ເຈົ້າເມືອງຊົນນະບູລີ ພ້ອມຄະນະລົງຊ່ວຍເຫຼືອອົບພະຍົບປະຊາຊົນອອກຈາກບ້ານທີ່ໄດ້ຮັບຜົນຈາກໄພນໍ້າຖ້ວມ ພ້ອມມອບເຄື່ອງບັນເທົາທຸກເບື່ອງຕົ້ນ – ສື່ລາວ.ຄອມ
Connect with us

ຂ່າວພາຍໃນ

ເຈົ້າເມືອງຊົນນະບູລີ ພ້ອມຄະນະລົງຊ່ວຍເຫຼືອອົບພະຍົບປະຊາຊົນອອກຈາກບ້ານທີ່ໄດ້ຮັບຜົນຈາກໄພນໍ້າຖ້ວມ ພ້ອມມອບເຄື່ອງບັນເທົາທຸກເບື່ອງຕົ້ນ

Published

on

ວັນທີ 19 ຕຸລາ 2020 ນີ້ ທ່ານ ສຸວິໄລ ຫຼວງຊະລາດ ເຈົ້າເມືອງຊົນນະບູລີ, ພ້ອມດ້ວຍຄະນະຕ້ານໄພພິບັດຂັ້ນເມືອງ, ອົງການຈັດຕັ້ງມະຫາຊົນ, ກໍາລັງ ປກຊ-ປກສ ສົມທົບກັບກໍາລັງກອງຮ້ອຍ ຄໍ 35 ໄດ້ລົງໃຫ້ການຊ່ວຍເຫຼືອອົບພະຍົບປະຊາຊົນອອກຈາກບ້ານທີ່ໄດ້ຮັບຜົນກະທົບຈາກໄພນໍ້າຖ້ວມ ລວມມີ: ບ້ານກອງປະທຸມວັນ, ທ່າຄໍາເຫຼື້ອມ, ບ້ານໂຄກຫົວຊ້າງ, ບ້ານບຶງຊ້າງ ແລະບ້ານດອນຍາໂນງ ເຊີ່ງສາມາດອົບພະຍົບປະຊາຊົນອອກຈາກບ້ານດ້ວຍຄວາມປອດໄພ ແລະນໍາສົ່ງເຂົ້າພັກທີ່ຈຸດພັກຊົ່ວຄາວທີ່ສະໂມສອນຂອງເມືອງຊົນນະບູລີ ໄດ້ 8 ຄອບຄົວ, ໃນນັ້ນມີ ບ້ານ ໂຄກຫົວຊ້າງ 31 ຄົນ, ກອງປະທຸມວັນ 19 ຄົນ, ນອກນັ້ນປະຊາຊົນທີ່ອົບພະຍົບອອກຈາກບ້ານ ສ່ວນຫຼາຍແມ່ນໄປພັກເຊົ່າຢູ່ເຮືອນພີ່ນ້ອງໃນຂອບເຂດບ້ານໂນນສະຫວ່າງ ມີ 17 ຄອບຄົວ ມີ 83 ຄົນ ຍິງ47 ຄົນ.

ສໍາລັບຢູ່ຈຸດພັກຊົ່ວຄາວບ້ານດົງຫົງຄໍາ ມີອົບພະຍົບຈາກ 3 ບ້ານໄປພັກເຊົານໍາຄື: ບ້ານບຶງຊ້າງ, ບ້ານທ່າຄໍາເຫຼື້ອມ ແລະບ້ານໂຄກຫົວຊ້າງ ມີ 39 ຄອບຄົວ 156 ຄົນ ຍິງ 89 ຄົນ. ພ້ອມນີ້ທ່ານເຈົ້າເມືອງຊົນນະບູລີ ພ້ອມຄະນະກໍ່ຍັງໄດ້ມອບເຄື່ອງຊ່ວຍເຫຼືອຈໍານວນໜື່ງໃຫ້ປະຊາຊົນທີ່ຢູ່ໃນສູນພັກເຊົ່າຊົ່ວຄາວອີກດ້ວຍ ເພື່ອຊ່ວຍເຫຼືອບັນເທົ້າທຸກ ແລະສີ່ງທີ່ຈໍາເປັນໃນການດໍາລົງຊີວິດ.ປະຈໍາວັນ, ປັດຈຸບັນ ສິ່ງທີ່ຕ້ອງການຄວາມຊ່ວຍເຫຼືອຈາກສັງຄົມຢ່າງຮີບດ່ວນທີ່ສຸດແມ່ນ: ນໍ້າດື່ມ, ເຂົ້າສານ, ອາຫານແຫ້ງ, ຢາປົວພະຍາດ, ນໍ້າມັນເຊື້ອໄຟ ແລະເຮືອເພື່ອຊ່ວຍເຫຼືອສະເພາະໜ້າໃຫ້ປະຊາຊົນຜູ້ທີ່ໄດ້ຮັບຜົນກະທົບຈາກໄພນໍ້າຖ້ວມ.

ຂ່າວຈາກເມືອງຊົນນະບູລີ ແຈ້ງໃຫ້ຮູ້ອີກວ່າ: ໃນຕອນເຊົ້າຂອງວັນທີ 20 ຕຸລາ 2020 ນີ້ທ່ານ ຄໍາມອນ ທິລາວົງ ຮອງເລຂາພັກເມືອງປະທານກວດກາພັກ-ລັດເມືອງ ພ້ອມດ້ວຍຄະນະໄດ້ລົງມອບເຄື່ອງຊ່ວຍເຫຼືອໃຫ້ປະຊາຊົນ ເພື່ອບັນເທົ່າທຸກຂັ້ນຕົ້ນຢູ່ເຂດກຸ່ມບ້ານທີ 1 ປະກອບມີ: ບ້ານດອນຍາໂນງ, ບ້ານໜອງຜື, ກຸ່ມບ້ານທີ 2 ປະກອບມີ: ບ້ານໂພນຕານ, ບ້ານໂນນຍາງ, ບ້ານນາໂພນທອງ, ບ້ານໜອງບົວຫຼວງ ແລະເຂດຈຸດພັກເຊົ່າຊົ່ວຄາວໂຮງຮຽນບ້ານໜອງ, ເຊີ່ງການລົງມອບເຄື່ອງຊ່ວຍເຫຼືອຄັ້ງນີ້ ທ່ານ ຄໍາມອນ ທິລາວົງ ໄດ້ສະແດງຄວາມເປັນຫ່ວງເປັນໃຍຕໍ່ອໍານາດການປົກຄອງ ແລະພໍ່ແມ່ປະຊາຊົນ ພ້ອມທັງຮຽກຮ້ອງໃຫ້ອໍານາດການປົກຄອງຈົ່ງເອົາໃຈໃສ່ຕິດຕາມເຝົ້າລະວັງ ແລະແຈ້ງເຕື່ອນປະຊາຊົນໃຫ້ເຄື່ອນຍ້າຍສັດ ແລະເກັບມ້ຽນສີ່ງຂອງໄວ້ທີ່ສູງແຕ່ຫົວທີ່ເພື່ອຫຼີກລ້ຽງເຄື່ອງຂອງຕົກເຮຍເສຍຫາຍ ແລະເພື່ອຄວາມປອດໄພ.

ພ້ອມທັງໄດ້ມອບນໍ້າດື່ມ ຈໍານວນ 20 ແພັກ, ໝີ່ 1 ແກັດ, ປ໋ອງປາ 1 ແພັກ, ຢາປົວພະຍາດຈໍານວນໜຶ່ງໃຫ້ອໍານາດການປົກຄອງ ແລະສູນພັກເຊົ່າຊົ່ວຄາວ ເທັງນີ້ກໍ່ຍ້ອນຄວາມເປັນຫ່ວງເປັນໃຍຂອງການນໍາພັກ-ລັດ ເວົ້າລວມ, ເວົ້າສະເພາະກໍ່ຄືການນໍາຂອງເມືອງຊົນນະບູລີ ທີ່ມີຕໍ່ພໍ່ແມ່ປະຊາຊົນໃນຍາມເດືອດຮ້ອນ. ສະຖານະການລ່າສຸດສະພາບນໍ້າຖ້ວມທີ່ເມືອງຊົນນະບູລີ ວັນທີ 20 ຕຸລາ 2020 ນີ້ ມີ 41ບ້ານທີ່ໄດ້ຮັບຜົນກະທົບໜັກໜ່ວງ, ເພີ່ມຂື້ນ 1 ບ້ານ ມີ 3,977 ຫຼັງຄາເຮືອນ, ມີພົນລະເມືອງ 27,437 ຄົນ ຍິງ 13,723 ຄົນ, ເນື້ອທີ່ຖືກຖ້ວມ 6,420 ເຮັກຕາ, ສວນພຶດຜັກ 176 ເຮັກຕາ, ໜອງປາ 332 ໜອງ, ຊົນລະປະທານ 9 ແຫ່ງ, ປະຕູນໍ້າ 3 ແຫ່ງ, ໂຮງຮຽນຖືກກະທົບຕ້ອງໂຈະການຮຽນມີ 18 ແຫ່ງ, ເສັ້ນທາງຖືກຖ້ວມ ແລະຕັດຂາດການສັນຈອນມີ 12 ເສັ້ນ, ບ້ານທີ່ຕ້ອງລະງັບການໃຊ້ໄຟຟ້າຊົ່ວຄາວເພື່ອຄວາມປອດໄພມີ 13 ບ້ານ, ວັດຖືກຖ້ວມມີ 13 ແຫ່ງ. ປະຈຸບັນນີ້ລະດັບນໍ້າແມ່ນຍັງເພີ່ມຂື້ນຢ່າງຕໍ່ເນື່ອງ ວັດແທກໄດ້ທີ່ສະຖານີ້ບ້ານຊຽງຮົ່ມແທກໄດ້ 11,40 ແມັດ.

Continue Reading

ຂ່າວພາຍໃນ

ຈັດໜັກ!ສາວງາມປາຕີ້ ມົ້ວສຸຸມປູມເປົ້າ 14ຄົນ ໄປສຶກສາອົບຮົມ

Published

on

By

ຈັດໜັກໃສ່ແກ້ງໄວລຸ້ນມັກມ່ວນ! ປກສ ນະຄອນໄກສອນ ໄດ້ນຳຕົວກຸ່ມໄວໜຸ່ມປາຕີ້ ມົ້ວສຸມຢາເສບຕິດ ສູບປູມເປົ້າ ຈຳນວນ 14 ຄົນ ໄປສຶກສາອົບຮົມ

ພັທ ຄຳສີ ທູນທະວົງສັກ ຫົວໜ້າກອງບັນຊາການ ປກສ ນະຄອນໄກສອນພົມວິຫານ ໄດ້ລາຍງານໃຫ້ຮູ້ວ່າ:

ວັນທີ 16 ມັງກອນ 2023 ຜ່ານມານີ້ ເຈົ້າໜ້າທີ່ ກອງບັນຊາການ ປກສ ນະຄອນໄກສອນ

ໄດ້ນຳຕົວກຸ່ມໄວໜຸ່ມປາຕີ້ ມົ້ວສຸມຢາເສບຕິດ ສູບປູມເປົ້າ ຈຳນວນ 14 ຄົນ ໄປສຶກສາອົບຮົມ ແລະ ຕັກເຕືອນ

Continue Reading

ຂ່າວພາຍໃນ

ລ່າສຸດ! ລາຄານ້ຳມັນ +1.010ກີບ/ລິດ ກາຊວນ +420ກີບ/ລິດ

Published

on

By

ແຈ້ງປັບລາຄານ້ຳມັນ ເລິ່ມປະຕິບັດ 06:00 ໂມງຂອງວັນທີ 19/01/2023 ຕາມແຈ້ງການຈາກ ກຊ ອຸດສະຫະກຳແລະການຄ້າ

ເລກທີ 0056/ອຄ ລົງວັນທີ 18 ມກ 2023.

Continue Reading

ຂ່າວພາຍໃນ

ດ່ວນ! ແຈ້ງການຢຸດຕິການອະນຸຍາດດໍາເນີນທຸລະກິດແລກປ່ຽນເງິນຕາ ຕົວແທນຂອງທະນາຄານທຸລະກິດ ທົ່ວປະເທດ

Published

on

By

– ອີງຕາມກົດຫມາຍວ່າດ້ວຍທະນາຄານທຸລະກິດ (ສະບັບປັບປຸງ) ສະບັບເລກທີ 56/ສພຊ, ລົງວັນທີ 07 ທັນວາ 2018;

– ອີງຕາມກົດຫມາຍວ່າດ້ວຍການຄຸ້ມຄອງເງິນຕາຕ່າງປະເທດ (ສະບັບປັບປຸງ) ສະບັບເລກທີ 15 /ສພຊ, ລົງວັນທີ 07 ກໍລະກົດ 2022;

– ອີງຕາມຂໍ້ຕົກລົງວ່າດ້ວຍການບໍລິການແລກປ່ຽນເງິນຕາ ສະບັບເລກທີ 1026/ທຫລ, ລົງວັນທີ 28 ທັນວາ 2022;

ອີງຕາມແຈ້ງການກ່ຽວກັບການຫັນຮ້ານແລກປ່ຽນເງິນຕາໄປເປັນຕົວແທນຂອງທະນາຄານທຸລະກິດ ສະບັບເລກທີ 111/ທຫລ, ລົງວັນທີ 12 ສິງຫາ 2021.

ທະນາຄານແຫ່ງ ສປປ ລາວ ຂໍຖືເປັນກຽດແຈ້ງມາຍັງບັນດາທະນາຄານທຸລະກິດ ແລະ ຮ້ານແລກປ່ຽນເງິນຕາຕົວ ແທນ ຊາບວ່າ: ເພື່ອເປັນການຜັນຂະຫຍາຍກົດຫມາຍວ່າດ້ວຍການຄຸ້ມຄອງເງິນຕາຕ່າງປະເທດ (ສະບັບປັບປຸງ) ສະບັບ ເລກທີ 15/ສພຊ, ລົງວັນທີ 7 ກໍລະກົດ 2022, ທະນາຄານແຫ່ງ ສປປ ລາວ ໄດ້ອອກຂໍ້ຕົກລົງວ່າດ້ວຍການບໍລິການ ແລກປ່ຽນເງິນຕາ ສະບັບເລກທີ 1026/ທຫລ, ລົງວັນທີ 28 ທັນວາ 2022 ເພື່ອປ່ຽນແທນສອງຂໍ້ຕົກລົງຄື: ຂໍ້ຕົກລົງວ່າ ດ້ວຍທຸລະກິດແລກປ່ຽນເງິນຕາ ສະບັບເລກທີ 393/ທຫລ, ລົງວັນທີ 02 ກໍລະກົດ 2020 ແລະ ຂໍ້ຕົກລົງວ່າດ້ວຍການ ບໍລິການແລກປ່ຽນເງິນຕາຂອງທະນາຄານທຸລະກິດ ແລະ ຮ້ານແລກປ່ຽນເງິນຕາຕົວແທນ ສະບັບເລກທີ 449/ທຫລ, ລົງວັນທີ 14 ມິຖຸນາ 2022.

ໃນນີ້, ຂໍ້ຕົກລົງວ່າດ້ວຍການບໍລິການແລກປ່ຽນເງິນຕາສະບັບດັ່ງກ່າວໄດ້ກໍານົດໃຫ້ ທະນາຄານທຸລະກິດ ທີ່ຕັ້ງຢູ່ ສປປ ລາວ ເທົ່ານັ້ນ ສາມາດໃຫ້ບໍລິການແລກປ່ຽນເງິນຕາ. ສະນັ້ນ, ເພື່ອຈັດຕັ້ງປະຕິບັດໃຫ້ ສອດຄ່ອງກັບບັນດານິຕິກໍາທີ່ມີຜົນສັກສິດໃນປັດຈຸບັນ, ທະນາຄານແຫ່ງ ສປປ ລາວ ຈຶ່ງແຈ້ງມາຍັງບັນດາທະນາຄານທຸລະ ກິດ ແລະ ຮ້ານແລກປ່ຽນເງິນຕາຕົວແທນ ດັ່ງນີ້:

1. ທະນາຄານແຫ່ງ ສປປ ລາວ ຢຸດຕິການອະນຸຍາດດໍາເນີນທຸລະກິດແລກປ່ຽນເງິນຕາຂອງຮ້ານແລກປ່ຽນເງິນຕາຕົວແທນທັງໝົດ 113 ຮ້ານ ທີ່ຂຶ້ນກັບ 6 ທະນາຄານທຸລະກິດ;

2. ໃຫ້ທະນາຄານທຸລະກິດທີ່ມີຮ້ານແລກປ່ຽນເງິນຕາຕົວແທນຂຶ້ນກັບ ຢຸດເຊົາການຕໍ່ອາຍຸສັນຍາ ແລະ ຍົກເລີກ ສັນຍາຕົວແທນບໍລິການແລກປ່ຽນເງິນຕາກັບຮ້ານແລກປ່ຽນເງິນຕາຕົວແທນຂອງຕົນທັງໝົດ,

ດໍາເນີນການປິດບັນຊີເງິນຝາກທີ່ອອກຊື່ຮ້ານແລກປ່ຽນເງິນຕາຕົວແທນ ຢູ່ທະນາຄານທຸລະກິດທີ່ກ່ຽວຂ້ອງ, ນໍາສົ່ງບົດບັນທຶກ ການຍົກເລີກສັນຍາການເປັນຕົວແທນແລກປ່ຽນເງິນຕາ ລະຫວ່າງ ທະນາຄານທຸລະກິດ ແລະ ຮ້ານແລກປ່ຽນ ເງິນຕາຕົວແທນ ພ້ອມທັງໜັງສືອະນຸຍາດດໍາເນີນທຸລະກິດແລກປ່ຽນເງິນຕາຂອງຮ້ານແລກປ່ຽນເງິນຕາຕົວແທນທີ່ ຂຶ້ນກັບທະນາຄານທຸລະກິດຕົນ ສົ່ງຄືນໃຫ້ແກ່ກົມນະໂຍບາຍເງິນຕາ ຫຼື ສາຂາທະນາຄານແຫ່ງ ສປປ ລາວ ປະຈໍາ ພາກ ທີ່ກ່ຽວຂ້ອງ ພາຍໃນວັນທີ 31 ມັງກອນ 2023;

3. ທະນາຄານທຸລະກິດທີ່ມີຈຸດປະສົງຕ້ອງການສ້າງຕັ້ງໜ່ວຍແລກປ່ຽນເງິນຕາ ແມ່ນໃຫ້ປະຕິບັດຕາມຂໍ້ຕົກລົງວ່າດ້ວຍ ການບໍລິການແລກປ່ຽນເງິນຕາ ສະບັບເລກທີ 1026/ທຫລ, ລົງວັນທີ 28 ທັນວາ 2022.

Continue Reading
ເດືອນມັງກອນ 2023
ເສົາ ​ອາ ​ຈ ​ພ​ຫ ​ສ
 123456
78910111213
14151617181920
21222324252627
28293031  

Trending

ທ່ານບໍ່ມີສິດສຳເນົາ ບົດຄວາມນີ້ໄດ້ ສົນໃຈບົດຄວາມຕິດຕໍ່ ຜູ້ດູແລລະບົບຖ້າສົນໃຈບົດຄວາມນີ້