລວດ ຊຸດສືບສວນ ສພ.ໄທຈະເລີນຈັບຕົວທ້າວນິສິດ ໄຕພູມິ ອາຍຸ 23 ປີ ຄົນຮ້າຍທີ່ໄປກໍ່ເຫດງັດບ້ານຜູ້ໂຊກດີຖືກລອຕເຕີລີ່ 12 ລ້ານ ເມື່ອວັນທີ່ 19 ຕຸລາ 63 ແລະລັກສະມຸດບັນຊີ ພ້ອມທັ້ງບັດປະຊາຊົນຂອງຜູ້ຖືກລາງວັນໄປດ້ວຍ ກ່ອນທີ່ຄົນຮ້າຍຈະໃຫ້ ນາງວັນເພັນ ໄຕພູມິ ອາຢຸ 60 ປີ ແມ່ຂອງຜູ້ກໍ່ເຫດ ປອມເປັນເຈົ້າຂອງບັນຊີໄປເບີກເງິນສົດອອກມາ 2,900,000 ບາດ ຈົນຫມົດບັນຊີ ແລະເອົາເງິນໄປຊື້ລົດກະບະ ຊື້ທອງ ແຕ່ງງານຈ່າຍຄ່າສິນສອດໃຫ້ຝ່າຍຍິງແລະແບ່ງເງິນໃຫ້ແມ່ ກ່ອນຈະຖືກຈັບ

ວັນທີ່ 23 ຕຸລາ. 63 ທີມຂ່າວລົງພື້ນທີ່ບ້ານຂອງທ້າວນິສິດ ຫລືອ້ນ ຜູ້ກໍ່ເຫດ ຫມູ່ທີ່ 8 ຕ.ທຸ່ງແຕ້ ອ.ເມືອງ ຈ.ຍະໂສທອນ ບ້ານປິດງຽບ ຊາວບ້ານໃຫ້ຂໍ້ມູນວ່າ ຄອບຄົວນີ້ຖານະປານກາງທ້າວນິສິດມີອາຊີບເປັນຊ່າງໄຟຟ້າ ແລະຍ້າຍອອກຈາກຫມູ່ບ້ານໄປປະມານ 3 ປີທີ່ແລ້ວ ເພື່ອໄປຢູ່ກິນກັບແຟນສາວ ແຕ່ທັ້ງຄູ່ຫາກໍ່ຈັດງານແຕ່ງງານໄປເມື່ອວັນທີ່ 17 ຕຸລາ ທີ່ຜ່ານມາ

ສ່ວນຜູ້ເສຍຫາຍຄືທ້າວທອງອ່ອນ ອະນຸກູນປະຊາ ອາຍຸ 54 ປີ ແລະນາງຫມຸດ ອະນຸກູນປະຊາ ອາຍຸ 53 ປີ ຊຶ່ງຖືກລາງວັນທີ່ 1 ງວດວັນທີ່ 16 ກໍລະກະດາ 62 ຈຳນວນ 12 ລ້ານບາດ ຄົນຮ້າຍໄດ້ຊັບສິນໄປເປັນເງິນສົດ ສະມຸດຝາກເງິນທະນາຄານ 5 ຫົວ ພ້ອມສະໂນດທີ່ດິນ 2 ໃບ ເນື້ອທີ່ 9 ໄຮ່ ແລະ 7 ໄຮ່  ໂດຍມີການນຳເອົາສະມຸດຝາກເງິນທະນາຄານມີເງິນໃນບັນຊີ 2.9 ລ້ານບາດ ແລະບັດປະຊາຊົນເຈົ້າຂອງບັນຊີທີ່ລັກໄປແລ້ວຖອນເງິນທີ່ທະນາຄານຈົນປິດບັນຊີ

ແລະຈາກການກວດສອບພະຍານ ແລະຊາວບ້ານໃນຊຸມຊົນຊາບວ່າ ກ່ອນເກີດເຫດເຫັນລົດກະບະມາຈອດລັບ ໆ ລໍ້ ໆ ຢູ່ບໍລິເວນປ່າສຸດຫມູ່ບ້ານ ພາຍຫລັງກວດເຊັກຫາເຈົ້າຂອງລົດແລ້ວຮູ້ວ່າ ເຈົ້າຂອງລົດຄືທ້າວນິສິດ ເປັນຊ່າງໄຟຟ້າ ແລະຫາກໍ່ເຂົ້າພິທີແຕ່ງງານ

ຕຳລວດຈຶ່ງຕາມໄປບ້ານເຈົ້າສາວ ພົບທ້າວນິສິດ ຈຶ່ງເອີ້ນມາໂອ້ລົມໃນເບື້ອງຕົ້ນໄດ້ໃຫ້ການປະຕິເສດ ເຈົ້າຫນ້າທີ່ຕຳລວດຈຶ່ງຂໍກວດເບິ່ງໃນກະເປົາສະພາຍ ພົບສະມຸດທະນາຄານ ແລະບັດປະຈຳຕົວປະຊາຊົນຂອງຜູ້ເສຍຫາຍ ຈຶ່ງຄວບຄຸມຕົວມາສອບສວນທີ່ ສພ.ໄທຈະເລີນ

ພ້ອມຕາມຕົວນາງວັນເພັນ ໄຕພູມິ ອາຍຸ 60 ປີ ແມ່ຂອງທ້າວນິສິດ ແລະເປັນຜູ້ທີ່ໄປສະແດງຕົວວ່າເປັນນາງຫມຸດ ຜູ້ເສຍຫາຍຈົນເຈົ້າຫນ້າທີ່ທະນາຄານຫລົງເຊື່ອ ແລະໃຫ້ຖອນເງິນຈາກບັນຊີໃນຄາວດຽວກັນເຖິງຈຳນວນ 2.9 ລ້ານບາດ ນອກຈາກນີ້ມີການມັດຈຳລົດກະບະ 430,000 ບາດ ສ່ວນນາງວັນເພັນໄດ້ສ່ວນແບ່ງ 140,000 ບາດ ພ້ອມສ້ອຍທອງຄຳຫນັກ 2 ບາດ ເງິນຄ່າສິນສອດ 294,100 ບາດ ທອງຄຳຈາກເຈົ້າສາວຫນັກ 2 ບາດ ແລະນຳໄປເປິດບັນຊີໃຫມ່ ຝາກໄວ້ 1.9 ລ້ານບາດ

ໂດຍງານແຕ່ງຈັດຂຶ້ນທັ້ງບ້ານຝ່າຢຊາຍທີ່ ຈ.ຍະໂສທອນ ແລະບ້ານຂອງຝ່າຍຍິງທີ່ ຈ.ຮ້ອຍເອັດ ຊຶ່ງງານແຕ່ງຝັ່ງບ້ານຂອງຝ່າຍຍິງ ມີຂະບວນຂັນຫມາກໃຫຍ່ໂຕ ຊາວບ້ານຕ່າງກໍ່ສົງໄສວ່າທ້າວນິສິດຄືລ່ຳລວຍຜິດປົກກະຕິ ນາງວັນເພັນ ແມ່ຂອງທ້າວນິສິດ ອະທິບາຍວ່າລູກຊາຍປະມູນງານໃຫຍ່ມາໄດ້ຈຶ່ງໄດ້ເງິນກ້ອນໃຫຍ່ມາໃຊ້ຈ່າຍ

ທ່ານສູນ ທະນາຄຸນ ຜູ້ໃຫຍ່ບ້ານ ມ.8 ຕ.ທຸ່ງແຕ້ ອ.ເມືອງ ຈ.ຍະໂສທອນ ເປີດເຜີຍວ່າ ຕົນເພິ່ງຣູ້ຂ່າວວ່າ ທ້າວນິສິດຖືກຈັບກຸມມື້ວານນີ້ ກໍ່ຮູ້ສຶກຕົກໃຈ ຄອບຄົວນີ້ໃຊ້ຊີວິດຕາມປົກກະຕິ ທ້າວນິສິດບໍ່ໄດ້ຢູ່ໃນຫມູ່ບ້ານ ດົນໆ ຈະກັບມາຫາແມ່

ກ່ອນຫນ້ານີ້ ນາງວັນເພັນ ແມ່ຂອງທ້າວນິສິດ ມາເຊີນໄປງານແຕ່ງລູກຊາຍ ແລະໄດ້ເອາກາດແຕ່ງງານມາໃຫ້ ໂດຍງານແຕ່ງທີ່ບ້ານຂອງທ້າວນິສິດກໍ່ຈັດແບບທຳມະດາບໍ່ໄດ້ໃຫຍ່ໂຕ ຊຶ່ງຕົນເອງບໍ່ໄດ້ໄປຮ່ວມງານ ແຕ່ໃຫ້ພັນລະຍາໄປແທນ

Continue Reading

ຂ່າວຕ່າງປະເທດ

ຟ້າຝ່າລົງແທງເກັບນໍ້າມັນໃນຄິວບາ ເຮັດໃຫ້ເກີດລະເບີດ 4 ແທງ

Published

on

ໃນວັນທີ 7 ສິງຫາ 2022 AFP ລາຍງານວ່າ: ໄດ້ເກີດເຫດຟ້າຝ່າລົງໃສ່ຄັງນໍ້າມັນຂະໜາດໃຫ່ຍ ໃນແຂວງມາຕັນຊັສ ປະເທດຄິວບາ ໃນຄໍ່າຄືນວັນສຸກທີ່ 5 ສິງຫາ 2022 ເບື້ອງຕົ້ນມີຜູ້ເສຍຊີວິດຢ່າງນ້ອຍ 1 ຄົນ, ບາດເຈັບ 121 ຄົນໃນນີອາການສາຫັດ 5 ຄົນ, ສູນຫາຍ 17 ຄົນ

ເປັນເຈົ້າໜ້າທີ່ດັບເພີງ ທາງການຕ້ອງປະກາດອົບພະຍົບປະຊາຊົນ 1,900 ຄົນໃນພື້ນທີ່ໃກ້ຄຽງເນືື່ອງຈາກໄຟໄດ້ລຸກລາມໄປຍັງຄັງເກັບນໍ້າມັນທີສອງແລ້ວ ສະຫະພາບນໍ້າມັນຄິວບາເປີດເຜີຍວ່າ:

ຄັງນໍ້າມັນທີ່ຖືກຟ້າຝ່ານັ້ນບັນຈຸນໍ້າມັນຂະໜາດ 26,000 ລູກບາດແມັດ ແລະມີນໍ້າມັນດິບຢູ່ໃນຄັງເຄິ່ງໜື່ງສ່ວນຄັງນໍ້າມັນທີ່ສອງບັນຈຸນໍ້າມັນ 52,000 ລູກບາດແມັດ

……..

….

….

…..

….

ຂ່າວອ້າງອີງຈາກ: ຂ່າວສານຕ່າງປະເທດ

Continue Reading

ຂ່າວຕ່າງປະເທດ

ຂ່າວສຸດເສົ້າ ເຫດໄຟໄໝ້ເທັກ ເສຍຊີວິດ 13ຄົນ ບາດເຈັບ 41 ຄົນ(ມີຄລິບ)

Published

on

ຂ່າວໄທ ເວລາ​ 1:25.ນາທີຂອງວັນທີ 5 ສິງຫາ​ 2022​ ນີ້ ເກີດເຫດໄຟໄໝ້ຮ້ານບັນເທີງ (ເທັກ) Mountain B ຢູ່ອຳເພີສັດຕະຫີບ ຈັງຫວັດ​ຊົນບູລີ ຂອງໄທ​ ເບື້ອງຕົ້ນມີຜູ້ໄດ້ຮັບບາດເຈັບ 41 ຄົນ,​ ເສຍຊີວິດ​ 13​ ຄົນ​ (ຍິງຄົນ).

ອາຄານທີ່ເກີດໄຟໄໝ້ເປັນຮ້ານບັນເທີງຊັ້ນດຽວ ເຈົ້າໜ້າທີ່​ໃຊ້ເວລາ​ 2 ຊົວໂມງກວ່າຈຶ່ງສາມາດຄວບຄຸມໄຟໄດ້.

ສ່ວນສາເຫດຂອງການເກີດອັກຄີໄພຄັ້ງນີ້ຍັງຢູ່ໃນຂັ້ນຕອນການສືບສວນ.

….

ຄລິບ

ຂໍ້ມູນຈາກເພຈ: กู้ภัยสว่างโรจธรรมสถาน​ สัตหีบ

Continue Reading

ຂ່າວຕ່າງປະເທດ

ຈີນ ໃຫ້ທັດທະນະກ່ຽວກັບອາເມຣິກາລ່ວງລ້ຳອະທິປະໄຕຂອງຈີນ

Published

on

ສຳນັກຂ່າວ CRI ລາຍງານວ່າ ວັນທີ 3 ສິງຫາ2022, ທ່ານຫວາງຢີ້ ທີ່ປຶກສາແຫ່ງລັດ ທັງເປັນລັດຖະມົນຕີກະຊວງການຕ່າງປະເທດຈີນໄດ້ໃຫ້ທັດສະນະກ່ຽວກັບອາເມຣິກາລ່ວງລ້ຳອະທິປະໄຕຂອງຈີນ.

ທ່ານຫວາງຢີ້ກ່າວວ່າ: ທ່ານນາງແນນຊີ ເປໂລຊີ ປະທານສະພາຕ່ຳອາເມຣິກາບໍ່ເອົາຫົວຊາຕໍ່ການປະທ້ວງຢ່າງເຄັ່ງຂຶມຂອງຝ່າຍຈີນ, ໂດຍໄດ້ເດີນທາງຢ້ຽມຢາມເຂດໄຕ້ຫວັນຂອງຈີນຢ່າງບັງອາດ. ການກະທຳແບບນີ້ ໄດ້ຝ່າຝືນຫຼັກການປະເທດຈີນດຽວຢ່າງໜັກໜ່ວງ, ເປັນການລ່ວງລ້ຳອະທິປະໄຕ ຂອງຈີນໂດຍເຈດຕະນາ.

ສິ່ງນີ້ໄດ້ພິສູດໃຫ້ເຫັນອີກຄັ້ງໜຶ່ງວ່າ ນັກການເມືອງຈຳນວນໜຶ່ງຂອງອາເມຣິກາໄດ້ກາຍເປັນຜູ້ກໍ່ຄວາມຫຍຸ້ງຍາກໃຫ້ກັບການພົວພັນຈີນ-ອາເມຣິກາ, ອາເມຣິກາໄດ້ກາຍເປັນຜູ້ທຳລາຍສັນຕິພາບແລະສະຖຽນລະພາບຂອງຊ່ອງແຄບໄຕ້ຫວັນຢ່າງຮ້າຍແຮງທີ່ສຸດ.

ທ່ານຫວາງຢີ້ເນັ້ນໜັກວ່າ: ສິ່ງທີ່ເຮັດໃຫ້ຊ່ອງແຄບໄຕ້ຫວັນຮັກສາສັນຕິພາບ ແລະສະຖຽນລະພາບນັ້ນແມ່ນຫຼັກການປະເທດຈີນດຽວ, ແນວປ້ອງກັນອັນແທ້ຈິງ ທີ່ເຮັດໃຫ້ຈີນແລະອາເມຣິກາຢູ່ຮ່ວມກັນໂດຍສັນຕິນັ້ນແມ່ນຖະແຫຼງການຮ່ວມ 3 ສະບັບລະຫວ່າງຈີນ-ອາເມຣິກາ. ການທີ່ເພິ່ງອີງອາເມຣິກາເພື່ອສະແຫວງ ຫາຄວາມເປັນເອກະລາດນັ້ນ ເປັນທາງຕັນສາຍໜຶ່ງ, ກົນອຸບາຍທີ່ສວຍ ໃຊ້ບັນຫາໄຕ້ຫວັນເພື່ອຄວບຄຸມຈີນນັ້ນ ຕ້ອງປະສົບຄວາມລົ້ມເຫຼວແນ່ນອນ.

ຢູ່ຕໍ່ໜ້າຜົນປະໂຫຍດລວມຂອງຊາດແຫ່ງຄວາມເປັນເອກະພາບຂອງຊາດ, ຄົນຈີນມີຄວາມກ້າຫານທີ່ບໍ່ເຊື່ອໃນຄຳຫຼອກລວງແລະບໍ່ຢ້ານກົວຕໍ່ການນາບຂູ່, ມີຈິດໃຈທີ່ເຂັ້ມແຂງບໍ່ສາມມາດຂົ່ມຂູ່ແລະກົດດັນໄດ້, ມີຄວາມຕັດສິນໃຈທີ່ ສາມັກຄີຮ່ວມແຮງຮ່ວມໃຈກັນເປັນກຳລັງທີ່ເຂັ້ມແຂງບໍ່ສາມາດເອົາຊະນະໄດ້, ຍິ່ງມີຄວາມສາມາດໃນການເດັດດ່ຽວປົກປ້ອງອະທິປະໄຕແລະກຽດສັກສີຂອງຊາດ.

Continue Reading
ເດືອນສິງຫາ 2022
ເສົາ ​ອາ ​ຈ ​ພ​ຫ ​ສ
 12345
6789101112
13141516171819
20212223242526
2728293031  

Trending

ທ່ານບໍ່ມີສິດສຳເນົາ ບົດຄວາມນີ້ໄດ້ ສົນໃຈບົດຄວາມຕິດຕໍ່ ຜູ້ດູແລລະບົບຖ້າສົນໃຈບົດຄວາມນີ້