ກໍ່ເຫດດຶງກະເປົ໋າປະຊາຊົນແຕ່ຫນີບໍ່ລອດ

ໃນວັນທີ 13 ຕຸລາ 2020 ນີ້ພະແນກຕຳຫຼວດສືບສວນ-ສອບສວນ ປກສ ແຂວງໄດ້ລົງທຳແຜນຈຳຮອງປະກອບຄຳຮັບສາລະພາບ ໃນລາຍຄະດີ #ຍາດຊິງຊັບ ( ດືງກະເປົາ ) ຢູ່ທີ່ຄ້າຍຄຸມຂັງ – ດັດສ້າງ ປກສ ແຂວງຄຳມ່ວນ ທ່ານ ພັຕ ວັນຄຳ ເດດຂຸນຟອງ ຮອງຫົວໜ້າພະແນກຕຳຫຼວດສືບສວນ – ສອບສວນ ປກສ ແຂວງໃຫ້ຮູ້ວ່າ :

ໃນວັນທີ 06 ພຶດສະພາ 2020 ເວລາປະມານ 21 ໂມງ ທາງເຈົ້າຫນ້າທີ່ຕໍາຫຼວດຈະລະຈອນ ປກສ ແຂວງ ຄໍາມ່ວນ ປະຈໍາຈຸດກວດກາຂອບເຂດບ້ານຖ້ຳນາເສ ເມືອງທ່າແຂກ, ແຂວງຄໍາມ່ວນ ໄດ້ຮັບແຈ້ງຄວາມຈາກ ນາງ ໂນລາ ມວນລະດີ ຢູ່ບ້ານ ດົງບູນ ເມືອງໜອງບົກ ປະຈຸບັນຢູ່ບ້ານ ດອນເຄື່ອນຊ້າງ ເມືອງທ່າແຂກ ແຂວງຄຳມ່ວນ ( ຜູ້ເສຍຫາຍ) ວ່າ: ຕົນເອງພ້ອມດ້ວຍໜູ່ 2 ຄົນ ໄດ້ຂີ່ລົດຈັກ ຊ້ອນສາມ

ເພື່ອຈະໄປເມືອງມະຫາໄຊ ແຂວງຄຳມ່ວນ ໃນຂະນະເດີ່ນທາງໄປນ້ັ້ນ ໄດ້ມີຄົນຮ້າຍຈໍານວນ 01 ຄົນ ຂີ່ລົດຈັກບໍ່ຮູ້ຍີ່ຫໍ້ ສີດໍາ ບໍ່ມີປ້າຍທະຽນ ໄດ້ຂັບຂີ່ລົດມາຮຽງຂ້າງແລ້ວໄດ້ດຶງເອົາກະເປົາ ຂອງ ນາງ ດາວວອນ ( ເຊີ່ງເປັນໝູ່ທີ່ມານຳກັນ ) ຢູ່ຕໍ່ຫນ້າ ປ້ຳນ້ຳມັນ ຂອບເຂດບ້ານດົງມ່ວງໄຂ່, ເມືອງທ່າແຂກ, ແຂວງຄໍາມ່ວນ ແລ້ວ ເອົາຕົວຫຼົບຫນີ, ເຊີ່ງເຄື່ອງຂອງໃນກະເປົາທີ່ຄົນຮ້າຍເອົາໄປນັ້ນປະກອບມີ : ໂທລະສັບຍີ່ຫໍ້ໄອໂຟນ 06 ພາດ ຈຳນວນ 01 ຫນ່ວຍ, ສາຍແຂນເງີນ 01 ເສັ້ນ, ແຫວນເງິນ 01 ວົງ ແລະ ເຄື່ອງສໍາອາງອີກຈໍານວນຫນຶ່ງ.

ເພື່ອຈະໄປເມືອງມະຫາໄຊ ແຂວງຄຳມ່ວນ ໃນຂະນະເດີ່ນທາງໄປນ້ັ້ນ ໄດ້ມີຄົນຮ້າຍຈໍານວນ 01 ຄົນ ຂີ່ລົດຈັກບໍ່ຮູ້ຍີ່ຫໍ້ ສີດໍາ ບໍ່ມີປ້າຍທະຽນ ໄດ້ຂັບຂີ່ລົດມາຮຽງຂ້າງແລ້ວໄດ້ດຶງເອົາກະເປົາ ຂອງ ນາງ ດາວວອນ ( ເຊີ່ງເປັນໝູ່ທີ່ມານຳກັນ ) ຢູ່ຕໍ່ຫນ້າ ປ້ຳນ້ຳມັນ ຂອບເຂດບ້ານດົງມ່ວງໄຂ່, ເມືອງທ່າແຂກ, ແຂວງຄໍາມ່ວນ ແລ້ວ ເອົາຕົວຫຼົບຫນີ, ເຊີ່ງເຄື່ອງຂອງໃນກະເປົາທີ່ຄົນຮ້າຍເອົາໄປນັ້ນປະກອບມີ : ໂທລະສັບຍີ່ຫໍ້ໄອໂຟນ 06 ພາດ ຈຳນວນ 01 ຫນ່ວຍ, ສາຍແຂນເງີນ 01 ເສັ້ນ, ແຫວນເງິນ 01 ວົງ ແລະ ເຄື່ອງສໍາອາງອີກຈໍານວນຫນຶ່ງ.

ເມື່ອຜູ້ເສຍຫາຍເຫັນແນວນັ້ນ ຈຶ່ງເກີດມີການຕໍ່ສູ້ກັນ ແລະ ໄດ້ຍາດດຶງເອົາກະເປົາຂອງຕົນຄືນມາໄດ້ ແຕ່ເຮັດໃຫ້ລົດຂອງຕົນລົ້ມລົງ ສ່ວນຜູ້ກໍ່ເຫດແມ່ນໄດ້ເອົາຕົວລົບໜີໄປ.

ພາຍຫຼັງໄດ້ຮັບແຈ້ງຄວາມແລ້ວຕໍ່ມາທາງເຈົ້າຫນ້າທີ່ວິຊາສະເພາະ ຈຶ່ງໄດ້ປະສານສົມທົບກັບພາກສ່ວນທີ່ກ່ຽວຂ້ອງ ລົງຕິດຕາມກວດກາຂໍ້ມູນຫຼັກຖານ. ຜ່ານການສອບສວນພະຍານບຸກຄົນ ແລະ ເກັບກຳຂໍ້ມູນຫຼັກຖານຢ່າງລະອຽດຈະແຈ້ງ ຈື່ງສາມາດສະຫຼຸບໄດ້ວ່າ : ຜູ້ລົງມືກໍ່ເຫດຊິງຊັບຄັ້ງນີ້ແມ່ນ :

ທ້າວ ຄໍາຮູ້ ທໍາມະຈັກ (ແງ້) ອາຍຸ 29 ປີ ອາຊີບກຳມະກອນ ຢູ່ບ້ານຫ້ວຍນາງລີ້ ເມືອງທ່າແຂກ ແຂວງຄຳມ່ວນ, ຕໍ່ມາວັນທີ 09 ກໍລະກົດ 2020 ທາງເຈົ້າຫນ້າທີ່ພະແນກຕໍາຫຼວດສືບສວນ-ສອບສວນ ປກສ ແຂວງ ຈຶ່ງໄດ້ປະສານສົມທົບກັບເຈົ້າຫນ້າທີ່ພະແນກຕໍາຫຼວດສືບຂ່າວອາຍາ ປກສ ແຂວງ ເຂົ້າກັກຕົວ ທ້າວ ຄໍາຮູ້ ທໍາມະຈັກ ໄດ້ຢູ່ທີ່ເຮືອນຂອງຜູ້ກ່ຽວ ມາດໍາເນີນຄະດີຕາມຂັ້ນຕອນຂອງກົດຫມາຍ.

ຜ່ານການສອບສວນຂອງເຈົ້າໜ້າທີ່ວິຊາສະເພາະ ທ້າວ ຄຳຮູ້ ທຳມະຈັກ ແມ່ນຮັບສາລະພາບວ່າໄດ້ລົງມືກະທຳຜິດແທ້ ໃນການຍາດຊິງຊັບ ( ດືງກະເປົາ ) ດັ່ງນັ້ນທາງເຈົ້າໜ້າທີ່ ທີ່ກ່ຽວຂ້ອງຈື່ງໄດ້ນຳຕົວຜູ້ກ່ຽວ ໄປທຳແຜນຈໍາຮອງ ປະກອບສໍານວນຄະດີເພື່ອສົ່ງໃຫ້ພາກສ່ວນທີ່ກ່ຽວຂ້ອງດຳເນີນຄະດີຕາມຂັ້ນຕອນຂອງກົດໝາຍ.

ທ່ານບໍ່ມີສິດສຳເນົາ ບົດຄວາມນີ້ໄດ້ ສົນໃຈບົດຄວາມຕິດຕໍ່ ຜູ້ດູແລລະບົບຖ້າສົນໃຈບົດຄວາມນີ້