ສຶກສາອົບຮົມ ໄວລຸ້ນ18 ຄົນ

ໃນວັນທີ 13 ຕຸລາ 2020, ຢູ່ຫ້ອງການ ປກສ ກຸ່ມວັດນາກ ເມືອງສີສັດຕະນາກ ນະຄອນຫຼວງວຽງຈັນ, ພັທ ສົມເພັດ ດວງດາລາ ຫົວໜ້າ ປກສ ກຸ່ມວັດນາກ ໄດ້ສຶກອົບຮົມກຸ່ມໄວລຸ້ນມົ້ວສຸມຢາເສບຕິດ ຈໍານວນ 18 ຄົນ ເພື່ອໃຫ້ເຂົາເຈົ້າຮູ້ສຶກກິນແໜງແຄງໃຈ ແລະ ກາຍເປັນພົນລະເມືອງດີຂອງຊາດ.

ໂດຍມີ ພັທ ຊຽງພັນ ອິນທະປັນຍາ ຮອງຫົວໜ້າຫ້ອງຄຸ້ມຄອງສໍາມະໂນຄົວ ແລະ ກໍ່ສ້າງຮາກຖານ ປກສ ນວ, ມີພະນັກງານກໍ່ສ້າງຮາກຖານການເມືອງ, ອໍານາດການປົກຄອງບ້ານ ພ້ອມຜູ້ປົກຄອງຂອງກຸ່ມໄວລຸ້ນດັ່ງກ່າວເຂົ້າຮ່ວມ.

ພັທ ສົມເພັດ ດວງດາລາ ຍັງໃຫ້ຮູ້ອີກວ່າ: ກຸ່ມມົ້ວສຸມ ຈໍານວນ 18 ຄົນ ທີ່ນໍາມາສຶກສາອົບຮົມໃນຄັ້ງນີ້ ແມ່ນພະນັກງານກໍ່ສ້າງຮາກຖານ ປກສ ກຸ່ມວັດນາກ ໄດ້ສົມທົບກັບໜ່ວຍງານສະກັດກັ້ນ ແລະ ຕ້ານຢາເສບຕິດ ປກສ ເມືອງສີສັດຕະນາກ ແລະ ປກສ-ປກຊ ບ້ານໂພນປາເປົ້າ ເຂົ້າແກ້ໄຂ

ໃນວັນທີ 13 ຕຸລາ 2020, ເວລາ 1:00 ໂມງ ຢູ່ຮ້ານເກມເຂດບ້ານໂພນປ່າເປົ້າ; ເຊິ່ງຈໍານວນຜູ້ຫຼົງຜິດດັ່ງກ່າວ ພາຍຫຼັງສຶກສາອົບຮົມແລ້ວແມ່ນເຮັດບົດບັນທຶກ ແລະ ມອບໃຫ້ຜູ້ປົກຄອງນໍາໄປສຶກສາອົບຮົມຕໍ່.

ສ່ວນເຈົ້າຂອງຮ້ານເກມແມ່ນຈະໄດ້ໝາຍເຊີນມາ ເພື່ອເຮັດບົດບັນທຶກສຶກສາອົບຮົມ ບໍ່ໃຫ້ມີການມົ້ວສຸມໃນຮ້ານອີກ.

.

ທ່ານບໍ່ມີສິດສຳເນົາ ບົດຄວາມນີ້ໄດ້ ສົນໃຈບົດຄວາມຕິດຕໍ່ ຜູ້ດູແລລະບົບຖ້າສົນໃຈບົດຄວາມນີ້