ວັນທີ 13 ພຶດສະພານີ້, ທົ່ວໂລກ ມີຜູ້ຕິດເຊື້ອ ໂຄວິດ-19 ເພີ່ມຂຶ້ນ 4,261,955 ຄົນ ໃນ 187 ປະເທດ ແລະ ເຂດແຄ້ວນ ໃນນີ້ ສ.ອາເມລິກາ ມີຜູ້ຕິດເຊື້ອ ຫລາຍທີ່ສຸດໃນໂລກ ຈຳນວນ 1,369,574 ຄົນ ຂະນະທີ່ ຣັດເຊຍ ຂຶ້ນມາເປັນອັນດັບສອງ ຈຳນວນ 232,243 ຄົນ. ຕາມມາດ້ວຍ ແອັດສະປາຍ ມີຜູ້ຕິດເຊື້ອແລ້ວ 228,030 ຄົນ ຕາມມາດ້ວຍ ອັງກິດ ຈຳນວນ 227,741 ຄົນ ສ່ວນອີຕາລີ ຈຳນວນ 221,216 ຄົນ.
ຂະນະທີ່ ຜູ້ເສຍຊີວິດຈາກ ໂຄວິດ-19 ທົ່ວໂລກເພີ່ມຂຶ້ນ 291,964 ຄົນ ໂດຍປະເທດ ທີ່ມີຜູ້ເສຍຊີວິດ ຫລາຍທີ່ສຸດ ຍັງຄົງເປັນ ສ.ອາເມລິກາ 82,376 ຄົນ ຕາມມາດ້ວຍ ອັງກິດ 32,769 ຄົນ, ອີຕາລີ 30,911 ຄົນ, ແອັດສະປາຍ 26,920 ຄົນ ແລະ ຝຣັ່ງ 26,994 ຄົນ.
