ໜ່ວຍງານທີ່ກ່ຽວຂ້ອງຂອງຫວຽດນາມໄດ້ສະຫຼຸບລາຍງານຕົວເລກຜູ້ຕິດເຊື້ອພະຍາດໂຄວິດ-19 ໃນເວລາ 6 ໂມງ 00 ຂອງວັນສຸກ ທີ 15 ພຶດສະພານີ້ ວ່າ: ໄດ້ກວດພົບຜູ້ຕິດເຊື້ອພະຍາດໂຄວິດ-19 ໃໝ່ມີ 24 ກໍລະນີ ສົ່ງຜົນເຮັດໃຫ້ມີຈໍານວນຜູ້ຕິດເຊື້ອພະຍາດເພີ່ມຂຶ້ນເປັນ 312 ກໍລະນີ.
ຈໍານວນຜູ້ຕິດເຊື້ອພະຍາດ 24 ກໍລະນີ ໃໝ່ນີ້ ແມ່ນຊາວຫວຽດນາມທີ່ໄດ້ເດີນທາງກັບມາຈາກປະເທດລັດເຊຍ ແລະ ໄດ້ຖືກກັກຕົວຢູ່ໃນສູນນັບຕັ້ງແຕ່ພວກເຂົາໄດ້ເດີນທາງມາຮອດຫວຽດນາມ ໃນວັນທີ 13 ພຶດສະພານີ້ ດ້ວຍຖ້ຽວບີນ VN0062 ທີ່ສະໜາມບີນ ວັນໂດ Van Don, ແຂວງ ກວາງນິງ Quang Ninh ທາງພາກເໜືອຂອງຫວຽດນາມ.
ຈໍານວນຜູ້ຕິດເຊື້ອ 24 ກໍລະນີໃໝ່ນີ້, 23 ຄົນ ແມ່ນໄດ້ຮັບການປິ່ນປົວຢູ່ໂຮງໝໍໃຫ່ຍຂອງແຂວງ ໄທບິງ Thai Binh ແລະ ຢູ່ໂຮງໝໍເລກ 2 ຂອງແຂວງ ກວາງນິງ Quang Ninh.
ໜ່ວຍງານທີ່ກ່ຽວຂ້ອງຍັງໄດ້ລາຍງານໃຫ້ຮູ້ວ່າ: ຫວຽດນາມຍັງບພົບຜູ້ຕິດເຊື້ອຢູ່ພາຍໃນປະເທດເປັນເວລາ 29 ວັນຕິດຕໍ່ກັນ. ເພາະວ່າ ຈໍານວນຜູ້ຕິດເຊື້ອໃໝ່ນີ້ ແມ່ນຊາວຫວຽດນາມທີ່ໄດ້ເດີນທາງກັບມາຈາກປະທດລັດເຊຍ.
ປັດຈຸບັນ ມີຈໍານວນ 12.236 ຄົນ ໄດ້ມາຈາກພື້ນທີ່ແຜ່ລະບາດຂອງພະຍາດດັ່ງກ່າວ ແລະ ໄດ້ພົວພັນຢ່າງໃກ້ຊິດກັບຜູ້ຕິດເຊື້ອ. ພວກເຂົາໄດ້ຖືກກັກຕົວເພື່ອກວດຫາເຊື້ອພະຍາດ ໃນນັ້ນ ຈໍານວນ 353 ຄົນ ຖືກກັກຕົວຢູ່ໂຮງໝໍ ແລະ 8.492 ຄົນ ຖືກກັກຕົວຢູ່ສູນ ແລະ 3.391 ຄົນ ຖືກກັກຕົວຢູ່ບ້ານ.
ມາຮອດປັດຈຸບັນ ມີຈໍານວນ 260 ຄົນ ໄດ້ຮັບການປິ່ນປົວຫາຍດີ ແລະ ມີຈໍານວນ 52 ຄົນ ກໍາລັງສຶບຕໍ່ປິ່ນປົວ.
ແຫຼງຂ່າວ: VNA
