ການພັດທະນາເຂດໃໝ່ ວັງວຽງ ຈະບໍ່ມີການຍົກຍ້າຍບ້ານ-ຍົກຍ້າຍປະຊາຊົນ – ສື່ລາວ.ຄອມ
Notice: Undefined index: slug in /home/suelaoco/public_html/wp-includes/class-wp-theme-json.php on line 1092
Connect with us

ຂ່າວພາຍໃນ

ການພັດທະນາເຂດໃໝ່ ວັງວຽງ ຈະບໍ່ມີການຍົກຍ້າຍບ້ານ-ຍົກຍ້າຍປະຊາຊົນ

Published

on

ໂຄງການພັດທະນາເຂດໃໝ່ ວັງວຽງ ໃຫ້ເປັນແຫລ່ງທ່ອງທ່ຽວຄົບວົງຈອນ, ທັນສະໄໝ ຕິດພັນກັບການຮັກສາທຳມະຊາດ ແລະ ສິ່ງແວດລ້ອມ ຊຶ່ງກວມເນື້ອທີ່ປະມານ 7.000 ເຮັກຕາ ຈະເຮັດໃຫ້ປະຊາຊົນໃນເຂດໂຄງການ 22 ບ້ານ ແລະ ຊາວເມືອງວັງວຽງ ໄດ້ຮັບຜົນປະໂຫຍດຫລາຍຢ່າງ ເພາະຄຽງຂ້າງກັບການກໍ່ສ້າງພັດທະນານັ້ນ ກໍຮັກສາຄວາມສວຍສົດງົດ ງາມຂອງເມືອງວັງວຽງ ເອົາໄວ້,

ສ້າງໃຫ້ເມືອງວັງວຽງ ກາຍເປັນເມືອງແຫ່ງການທ່ອງທ່ຽວຂອງລາວ, ສ້າງເປັນເມືອງທຳມະຊາດ ທີ່ເຮັດໃຫ້ນັກທ່ອງທ່ຽວຈາກທຸກ ມູມໂລກ ມັກວັງວຽງ, ຢາກມາພັກ, ບໍ່ຢາກເມືອ ແລະ ຍັງຢາກມາອີກ. ສິ່ງສຳຄັນ ຈະບໍ່ມີການຍົກຍ້າຍບ້ານ ແລະ ຍົກຍ້າຍປະຊາຊົນ ອອກຈາກພື້ນທີ່ຢ່າງແນ່ນອນ, ມີແຕ່ເນື້ອທີ່ການຜະລິດບາງສ່ວນ ອາດຖືກນຳໃຊ້ເຂົ້າໃນການພັດທະນາພື້ນຖານໂຄງລ່າງເທົ່ານັ້ນ.

ທ່ານ ຖັງ ຊິນຊວານ ປະທານບໍລິສັດ ພັດທະນາເຂດໃໝ່ ວັງວຽງລາວ ຈຳກັດ ບອກກັບນັກຂ່າວ ຂ່າວສານປະເທດລາວ ວ່າ: ປັດຈຸບັນ ບໍລິສັດ ກໍາລັງກ້າວເຂົ້າສູ່ຂັ້ນຕອນການເຈລະຈາສັນຍາສໍາປະທານ, ການຄິດໄລ່ຫົວໜ່ວຍຊົດເຊີຍ ແລະ ກະກຽມວຽກການກໍ່ສ້າງໂຄງການ. ສະນັ້ນ, ຈຶ່ງຮຽກຮ້ອງໃຫ້ພາກລັດຖະບານສະໜັບສະໜູນ ແລະ ຊ່ວຍເຫລືອ ໃນການດຳເນີນການເຈລະຈາເນື້ອໃນສັນຍາສຳປະທານໂຄງການໂດຍໄວ, ຄາດວ່າຮອດທ້າຍປີ 2020 ນີ້ ໃຫ້ສາມາດກຽມພ້ອມທຸກເງື່ອນໄຂ ເພື່ອການເຊັນສັນຍາສຳປະທານ;

ພ້ອມນີ້ ກໍສະເໜີໃຫ້ອຳນາດການປົກຄອງແຂວງວຽງຈັນ ແລະ ຄະນະກຳມະການໄກ່ເກ່ຍ-ຊົດເຊີຍທີ່ດິນຂັ້ນແຂວງ ເລັ່ງໃຫ້ມີການກຳນົດຫົວໜ່ວຍລາຄາຊົດເຊີຍເບື້ອງຕົ້ນ ແລ້ວລົງຮາກຖານເພື່ອທາບທາມ ແລະ ອະທິບາຍຕໍ່ປະຊາຊົນ, ເພື່ອກຳນົດຫົວໜ່ວຍລາຄາຊົດເຊີຍ ທີ່ບໍລິສັດຜູ້ພັດທະນາ ແລະ ລັດຖະບານ ສາມາດຮັບໄດ້ເພື່ອດຳເນີນການຈັດຕັ້ງປະຕິບັດໃນທ້າຍປີ 2020 ນີ້ເຊັ່ນກັນ.

ທ່ານ ປະທານບໍລິສັດ ພັດທະນາເຂດໃໝ່ ວັງວຽງລາວ ຈຳກັດ ເຊື່ອຢ່າງມີເຫດຜົນວ່າ ເມື່ອເສັ້ນທາງລົດໄຟ ລາວ-ຈີນ ແລະ ເສັ້ນທາງດ່ວນ ນະຄອນຫລວງວຽງຈັນ-ວັງວຽງ ເປີດນຳໃຊ້ແລ້ວ ນັກລົງທຶນທີ່ຈະມາລົງທຶນ ຢູ່ວັງວຽງ ກໍຈະແໜ້ນໜາຄືກັນກັບນັກທ່ອງທ່ຽວທີ່ມາທ່ຽວເຊັ່ນດຽວກັນ.

ພວກຂ້າພະເຈົ້າເຊື່ອໝັ້ນວ່າ ພາຍໃຕ້ການນຳພາທີ່ສະຫລາດສ່ອງໃສຂອງພັກ ແລະ ລັດຖະບານລາວ ບວກກັບຄວາມຮູ້ຄວາມສາມາດ ແລະ ຄວາມດຸໝັ່ນຂອງປະຊາຊົນຄົນລາວ ຈະສາມາດພັດທະນາໃຫ້ປະເທດລາວ ກາຍເປັນໜຶ່ງ ໃນປະເທດທີ່ຈະເລີນຂອງອາຊຽນ ໄດ້ຢ່າງແນ່ນອນ.

ສະນັ້ນ ການພັດທະນາໂຄງການນີ້ ຍັງຈະເອົາໃຈໃສ່ພິເສດ ດ້ານການຮັກສາສິ່ງແວດລ້ອມ ໂດຍທຸກການກໍ່ສ້າງພື້ນຖານໂຄງລ່າງ ຕ້ອງຕິດພັນກັບການປົກປັກຮັກສາສິ່ງແວດລ້ອມເປັນສຳຄັນ, ບໍ່ມີການທຳລາຍປ່າໄມ້, ຫ້ວຍນ້ຳລຳເຊທຳມະຊາດ, ບໍ່ມີການທຳລາຍເນື້ອທີ່ການຜະລິດຂອງປະຊາຊົນ ໂດຍສະເພາະເນື້ອທີ່ນາ, ຈະມີການກໍ່ສ້າງສູນບຳບັດນ້ຳເສຍຂະໜາດໃຫຍ່ ສຳລັບໃນຂອບເຂດໂຄງການ ເພື່ອບຳບັດນ້ຳເສຍກ່ອນປ່ອຍອອກສູ່ສາຍນ້ຳຊອງ.

ພ້ອມນັ້ນ ຍັງຈະມີການປະສານສົມທົບ ແລະ ຮຽກຮ້ອງ ເຖິງຜູ້ປະກອບການຢູ່ເມືອງວັງວຽງ ກໍຄືບັນດາຮ້ານອາຫານ ເຮືອນພັກ ໂຮງແຮມ ເອົາໃຈໃສ່ເປັນພິເສດໃນການຮັກສາສິ່ງແວດ ກໍຄືການປ່ອຍນ້ຳເສຍອອກສູ່ສາຍນ້ຳຊອງ ເພາະວ່າໃນໄລຍະຜ່ານມາເຫັນວ່າຂະບວນການນີ້ ບໍ່ທັນດີເທົ່າທີ່ຄວນ.

ທ່ານ ບຸນຈັນ ມາລາວົງ ເຈົ້າເມືອງວັງວຽງ ກ່າວວ່າ: ນັບແຕ່ລັດຖະບານ ອະນຸຍາດ ບໍລິສັດ ພັດ ທະນາເຂດໃໝ່ ວັງວຽງລາວ ຈຳກັດ ເຂົ້າມາສຶກສາຄວາມເປັນໄປໄດ້ ເມື່ອກາງປີ 2018 ເປັນຕົ້ນມາ ໄດ້ມີການສົມທົບແໜ້ນກັບພາກລັດ ສຸມໃສ່ດຳເນີນການຕາມຂັ້ນຕອນຂອງສັນຍາ MOU ທຸກປະການ ເຫັນວ່າມີຜົນສຳເລັດໂດຍພື້ນຖານ ເປັນຕົ້ນ ການສຳຫລວດພື້ນທີ່ໂຄງການ; ການສຶກສາຄວາມເປັນໄປໄດ້ດ້ານເສດຖະ ກິດ-ເຕັກນິກ; ການປະເມີນຜົນກະທົບຕໍ່ສິ່ງແວດລ້ອມ ແລະ ສັງຄົມ; ການສໍາຫລວດທີ່ດິນ ແລະ ສ້າງແຜນທີ່ນໍາໃຊ້ທີ່ດິນ.

ພ້ອມທັງໄດ້ເຄື່ອນໄຫວຕິດແທດ ໃຫ້ຄວາມຮູ້ກັບປະຊາຊົນຢ່າງຕໍ່ເນື່ອງ ຕະຫລອດໃນໄລຍະ 2 ປີກວ່າຜ່ານມາ, ທັງໄດ້ສະເໜີຜົນຄວາມຄືບໜ້າ ຕໍ່ອົງການປົກຄອງແຂວງ ແລະ ເມືອງ ເປັນປົກກະຕິ. ຢ່າງໃດກໍຕາມ ທ່ານເຈົ້າເມືອງ ໄດ້ເນັ້ນຕື່ມໃຫ້ຜູ້ພັດທະນາໂຄງການ ຕ້ອງຕິດພັນກັບການຮັກສາສິ່ງແວດລ້ອມ ໂດຍສະເພາະການສ້າງ ເມືອງວັງວຽງ ໃຫ້ໄປຕາມທິດສີຂຽວ ແລະ ຍືນຍົງ, ເນັ້ນການມີສ່ວນຮ່ວມຂອງປະຊາຊົນ.

ຜ່ານມາສອງຝ່າຍ ກໍໄດ້ຄົ້ນຄວ້າ ວິເຄາະ-ວິໄຈ ເຖິງບັນຫາການຄິດ ໄລ່ຫົວໜ່ວຍຄ່າຊົດເຊີຍ ຊຶ່ງມີການສົມທຽບກັບບັນດາໂຄງການໃຫຍ່ ເປັນຕົ້ນແມ່ນ ເສັ້ນທາງລົດໄຟ ລາວ-ຈີນ, ເສັ້ນທາງດ່ວນ, ໂຄງການແລວສາຍສົ່ງໄຟຟ້າແຮງສູງ ແລະ ໂຄງການອື່ນ ທີ່ຜ່ານເມືອງວັງວຽງ ເພື່ອໃຫ້ມີລັກສະນະໃກ້ຄຽງ ຫລື ລາຄາອື່ນທີ່ມີຄວາມເໝາະສົມ ປະຊາຊົນຮັບໄດ້ ຝ່າຍບໍລິສັດ ກໍສາມາດຈ່າຍໄດ້ ເພື່ອເຮັດໃຫ້ໂຄງການນີ້ເກີດຂຶ້ນໂດຍໄວ.

ນອກນັ້ນ ເມືອງ ແລະ ບໍລິສັດ ຕ້ອງສືບຕໍ່ມີການລົງປຸກລະດົມ ຊຸກຍູ້ ສ້າງຄວາມເຂົ້າໃຈກັບປະຊາຊົນ ແລະ ອຳນາດການປົກຄອງ ກ່ຽວກັບການພັດທະນາເຂດໃໝ່ ວັງວຽງ ເພື່ອສົ່ງເສີມການ ທ່ອງທ່ຽວລາວ ໃຫ້ຟົດຟື້ນກວ່າເກົ່າ, ທັງຈະປະກອບສ່ວນສຳຄັນ ເຂົ້າໃນການສ້າງລາຍຮັບເຂົ້າງົບປະມານລັດ, ສ້າງລາຍຮັບໃຫ້ຊຸມຊົນ, ຄອບຄົວ ກໍຄືການສ້າງວຽກເຮັດງານທຳ ໃຫ້ປະຊາຊົນ ທັງໃນເຂດພັດທະນາ ແລະ ເມືອງວັງວຽງອີກດ້ວຍ.

ໂຄງການນີ້ ຍັງຕ້ອງຕິດພັນກັບແຜນຜັງ ການພັດທະນາເມືອງວັງວຽງ ເປັນເມືອງທາງຜ່ານ, ມີການປັບປຸງພື້ນຖານໂຄງລ່າງ ຕ້ອງມີການປັບປຸງຊີວິດການເປັນຢູ່ຂອງປະຊົນ ໃຫ້ດີຂຶ້ນກວ່າເກົ່າ, ລວມໄປເຖິງອະນາຄົດລູກຫລານ ທັງ 22 ບ້ານ ໃນຫລາຍປີຂ້າງໜ້າ ເພາະປະຊາຊົນມີຄວາມກັງວົນວ່າ ເມື່ອໄດ້ຮັບຄ່າຊົດເຊີຍແລ້ວ ປະຊາຊົນຈະບໍ່ໄດ້ນຳໃຊ້ພື້ນທີ່ດິນເຮັດການຜະລິດອີກຕໍ່ໄປ.

ຂ່າວ-ພາບ:ຣາຊະວົງສ໌

Continue Reading

ຂ່າວພາຍໃນ

ແຈ້ງດ່ວນ! ກຽມປ່ອຍນ້ຳເຂື່ອນໄຟຟ້າເຊລະນອງ​ 1 ເລີ່ມ​ 28​ ກັນຍານີ້

Published

on

ວັນທີ 28/09/2022 ທາງເຂື່ອນ ໄຟຟ້າເຊລະນອງ1 ມີແຜນຈະເປີດປະຕູນໍ້ານອງ ເພື່ອລະບາຍນໍ້າ ອອກຈາກອ່າງເກັບນໍ້າຂອງເຂື່ອນ.​

ເນື່ອງຈາກປັດຈຸບັນລະດັບນໍ້າຂອງເຂື່ອນ ແມ່ນຢູ່ໃນລະດັບໃກ້ກັບລະດັບສູງສຸດ ໂດຍຈະປ່ອຍນໍ້າອອກຕາມປະລິມານນໍ້າໄຫຼເຂົ້າອ່າງ ເລີ່ມແຕ່ວັນທີ 28/09-15/10/2022 ເຂື່ອນໄຟຟ້າເຊລະນອງ1 ປ່ອຍ 500 m3/s ຫາ 8500 m3/s ລວມທັງຜ່ານກົງຫັນຜະລິດໄຟຟ້າ, ພ້ອມນີ້ໃນໄລຍະດັ່ງກ່າວກໍມີພາຍຸພັດຜ່ານອີກດ້ວຍ.

ຊື່ງຈະເຮັດລະດັບນໍ້າຢູ່ຕອນລຸ່ມຂອງ ເຂື່ອນສູງຂຶ້ນຢ່າງກະທັນຫັນການປ່ອຍແມ່ນຈະປ່ອຍເລີ່ມຈາກ 159.77 m3/s ຈະປ່ຽນແປງຕາມສະພາບຕົວຈິງ.

ດັ່ງນັ້ນ, ເພື່ອເປັນການຮັບມືຈາກຜົນກະທົບທີ່ອາດຈະເກີດຂຶ້ນໃນເຂດພື້ນທີ່ຕອນລຸ່ມເຂື່ອນ ແລະ ຕາມສາຍນ້ຳເຊລະນອງ1 ເຊບັ້ງຫຽງ ທາງກົມນະໂຍບາຍ ແລະ ແຜນພະລັງງານ, ກະຊວງພະລັງງານ ແລະ ບໍ່ແຮ່ ຈຶ່ງຂໍແຈ້ງມາຍັງທ່ານຊາບ ເພື່ອກະກຽມຮັບມື.

Continue Reading

ຂ່າວພາຍໃນ

ແຂວງອັດຕະປື ເລີ່ມໄດ້ຮັບຜົນກະທົບຈາກພາຍຸໂນຣູ

Published

on

ເຂດຈະເລີນໄຊ ເມືອງຊານໄຊ ແຂວງອັດຕະປື ໄດ້ຮັບຜົນກະທົບຈາກພາຍຸ ໂນຣຸ ວັນທີ 28 ກັນຍາ 2022

……

….

Continue Reading

ຂ່າວພາຍໃນ

ຈັບຜູ້ແອບອ້າງແລ່ນຄົນເຂົ້າຕຳຫຼວດ.

Published

on

By

ເຈົ້າໜ້າທີ່ ປກສ ເມືອງຈັນທະບູລີ ນະຄອນຫລວງວຽງຈັນ ສາມາດກັກຕົວຜູ້ແອບອ້າງແລ່ນຄົນເຂົ້າ ທະຫານ-ຕໍາຫຼວດ ໄດ້ຜູ້ຖືກຫາ 3 ຄົນມາດໍາເນີນຄະດີຕາມລະບຽບກົດໝາຍ. ໃນວັນທີ 27 ກັນຍາ 2022 ເຈົ້າຫນ້າທີ່ ປກສ ເມືອງຈັນທະບູລິໃຫ້ຂໍ້ມູນວ່າ:

ມີຜູ້ຖືກເສຍຫາຍເຂົ້າມແຈ້ງຄວາມຕໍ່ເຈົ້າຫນ້າທີ່ ຈາກນັ້ນ ຈິ່ງແຕ່ງຕັ້ງວິຊາສະເພາະ ກໍລົງເກັບກຳຂໍ້ມູນ ຕົກມາຮອດວັນທີ 14 ກໍລະກົດ 2022 ເຂົ້າກັກຕົວພວກຖືກຫາ 3 ຄົນ ຊື່ ທ້າວ ແຕ ອາຍຸ 46 ປີ ບ້ານໂພນສະຫວ່າງ ເມືອງສີສັດຕະນາກ, ທ້າວ ຈິດສະຫວາດ ອາຍຸ 36 ປີ ຢູ່ບ້ານໄຜ່ລ້ອມ ເມືອງໄຊທານີ ແລະ ທ້າວ ສອນນະພາ ອາຍຸ 36 ປີ ຈອມມະນີ ເມືອງໄຊເສດຖາ ນະຄອນຫຼວງວຽງຈັນ ທີ່ເປັນຜູ້ປອມແປງເອກະສານຂໍ້ຕົກລົງແລ່ນຄົນເຂົ້າທະຫານ ແລະ ຕໍາຫຼວດ.

ຜ່ານການສອບສວນຂອງເຈົ້າໜ້າທີ່ ພວກຖືກຫາ

ສາລະພາບວ່າ: ໃນວັນທີ 26 ມິຖຸນາ 2022 ແມ່ນເຄື່ອນ
ໄຫວຊອກຫາຄົນທີ່ຢາກເຂົ້າເຮັດວຽກເປັນກຳລັງທະຫານ, ຕຳຫຼວດໂດຍອ້າງວ່າສາມາດແລ່ນໃຫ້ໄດ້ແຕ່ຕ້ອງມີ
ຄ່າແລ່ນເອກະສານ ຄົນລະ 280.000 ບາດ ຈາກນັ້ນ ທ້າວ ແຕ

ແມ່ນໄດ້ຕິດຕໍ່ຄົນມາໄດ້ 2 ຄົນ ແລະ ຮຽກຮ້ອງໃຫ້ຈ່າຍລ່ວງໜ້າກ່ອນ ຈໍານວນ 15.000.000 ກີບ ຕໍ່ຄົນ ແລະ ກໍໄດ້ໂອນເງິນໃຫ້ ທ້າວ ຈິດສະຫວາດ ທັງໝົດ ຈໍານວນ 30.000.000 ກີບ.

ຕົກມາຮອດວັນທີ 12 ກໍລະກົດ 2022 ທ້າວ ຈິດສະຫວາດ ໄດ້ແຈ້ງມາວ່າ: ຂໍ້ຕົກລົງຮັບເຂົ້າກຳລັງອອກແລ້ວ ຈາກນັ້ນກໍໄດ້ສົ່ງຂໍ້ຕົກລົງເຂົ້າກໍາລັງໃຫ້ ທ້າວ ແຕ ທາງວອດແອັບ ທັງສອງແມ່ນຮູ້ແລ້ວວ່າເປັນເອກະສານປອມ ທີ່ທ້າວ ສອນນະພາ ສ້າງຂຶ້ນມາໂດຍພິມລາຍຊື່ປອມແບບບໍ່ມີຕົວຕົນໃສ່ຂໍ້ຕົກລົງ ມີທັງໝົດ 137 ຄົນ, ໃນນັ້ນແມ່ນມີລາຍຊື່ແທ້ຂອງຜູ້ຖືກເສຍຫາຍ 2 ຄົນທີ່ຈ່າຍເງິນມັດຈຳລ່ວງ

ໜ້າ, ເພື່ອນຳໄປຮຽກຮ້ອງເອົາເງິນສ່ວນທີ່ເຫຼືອນຳຜູ້ຖືກເສຍຫາຍ.

Continue Reading
ເດືອນກັນຍາ 2022
ເສົາ ​ອາ ​ຈ ​ພ​ຫ ​ສ
 12
3456789
10111213141516
17181920212223
24252627282930

Trending

ທ່ານບໍ່ມີສິດສຳເນົາ ບົດຄວາມນີ້ໄດ້ ສົນໃຈບົດຄວາມຕິດຕໍ່ ຜູ້ດູແລລະບົບຖ້າສົນໃຈບົດຄວາມນີ້