ຄວາມຮູ້ ກັບ ໃບປະກາດ ອັນໃດສຳຄັນກວ່າກັນ? – ສື່ລາວ.ຄອມ
Notice: Undefined index: slug in /home/suelaoco/public_html/wp-includes/class-wp-theme-json.php on line 1092
Connect with us

ບົດຄວາມ

ຄວາມຮູ້ ກັບ ໃບປະກາດ ອັນໃດສຳຄັນກວ່າກັນ?

Published

on

ຈາກຜູ້ໃຊ້ເຟສບຸກຊື່ Tamon Huengmeexay ໄດ້ໂພສວ່າ:

” ຄວາມຮູ້ ກັບ ໃບປະກາດ” ອັນໃດສຳຄັນກວ່າກັນ?

ຄຳຖາມນີ້ເບິ່ງຄືງ່າຍ ແຕ່ຄວາມຈິງແລ້ວເຮົາບໍ່ສາມາດຕອບໄດ້ເລີຍວ່າ ອັນໃດສຳຄັນກວ່າກັນແທ້, ທຸກການຮຽນກໍຍ່ອມຢາກໄດ້ຄວາມຮູ້ ແຕ່ສິ່ງທີ່ຈະຢືນຢັນຄວາມຮູ້ຂອງເຮົາ ນອກຈາກຄວາມສາມາດໃນການປະຕິບັດຕົວຈິງໄດ້ແລ້ວນັ້ນ ຖ້າຈະໃຫ້ເປັນຮູບປະທຳນັ້ນກໍຄື ໃບປະກາດ ຫຼື ໃບຢັ້ງຢືນ.

ມີນັກຮຽນຈຳນວນບໍ່ໜ້ອຍທີ່ຮຽນໂດຍບໍ່ຮູ້ເປົ້າໝາຍວ່າໂຕເອງຈະຕ້ອງຮູ້ ຫຼື ເຮັດຫຍັງໄດ້ຈາກການຮຽນ ພຽງແຕ່ຫວັງໃຫ້ຈົບ ຫຼື ໄດ້ໃບປະກາດເພື່ອເປັນສິ່ງຢືນຢັນວ່າຕົນເອງໄດ້ຮຽນເທົ່ານັ້ນ. ແຕ່ກໍມີຄົນຈຳນວນຫຼາຍເຊັ່ນກັນທີ່ມັກຕົວະໂຕເອງວ່າ ຄະແນນ ຫຼື ໃບປະກາດນັ້ນບໍ່ສຳຄັນ, ພຽງແຕ່ຕັ້ງໃຈຮຽນໃຫ້ມີຄວາມຮູ້, ຄວາມສາມາດກໍພຽງພໍແລ້ວ.

ແຕ່ໃນຄວາມເປັນຈິງທຸກອົງກອນ ທຸກບໍລິສັດກ່ອນຈະຮັບພະນັກງານເຂົ້າເຮັດວຽກ ສິ່ງທຳອິດທີ່ຖາມຫາແມ່ນຫຍັງລະ? ຄວາມຮູ້ ຄວາມສາມາດ ປະສົບການ ຫຼື ໃບປະກາດ ? ຄະແນນ ແລະ ໃບປະກາດເປັນສິ່ງນອກຕົວທີ່ສາມາດສະແດງໃຫ້ເຫັນຄວາມສາມາດຂອງເຮົາໄດ້ໃນລະດັບທຳອິດ, ຄະແນນທີ່ສູງກໍສື່ໃຫ້ເຫັນຄຸນຄ່າຂອງຄວາມເອົາໃຈໃສ່ ແລະ ຕັ້ງໃຈຮຽນ (ອາດບໍ່ສາມາດສື່ໃຫ້ເຫັນວ່າຄົນນີ້ມີຄວາມສາມາດ ຫຼື ເກັ່ງແທ້ບໍ) ຄວາມຮູ້ ຄວາມສາມາດມັນເປັນສິ່ງທີ່ຢູ່ພາຍໃນຖ້າເຮົາບໍ່ສະແດງມັນອອກມາກໍຍາກທີ່ຄົນຈະເຫັນມັນໄດ້ ແລະ ກໍສ່ຽງທີ່ເຮົາຈະສູນເສຍໂອກາດທີ່ດີໄປ.

ມົນເປັນຄົນໜຶ່ງທີ່ຖືວ່າຄະແນນເປັນສິ່ງສຳຄັນ ແລະ ຈຳເປັນສຳລັບໂຕເອງ ມົນປຽບມັນເປັນສິ່ງທີ່ສະແດງເຖິງຄວາມຕັ້ງໃຈ, ຄວາມອົດທົນ ແລະ ຄວາມຮັບຜິດຊອບ. ເມື່ອເຮົາພາດ ຫຼື ໄດ້ຄະແນນຫຼຸດຕາມຄາດໝາຍ ມັນກໍເຮັດໃຫ້ມົນຮູ້ວ່າ ຂະນະນັ້ນມົນພາດຫຍັງໄປ ແລະ ຈະແກ້ໄຂມັນແນວໃດ, ເມື່ອມົນຢາກໃຫ້ຄະແນນ ຫຼື ໃບປະກາດນັ້ນສະແດງໃຫ້ເຫັນຄວາມຕັ້ງໃຈ, ຄວາມຮັບຜິດຊອບ ແລະ ຄວາມສາມາດຂອງເຮົາ ຈຶ່ງຫັນປ່ຽນມາເປັນການສ້າງຜົນງານໃຫ້ເຫັນເປັນຮູບປະທຳ.

.

ໃນມື້ເຊັນຮັບໃບປະກາດ ມົນຜິດຫວັງຈາກສິ່ງທີ່ຫວັງມາຕະຫຼອດ 4 ປີ (ຄືໄດ້ໃບປະກາດແດງ). ແຕ່ກັບເປັນມື້ທີ່ມົນຍິ້ມຈົນໜ້າບານແທນທີ່ຈະຮ້ອງໄຫ້ຟຸມຟາຍ, ເພາະສຽງຕົບມື ແລະ ຄຳຊືນຊົມທີ່ດັງສະນັ່ນມັນກົບເກືອນຄວາມຮູ້ສຶກເສຍໃຈໄປໝົດ ຫຼັງຈາກທີ່ລົງຈາກເວທີຫຼັງເວົ້າຈົບ ມີເພື່ອນນັກສຶກສາທີ່ນັ່ງທາງຂ້າງບອກວ່າ: ແມ່ນເຈົ້າບໍ ຂຶ້ນເວົ້າ!! ເວົ້າໄດ້ດີຫຼາຍເດີ້. ເວົ້າພ້ອມກັບຮອຍຍິ້ມທົ່ວໃບໜ້າ ສາຍຕາທີ່ສົດໃສ ທັງທີ່ຄວາມຈິງແລ້ວ ເພື່ອນນັກສຶກສາໄດ້ຍິນແຕ່ສຽງບໍ່ເຫັນພາບ ເພາະພິການຕາ.

ຈາກເຫດການນີ້ມັນຍິ່ງຕອບຢໍ້າໃຫ້ມົນລະນຶກໄດ້ວ່າ: ຖ້າມົນໄດ້ພຽງໃບປະກາດແດງ, ໄດ້ຄະແນນດີໆມາ ໂດຍບໍ່ໄດ້ສະແດງຜົນງານໃຫ້ຄົນໄດ້ເຫັນ, ໃຫ້ຄົນໄດ້ຟັງ ໃຫ້ຄົນໄດ້ປະຈັກຕາ ຄຸນຄ່າມັນກໍຈະໜ້ອຍລົງທັນທີ ຂອບໃຈທີ່ໃຫ້ກຳລັງໃຈທີ່ດີ ແລະ ເຮັດໃຫ້ຮູ້ວ່າ (ກຽດນິຍົມທີ່ພາດໄປ ບໍ່ເສຍໃຈເພາະສິ່ງທີ່ໄດ້ແທນມາຄື ຄົນນິຍົມ).

.

.

ແຕ່ແນວໃດກໍດີ, ສຸດທ້າຍຄວາມຮູ້ກໍຕ້ອງຄຽງຄູ່ໄປກັບໃບປະກາດ ຫຼື ໃບຢັ້ງຢືນ ເຮົາຕ້ອງພະຍາຍາມຮໍ່າຮຽນໃຫ້ໄດ້ທັງຄວາມຮູ້ ແລະ ໄດ້ຄະແນນດີ ມີໃບປະກາດເປັນສິ່ງຢືນຢັນ ເພື່ອຈະໄດ້ນຳໃຊ້ມັນສະແດງເຖິງຄວາມສາມາດພາຍໃນຂອງເຮົາ. ໃຊ້ມັນມັນໃບເບີກທາງໃຫ້ເຮົາໄດ້ມີໂອກາດສະແດງຄວາມຮູ້ ຄວາມສາມາດຂອງຕົນເອງທີ່ຢູ່ໃນອອກມາໃຫ້ຄົນອື່ນປະຈັກຕາໄດ້.

Continue Reading

ບົດຄວາມ

ຖ້າຄົນລາວເຮົາພາກັນນໍາໃຊ້ຜະລິດຕະພັນພາຍໃນ ຈະເກີດຫຍັງຂຶ້ນ?

Published

on

ທ່ານເຄີຍສົງໄສບໍ່ ເມືື່ອເຮົານໍາໃຊ້ສິນຄ້າພາຍໃນປະເທດຫຼາຍຂຶ້ນ ຈະເກີດຫຍັງຂຶ້ນ ເເລະ ມີຜົນດີເເນວໃດ? ເປັນຫຍັງເຮົາຄວນໃຊ້ຜະລິດຕະພັນພາຍໃນ?

ວ່າຖ້າເຮົານໍາໃຊ້ຜະລິດຕະພັນພາຍໃນເເລ້ວຈະເກີດຫຍັງຂຶ້ນ!!!

+ນີ້ກໍຄືສິ່ງທີ່ຈະເກີດຂຶ້ນເມື່ອເຮົາຫັນມາໃຊ້ສິນຄ້າພາຍໃນ:

1. ສິນຄ້າຈະມີຄຸນນະພາບຂຶ້ນ

ການທີ່ເຮົານໍາໃຊ້ສິນຄ້າພາຍໃນມັນກ່ຽວຂ້ອງເເນວໃດກັບສິນຄ້າມີຄຸນນະພາບ?

+ການທີ່ສິນຄ້າຈະມີຄຸນນະພາບມັນກ່ຽວຂ້ອງຍ້ອນວ່າ ເມື່ອເຮົານໍາໃຊ້ສິນຄ້າ ລາຍໄດ້ຂອງບໍລິສັດ (ເຈົ້າຂອງທຸລະກິດ) ກໍຈະເພີ່ມຂຶ້ນ. ເມື່ອລາຍໄດ້ເພີ່ມຂຶ້ນກໍຈະເຮັດໃຫ້ເກີດການພັດທະນາຜະລິດຕະພັນໃຫ້ມີຄຸນນະພາບຂຶ້ນເພື່ອຕອບໂຈດລູກຄ້າ.

2. ການລົງທຶນ

ການລົງທຶນກໍຄື ເມື່ອຫົວໜ່ວຍທຸລະກິດມີລາຍໄດ້ເພີ່ມ ກໍຈະເຮັດໃຫ້ມີການຂະຫຍາຍທຸລະກິດ ຫຼື ການລົງທຶນເພີ່ມຂຶ້ນ ເເລະ ຈະມີຜະລິດຕະພັນໃໝ່ໆເກີດຂຶ້ນມາ

3. ການຈ້າງງານ

ການຈ້າງງານ ຄື ເມື່ອມີການລົງທຶນເເລ້ວ ກໍຈະເຮັດໃຫ້ມີການຈ້າງງານເພີ່ມຂຶ້ນ. ການຈ້າງງານເພີ່ມຂຶ້ນຈະສົ່ງຜົນດີຕໍ່ປະຊາຊົນ ນັ້ນກໍຄືມີລາຍຮັບ ເມື່ອປະຊົນຊາຊົນມີລາຍຮັບຈະເຮັດໃຫ້ເສດຖະກິດມີການຂະຫຍາຍໂຕ(GDP)ສູງຂຶ້ນ

4. ເງິນຕາຕ່າງປະເທດກໍຈະສູງຂຶ້ນ

ເມື່ອມີການລົງທຶນ ຫຼື ຂະຫຍາຍທຸລະກິດກໍຈະເຮັດໃຫ້ເກີດຜະລິດຕະພັນ ເມື່ອເກີດຜະລິດພັນ ຈະກໍ່ໃຫ້ເກີດການສົ່ງອອກສິນຄ້າອອກສູ່ຕ່າງປະເທດ. ການສົ່ງອອກສິນຄ້າອອກສູ່ຕ່າງປະເທດກໍຈະໄດ້ເງິນມາໃນຮູບເເບບຂອງເງິນຕາ ເຊິ່ງເງິນຕາເຫຼົ່ານັ້ນກໍຈະເຮັດໃຫ້ ເງິນຕາຕ່າງປະເທດເຮົາເພີ່ມຂຶ້ນນັ້ນເອງ.

5.ອັດຕາເງິນເຟີ້ຫຼຸດລົງ

ຈະສົ່ງຜົນຕໍ່ອັດຕາເງິນເຟີ້ຫຼຸດລົງ ເເລະ ການນໍາໃຊ້ເງິນຕາ ຄື ເມື່ອບໍ່ມີຄວາມຕ້ອງການຈາກສິນຄ້າພາຍນອກ ຄົນພາຍໃນກໍບໍ່ຕ້ອງການເງິນຕາເພື່ອຊື້ສິນຄ້າ ເເລະ ນີ້ເອງຈະເຮັດໃຫ້ປະຊາຊົນ ຫຼື ຫົວໜ່ວຍທຸລະກິດໃຊ້ເງິນກີບຫຼາຍຂຶ້ນ ເເລະ ສຸດທ້າຍຈະເຮັດໃຫ້ເງິນເເຂງຄ່ານັ້ນເອງ.

*ຖ້າການວິເຄາະຜິດພາດປະການໃດ ຕ້ອງຂໍອະໄພດ້ວຍ.

ບົດຄວາມ: ກະເເສຂ່າວ

Continue Reading

ບົດຄວາມ

ຕຳນານ ຕົ້ນໄມ້ມະນີໂຄດ ຕົ້ນໄມ້ສັກສິດຂອງເມືອງລາວ

Published

on

ຕົ້ນໄມ້ມະນີໂຄດ ຫຼື ຕົ້ນແກ້ວມະນີໂຄດ ທີ່ເຊື່ອກັນວ່າເປັນຕົ້ນໄມ້ຕົ້ນດຽວໃນໂລກທີ່ເຕີບໃຫຍ່ທ່າມກາງນຳນານຫຼວງຫຼາຍຢູ່ເທິງໂງ່ນຫີນທີ່ຄ້າຍຄືເກາະນ້ອຍໆ ທີ່ກ່າວໄວ້ວ່າບໍ່ເຄີຍມີຜູໃດໄປເຖິງກາງນ້ຳຕົກຄອນພະເພັງ

ເຊິ່ງຖືວ່າເປັນນ້ຳຕົກທີ່ໃຫຍ່ທີ່ສຸດໃນອາຊຽນ ແລະ ຖືຮຽນຂານວ່າເປັນໄນແອງກາຣາແຫ່ງອາຊີ ດ້ວຍຄວາມກ້ວາງກ່ວາ 1 ກິໂລແມັດ ແລະ ສູງກວ່າ 15 ແມັດ ກາງແມ່ນ້ຳຂອງ ສາວນ້ຳທີ່ຍາວທີ່ສຸດໃນອານາເຂດທາງພາກໃຕ້ຂອງລາວ ຕິດແຄມຊາຍແດນກຳປູເຈ້ຍ ມີຊາວບ້ານບາງສ່ວນເອີ້ນຕົ້ນໄມ້ມະນີໂຄດນີ້ວ່າ “ຕົ້ນຊີ້ຕາຍປາຍຊີ້ເປັນ”

ຈາກຕຳນານຂອງລາວທີ່ເລົ່າຂານກັນໄວ້ວ່າ ເປັນຕົ້ນໄມ້ວິເສດ ຫາກປາຍຊີ້ໄປທາງໃດຈະມີແຕ່ຄວາມຈະເລີນ ໂດຍຕົ້ນໄມ້ມະນີໂຄດມີປາຍຢູ່ 3 ງ່າ ຄື: ງ່າທີໜຶ່ງຊີ້ໄປທາງແຜ່ນດິນກຳປູເຈ້ຍ, ງ່າທີ່ສອງຊີ້ມາທາງແຜ່ນດິນລາວ ແລະ ງ່າທີສາມງ່າທີ່ໃຫຍ່ກວ່າໝູ່ີ້ໄປທາງແຜ່ນດິນໄທ

ດ້ວຍອຸນຫະພູມທີ່ມີຄວາມຊຸ່ມ ແລະ ລະບົບນິເວດທີ່ເໝາະສົມສະເພາະ ເຮັດໃຫ້ເກີດຕົ້ນໄມ້ຊະນິດນີ້ພຽງຕົ້ນດຽວ ຕົ້ນໄມ້ມະນີໂຄດເປັນຕົ້ນໄມ້ທີ່ເກີດຢູ່ກາງນ້ຳ ເຊິ່ງໄຫລລົງມາຈາກນ້ຳຕົກ ຄອນພະເພັງ ຂຶ້ນຢູ່ທາງກາງລະຫວ່າງຕົ້ນໄມ້ 2 ຕົ້ນ ລັກສະນະຂອງງ່າ ແລະ ໃບບໍ່ດົກໜາ

ແຕ່ທີ່ປະຫລາດພິສະດານທີ່ສຸດກໍ່ຄື ແທນທີ່ຕົ້ນໄມ້ມະນີໂຄດຈະຕັ້ງຢູ່ແບບທຳມະຊາດຄືກັນຕົ້ນໄມ້ທົ່ວໄປທີ່ເຕີບໃຫຍ່ຂຶ້ນ ແຕ່ກັບແຫກກົດທຳມະຊາດ ໂດຍປ່ອຍໃຫ້ຮາກແກ້ວ ຮາກຝອຍເກີດຂຶ້ນສູ່ທ້ອງຟ້າ ແນະໃຫ້ກິ່ງກ້ານສາຂາຍັ່ງລົງພື້ນນ້ຳແທນ ໂດຍຍັງຈະເລີນງອກງາມບໍ່ແຫ່ວຕາຍ

ມີຕຳນານເລົ້າຂານຈາກຜູ່ເຖົ້າຜູ້ແກ່ກ່າວໄວ້ວ່າ ແຕ່ເມື່ອກ່ອນຕົ້ນໄມ້ຕົ້ນນີ້ບໍ່ໄດ້ມີຄວາມພິສະດານຫຍັງເລີຍ ແຕ່ຄວາມໜຶ່ງມີຈົວນ້ອຍຜູ້ເຄັ່ງຄັດໃນພຣະທັມ ອົງໜຶ່ງໄດ້ໄປນັ່ງສະມາທິຈຳສິນບຳເພັນພາວະນນາທີ່ກ້ອງຕົ້ນໄມ້ນີ້ ເຊິ່ງເມື່ອກ່ອນຍັງມີລັກສະນະປົກກະຕິ ຮອດເຊົ້າມາກໍ່ອອກບິນທະບາດໄປຕາມປ່າເຂົາ.

ເຖິງແມ່ນວ່າບໍລິເວນນັ້ນຈະບໍ່ມີຜູ້ຄົນອາໃສຢູ່ເລີຍ ແຕ່ຈົວນ້ອຍກໍ່ມີອາຫານເຕັມບາດທຸກເຊົ້າ ເຊື່ອກັນວ່າຈົວນ້ອຍໄດ້ບິນທະບາດມາຈາກ ຜີບັງບົດ ເຊິ່ງເປັນຜີຊະນິດໜຶ່ງທີ່ມີຈິດໃຈໂອບເອື້ອອາລີ ຕໍ່ມາວັນໜຶ່ງຈົວນ້ອຍອົງນີ້ກໍ່ໄດ້ຍ່າງລຸຍນ້ຳເຂົ້າໄປໃນໂພ່ງກ້ອງຕົ້ນໄມ້ຫາຍເຂົ້າໄປແລ້ວບໍ່ກັບອອກມາເລີຍ

ຮຸ່ງເຊົ້າວັນຕໍ່ມາຕົ້ນໄມ້ນີ້ກໍ່ມີອັນຜິດກົດທຳມະຊາດ ແລະ ຄົງຢູ່ໃນລັກນະທີ່ພວກເຮົາກັນເຫັນກັນນີ້ເອງ ແລະ ຍັງມີເລື່ອງເລົ່າອີກວ່າ ໃນສະໃໝສົງຄາມລ່າເມືອງຂຶ້ນຝຣັ່ງ ຝຣັ່ງເຄີຍຄິດຈະລະເບີດແກ້ງຄອນພະເພັງແຫ່ງນີ້ເພື່ອໃຫ້ເຮືອຜ່ານຂຶນ້ນໄປເຖິງວຽງຈັນໄດ້ ແຕ່ກໍ່ເຮັດບໍ່ສຳເລັດ ຈິ່ງໄດ້ສ້າງທາງລົດໄຟຂົນສົ່ງສິນຄ້າ ແລະ ສິ່ງຂອງຜ່ານດອນຄອນແທນ ຄວາມສັກສິດຕາມຄວາມເຊື່ອຂອງຊາວລາວຍັງມີເລື່ອງເລົ່າຂານກັນອີກວ່າ

ຝຣັ່ງເຄີຍເອົາເຮືອມາລາກຕົ້ນໄມ້ມະນີໂຄດໃຫ້ລົ້ມ ເພື່ອທຳຫຼາຍພູດຜີ ແລະ ຕຳນານຄວາມເຊື່ອງຂອງຄົນລາວ ແຕ່ກໍ່ເຮັດບໍ່ສຳເລັດ ບາງຄົນເລົ່າວ່າ ທະຫານທີ່ຢ່ອນຕົວລົງມາຈາກແຮລິຄັອບເຕີ້ທັງຝຣັ່ງ ແລະ ຣັສເຊຍ ທີ່ຕ້ອງການພິສູດເລື່ອງເຫຼົ່ານີ້ ລ້ວນຕົກລົງມາຕາຍກາງນ້ຳ

ບໍ່ມີໃຜສາມາດມາຢຽບເທິງເກາະຫີນນ້ອຍໆບ່ອນຢູ່ຂອງຕົ້ນໄມ້ມະນີໂຄດນີ້ໄດ້ ຮວມເຖິງແຮລິຄັອບເຕີ້ຂອງຝຣັ່ງລຳໜຶ່ງທີ່ບິນເຂົ້າມາໃກ້ ກໍ່ຕົກລົງຢ່າງບໍ່ຮູ້ສາເຫດເຊັ່ນກັນ ເລື່ອງຕົ້ນໄມ້ມະນີໂຄດນັ້ນມີການເລົ່າຂານມາຢ່າງຍາວນານ ທີ່ເປັນທີ່ຮູ້ຈັກກັນດີຂອງປວງຊົນຊາວລາວ

ເມື່ອປະມານ 60-70 ປີກ່ອນ ພຣະອົງໜຶ່ງໄປທຸດົງໂພດສັດຢູ່ບໍລິເວນນີ້ ບໍ່ວ່າທ່ານຈະເດີນທາງໄປທາງໃດກໍ່ຕາມ ທ່ານມັກຈະກ່າວກັບຜູ້ທີ່ພົບເຫັນຢູ່ສະເໝີວ່າ ຜູ້ໃດໄປຮອດຫຼີຜີ ຫາກເປັນຜູ້ບໍ່ມີບຸນບາລາຢ່າຫວັງເລີຍວ່າຈະໄດ້ເຫັນຕົ້ນໄມ້ມະນີໂຄດ ຜູ້ຄົນຈິ່ງຫຼັ່ງໄຫຼພາກັນມາເບິ່ງຕົ້ນໄມ້ມະນີໂຄດໃນທີ່ສຸດ ແຕ່ກໍ່ບໍ່ມີໃຜຮູ້ວ່າຕົ້ນໄມ້ນີ້ເກີດຂຶ້ນກາງແມ່ນ້ຳໃຫຍ່ນີ້ດົນພຽງໃດແລ້ວ

ພາຍຫຼັງທີ່ໄດ້ຢືນຕົ້ນຕາຍມາດົນກວ່າ 3 ປີ ລັດຖະບານລາວໄດ້ພະຍາຍາມຫຼາຍຄັ້ງທີ່ຈະກອບກູ້ເອົາຕົ້ນໄມ້ມະນີໂຄດມາເກັບໄວ້ທີ່ພິພິດທະພັນເມືອງໂຄງ ແຕ່ກໍ່ບໍ່ສາມາດເຮັດໄດ້ ກ່ອນໜ້ານີ້ລັດຖະບານລາວໄດ້ໃຊ້ແຮລິຄັອບເຕີ້ຢ່ອນຄົນລົງໄປ ເພື່ອນຳເຊືອກມາມັດຕົ້ນໄມ້ໄວ້ກັບໂງ່ນຫີນເພື່ອບໍ່ໃຫ້ລອຍຫາບໄປ.

ແຕ່ບໍ່ສາມາດນຳຂຶ້ນມາທີ່ຝັ່ງໄດ້ ເນື່ອງຈາກຕົ້ນໄມ້ມີຂະໜາດໃຫຍ່ ແລະ ອຸປະສັກຄືກະແສນ້ຳທີ່ຮຸນແຮງ ຈົນເມື່ອວັນທີ 12 ມັງກອນ 2012 ທີ່ຜ່ານມາ ທາງລັດຖະບານລາວໄດ້ປະຕິບັດພາລະກິດນີ້ອີກຄັ້ງຈົນສຳເລັດ ໂດຍມີປະຊາຊົນໃຫ້ຄວາມສົນໃຈຢ່າງຫຼວງຫຼາຍ ໂດຍທະຫານຕ້ອງໃຊ້ເວລາໝົດມື້ຕັ້ງແຕ່ເຊົ້າຮອດ 5 ໂມງແລງ

ເພື່ອປະຕິບັດພາລະກິດທີ່ສຳຄັນນີ້ ໂດຍນ້ຳແຮລິຄັອບເຕີ້ທາງທະຫານຂອງລາວ ນຳເຈົ້າໜ້າທີ່ຢ່ອນລົງໄປ 2-4 ຄົນ ເພື່ອຊ່ວຍກັນນຳເອົາຕົ້ນໄມ້ມະນີໂຄດ ຂຶ້ນມາຈົນໄດ້

ທ່າມກາງພະລັງແຮງດັນຂອງນ້ຳຢ່າງມະຫາສານ ແລະ ມວນອາກາດແປປວນໃນພື້ນທີ່ດັ່ງກ່າວ ປັດຈຸບັນຕົ້ນໄມ້ມະນີໂຄດໄດ້ຖືກນຳໄປເກັບໄວ້ໃນພິພິດທະພັນ ເມືອງໂຂງ ເພື່ອໃຫ້ປະຊາຊົນຊາກະລະບູຊາ ແລະ ສຶກສາຕໍ່ໄປ

Continue Reading

ບົດຄວາມ

ຮ່ວມລະລຶກເຖິງບຸນຄຸນ ທ່ານ ສຸພານຸວົງ ປະທານປະເທດຄົນທຳອິດ ຂອງ ສປປ ລາວ

Published

on

ປະທານສຸພານຸວົງເກີດເມື່ອ ວັນທີ 13 ກໍລະກົດ 1909 ທີ່ນະຄອນ-ຫຼວງພະບາງ, ເມືອງແຫ່ງວັດທະນະທຳຂອງລ້ານຊ້າງ, ເພີ່ນກຳເນີດໃນເຊື້ອລາດຊະວົງ ຫຼັງຈາກຮຽນຈົບປະຖົມສົມບູນແລ້ວໃນປີ 1920 ເພີ່ນໄດ້ເດີນທາງໄປຮຽນຕໍ່ມັດທະຍົມ “ອານແບກຊາໂຣ”ທີ່ຮ່າໂນ້ຍປະເທດຫວຽດນາມ, ເພີ່ນໄດ້ຕັ້ງໃຈຮໍ່າຮຽນຫຼາຍວິຊາ ແລະຫຼາຍພາສາອີກດ້ວຍ,

ເມື່ອມາຮອດປີ 1930 ເພີ່ນໄດ້ໄປສຶກສາຕໍ່ທີ່ປະເທດຝຣັ່ງ, ເພີ່ນຮຽນຢູ່ມະຫາວິທະຍາໄລຂົວທາງແຫ່ງຊາດ, ສາຂາວິຊາວິສະວະກອນພົນລະເຮືອນຢູ່ປາຣີ, ເພີ່ນຮຽນໄດ້ດີ ແລະມີຄະແນນດີເລີດ, ສາມາດເວົ້າໄດ້ດີເຖິງ 10 ພາສາທີ່ໃຊ້ຫຼາຍໃນສາກົນ,

ພາຍຫຼັງສິ້ນສຸດການສຶກສາກໍປະກອບໜ້າທີ່ການງານຕາມຄວາມຮູ້-ຄວາມສາມາດ ແຕ່ໃນເງື່ອນໄຂ ແລະສິ່ງແວດລ້ອມທີ່ເອື້ອອຳນວຍຄວາມສະດວກຄືແນວນັ້ນຄວນຈະເປັນເສັ້ນທາງໃຫ້ເພີ່ນກາຍເປັນຂຸນນາງ ແລະດຳລົງຕໍາແໜ່ງໃດໜຶ່ງຂອງກົງຈັກປົກຄອງສັກດີນາ, ແຕ່ຊີວິດ ແລະການເຄື່ອນໄຫວຕົວຈິງຂອງເພີ່ນໄດ້ປ່ຽນປີ້ນຖານະຊົນຊັ້ນ,

ຫັນປ່ຽນແນວຄິດກໍຄືແບບແຜນດໍາລົງຊີວິດແບບບໍ່ໜ້າເຊື່ອ, ເວົ້າໄດ້ວ່າເພີ່ນແມ່ນເຊື້ອເຈົ້າກະສັດອົງດຽວຂອງອານາຈັກລ້ານຊ້າງທີ່ໄດ້ປ່ຽນແປງຕຳນານແຫ່ງວີຖີຊີວິດແບບສັກດີນາ ມາເປັນສາມັນຊົນຜູ້ຮ່ວມສຸກ,

ຮ່ວມທຸກ, ຮ່ວມຕໍ່ສູ້ກັບປະຊາຊົນບັນດາເຜົ່າເພື່ອເອກະລາດແຫ່ງຊາດຈົນກາຍເປັນຕົ້ນແບບຂອງນັກຮົບຕໍ່ສູ້ປະຕິວັດຮັກຊາດທີ່ຍິ່ງໃຫຍ່.

Continue Reading
ເດືອນສິງຫາ 2022
ເສົາ ​ອາ ​ຈ ​ພ​ຫ ​ສ
 12345
6789101112
13141516171819
20212223242526
2728293031  

Trending

ທ່ານບໍ່ມີສິດສຳເນົາ ບົດຄວາມນີ້ໄດ້ ສົນໃຈບົດຄວາມຕິດຕໍ່ ຜູ້ດູແລລະບົບຖ້າສົນໃຈບົດຄວາມນີ້