ເນັ້ນໃຫ້ພະນັກງານລັດຖະກອນສ້າງລາຍຮັບນອກໂມງລັດຖະການໃຫ້ຫລາຍຂື້ນ – ສື່ລາວ.ຄອມ
Connect with us

ຂ່າວພາຍໃນ

ເນັ້ນໃຫ້ພະນັກງານລັດຖະກອນສ້າງລາຍຮັບນອກໂມງລັດຖະການໃຫ້ຫລາຍຂື້ນ

Published

on

ຫ້ອງວ່າການສໍານັກງານນາຍົກລັດຖະມົນຕີ ໄດ້ຈັດກອງປະຊຸມແລກປ່ຽນບົດຮຽນກ່ຽວກັບການສ້າງເສດຖະກິດຄອບຄົວນອກໂມງລັດຖະການ ແລະ ການເຂົ້າເຖິງແຫຼ່ງທຶນຂອງສະມາຊິກສາມອົງການຈັດຕັ້ງມະຫາຊົນ ຂອງຫ້ອງວ່າການວ່າການສໍານັກງານາຍົກລັດຖະມົນຕີ,

ໂດຍການເປັນປະທານຂອງ ສະຫາຍ ຄໍາລາວັນ ຈັນທະລາວັນ ຮອງເລຂາຄະນະພັກ, ຮອງລັດຖະມົນຕີ, ຮອງຫົວໜ້າຫ້ອງວ່າການສໍານັກງານນາຍົກລັດຖະມົນຕີ ຜູ້ຊີ້ນໍາສະຫະພັນກຳມະບານຂອງຫ້ອງວ່າການສຳນັກງານນາຍົກລັດຖະມົນຕີ; ມີບັນດາສະມາຊິກສາມອົງການຈັດຕັ້ງມະຫາຊົນທົ່ວ ຫສນຍ ແລະ ແຂກຖືກເຊີນຈາກທະນາຄານຊາຄອມແບງ ເຂົ້າຮ່ວມ.

ໃນກອງປະຊຸມ, ສະຫາຍ ປອ ເຂີງຄໍາ ແກ້ວໜູຈັນ ປະທານສະຫະພັນກຳມະບານ ຫ້ອງວ່າການສໍານັກງານນາ ຍົກລັດຖະມົນຕີ ຕາງໜ້າໃຫ້ສາມອົງການຈັດຕັ້ງມະຫາຊົນ ໄດ້ກ່າວຈຸດປະສົງຂອງການຈັດກອງປະຊຸມແລກປ່ຽນບົດ ຮຽນໃນຄັ້ງນີ້ ເຊິ່ງກໍ່ເພື່ອເປັນການສ້າງຂະບວນການຂໍ່ານັບຮັບຕ້ອນກອງປະຊຸມໃຫຍ່ ຄັ້ງທີ XI ຂອງພັກປະຊາຊົນປະຕິ ວັດລາວ ແລະ ກອງປະຊຸມໃຫຍ່ ຄັ້ງທີ V ຂອງອົງຄະນະພັກຫ້ອງວ່າການສໍານັກງານນາຍົກລັດຖະມົນຕີ

ເພື່ອສ້າງຄວາມສາມາດ ແລະ ທ່າແຮງຂອງພະນັກງານ-ລັດຖະກອນ ພາຍໃນ ຫສນຍ ໃນການສ້າງລາຍຮັບເສີມໃຫ້ແກ່ຄອບຄົວ ໂດຍບໍ່ສົ່ງຜົນກະທົບຕໍ່ການເຮັດວຽກທາງລັດຖະການ ກໍ່ຄື ການປະຕິບັດໜ້າທີ່ຄວາມຮັບຜິດຊອບຂອງຕົນ, ບໍ່ຂັດກັບກົດໝາຍ ແລະ ລະບຽບການ, ສອດຄ່ອງກັບແນວທາງນະໂຍບາຍຂອງພັກ ແລະ ລັດຖະບານ ເພື່ອຊຸກຍູ້ສົ່ງເສີມການຜະລິດເປັນສິນຄ້າ ແນໃສ່ສ້າງຄວາມເຂັ້ມແຂງ ແລະ ກຸ້ມຕົນເອງໃຫ້ແກ່ພະນັກງານລັດຖະກອນ.

ສໍາລັບບົດຮຽນທີ່ນໍາມາແລກປ່ຽນໃນກອງປະຊຸມ ຄັ້ງນີ້ ປະກອບມີ: 1). ຕົ້ນທຶນຄວາມຮູ້ໃນການສ້າງໂອກາດໃນການສ້າງລາຍຮັບຈາກການສອນເພີ່ມນອກໂມງລັດຖະການ; 2). ການຈັດການຮ້ານໝີ່ ແລະ ແຮງບັນດານໃຈໃນການປະກອບການ; 3). ຄວາມພະຍາຍາມໃນການປະກອບອາຊີບ

ໂດຍການຂາຍສິ້ນທີ່ເປັນຫັດຖະກໍາລາວ ແລະ ການດຳເນີນທຸລະກິດຮ້ານກາເຟ; 4). ການລ້ຽງດ້ວງຕົ້ນພ້າວ ແລະ ການລ້ຽງກົບ; 5). ການປູກເຫັດເປັນສິນຄ້າ; 6). ການປູກໜໍ່ໄມ້ ແລະ ການລ້ຽງປາ; 7). ການປູກຜັກປອດສານຜິດ. ນອກນັ້ນ, ກອງປະຊຸມ ຍັງໄດ້ຮັບຟັງການສະເໜີຂໍ້ມູນກ່ຽວກັບການເຂົ້າເຖິງແຫຼ່ງທຶນ ຈາກຜູ້ຕາງໜ້າທະນາຄານຊາຄອມແບງຕື່ມອີກ.

ໂອກາດດັ່ງກ່າວ, ສະຫາຍ ຄໍາລາວັນ ຈັນທະລາວັນ ໄດ້ສະແດງຄວາມຍ້ອງຍໍຊົມເຊີຍ ຕໍ່ສາມອົງການຈັດຕັ້ງມະ ຫາຊົນ ກໍ່ຄື ພະນັກງານ-ລັດຖະກອນ ຫສນຍ ທີ່ໄດ້ນໍາບົດຮຽນທີ່ດີໃນການສ້າງລາຍຮັບນອກໂມງລັດຖະການ ມາແລກປ່ຽນັໃຫ້ບັນດາພະນັກງານ-ລັດຖະກອນ ໄດ້ນໍາໄປໝູນໃຊ້ເພື່ອສ້າງລາຍຮັບໃຫ້ຄອບຄົວຕົນເອງ ເປັນຕົ້ນແມ່ນ ການປູກ, ການລ້ຽງ, ການດໍາເນີນທຸລະກິດ ແລະ ອື່ນໆ.

ພ້ອມດຽວກັນນີ້, ຍັງໄດ້ມີຄໍາເຫັນ ແລະ ເນັ້ນໜັກໃຫ້ຜູ້ເຂົ້າຮ່ວມກອງປະຊຸມ ໂດຍສະເພາະ ສາມອົງການຈັດຕັ້ງມະຫາຊົນ ສືບຕໍ່ສ້າງເງື່ອນໄຂ ແລະ ຊຸກຍູ້ສົ່ງເສີມໃຫ້ພະນັກງານພາຍໃນ ຫສນຍ ສາມາດສ້າງເສດຖະກິດຄອບຄົວນອກໂມງລັດຖະການ ໃຫ້ຫຼາຍຂຶ້ນ.

ນອກນັ້ນ ໃຫ້ປະສານສົມທົບກັບບັນດາສະຖາບັນ, ມະຫາວິທະຍາໄລແຫ່ງຊາດ ແລະ ຂະແໜງການທີ່ກ່ຽວຂ້ອງ ເພື່ອມາໃຫ້ຂໍ້ມູນ, ບົດຮຽນຄວາມຮູ້ ແລະ ເຕັກນິກດ້ານວິຊາການ ຕື່ມ ໃນດ້ານການປູກ, ການລ້ຽງ ແລະ ເຕັກນິກໃນການບໍລິຫານຕ່າງໆ, ສຳຄັນ ໃຫ້ເອົາໃຈໃສ່ໃນການຊຸກຍູ້ສົ່ງເສີມ ໃຫ້ພະນັກງານ-ລັດຖະກອນ ໄດ້ເຂົ້າເຖິງແຫຼ່ງທຶນໃຫ້ຫຼາຍຂຶ້ນ.

ຂ່າວ: ຫສນຍ

Continue Reading

ຂ່າວພາຍໃນ

ລັດຖະມົນຕີ ເວົ້າເດັດຂາດ ຈະເຄັ່ງຄັດ ຄວາມປອດໄພຂຶ້ນເຕື່ມ

Published

on

By

ທ່ານ ພົອ ວິໄລ ຫຼ້າຄໍາຟອງ ກໍາມະການກົມການເມືອງ ສູນກາງພັກ, ຮອງ ນາຍົກລັດຖະມົນຕີ, ລັດຖະມົນຕີກະຊວງປ້ອງກັນ ຄວາມສະຫງົບ ລົງ ເຄື່ອນໄຫວຊີ້ນໍາວຽກງານປ້ອງກັນຄວາມສະຫງົບ ຢູ່ເຂດເສດຖະກິດ ພິເສດສາມຫຼ່ຽມ-ຄໍາ ພ້ອມເນັ້ນຢໍ້າໃຫ້ພາກສ່ວນ ທີ່ກ່ຽວຂ້ອງ ໃຫ້ຄວາມ ສໍາຄັນກັບວຽກງານຄວາມສະຫງົບໃນຂົງເຂດ ດັ່ງກ່າວຫຼາຍຂຶ້ນ.

ໃນວັນທີ 28 ມັງກອນ 2023, ທ່ານ ພົອ ວິໄລ ຫຼ້າຄໍາຟອງ ກໍາມະການກົມ ການເມືອງສູນກາງພັກ, ຮອງນາຍົກລັດຖະມົນຕີ, ລັດຖະມົນຕີ ກະຊວງ ປ້ອງກັນຄວາມສະຫງົບ ພ້ອມດ້ວຍຄະນະ ເຄື່ອນໄຫວຊີ້ນໍາວຽກງານ ປ້ອງກັນຄວາມສະຫງົບ ຢູ່ເຂດເສດຖະກິດພິເສດ ເມືອງຕົ້ນເຜີ້ງ ແຂວງບໍ່ ແກ້ວ,

ໂດຍການຕ້ອນຮັບຂອງ ທ່ານ ຈ້າວເຫີວຍ ປະທານສະພາຜູ້ ບໍລິຫານເຂດເສດຖະກິດພິເສດ ສາມຫຼ່ຽນຄໍາແຂວງບໍ່ແກ້ວ, ມີບັນດາ ການນໍາພັກແຂວງ, ຫົວຫນ້າ-ຮອງຫົວຫນ້າຫ້ອງວ່າການແຂວງ, ເຈົ້າເມືອງ, ກອງບັນຊາການປ້ອງກັນຊາດ-ປ້ອງກັນຄວາມສະຫງົບ ແລະ ຄະນະພັກ, ຄະນະຄຸ້ມຄອງເຂດເສດຖະກິດພິເສດ ເຂົ້າຮ່ວມ.

ໂອກາດດັ່ງກ່າວ ທ່ານ ພົອ ວິໄລ ກໍໄດ້ມີຄໍາເຫັນໂອ້ລົມຊີ້ນໍາຕໍ່ ຄະນະ ຄຸ້ມຄອງເຂດເສດຖະກິດພິເສດ ຈົ່ງພ້ອມກັນພັດທະນາເຂດເສດຖະກິດ ພິເສດໃຫ້ກາຍເປັນຕົວເມືອງທີ່ທັນສະໄຫມ, ມີພື້ນຖານເສດຖະກິດທີ່ເຂັ້ມ ແຂງ, ສັງຄົມມີຄວາມສີວິໄລຍຸຕິທໍາ, ເປັນສູນການຄ້າ-ການລົງທຶນ,ສາມາດກາຍເປັນແຫຼ່ງທ່ອງທ່ຽວລະດັບອາຊຽນ.

ພິເສດແມ່ນໃຫ້ມີຄວາມ ສະຫງົບ, ມີຄວາມປອດໄພ, ແຕ່ສິ່ງສໍາຄັນຕ້ອງຕິດພັນກັບ ຮ່ອງຮ້ອຍ ປະຫວັດສາດ, ຮີດຄອງວັດທະທໍາອັນເກົ່າແກ່ ແລະ ສ້າງໃຫ້ເຂດດັ່ງກ່າວ ກາຍເປັນການຄຸ້ມຄອງບໍລິຫານຕາມກົນໄກ ຕາມຫົວຫນ່ວຍບໍລິຫານໃນ ເງື່ອນໄຂເສດຖະກິດ ມີການເຕີຍໃຫຍ່ຂະຫຍາຍຕົວ, ເຂດພິເສດ ຕ້ອງໄດ້ ຍົກລະດັບການຄຸ້ມຄອງໃຫ້ສູງຂຶ້ນ

ໂດຍມອບໃຫ້ສູນກາງປະສານສົມທົບ ກັບທ້ອງຖິ່ນ ພ້ອມກັນຈັດຕັ້ງປະຕິບັດ, ສ້າງເປັນຫນ່ວຍງານຫນຶ່ງຄຸ້ມຄອງ ບໍລິຫານເຂດພິເສດ ເພື່ອແກ້ໄຂສະພາບທີ່ເກີດຂຶ້ນໃຫ້ທັນເວລາ ເພື່ອໃຫ້ ກາຍເປັນເມືອງທີ່ມີຄວາມສະຫງົບ, ທັນສະໄຫມ, ເປັນບ່ອນພັກຜ່ອນ, ທີ່ມີ ຄວາມເປັນລະບຽບຮຽບຮ້ອຍ, ສະຫງົບປອດໄພ, ກາຍເປັນເຂດພິເສດທີ່ ເປັນເຂດຕົວແບບ ແລະ ຄຸ້ມຄອງໃຫ້ມີປະສິດທິຜົນທີ່ດີຂຶ້ນກວ່າເກົ່າ.

ໂດຍໃນປີ 2022 ທີ່ຜ່ານມາ ສໍາລັບວຽກງານ ປ້ອງກັນຄວາມສະຫງົບ ໃນ ເຂດເສດຖະກິດພິເສດ ສາມຫຼ່ຽມຄໍາ ໄດ້ມີປະກົດການຫຍໍ້ທໍ້ເກີດຂຶ້ນ ທັງຫມົດ 153 ເລື່ອງ, x`ແກ້ໄຂໄດ້ທັງຫມົດ 107 ເລື່ອງ, ສົ່ງໃຫ້ ປກສ ແຂວງ ດໍາເນີນ 27 ເລື່ອງ ແລະ ຄະດີພວມດໍາເນີນແກ້ໄຂມີ 19 ເລື່ອງ.

ທີ່ມາ: ວຽງຈັນທາຍ

Continue Reading

ຂ່າວພາຍໃນ

ຮູ້ແລ້ວ ຍ້ອນສາເຫດນີ້ ຍິ ງ ກັນຕ າ ຍ 2 ຄົນເມືອງປາກງື່ມ

Published

on

By

ຂໍສະແດງຄວາມເສຍໃຈນຳຍາດຜູ້ເສຍຊີວິດ ເຫດ ຍິ ງ ກັ ນທີ່ເມືອງປາກງື່ມ.

ຕາມການລາຍງານຂອງ ໜ່ວຍກູ້ໄພອາສາເພື່ອປະຊາຊົນ ໃຫ້ຮູ້ວ່າ ໃນວັນທີ 1/2/2023 ເວລາ 13:30 ນາທີ ມີຄົ ນ ຍິ ງ ກັ ນເສຍຊີວິດ

ຈຸດເກີດເຫດທີ່ບ້ານໄຮ່ ເມືອງປາກງື່ມ ນະຄອນຫຼວງວຽງຈັນ.ໃນບໍລິເວນເກີດເຫດ ມີຜູ້ປະສົບເຫດ2ຄົນເພດຊາຍ, ຜູ້ທີ່ 1 ເພດຍິງ ຖື ກ ຍິ ງ ເສຍຊີວິດຄາທີ່ ແລະ ຜູ້ທີ 2 ເພດຊາຍ ເສຍຊີວິດຢູ່ໂຮງໝໍ.

ປັດຈຸບັນເຈົ້າໜ້າທີ່ກຳລັງກວດສອບ ຖ້າມີຂໍ້ມູນເພີ່ມເຕີມຈະລາຍງານໃນພາຍຫຼັງ.

Continue Reading

ຂ່າວພາຍໃນ

ຈັດໜັກ!ສາວງາມປາຕີ້ ມົ້ວສຸຸມປູມເປົ້າ 14ຄົນ ໄປສຶກສາອົບຮົມ

Published

on

By

ຈັດໜັກໃສ່ແກ້ງໄວລຸ້ນມັກມ່ວນ! ປກສ ນະຄອນໄກສອນ ໄດ້ນຳຕົວກຸ່ມໄວໜຸ່ມປາຕີ້ ມົ້ວສຸມຢາເສບຕິດ ສູບປູມເປົ້າ ຈຳນວນ 14 ຄົນ ໄປສຶກສາອົບຮົມ

ພັທ ຄຳສີ ທູນທະວົງສັກ ຫົວໜ້າກອງບັນຊາການ ປກສ ນະຄອນໄກສອນພົມວິຫານ ໄດ້ລາຍງານໃຫ້ຮູ້ວ່າ:

ວັນທີ 16 ມັງກອນ 2023 ຜ່ານມານີ້ ເຈົ້າໜ້າທີ່ ກອງບັນຊາການ ປກສ ນະຄອນໄກສອນ

ໄດ້ນຳຕົວກຸ່ມໄວໜຸ່ມປາຕີ້ ມົ້ວສຸມຢາເສບຕິດ ສູບປູມເປົ້າ ຈຳນວນ 14 ຄົນ ໄປສຶກສາອົບຮົມ ແລະ ຕັກເຕືອນ

Continue Reading
ເດືອນກຸມພາ 2023
ເສົາ ​ອາ ​ຈ ​ພ​ຫ ​ສ
 123
45678910
11121314151617
18192021222324
25262728  

Trending

ທ່ານບໍ່ມີສິດສຳເນົາ ບົດຄວາມນີ້ໄດ້ ສົນໃຈບົດຄວາມຕິດຕໍ່ ຜູ້ດູແລລະບົບຖ້າສົນໃຈບົດຄວາມນີ້